我和鄰居大姐姐的故事(14)

1001 回覆
357 Like 5 Dislike
2022-01-19 18:50:21
綠茶巴
2022-01-19 18:50:41
多謝支持
2022-01-19 18:50:53
定娘娘食佢
2022-01-19 18:54:21
三百一十九

我真係比鄭穎琳呢個突如其來既問題嚇親。

「我問……」見我唔答,鄭穎琳咬一咬唇,再問:「你……係咪好憎我?」

我仲未開口答,鄭穎琳又再追問:「點解每次你見到我都好似當我透明咁,我同其他男仔一齊果陣你又冇反應,你仲唔係……」

「乜野呀?」鄭穎琳成日響我面前同其他男仔出現唔係巧合?

「你未答我。」鄭穎琳繼續問:「你……係點睇我?真係……好唔鍾意我?」

「妳而家係咪想收我做兵?」我打斷佢,直接反問。

痴鳩線。

「下?」到鄭穎琳微一愕然。

「我唔係憎妳。」我邊有咁得閒憎妳,我以為係妳唔鍾意我就真。

「嗯...」

「只係我好唔鍾意妳係咁收兵然後再搵鳩人笨柒啫。」我諗起狗公必。

不過其實狗公必一樣睇得出鄭穎琳只係搵人笨,所以去到鄭穎琳要搵人幫手,佢就會響適當既時間會唔知溜左去邊留返個爛攤子,就好似上次Christmas Ball果陣咁...

「我……」鄭穎琳欲言又止,但之後都冇再講啲咩,而我都冇理佢走返出去,返課室準備埋個展覽板。

btw,佢同講呢啲野係乜野玩法?

因為之前我唔理佢,所以佢新諗出黎既最新收兵大法?

我出左課室之後,鄭穎琳默默地跟響我後面,我地一齊返左入課室,而另外都有兩個男同學仔已經返左黎,鄭穎琳更加冇繼續啱啱既話題。

咁我就繼續坐響地板上面,繼續剪剪貼貼塊比我放平左既展覽板。

好快果兩個男同學仔都搞掂晒,走過黎諗住鄭穎琳嘻嘻哈哈,不過唔知關唔關啱啱我同佢既對話事,鄭穎琳好似冇平時咁好心機應果兩條狗公。

「穎琳bb妳冇事吖嘛?」狗公A問:「妳好似冇乜心機咁既?」

狗公B都關心地問:「穎琳bb妳係咪唔舒服?」

鄭穎琳甜笑一笑,搖頭道:「冇乜事,今日要趕工,所以有啲攰啫。」

我聽到心下冷笑左一聲。

根本鄭穎琳就將啲野分晒比狗公s做,乜佢自己有做過啲乜野咩?

「咁我地有冇野可以幫到妳手?」

「係呀。我地果part其實都搞得七七八八架喇。」

難得呢一排同鄭穎琳出雙入對既鈞仔今日冇返,呢兩條狗公都大獻殷勤,彷彿有機會取代鈞仔咁。

第二條女唔知,不過我認為鄭穎琳唔介意收多幾隻兵幫佢做野。

唔知佢會比啲咩福利啲兵仔呢?

鄭穎琳再露出笑容,道:「唔駛喇。你地已經幫左我好多,況且我都差唔多做晒啲野。」

「咁……」

「如果你地搞掂晒就走先喇。」鄭穎琳又露出甜美既笑容:「啱啱你地已經幫左我好多架喇。」

「但係……」

「唔駛擔心我架,我真係冇咩事,只係有小小攰啫。」鄭穎琳又笑一笑:「你地走先喇。」

竟然連下兩次逐客令。

「咁有咩妳打比我喇。」狗公A唔太情願地回答。

「係打比我地。」狗公B唔執輸,更正狗公A。

「嗯,你地返去果陣小心啲呀」鄭穎琳甜甜咁笑一笑。

兩隻狗公見到鄭穎琳咁甜美既笑容已經神魂顛倒,冇再爭辯落去就拎起自己個袋走左。

其實狗公們有冇腦既呢?

