[MCU史上最cult]奇異博士2:失控多元宇宙Doctor Strange劇透討論區（5）

wanda=齊石ultron=evil strange>>>ds
除非ds練晒成本維山帝之書

第一次聽人講IM2好，我以為IM2/Thor 2一直喺地核深層
另外Antman 2/Spidernan 2都係傳統popcorn片，無特別
比較好嘅就係CA2/GOTG2，呢兩套都好好
DS2係咩level就睇你鍾唔鍾意睇冚家歡popcorn片

Wanda vision臨尾明明好似諗通咗
今集黑化完又諗通

最後ds開咗第三隻眼係咩形態？

執著咁易放低就唔叫人啦

其實睇番轉頭嗰時ds1 ending係鋪左mordo做反派
但依家佢係無左，依家個mordo係826嗰個
本身616嗰個完全忽視左

下一秒變自爆

4) 初時見光明會大大聲話佢地可以Scarlet Witch is not the threat，我仲以為會有咩特別措施專門handle佢啦，屌點知都係on9肉博能量互射

佢地係講到明 "Scarlet Witch" 唔係 "Wanda" ，即係知道有darkhold加持唔係Avengers level嘅Wanda啦，完全唔明光明會份自信係點嚟，呢part真係好無邏輯

因為本身佢地覺得ds 能力太強勁
而佢對敵人搵方法係不擇手段
佢驚下次佢都會咁

- 成套嘢老套到令人打冷震，導演係廿年前拍舊版蜘蛛俠嗰位，當年佢搬少少恐怖片拍攝手法入超級英雄片的確係創舉，八爪博士暴走殺人一幕就係經典，但今時今日仲見到一鏡zoom入角色瞳孔呢啲表達手法真係二十級惡頂，啲所謂恐怖同jump scare元素完全係海洋公園哈佬喂級別，乏味到標眼水

- 講到老套，動作場面都係一大陣古早味，有幕唔知為乜要塞場拳頭交畀奇異博士同莫度，加埋啲唔知係咪搵再培訓完既飛圖員工負責既配樂，突兀同冇品味到我好似畀古一大師一掌打中天靈蓋咁完全出晒戲，仲要打完之後奇異博士嚟個忍者式彈牆三角踢離場，睇到反咗白眼，啲魔法大戰場面對比之前直頭大退化，身為至尊魔法師既Wong淨係識出鞭出劍，Wanda同奇異博士主要既攻擊手段就係拎啲「火球」掟嚟掟去，有場學人玩音符大戰尷尬到有睇緊粵語殘片如來神掌feel，對比番奇異博士1既空間扭曲特效、無限之戰裡面同Thanos既大技互轟，退化到以為自己睇緊綠燈俠

- 電影副題開宗名義玩多元宇宙，結果格局拍出嚟細到不可思議，完全浪費題材。同樣玩呢啲嘢，電視劇Wanda Vision、Loki；電影No Way Home；甚至動畫What if你鍾唔鍾意都好，起碼畀到觀眾「越玩越大」既感覺，呢套睇完我完全講唔出對MCU宏觀劇情有咩推進，最致命係成個故仔主角史提芬史傳奇零成長，挖呢個角色既內心世界嚟講What If入面講Strange Supreme嗰集先真正令觀眾印象深刻

- 啲客串真係完全為客串而客串，出場同退場都兒戲到莫名其妙，被屠殺嗰場完全拍唔出Wanda有幾強大，只拍出班友幾咁腦殘。「睇完好期待主宇宙快啲出呢啲角色」？係咪應該擔心Netflix金霸王轉投MCU世界觀事件重演多啲？

呢套戲真係同雷神2好似，95%時間都喺度浪費觀眾生命，但又有大約5%內心戲「突兀」地亮眼。如果睇咗電視劇Wanda Vision，就完全明白今集Wanda點解會搵仔搵到發晒癲，Elizabeth Olsen演內心戲handle得好好，真正做到「用作品說話」唔係靠樣搵食，最後醒覺個位都觸動到人心，呢啲位先係值得放大幾倍嚟拍既部份，而唔係浪費時間喺啲垃垃圾圾既追追逐逐。喧賓奪主？家陣拍出嚟都似Wanda獨立電影多過講奇異博士啦；另外，發夢 = 睇到多元宇宙既自己，呢個概念都好得意

最後，Wanda發生咁大件事，白色幻視都可以完全唔參與，劇集寫呢個角色出嚟為乜？

5分鐘後:

其實MCU Phase4 唔計黑寡婦
尚氣 永恆族 同 Dr strange既風格都同以往好唔同
NWH算係最冇突破既一套，但賣情懷永遠唔會輸

係咪記錯im 3
Im2 一向都正正常常普通爆谷戲

都係一貫marvel死症
想試新野又唔敢推到最盡去試
然後就變垃圾

應該係劇集結尾本來想放低，但最後既最後講佢修練黑暗神書，感應到多元宇宙既仔，又開始腐化。

變咗呢個先

依家主線個格局無佢搞到事嘅位置啦

no way home而家同班死忠係咪過左蜜月期啦？

終於可以講下d缺點

上畫開始果一兩個月講半句壞話都唔得

博士被強行降智

係啲人要拎漫畫比較姐
mcu係另一個世界觀
其實佢鍾意點講都得

補多幾句

本身套戲可以拍到更多內涵，DS失去咗Christine，Wanda失去咗孖仔，兩人都喺第二個平行宇宙「搵番」代替品，呢度兩個角色可以更多諒解，然後衍生更多價值觀衝突，偏偏乜柒都冇淨係打打打追追追

可能佢地處理過有darkhold加持既ds，但估唔到有darkhold加持既scarlet witch勁咁多。

係唔係Wanda做左太耐好人大家唔記得左
佢本身MCU出場係反派黎