紙盒藏屍案主角歐陽炳強因病過身　再度呼冤堅稱從冇殺人

唔好講解釋，我冇嘢需要解釋，我回應啫
我嘅回應都想分享 當年陪審團 同埋我 用乜嘢角度去認同歐陽炳強係有罪，從咩角度去認為歐陽炳強有份參與係唯一可能性，咁成個群唔係得我同你㗎嘛，
咁都有人唔認同歐陽炳強係有罪而唔係從呈堂證供可靠性假呢個角度諗㗎嘛，咁我係咪可以分享吓先。
討論空間唔係你定義㗎，你心裏面嗰把尺覺得我要咁樣回應你先有討論空間，你問返我冇用㗎
不如你講吓要點樣回應你先叫有討論空間啦，橫掂係你定嘅。

咁不如你講下有d咩你覺得係真嘅，再砌一個事發過程出黎討論下

預謀個"預"字, 時間點上可以好短, 短到受害者死前幾秒鐘先有殺意(或者有嚴重人想法)都有可能構成謀殺罪

點解要砌一個事發過程出黎？
格硬砌到一個事發過程出黎又有咩意義？

當時其中一種陰謀論係警察為咗破案上位而造假

其實嗰個年代話警察造假真係算陰謀論？
我覺得嗰個年代警察會砌生豬肉係常理黎

如果面對任何其它人嘅論據都只係用同一個答案嚟反駁回應都算係有「討論空間」，咁照你邏輯你可以同部錄音機「討論」足幾日幾夜直至部機無電為止

有興趣大家質疑控方提出嘅case同證據嘅推論排可以花少少追返呢幾版嘅post

唔好上晒腦啦，呢到係連登討論區咋
唔係同你玩緊一對一辯論啊

錄音機點同啊，單向一對一佢又唔會回應我
至少我嘅回應就算你唔應我，都有其他人應我嘛
咁我自己覺得我嘅回應係有價值，我唔需要去認同你個所謂討論空間先回應㗎

個錄音機比喻麻麻哋，不如諗過另一個

好砌唔砌 砌個雪糕仔
你話砌異見份子就好閒 但雪糕仔喎
即係你唔會話蔡天鳳係冤案㗎嘛

茶餘飯後嘢都傾到六國大封相咁款

神探出動 邊個好砌就砌邊個架啦
https://zh.m.wikipedia.org/zh-hk/%E8%81%82%E6%B5%B7%E8%8A%AC

既然你都認為自己上連登只求發表不求討論，咁點解有人認為你嘅回應方式係對大家有興趣探討嘅議題係無「討論空間」而你又會覺得咁嘅睇法係限制緊你嘅「討論空間」呢?

其實有目擊證人都仍然可以話係警方收買係冤獄

既然你都認為自己上連登只求發表不求討論
《呢個係你嘅意見唔係我嘅意見嚟㗎喎，我從來冇咁講過喎

對大家有興趣探討嘅議題又係你定義
一個議題唔可以多方面討論，但要用你嗰個方向去討論先叫「大家有興趣探討嘅議題」
大家係咪代表呢個群所有人？所有人都想探討證據可靠性？

有冇諗過早啲瞓
俾多幾次機會你都唔會夠我講㗎啦

咁撚樣都講得出，個律師牌買架？

又睇吓你講過啲乜

既然你都認為自己上連登只求發表不求討論
《呢個係你嘅意見唔係我嘅意見嚟㗎喎，我從來冇咁講過喎

//1) 唔好講解釋，我冇嘢需要解釋，我回應啫

2) 我回應啫唔好上晒腦啦，呢到係連登討論區咋
唔係同你玩緊一對一辯論啊//

點樣唔解釋自己嘅論點或者辯論式嘅互動而單靠「回應」而做到有實質討論嘅效果??

對大家有興趣探討嘅議題又係你定義
一個議題唔可以多方面討論，但要用你嗰個方向去討論先叫「大家有興趣探討嘅議題」
大家係咪代表呢個群所有人？所有人都想探討證據可靠性？

總括而言，你對人哋就控方case同證據嘅質疑嘅回應就係因為陪審團當時已經接納咗所以件案就係無reasonable doubt，呢種將前提當作結嘅論述喺邏輯上係推翻唔到因為咁樣根本就係tautology，咁又何來有「討論空間」。

你連咁基本嘅logic都無又真係點夠你講啊

我覺得當時個電話，應該係電車站附近啲餐廳打出，死者就係食食吓飯，覺得同座嘅人會對佢有危險，就出去打個電話，諗住叫住喺附近嘅陳彬彬即刻落樓，去電車站同佢會合

死者可能諗住自己由餐廳去電車站 vs 陳彬彬由屋企去電車站，大家啱啱好時間 (又或者可能都約過幾次/陳彬彬自己都成日落去電車站，知道大概路程係5分鐘)

咁陳彬彬一聽完電話即刻落樓，佢去到電車站嗰陣，睇錶係6點35分，就從而推返轉頭，死者個電話係6點30分打嚟

呢樣又真，就算時至今日你去醫院，啲鐘都係個個唔同時間，有啲較快1分鐘、5分鐘

我覺得佢講野緊張可能係有陌生人係佢隔離，但又未致於覺得危險，如果唔係既話點解唔講埋佢係邊？

所以我一直都好好奇政府做一系列測試，又搵品格證人，辯方上訴過幾次都可以照辦煮碗，點解唔做，只係勸佢轉誤殺

可以有多啲證人嘅，但嗰本簽到簿都唔見咗，都唔知嗰晚邊個無返學

仲有一開始死者啲屋企人、同學，有無發現佢唔見咗㗎？有無去報失？警方發現屍體嗰陣，條屍無身份證明，仲要登死屍大頭去尋人

如果佢啲屋企人同同學有報失，唔係應該即刻match到咩？筲箕灣跑馬地銅鑼灣嗰啲咁近

佢屋企人有報警

我依家諗緊一個假設就係死者本身鍾意食雪糕，所以揀係雪糕店借電話，諗住打完買杯雪糕食，打電話既時候，兇手又上埋黎唔知做乜，所以搞到佢有d唔自然同背景有嘈雜聲，打完之後比佢見到d唔應該見到既野，結果同兇手糾纏，最後係閣樓樓梯勒死咗佢

舊時啲人無手提電話，通常約好時間地點，都會等到嗰個人出現為止

因為驚行開咗，轉頭對方就到