有冇識人已經敗走加拿大/英國返香港？

多倫多失業率而家6.7%
一個小型retail sales即場招聘event都排幾百人
樓價高 take home income低 上車仲難過香港
息率高 大把人mortgage只係還得起interest但還唔起個 premium

香港可能幾年後會差
但多倫多係已經doomed and with no future

你都幾搞笑
你做奴隸係因為你係無產階級 階級冇變去到邊都係最低層
唔通留喺香港就唔係奴隸?

加拿大又唔淨止多倫多既

btw 臨訓前講多少少

其實係香港呢啲類city state 特殊情況 好多香港人由出世 長大 小中大學 返工 生仔女 退休 都係香港搞掂曬，所以 先覺得 移民 同 回流 咁大件事 好似一定無得返轉頭 或者再選擇咁

但其實另一個角度諗 其實移民同啲expat去第二個國家打工唔係差別咁大 咪又係去第二個地方工作生活

美國既人會去唔同州讀書返工生活
歐盟人 又係唔同國家自由流動
台灣人唔少人畢業去台北 去歐美讀書做嘢都多
大陸人要北漂 去北上廣深
英國人好多又係去倫敦做嘢

我諗對世界好多唔同地方既人黎講，需要離開自己既城市、鄉鎮甚至國家 讀書 工作 生活 組織家庭 係好平常既事，就算距離未必有香港同英加咁遠，其實佢哋都大時大節可能先見返親朋戚友。而因為各種原因之後 轉地方 或者 返家鄉 都無咩大不了。但香港人就好似將移民/回流 都當成係一去無回頭，揀咗就無得改變計畫咁 （特殊原因無得去/返 另計啦）

當然 移民 有國籍/後路/費用/符唔符合條件等等問題，有兩老/伴侶/小朋友又多啲考慮，但或者唔一定要將移民/回流睇得太重，講到一定係敗走咁

呢條路唔岩自己 要行另一條路好合理，回流亦都係一條路。回完覺得ok咪ok。而如果發覺都係離開好啲 咪睇下有無條件 再返去 或者去另一個國家得唔得。無本錢就努力儲錢，無學歷就去進修，無論你係香港或者外國都係。然後最最最重要係健康，mental or physical 都係。

香港情況係難搞，但係係一啲人自欺欺人盲目順從既同時，一樣有人係狹縫內搵空間做唔同改變，一樣有人努力嘗試生活緊；去歐美國家梗係多自由，有啲人努力建立新社群 維繫香港人圈子互相幫助，但一樣有人做緊英加澳美豬 唔理local politics 集會亦都唔出席。

係一個點既地方生活固然有其重要性，但或許更重要既係你選擇做一個點既人，你對你生命入面既各方面(家庭朋友事業健康自由金錢等等）係點prioritise 。

每個人情況都唔同 條件唔同 prioritise既嘢又唔同 ，根本無得一概而論。人地過得好唔代表你都會過得好，反之亦然。無論有人講話 身邊幾多人走都無人諗住返黎 or 個個都住唔慣有人已經回流咗，兩樣都與你無關，人地既生活唔係你既生活，得你自己要為你自己既生活負責

係變晒兩邊新聞都唔睇

保就業22年7月已經完左啦，實事求是，失業率係2.8% ，要經濟差成點，先比得上加拿大

噤如果係BBC CBC ABC喺當地土生土長接受教育又點計先？
係咪全部最終都會返香港做嘢？

講緊英國
基層工都有每年起碼20日annual leave
五天工作週
香港大多數都係10-12日

唔通真係去PEI種薯仔？

咪話唔提你 唔識用英文就唔該用返中文啦 講講下中文又要懶係野咁拋句錯嘅英文出嚟真係好柒

平時最愛屌港女重視物質，
到自己時就物質第一

美帝實過

癡線 人哋去咗起碼兩年幾三年 適應咗 你同人講話去咗即刻返
你憑乜嘢叫人返香港？
而家你俾錢呢班人去生活咩？
你話老豆老母俾錢去外國讀書要你返香港搵工就話

又話乜喺香港打工大部分老闆係香港人
又話人中意鬼佬做奴隸
呢啲理據完全站唔住腳
喺香港你都唔會當街上嘅香港人係你家人？

我當年讀醫啲香港人同學
得兩個返咗嚟香港
仲要唔係做咗好耐嘢
其餘喺嗰邊結咗婚 買咗屋 攞埋專科
都冇打算返嚟

如果唔係因為職業係受地方限制
例如香港做燃油, 過黎適合番去Calgary.
其實唔太明點解一定要落腳係多倫多.

本身職業係呢度係需求大既(語言治療/社工/助產士etc),
其實你去好多省都係一樣會需要你.
做IT 既唔洗講, 我自己上一份係西岸番東岸(BC省/NS省)
甚至我打波識既一個local friend
佢做finance都係咁樣remote.

但本身職業係呢度需求唔大/non transferable既,
其實係多倫多再多job都唔會關你事.
調轉你仲要同一大堆印度同大陸人爭同一份工,
有信心爭得贏？

我都有朋友係trt/van都頂唔順高生活成本,
所以轉場去左Calgary/有pair去埋Edmonton
之後兩個月就settle好然後plan 緊買樓.

唔係話多/溫唔好, 我自己都係住溫哥華.
但前題係你要係當地撈得掂先.

低失業率係因為啲人移民走
勞動人口減少
多咗位出嚟
咪好容易俾留港人填番晒
有數據睇ga

過左英國就三年
身邊已有4 pair 情侶分左手 原因就係另一半要翻香港

仔女都可以賣
到時又拎咩野難得機會

講咗十萬次

如果好似你朋友又勤力又好學仲好運，咁都響外國做到經理的話，呢程人留響香港可能一早做埋ceo

我都覺得外國生活好正

但做嘢就冇乜前途

退休後我係會返外國的

同埋香港都可以住house同日日揸車返工唔使迫地鐵架，我就係其中之一

唔明咩叫前題一定唔好買樓

我有四章嘢有四個物業，兩個香港，兩個外國，其中兩個供完，供得very輕鬆，物業梗係有升有跌架啦，我完全唔擔心，最擔反而心係到咗老都冇嘢揸手

珍心活？