葉開葉開
2022-03-21 13:58:51
三百四十六
「妳冇推開佢?」我問。
「冇呀…」鄭穎琳唔好意思地說道:「佢喊到咁,我點好意思推開佢呀。」
估唔到阿邦社長咁撚痴線,而且又咁撚好戲喎,咁樣一野攬落個低form女仔度,唔驚鄭穎琳嗌非禮咩?
……
……
……
我好似冇資格講人。
雖然鄭穎琳係自願,但我對佢好似仲過份。
講返阿邦社長,條撚樣咁精,我估佢應該係有預計過鄭穎琳既反應。
響自稱失戀既情況下,又估到鄭穎琳對自己有啲啲好感,佢應該預料到鄭穎琳唔會推開佢。再講,就算鄭穎琳真係推開佢,佢都可以藉口話自己失戀所以情緒失控。
其實阿邦社長心計都幾勁。
「跟住呢?」
鄭穎琳答道:「佢攬住我喊左陣,就話多謝我陪左佢咁耐,然後就送我去到屋企樓下門口。」
「就咁?」我唔信,件事一定未完。
「佢邊有你咁猴擒喎。」鄭穎琳面紅紅咁望左我一眼。
「咁妳去搵佢囉。」我不滿地道。
況且係妳比我扑妳,唔係我好似阿邦社長條撚樣咁攻心計去攻略妳架。
「唔會架喇。」鄭穎琳搖搖頭:「我有你喇嘛。」
「我唔會要妳做正式女朋友架喎。」其實我都係唔明,點解鄭穎琳要咁委屈:「妳諗清楚啊。」
「我知。」鄭穎琳堅決地道:「我都話左我唔介意。」
「唉屌唔好講我地,講返阿邦社長條撚樣點呃鳩妳隻蠢豬喇。」老老實實,本來好似真係討論我同鄭穎琳既關係,但唔知點解會突然轉左話題去Jessica同阿邦社長度都有。
真係冇計,我真係非常有興趣知道Jessica果陣發生咩事,所以忍唔住係咁打聽。
鄭穎琳俏面一紅,道:「我知我蠢喇。」
佢繼續道:「其實之後我地既發展都好順其自然,佢成日會約我出街,仲會繼續傾電話同send messages。於是有一日,我地響戲院睇睇下戲既時候佢突然拖住我隻手,我對佢又有小小好感,又想試下同佢拍拖,所以我地就係咁一齊左。」
「乜妳唔覺得佢同嘉嘉仲有來往既咩?」我問。
我依稀記得當日跟踪Jessica既時候,聽到肥婆珍講過,Jessica果陣只係懷疑阿邦社長同另一個女仔(應該就係鄭穎琳?)一齊去食糖水,但果陣佢地應該未正式分手架喎。
即係直至到阿邦社長真係同Jessica正式講分手之前,佢都係一腳踏兩船?
「咁又真係冇喎。」鄭穎琳回憶道:「我同謝珮嘉其實一啲都唔熟…唔…不過果陣佢就好似悶悶不樂咁,又唔見阿邦落黎搵佢……」
果陣可能就係Jessica幫我補習但又心不在焉果段時間……
「咁之後呢?」
「之後?我同佢分左手。」鄭穎琳答。
下?
跳得咁撚快既?
「咁突然?」我有啲驚訝:「點解既?」
「因為同左佢一齊之後……」鄭穎琳有啲難以啟齒:「佢成日想搵機會氹我…咩咩…囉…」
「咩咩…即係咩?」我壞笑地問。
其實我梗係知鄭穎琳講緊咩喇。
扑野吖嘛。
鄭穎琳俏面一紅,輕聲道:「上床…搞野囉…」
「哈哈。」我諗左一諗,再好奇咁問:「但係果陣阿邦係妳男朋友,妳反而唔肯同佢扑野?我都未同妳一齊,妳又肯比我屌既?」
鄭穎琳輕輕地道:「你同佢又點同喎……」
「點唔同?」
「你…會響我有需要既時候…挺身而出…幫我…」鄭穎琳越講越細聲:「同埋…你幫我都唔係求回報…同其他男仔好唔同…仲有…我都話我對阿邦其實只係有好感咋…冇諗過會同佢咩…」
我哈哈一笑:「咁妳啲兵仔夠會幫妳喇,妳又唔同佢地扑野?」
佢同阿必個白卡佬扑野個畫面,諗起都……
……
……
……
唔講了。
「喂唔好大聲喇!」鄭穎琳急道,然後望望四周圍確保冇人聽見,先答:「…你同佢地唔同架…」頓了一頓又道:「所以我先咁鍾意你……」
狗屁不通,不過算鳩數。
「所以咁樣,妳先同阿邦社長分手?」我追問。
「仲有之後…」鄭穎琳又回憶道:「謝珮嘉有一排成日都唔返學,我開始覺得奇怪…雖然後尾佢勉強打起精神…但成件事總係非常奇怪咁……」
梗係喇屌妳。
妳係咪盲鳩左呀?
咁都仲以為係Jessica主動分手?
