我和鄰居大姐姐的故事（14）
葉開葉開
1001 回覆
357 Like
5 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
我估中四
咩就嚟？一早變咗啦
唔係同一時間既話算唔算後宮
佢同秋兒兩個條線其實一路都穿梭成個故其中，不過熙熙食其他女既時候佢地條線就會少左
多謝老細！
期待留名系統
期待留名系統
未諗到
對住熙熙傲嬌，對住其他人就娘娘格，有冇人諗到符合呢個形象既人
對住熙熙傲嬌，對住其他人就娘娘格，有冇人諗到符合呢個形象既人
真
試過又返唔到轉頭
試過又返唔到轉頭
THIS
文呢
推推
到底有咩女佢食唔到
淇淇+秋兒+一堆女對佢好已經算後宮啦
來
八婆儀
都係
主角光環
主角光環
三百一十四
二零零六年四月某一個晚飯時間。
「學校展覽日招請義工？」我問。
「係呀。」秋兒姐姐微笑道：「都係我地學生會搞架。」
其實學校每一年除左正式小小既open day仲有一個hea啲既展覽日，前者上學期舉行，比較資訊性啲，係比家長預備升中既，後者就真係似啲嘉年華咁，有展覽、有學會攤位，有啲似日本高中果啲校園祭（只係個規模小型好多好多，又hea搞，加上我不嬲都好摺，所以都冇參加過），但我真係冇留意原來係學生會有份幫學校搞。
唔係秋兒姐姐做左學生會主席我諗我都唔會知。
「哦…」我又問：「其實有咩做架？」
「佈置場地喇、解答當日來賓既詢問喇、男仔可能要搬搬抬抬喇。」秋兒姐姐微笑道：「不過好多野其實都係學生會或者參加既學會幹事自己做返既。」
「哦。」我又問：「多唔多人報名參加義工？」
不過唔駛問都知，呢啲義工應該冇乜人會參加。
因為我地學校既學生只係願意為自己所屬既社出力，對學校所搞既活動反而唔多參與。
「都係啱啱開始招人啫。」秋兒姐姐微笑道：「到最尾應該都夠人既。」
可能喇。
不過其實都唔會容易。
「同埋有啲老師佢地都會幫下手睇下佢地班有冇學生想幫手。」秋兒姐姐續道，依然面帶微笑：「況且真係要既人數其實唔係真係咁多，所以唔駛擔心既。」
有咩？
我以前班主任課都魂遊，都冇乜留意中一同中二既時候，我地既班主任有冇搵人去做義工。
可能太低年級？
又或者啲班主任係私底下搵啲乖既學生去做？
「不如我都報名參加？」雖然秋兒姐姐話唔駛擔心唔夠義工，但我諗我主動參加對秋兒姐姐黎講應該點都係一件好事。
就好似Christmas Ball 既時候咁，我主動報名佢一定會好開心。
雖然…我本身對呢啲活動就真係一啲興趣都冇…
大佬，得個做字又冇著數，正常都唔會想做喇。
但係……
只要幫得到秋兒姐姐，又可以令到佢開心就夠了。
赴湯蹈火，在所不辭！
「真既？」秋兒姐姐果然好高興。
「當然！」唉，又要另外犧牲我課餘既時間了……
不過，見到秋兒姐姐咁開心既表情，就算要我做咩都值得。
*
「盧sir搵左我去做open day既義工。」
「下？乜真係會架？」之後某日放學既時候，我反問同我一齊放學既淇淇。
順帶一提補充返，驚大家唔記得，盧sir係淇淇讀緊既3A班班主任。
「下？」到淇淇「下」返我轉頭，再不解地望住我。
「哦，冇野冇野。」淇淇唔知我會有咁既反應係正常既，佢都唔知秋兒姐姐同我講過班主任會搵自己班既同學去做義工。
不過我諗只有精英班既老師會私底下叫同學去參加義工？
又唔見我地C班有人參加？
呃…
我係人。
我再問多句：「妳應承左？」
淇淇點點頭，不過表情又有啲怪。
其實就好正常既，淇淇呢啲品學兼優既學生，又點會拒絕班主任既請求呢？
所以可能佢本身有野做，但又唔好意思拒絕盧sir呱。
就響我仲思考緊果陣，淇淇又開口了：「熙熙。」
「唔？」
「可唔可以陪我報名做義工？」淇淇突然開口問。
「下？」我嚇左一嚇，冇諗過淇淇會想我陪佢做義工。
淇淇急忙補充多句：「盧sir都叫埋阿朗去做，所以我驚……」
哦，原來係驚陳日朗條仆街仔。
佢係3A既男班長，佢地班主任搵佢幫手其實都好正常。
所以淇淇係驚類似上學期果件事再次發生？
一諗到呢度，我即刻拍晒心口咁話：「冇問題！我話過有咩事我都實響妳身邊架嘛！」
其實我一早就主動同秋兒姐姐報左名，而家只係叫做做個順水人情。
當然呢樣野淇淇梗係唔會知，所以佢即刻露出左個高興既笑容，道：「嗯，多謝你呀熙熙！」
哈，係同秋兒姐姐一樣既笑容。
我應該做左一件好事。
*
「原來淇淇都會響Open Day幫手。」食飯既時候我同秋兒姐姐講，同佢分享呢個消息。
相信多一個人幫手都好，對學生會黎講點都係一件好事。
「嗯，我都收到最新既報名名單。」哦，原來秋兒姐姐一早已經收到消息。
「而家夠人未？」我問。
