[MCU史上最cult]奇異博士2:失控多元宇宙Doctor Strange劇透討論區（5）

有幾個位都太柒睇到好頂唔順：

1）導演似乎好想拍弔詭懸疑既恐怖片風格，又係咁用jump scare，但個劇情係完全唔恐怖懸疑，一個迷團都冇。

2）Wanda先黑化再變好人呢條橋太正路，基本上全戲院望住佢鑽牛角尖兩粒鐘。一開波DS同Wang已經好合理地質疑佢既動機，然後最尾佢亦真係醒悟，成個過程好折磨觀眾，我睇到一半淨係想佢快d諗通。

3）DS係no way home既角色係理智撚，話知人係其他宇宙點死，總之咪搞到我個宇宙，然後蜘蛛仔就大愛撚想個個都救。今集又變左大愛撚想救個細路女。為佢同Wanda開拖。

4）光明會比人秒果段真係拍得好柒，以為自己睇緊超低能特工隊。


5）音符打交果度唔知想點，仲要打左好鬼耐，成team無人夠膽同導演講條橋唔掂？求其整多次千手觀音都J死班fans啦。