在線解答養貓新手問題(6)

如果執到三個月大左右嘅貓要準備啲咩？

三個月唔算好細，已經可以食一般幼貓乾糧濕糧，search下養貓新手啲懶人包就ok

買兩個分開放都可以諗下，不過真係要睇住邊隻食左，有機會一隻食哂兩份，一隻肥仔哂
用糧機就強力推薦要有連cam，或者另外set cam睇係邊個食左
我有三隻貓，最尾都係一部機，lunch時間出一份糧，再睇住幾時邊個食

我啲貓都係咁緊張就會痾爛痾軟或者痾血⋯所以除左要養好個肚仔，睇下係食咩會軟便之外，試嘅時間可能要拉長啲。
同埋要你隻貓放鬆心情都好緊要，睇下你屋企有咩係trigger 例如有朋友上尼（我啲貓直路癲左），附近整野等等。放鬆心情可以試下用feliway (唔記得有冇串錯）或者汪喵出左放鬆心情嘅topper supplement同唔記得邊個牌子有出費洛蒙貓砂，我唔知真係有冇效，但係我都用哂

想問有冇人帶過貓去洗牙？有冇推介？
我地隻貓係流浪成貓，返到黎已經牙肉有紅腫，佢食嘢好少咬可能牙仔唔舒服

隻貓近排唔係啲乾糧
關唔關我輪流餵兩款比佢食事？

乾零食即刻衝過黎
而家唔知點算好

隻貓成日反肚咁瞓，有冇咩特別意思？

想問吓公貓未絕育發情係咪會導致食慾減少

之前睇醫生話發情唔會咁 隻仔除咗唔食嘢瘦咗之外 驗血嗰啲又好正常 搵唔到原因點解會咁
佢每次要un完我隻手 先肯食幾啖乾糧
近排瘦晒咁 唔太食嘢好鬼擔心

隻貓玩佢自己飲水機 有冇方法教佢係拎嚟飲唔係拎嚟玩

我隻貓仔絕育前嗰個月都係咁
無乜食慾 食勁少
絕完幾日後就食唔停

佢都應該有差唔多2 3個月都係咁 直頭係瘦咗0.幾kg
我到宜家都唔知佢係特別偏食定係發情所以先會咁
見佢食咁少 以為食厭咗啦
買咗十幾款乾糧濕糧 鮮食都整埋佢都係掂都唔掂 好似屎咁撥
過幾日去絕育 希望之後食多啲啦

你貓貓幾大?

1歲半左右

嚟緊會接貓仔返屋企
4個月左右
想問下有無邊d貓用品一定要買同有無舖頭/網店推介？

琴日接4個月大貓仔番屋企，發現佢用鼻聞野會索索聲，無流鼻水，關佢係籠唔理佢就無事，但一接近佢或者放佢出黎行下，佢就會索到好似抽搐咁同埋會有啲好似鼻鼾咁既聲，問過人話係剛轉換環境出現既正常反應，但我始終驚佢係感冒，請問咁樣有無問題？

我屋企隻b 大概6個月，養左兩星期左右。佢會有咬人問題，唔止手腳，連身同面都會咬，但佢又唔係攻擊性，會嗲同用頭摸我哋又舐我，只係忽然有時就會死咬。

已經每日用玩具陪佢玩好多，又有磨牙棒，又有木天x條，但都仲會咬，令人灰心

有冇裝貓網公司介紹？想幫花園門裝貓網，成$4000隻，想搵間可靠既

大家有乜嘢幼貓主食罐推介？
食厭左thrive

一隻貓？幼貓咬人最好係搵多隻差唔多大嘅貓一齊養，等佢哋互相放電，同埋等佢學咬人嘅力度，真係養唔到多一隻嘅就唯有瘋狂同佢放電啦，有啲貓大咗就會唔咬人，有啲貓去到大個都係唔識就力咁樣咬人

屋企一隻四個月貓有貓廯 睇左醫生食緊藥
係咪好易傳染？ 因為本身準備接另一隻三四個月既貓仔返黎 睇黎要推遲啲

會傳染㗎 可能會傳俾人添
如果有多隻貓就要困籠，可以就唔好接住啦

我都係輪流餵，有時會撈埋
覺得肚餓就會食㗎啦，唔食咪由佢
可能佢知你會定時餵零食，咪唔食乾糧