[薪火相傳]醫管局護士學校招生+問答

1001 回覆

76 Like 18 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

夢想成真 2017-06-28 20:38:13

想讀護士既你們，如果唔夠分，可以考慮讀護士學校起碼有個牌就做得護士，而家已經開始招生

本人係醫管局護士學校(RN)學生可以解答下大家問題

註冊護士學校學費係二萬四一年，比起其他院校係平好多，而且只是需要讀三年，快過其他人做野搵高人工。但咩都有好同壞，就係冇學位，冇ulife，冇學會玩（不過有好多醫院義工活動、籌款跑...），冇得揀GE科，學校設施舊。護士學校規矩會嚴過大學，冇得走堂、有坐位表、冇暑假，只放紅日，差在上堂未打鐘。所以約朋友玩好難夾時間，人地抖，你們就mid term+exam+placement無限輪回。

學校每年都係收一百人，男仔大約十幾個，其餘女仔，所以巴打可以擁有後宮的生活。三年都會對著呢一百個同學，好處係日對會有深厚感情，壞處就係你搵唔到圈子就冇得再識其他人，呢三年會比較摺。

實習方面，我們多數出自己學校既醫院。而我們出實習既時間同比例相對多，所以一年級下學期就而經開始熟病房運作。亦多有老師，好多係退休的病房經理，係病房教書同睇你做野，呢樣係其他學校比較少。二年級開始可能單拖上陣。

而家等我講下註冊護士一至二年級會讀同實習既野
首先入學，你係一定夠十八歲，同埋要有3322既。而佢多數收18、19分，甚至最勁可以係入到大學水泡科既人。唔一定要讀bio先入得，但要有科理科。

唔同其實自資院校醫管局的登記同注冊護士學校係獨立收生既上網搵報名表或者去三間註冊護士的訓練學校即是明愛伊利沙伯醫院同埋屯門醫院拎然後係七月十六日寄去明愛醫院。

收到表到八月頭就會有面試面試係相當重要有好多人都係夠分入唔到。面試會包括英文自介或者問問題。內容會係搵一樣野代表自己、有冇試過克服生活上的難題。之後有小組討論，內容會同醫療，甚至時事（房屋政策）有關。去下圖書館借下唔同醫院院慶既書，知道下醫院歷史會有幫助。書局都有好多護士寫既書，睇下可以幫助吹水。睇新聞要多睇醫療事故。當然合老師眼緣都好重要。

之後八月中下旬就會有offer派，留意返佢派offer會比其他大專遲，所以一定要做好兩手準備，唔係佢一唔收就下年再見了。收到offer，用電郵覆會讀，就會有開學briefing，到時會有ocamp，可以報下識下人，不錯。同埋記得好好過埋你人生最後一個暑假。

（待續）

五丁丁狀元 2017-06-28 20:50:53

lmlm