（峇里島）你地去峇里島住邊同玩咩？

想問下我如果帶幾萬現金去，印尼幣個幣值黎計我咪有成袋錢？點樣帶過去，會唔會好搶眼

其實唔會
全部都係10萬蚊一張
其實問題唔大
不過你都要兌啲1萬，2萬，5萬嘅幣值
因為去到當地 你下下俾10萬人，人哋都未必有得找

之後你就會變左被逼俾多啲tips 人

我見佢alila 既villa 都好正喎，你竟然唔住villa
蚊既話如果間酒店服務係好好既，防蚊工作都會做得好好，但通常都係頂級個幾間先做到得1-2隻蚊，其他個d就要睇佢多唔多噴蚊怕水啦一般聽講個邊酒店你係睇佢有幾多蚊就可以去分辨佢服務既好壞，係咪一間好既酒店蟲就無計了，避免唔到

黎緊三月去
想潛水 去tulamben (沉船）好定lembongan?
要帶個無牌既朋友 被迫fun dive

16年時同老婆去Bali窮遊
overall都係洗左6,7千蚊
住左間open house villa先6xx蚊
有私人泳池, 一打開門就可以跳落水果隻

租左架綿羊仔, 果時未有電單車牌
比當地黑警捉左3次
佢地主要都係想要錢
唔開罰單, 就咁求其開價果隻
一開始開50萬, 似係想自己袋
我地係咁口水攻勢, 黑警就不斷減低自己開價
最後冇我地咁好氣就放我地走
3次都係咁, d差佬好撚廢

當地食物唔係幾岩口味
一係就好鬼甜, 連d街邊串燒都係咁, 最正覺得係燒乳豬
所以多數食西餐
雖然窮窮地咁玩, 但都已經好撚chill

如果下次去既話
應該會住靚resort食好西
但有左小朋友之後應該都好難有機會再去

你可以選擇一日入面去Pasar Ubud, Pura Taman Saraswati, Pura Tirtha Empul, Ubud Palace, Elephant Cave, 呢d烏布既景點，咁其實每個我諗都係睇一個鐘至兩個鐘左右，景點一日遊

一日可以朝早去Montana Del Cafe睇mount batur， hea下食下野飲下咖啡， 然後下午去 omma day club, 睇下瀑布，食下野飲下野chill下

一日由朝早開始玩激流，下午玩ATV越野車，然後再去埋Cretya Ubud呢個梯田day club，訓下網床或者浸住泳池睇梯田，玩下swing，去鳥巢影下相咁，又一日 。

上面全部行程完左再自己加插spa係最尾，咁咪岩岩好一日，之後做完spa再要佢車埋你去食野，再車返酒店，完美

我見好多都帶埋小朋友去玩

巴打幾時再去峇里？
如果你中意Mulia, 咁推薦你下次試下住St. Regis, 包你中意，一樣服務好到無人有，貴d既villa直頭你開道門就直通佢個白沙灘，我諗都無幾多間既服務可以比佢更加好，有同佢差唔多level既，但係唔多，佢既早餐都被評為係峇里最好食既早餐，鵝肝，龍蝦，牛扒任你食，無錯係講緊早餐！

佢既接機服務一絕，你係佢到住就包埋接送機，接機直頭帶你走VIP通道，佢酒店獨有VIP通道，然後直接行李都唔洗你拎直接到酒店房送你，連送你機都仲可以酒店人員去埋機場送你機，好撚癲

我上網睇返呢間Metis食法國菜好正，佢係暫時停業未執 佢個ig 都有好多fans問佢幾時開返，佢話未有日子，有會通知大家 希望我今年去個陣佢已經開返啦
睇返佢以往既野食好好味

牙巴plan成點