定前世未撚見過女?

鄭穎琳係靚,但咁又點呢?

算,人地想點係人地既事,我都係拿拿淋搞掂埋自己個展覽板,跟住搵淇淇一齊走人算。

今晚仲要比賽。

「估唔到你整野都幾靚喎。」響我專心整緊個展覽板既時候,冷不防鄭穎琳走埋黎:「除左呢個板之外,之前果幾個板你都整得好靚。」

「係咩?OK喇。」我求撚其答左佢,手上既工作冇停過手。

然後冷不防佢坐低響我隔離,問:「我……幫下你手?」

我好似撞鬼咁擰轉頭望住鄭穎琳。

有鬼上左佢身?

佢今日對我既態度爭左咁鳩多既?

又係收兵既新方法?

「唔好阻住我喇。」我唔耐煩地答道,完全唔領情:「妳要玩就行埋一邊玩喇。」

「余正熙,我想幫下你咋喎!」鄭穎琳答道,語氣中有啲委屈。

「唔駛喇。」走開喇屌。

「......」

佢唔出聲坐響度。

隔左一陣,佢終於又開口:「係咪因為譚梓淇?」

(待續)
2022-01-19 18:57:44
詠琳bb好好笑
2022-01-19 19:08:05
穎琳bb: 收唔到嘅兵我先鍾意,仲要靚仔,不得了
2022-01-19 19:35:32
加速加速
2022-01-19 20:45:02
最重要係大支野!
2022-01-19 21:56:21
大麻撚
2022-01-19 22:09:57
why not both
2022-01-19 22:30:36
仲要有義氣
雖然谷精上腦嗰時會令兄弟都唔記得
2022-01-19 23:30:22
大麻葉熙
2022-01-19 23:32:38
預備!
2022-01-20 01:22:12
隔左一陣,佢終於又開口:「係咪因為譚梓淇?」


港女會唔會誤打誤撞做咗媒人

葉開熙搵淇淇過橋避開港女
2022-01-20 09:05:15
加油
2022-01-20 12:58:43
睇黎學校都唔知有個幕後大boss 秋兒姐姐
2022-01-20 16:51:02
快!我要色色!
2022-01-21 00:32:59
開餐未
2022-01-21 08:24:21
Push
2022-01-21 10:21:05
2022-01-21 18:23:37
今日會有,但有啲忙可能要夜小小sorry
2022-01-21 18:24:08
慢慢嚟 等你
2022-01-21 20:44:57
2022-01-21 21:18:26
三百二十

屌吖。

鄭穎琳又失驚無神問埋啲估唔撚到既問題。

佢今日真係好撚怪喎。

而且我完聽唔撚明佢條問題問乜鳩。

「淇淇?」我停低手上面既工作,反問:「淇淇又做咩事?」

「你聽到佢個名即刻停晒手咁關心佢,你都冇對過我咁做!」鄭穎琳好似又發癲了。

「妳都痴Q線,妳係我邊個佢又係我邊個呀?」我皺晒眉:「我做咩要無端端關心妳?」

「我知呀!佢係你女朋友!」鄭穎琳又道:「但其他人,就算佢地有女朋友,都唔會一啲都唔理我架!」

痴線!

佢究竟知唔知自己講緊乜鳩?

「妳又講緊啲咩呀?」呢條女發起神經上黎都幾痴線。

經過Kitty姐姐之後,其實我對男女感情之事都開始有多啲了解。

佢講啲野咁似啲發緊姣既女既?

但如果你話佢係暗示鍾意我,我覺得佢更加大機會係想用另類既方法黎收我做兵。

「如果...你對我一啲都唔上心,咁果陣響日本點解要救我?我跌低你又點解咁快扶住我?點解響球場度又要保護我?你係關心我既,係唔係?」鄭穎琳簡直係下定決心豁出去咁同我講。

佢係咪誤會左啲咩?