秋兒姐姐轉身響書包拎左張人名表出黎，望一望再微笑道：「雖然主動報名既人唔多，但好彩有老師幫手搵人，而家都夠人幫手既。」
「嗯，咁就好喇。」我低頭扒啖飯。
我唔係一個八卦既人，但我低頭既時候睄到張報名紙上面有個人名，令我差啲連飯都噴埋出黎。
又係鄭穎琳！？
（待續）
二零零六年四月某一個晚飯時間。
「學校展覽日招請義工？」我問。
「係呀。」秋兒姐姐微笑道：「都係我地學生會搞架。」
其實學校每一年除左正式小小既open day仲有一個hea啲既展覽日，前者上學期舉行，比較資訊性啲，係比家長預備升中既，後者就真係似啲嘉年華咁，有展覽、有學會攤位，有啲似日本高中果啲校園祭（只係個規模小型好多好多，又hea搞，加上我不嬲都好摺，所以都冇參加過），但我真係冇留意原來係學生會有份幫學校搞。
唔係秋兒姐姐做左學生會主席我諗我都唔會知。
「哦…」我又問：「其實有咩做架？」
「佈置場地喇、解答當日來賓既詢問喇、男仔可能要搬搬抬抬喇。」秋兒姐姐微笑道：「不過好多野其實都係學生會或者參加既學會幹事自己做返既。」
「哦。」我又問：「多唔多人報名參加義工？」
不過唔駛問都知，呢啲義工應該冇乜人會參加。
因為我地學校既學生只係願意為自己所屬既社出力，對學校所搞既活動反而唔多參與。
「都係啱啱開始招人啫。」秋兒姐姐微笑道：「到最尾應該都夠人既。」
可能喇。
不過其實都唔會容易。
「同埋有啲老師佢地都會幫下手睇下佢地班有冇學生想幫手。」秋兒姐姐續道，依然面帶微笑：「況且真係要既人數其實唔係真係咁多，所以唔駛擔心既。」
有咩？
我以前班主任課都魂遊，都冇乜留意中一同中二既時候，我地既班主任有冇搵人去做義工。
可能太低年級？
又或者啲班主任係私底下搵啲乖既學生去做？
「不如我都報名參加？」雖然秋兒姐姐話唔駛擔心唔夠義工，但我諗我主動參加對秋兒姐姐黎講應該點都係一件好事。
就好似Christmas Ball 既時候咁，我主動報名佢一定會好開心。
雖然…我本身對呢啲活動就真係一啲興趣都冇…
大佬，得個做字又冇著數，正常都唔會想做喇。
但係……
只要幫得到秋兒姐姐，又可以令到佢開心就夠了。
赴湯蹈火，在所不辭！
「真既？」秋兒姐姐果然好高興。
「當然！」唉，又要另外犧牲我課餘既時間了……
不過，見到秋兒姐姐咁開心既表情，就算要我做咩都值得。
*
「盧sir搵左我去做open day既義工。」
「下？乜真係會架？」之後某日放學既時候，我反問同我一齊放學既淇淇。
順帶一提補充返，驚大家唔記得，盧sir係淇淇讀緊既3A班班主任。
「下？」到淇淇「下」返我轉頭，再不解地望住我。
「哦，冇野冇野。」淇淇唔知我會有咁既反應係正常既，佢都唔知秋兒姐姐同我講過班主任會搵自己班既同學去做義工。
不過我諗只有精英班既老師會私底下叫同學去參加義工？
又唔見我地C班有人參加？
呃…
我係人。
我再問多句：「妳應承左？」
淇淇點點頭，不過表情又有啲怪。
其實就好正常既，淇淇呢啲品學兼優既學生，又點會拒絕班主任既請求呢？
所以可能佢本身有野做，但又唔好意思拒絕盧sir呱。
就響我仲思考緊果陣，淇淇又開口了：「熙熙。」
「唔？」
「可唔可以陪我報名做義工？」淇淇突然開口問。
「下？」我嚇左一嚇，冇諗過淇淇會想我陪佢做義工。
淇淇急忙補充多句：「盧sir都叫埋阿朗去做，所以我驚……」
哦，原來係驚陳日朗條仆街仔。
佢係3A既男班長，佢地班主任搵佢幫手其實都好正常。
所以淇淇係驚類似上學期果件事再次發生？
一諗到呢度，我即刻拍晒心口咁話：「冇問題！我話過有咩事我都實響妳身邊架嘛！」
其實我一早就主動同秋兒姐姐報左名，而家只係叫做做個順水人情。
當然呢樣野淇淇梗係唔會知，所以佢即刻露出左個高興既笑容，道：「嗯，多謝你呀熙熙！」
哈，係同秋兒姐姐一樣既笑容。
我應該做左一件好事。
*
「原來淇淇都會響Open Day幫手。」食飯既時候我同秋兒姐姐講，同佢分享呢個消息。
相信多一個人幫手都好，對學生會黎講點都係一件好事。
「嗯，我都收到最新既報名名單。」哦，原來秋兒姐姐一早已經收到消息。
「而家夠人未？」我問。
秋兒姐姐轉身響書包拎左張人名表出黎，望一望再微笑道：「雖然主動報名既人唔多，但好彩有老師幫手搵人，而家都夠人幫手既。」
「嗯，咁就好喇。」我低頭扒啖飯。
我唔係一個八卦既人，但我低頭既時候睄到張報名紙上面有個人名，令我差啲連飯都噴埋出黎。
又係鄭穎琳！？
（待續）
熙哥真係勁 一次就令至少3個女仔傾心 由大姐姐到妹妹仔都嗒糖
主角光環
有文
必仔呢 佢唔幫手啊
Push
一推再推
佢知道穎琳都去嘅話有可能肯嚟嘅
但穎琳咁都收到風熙熙會去
但穎琳咁都收到風熙熙會去
真係日經，我下個月先入嚟追