(待續)
葉開葉開
2022-03-23 14:02:49
三百四十七
「我因為覺得奇怪,所以去左搵珍珍問清楚發生咩事。」鄭穎琳繼續憶述,面上現出一副委屈既表情:「點知……我比佢響課室鬧到我喊左出黎……」
屌,珍珍?
係咪果個黃社幹事肥婆珍?
叫做珍珍咁撚核突既?
就算鄭穎琳講既係真,佢真係唔知阿邦社長同Jessica未分手就同左阿邦社長一齊既,但佢咁樣問肥婆珍一定比人屌撚柒喇。
更何況肥婆珍同Jessica咁好朋友,而且睇外表就知佢一啲都唔好惹,妳咁直接問佢唔比佢屌撚到狗血淋頭先怪。
不過我估果陣應該有唔少兵仔出黎幫佢解圍。
「咁都正常吖,佢同嘉嘉咁friend。」我聳聳肩。
鄭穎琳委屈地道:「咁我唔知吖嘛。」
「算喇。」我總算大概知道件事既來龍去脈(其實只係滿足左自己既好奇心):「之後妳就同阿邦社長分手?」
鄭穎琳點點頭,道:「佢最初都有扮下野話我誤會左,但響我堅決分手之後就係咁鬧我…仲話…我係雞…」
我心下暗笑阿邦社長,心諗你話人係雞但你條柒頭連隻雞都屌唔到。
鄭穎琳突然笑一笑,道:「不過估唔到分左手之後其實我又冇乜唔開心喎,可能我只係對佢有小小好感,只係貪得意先同佢一齊。再加上同佢一齊既時候,我都開始隱約佢個人有問題……」
「我由一開始就覺得佢個人有問題。」呢條撚樣淨係識認屎認屁,我都唔明點解好多女見到佢就濕撚晒咁:「係妳地唔覺得佢有問題咋嘛。」
「係喇。」鄭穎琳細聲地道:「咁…你而家知道…其實我唔係咁鍾意做第三者喇?」
我本來想認同佢呢句,但諗諗下,喂唔撚係喎:「咁妳而家同我做緊咩?照妳咁講我咪仲人渣?」
雖然其實只係一場誤會,我根本冇同淇淇拍過拖,但既然鄭穎琳聽信謠言,咁佢而家做既野,咪正正就係做緊第三者?
「我地唔同架...我真係好鍾意你...」鄭穎琳定睛咁望住我一陣,突然道:「你...啱啱先話而家係我男朋友...唔會唔要我...你而家...」
講講下,雙眼變得有啲淚汪汪...
「妳又搞乜呀屌。」我發覺眼前呢個女仔就係好撚善變...
「你咁講...係咪想唔要我...?」鄭穎琳既表情非常不安:「但你啱啱...」
佢既聯想力係咪太豐富?
點解會咁情緒化?
呢啲好似係叫...公主病?
比全世界既兵仔寵壞晒。
不過佢係一個好靚又可愛既女仔,啱啱先比我開苞陰道又夠晒窄,我唔諗住咁快放棄佢。
但我賤得黎都有原則,性愛呢樣野,一定要係妳情我願,如果唔係同強姦或者設局迷姦有咩分別?
「我要問妳一樣野先。」我打斷左鄭穎琳,問道:「雖然妳講過唔介意,但我都想妳諗清楚。第一,我係唔會同任何人承認我同妳拍緊拖,我地既關係唔見得光;第二,就係我真係會成日諗住扑野,而妳係唔可以介意既。妳諗清楚真係咁都肯同我一齊?」
其實我都有小小言語藝術,我由頭到尾都冇講過我同淇淇拍拖,但就講到因為好似因為同緊淇淇拍拖咁所以唔可以名正言順咁同佢響埋一齊。
不過係佢自己誤會在先,我乜柒都冇講過呀。
咁其實唔關我事喇,係咪?
但鄭穎琳幾乎冇猶豫過,點頭道:「冇問題。問幾多次我既答案都係一樣。」
屌其實我真係估佢唔撚到。
由頭到尾我都冇諗過會同佢發展到而家呢個關係。
我真係非常懷疑我碌鳩落撚左大麻,所以每條同我扑過野既女都會情不自禁咁上癮。
啊,Jessica應該唔算,佢好快就同我斬纜。
不過鄭穎琳咁答我,我梗係無任歡迎喇。
「妳咁都制?」
「嗯。」鄭穎琳點點頭,冇再多言,不過表情就好堅定。
原本我想加多句其實我一啲都唔鍾意妳,只係想屌閪,不過我唔想倒自己米,一陣鄭穎琳突然清醒Say no我就麻煩了。
「總之...我鍾意你咪得囉。」鄭穎琳望住我微笑。
其實可能佢都感覺到我並唔鍾意佢,但佢仲肯用性黎留住我,又肯低調處理我地既關係,係咪即係代表佢真係好鍾意我?
「余正熙,你啱啱一路一粒聲都唔出,其實我真係好擔心你話要同我分手架。我應承你,我儘量唔亂發脾氣架喇。」鄭穎琳誠懇地道。
我都未見過呢個懇樣出現響鄭穎琳既面上。
我冇再答話,甚至乎冇再提起我地既關係,黎個默認算。我地飲完咖啡離開左Cafe,不過我同鄭穎琳既關係,反而暗地裡就開始左。
(待續)