「喂妳痴夠線未呀?」我開始頂唔順呢個對話。

「咁你話我知先。」鄭穎琳死纏爛打。

「我鍾意做咪做,唔鍾意咪唔做囉!」我鍾意搞咩駛唔駛妳同意呀?「況且妳知唔知響日本果次如果搞大左件事,我隨時連香港隊都冇得再踢呀?會比教練逐出球隊架!」

「幫人都要罰?」鄭穎琳續問:「咁你又要冒咁大既險幫我?」

「我都話唔係幫妳,我係自己鍾意屌柒佢地,吹咩。」痴鳩線,呢條女既想像力係咪咁豐富?FF到咁撚遠既?

「你對譚梓淇唔會咁講野。」

「妳理得我點講野啫?」我反問。

「你...」鄭穎琳再確認周圍係冇人,然後咬一咬道:「可唔可以...對我好啲?」

收兵係咁撚樣收架咩?

「妳可唔可以咪撚咁痴線?」但老老實實,我對今日我同鄭穎琳既對話已經覺得好痴線。

鄭穎琳係幾靚女,但我從來冇將佢放過響心入面,更加冇諗過佢會同我講埋呢啲咁既野。

佢響我心目中只係一個亂咁收兵搵鳩人笨柒既死港女。

就算佢而家對我講到好似對我有意思咁,我都覺得佢只係想向高難度挑戰,想連我都收做兵。

「我冇痴線,我知自己講緊咩、做緊咩。」鄭穎琳深吸一口氣,又道:「我可以為左你做乜都得……我可以……唔同其他男仔玩咁埋……所以...你可唔可以...試下對我好啲...?我唔介意…做譚梓淇既後備…」

「妳唔好癲喇,做乜都得……?唔通我叫妳跳樓,又或者企響度即刻除晒衫比我屌妳又即刻做咩?」我冷笑一聲。

不過講真,佢如果即刻比我屌我真係會屌。

大表姐要考高考,又同Ada斷絕左關係,我都禁左慾一段時間。

佢身材唔好,但勝在樣靚搭救。

不過我都係鳩up等佢知難而退,佢真係響我面前除衫先係奇蹟。

「……」鄭穎琳咬一咬唇,道:「你唔會既。」

「妳又知我唔會?」我冷笑道:「妳好熟悉我?妳知我係個點既人咩?」

「……」

「係咁喇。」我聳聳肩:「妳真係比我屌我先考慮下對妳好啲喇。」

有閪屌又點同講法?

鄭穎琳咬一咬牙:「你以為我唔敢?」

「唔敢。」

鄭穎琳既表情好似食左屎咁,隔左一陣伸手想幫我貼埋塊展覽板。

「我搞得喇。」我阻止佢:「妳都唔知我想點貼。」

「你話我知咪得囉。」鄭穎琳回答。

「都話唔駛……」我都未講完之際,突然有把聲從後響起。

「熙熙,我地果度搞掂晒走得喇。」係淇淇,佢身後仲有兩個我唔識既同學:「所以我地黎睇下有咩可以幫到手。」

「都差唔多喇,我貼埋呢度,再推返塊板落禮堂就ok架喇。」我擰轉頭答返淇淇。

「真係差唔多整完喇喎,真係好靚,全部你自己整架?」淇淇問,再望一望同樣都係坐左響地上面睇落好似幫緊手既鄭穎琳。

「係呀。」我簡潔地答。

「我幫你手貼啲?」淇淇又問。

「唔…咁妳幫我剪埋果兩幅相比我就ok。」我點點頭:「咁就真係大功告成喇。」

「嗯。」淇淇聽罷走過去拎起啲相。

鄭穎琳呢個時候企返起身,再甜甜一笑問後面果兩個同學:「不如你地幫手推住其餘既展覽板落禮堂先?我諗禮堂果面應該ready。」

然後都冇等果兩個同學答,就走埋去推其中一個展覽板出課室。

鄭穎琳會落手落腳做野,真係奇蹟。

(待續)
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