三百三十二
聽到我咁樣一問,阿必先係呆左一呆,然後露出左一個不懷好意既笑容。
「唔通...呢個就係你煩惱到黑晒面既根源?」阿必賊笑地問:「你想飛甩淇淇,走去媾我既穎琳bb!」
「你痴撚線!」叫我媾條港女,咪撚玩喇!
「你咁大反應,仲唔係比我估中左?」阿必奸笑道:「得一仲想二,我要話比淇淇知,破壞你既奸計!」
「你都痴撚線!」我怒道。
「咁唔係做咩咁大反應?」阿必繼續逼問,完全唔撚驚我會發火咁:「啱啱仲黑面黑左成餐!」
「我唔係為左你條仆街我駛咁煩!」
「我?」阿必奇道。
「係呀!」我帶住怒氣解釋道:「你知唔知你果個穎琳BB係肉便器黎架!就係佢搶左我地上年副社長個男朋友!我驚你比佢呃咋!驚你好似達叔咁咋!」
好似好大義凜然咁,其實我只不過係想確定阿必唔係鍾意鄭穎琳先mark佢做長期飯票。
不過老實講,其實鄭穎琳同肉便器呢三個字差十萬八千里。
啱啱佢先至係第一次做愛。
肉便器應該係要黎形容Ada呢啲女人。
我咁樣形容鄭穎琳我以為阿必會嬲,點知佢竟然笑笑口地答我:「我知吖。」
「下?」今次到我有小小反應唔過黎。
「我話!」阿必突然好大聲咁叫出黎:「我一早就知穎琳BB係肉便器!!!」
附近既乘客都轉過頭望住我地,但阿必就一啲都唔尷尬。
不過……
我好撚尷尬呀!
「喂,你痴撚左線咩!」我尷尬地道:「咁撚大聲!」
「唔大聲點顯得我真係一早知呢!」呢個係咩歪理黎架……
而且鄭穎琳係娘娘啫,但佢其實唔係肉便器……
咁你一早知乜撚野啫!
阿必續道:「我咪講過囉,我真係覺得做下狗公幾好玩,所以先至狗衝同佢玩下咋嘛!」
諗起黎,佢好似真係有講過類似既說話...
「我一早就已經知道佢係逢男仔都會放電,又會好似比啲錯覺啲男仔,以為自己有機會媾到佢架喇!咁佢地就甘心咁幫穎琳BB做野,又或者送下禮物比佢咁。」阿必哈哈一笑:「佢夠係咁同我send短訊又傾下電話咁,但你以為我同其他狗公一樣咁智障,以為佢真係對我有意思咩?」
「...」
「放心喇球星。」阿必拍下我既膊頭,笑道:「我知自己做緊乜野架喎!做狗公不知幾好玩,穎琳BB比小小甜頭我仲以為真係收到我做兵,但佢次次要我幫手既時候...嗯,呢啲辛苦野我仲唔即刻搵窿捐咩!」
我即刻諗起Christmas Ball單野,阿必屙屎屙左成粒鐘都唔黎幫手點名...
「你條撚樣...」話雖如此,我都有小小鬆一口氣既感覺。
可以安心食用鄭穎琳了。
哈,我都覺得自己好賤。
「球星,點解我覺得你有鬆左一口氣既感覺既?」阿必疑惑咁望住我。
屌。
你條撚樣識讀心?
「知你唔係鍾意左條妖女梗係鬆一口氣喇。」都唔算講大話吖。
「都啱。」
「咪係囉。」
「況且佢應該真係好唔鍾意你。」阿必拍下我膊頭微笑道,一副世事都給我看透了既表情。
……
「我先唔撚care。」我聳聳肩,再問:「不過點解你會咁講?」
「嘿嘿嘿,佢同我傾電話send短訊既時候,一講起你佢就係咁鬧你,話你又自大又冇禮貌。」阿必奸笑道。
屌吖,乜條死港女成日屌柒我架?
又話鍾意我?
「你又唔駛黑面既~」阿必又拍拍我膊頭:「佢點對你都冇乜所謂喇,你都對佢冇興趣~」
嗯。
阿必講啱一半喇。
我對鄭穎琳個閪倒係有唔少興趣。
所以我聳聳肩,不置可否。
「佢好似對個個男仔都唔錯,係唔知點解對你咁差啫~可能你Christmas Ball果日係咁寸鳩佢喇。」阿必笑口噬噬:「所以你呢啲處男冇呼架喇,呢啲肉便器冇你份,佢其實係等緊比我屌。」
處男?
Kitty姐姐、Betty、Jessica、Ada、大表姐,連埋你口中既鄭穎琳,我已經扑撚左六條女。
不過算喇,我寧願將啲秘密有咁埋收咁埋,唔想比人知。
老實講,我覺得呢啲性史唔撚係啲咩光彩野,傳到去秋兒姐姐度我就跳樓都唔得掂。
不過至少我從阿必對話之中確定到一樣野。
就係我可以安心食用鄭穎琳。
(待續)