在線解答養貓新手問題(6)

想問吓各位巴絲屋企隻貓貓喺呢幾日天氣轉涼身體有冇咩唔舒服？
我屋企隻幼貓六個月大左右，之前好活潑跑跑跳跳，呢幾日唔知咩事由朝訓到黑，要抱佢去食嘢先食嘢，抱佢去廁所先去痾，個鼻摸落偏乾，耳仔手腳暖暖地，有帶佢睇醫生，仲驗埋血，都check唔到啲乜，依家差唔多一個禮拜了
唔知巴打絲打有冇遇過咁嘅情況？唔知天氣轉涼關唔關事

上上落落好似冇乜力咁，食嘢肯食，大便都正常靚，係冇乜精神成日訓訓訓，唔願郁，黎緊要帶佢睇多次醫生了

有三個問題想請教下

二歲幾貓仔 由細到大都有一隻眼流眼水 有時啡紅色

耳仔洗極都好污糟 不過醫生又話唔好洗咁密

便便長期爛屎 以前一開頭都硬之後變爛 而家冇咩硬過

請問有冇解法辦法？

10歲貓貓最近癲癇發作 入咗院幾日出返嚟冇哂胃口 食咩嘔咩 飲水都嘔 2日就瘦咗成半kg有多

帶咗佢去睇醫生 做胰臟炎快篩positive （病徵都符合貓貓而家情況）但醫生冇再做深入檢查 將佢refer咗去啲24小時醫院（因為有抽筋底 普通醫院唔收）

有冇人知邊間24小時醫院好啲同比較平 （而家入咗pets central 上網見人話黑店 但間診所話ok同冇咩邊間有位又肯收佢就住一兩日先），同埋可以點照顧胰臟炎貓貓

佢平時都唔病 一病就咁大獲 見到佢係咁瘦落去同行步路都好心痛

好唔痴人, 次次攞條條先會理下你, 食完即刻彈開, 平時都成日悶悶不樂, 係咪心理因素?

本身有隻男仔5個月大
黎緊會帶隻新女仔2個月大番去
頭幾日需唔需要隔開佢地先？
定係因為個大仔仲細唔需要？

我果隻都係咁 歲幾大

最近又係不停訓訓訓 但食野去廁所都正常

唔知做乜野無晒活力

啱呀，困籠係防止新貓有病未發出尼感染到舊貓，同埋比個安心嘅環境佢熟悉左先。如果冇另一間房就或者困個起碼三呎嘅籠，等佢有得行下，水碗，食物碗同個砂盤唔使痴埋哂一齊會好啲

都要分開架，原因同之前嗰個回覆一樣，你如果唔諗住兩隻貓要生b嘅話要諗定絕育問題，女仔有啲可以早到4個月開始發情架，一個唔小心三兩個月後多左幾隻架啦
有研究話貓仔唔好咁早絕育，都有話唔太大問題，早兩星期好味小姐有條片講貓仔發情但係獸醫建議一歲先絕育，抹牆都抹到崩潰

唔得啦
好易奶野
驚新貓有病
到時傳染就仆街

好似天氣一變就會咁
再凍啲連嘢都懶得食

其實係唔係算正常
我隻貓夏天出世，未經歷過冬天
係近排天氣涼涼地就好似唔係好舒服

正常既，而家涼啲好瞓啲姐

同埋可能差唔多換牙？我隻貓換牙個排又係無乜精神

隻貓啱啱接咗一個禮拜 唔係好肯食糧 要幫佢放落地同陪佢先肯食啲啲 驚佢餓死

上次打去醫院問
聽電話個護士話天氣轉涼唔會影響貓貓精唔精神嗰啲
但又check 唔到啲乜
但想問吓隻新牙仔生晒出嚟就算完咗換牙期？
定其實仲要等耐啲先算完？

至少都肯食
留意下係唔識咬定係口味問題
口味問題可以用換罐或者肚餓解決

唔忍心就等佢大少少再餓佢
應該冇咁快食乾糧食到腎病嘅

想請教大家點幫隻貓刷牙？
醫生話佢已經有蛀牙

我用360度刷毛個d牙刷
加牙膏捉佢地咬

想請教 貓貓 (7個月大）近依幾日 坐係度有時會手震
但又食得痾得 唔似病, 手震下係咪正常

打到眉先紅哂 冇損。。
隔唔隔離好？

我隻都係咁
見唔到我一兩分鐘就鳩叫
近排教識佢我要去廁所沖涼佢就唔叫

我個隻一歲之前痴到我實一實，行到邊跟到邊
而家望下我就算

我個隻都係
我同佢講，你有事先叫，咁我都識睇下你咩事
你係又叫唔係又叫，我又聽唔明你喵乜，到時你真係唔舒服我又唔知
講起，佢望一望我又繼續喵

你隻係仔定女？有冇閹？