葉開葉開
2022-01-24 18:57:33
三百二十一
搞掂晒啲野之後,我就冇再特別見過鄭穎琳,而我同淇淇推埋last一塊展覽板落去禮堂之後,就同負責我地呢組既學生會幹事問清楚真係冇野幫手,之後就離開學校。
本身有諗過等埋秋兒姐姐一齊走,但佢好似好忙咁,而且我又趕住去比賽,所以唯有同淇淇走先。
「陳日朗呢?」響送淇淇返屋企既路上我問。
「佢一聽完最後個briefing就急急忙咁走左,連去禮堂幫手都冇。」淇淇有啲無奈地回答。
其實佢幫果組做迎賓,綵排完之後都冇乜好做,但總有唔少人會過黎幫下我地呢組手。
不過我懷疑陳日朗唔係幾想同淇淇有咁多接觸先借啲意走左啫。
「我一早就話佢平時扮晒野架喇。」我笑道。
其實佢而家都仲有扮野,如果唔係點會食到咁多女?只不過佢而家都懶得響淇淇佢地面前扮咁解啫。
「嗯。」淇淇只係輕輕應左聲,亦都冇幫陳日朗說話。
「係呢,啱啱又會得返你同鄭穎琳兩個既?」淇淇轉移話題,問道:「其他人呢?」
係喎,其他人呢?
「其他人……」我諗左陣,道:「好似比佢點晒去做野。」
諗落佢除左最尾有打算幫我同埋推走啲展覽板之外,好似都係點晒其他人做野,仲要叫人地做完就走。
打完齋唔要和尚。
「佢有冇同你講啲咩?」淇淇又問。
……
莫非……淇淇響課室外面其實聽到晒我地既對話?
……
「講咩?」我唔肯定佢有冇聽到,所以我冇答到佢既問題,反而問返佢轉頭。
……
希望至少佢聽唔到我叫鄭穎琳除衫比我屌……
「你記唔記得嘉嘉上年同阿邦社長分手件事?」淇淇突然問。
「記得。」我冇可能唔記得。
佢地冇分手既,我又點會無端端有閪屌?
Jessica其實都幾好屌架。
……
……
……
唉。
我唔應該咁講野。
果陣既情況……嗯,怪怪地就真既。
「果陣令到佢地兩個分手既第三者,就係鄭穎琳。」淇淇再補充道:「佢地上年同級,因為鄭穎琳係今年留級。」
!??
我真係好驚訝,竟然係鄭穎琳?
「詳情其實我點唔知,我淨係知道佢地既第三者就係鄭穎琳。」淇淇續道:「佢地好似響埋一齊好短時間,而且後尾好似係鄭穎琳主動提出分手。」
「原來就係佢搞到嘉嘉雞毛鴨血...」Jessica果陣幫左我好多,冇佢幫我打好理科既底,我之後既考試都冇可能咁易合格。
鄭穎琳竟然咁樣害佢。
諗返轉頭,啱啱秋兒姐姐見到鄭穎琳既時候好似有啲唔高興,唔通都係同呢件事有關?
「哼,你唔好講到淨係鄭穎琳有份,」淇淇道:「阿邦社長先係最衰果個!係佢亂咁識女仔!」
「可能係鄭穎琳做主動呢。」諗起佢收兵個樣,真係唔奇。
「咁佢可以拒絕架嘛!」
「又好似有啲道理...」諗落都真。
「哼,你地男仔淨係幫返男仔!」
「又唔好咁講,我都好想打阿邦社長一身幫嘉嘉出返啖氣。」講起黎,我都好耐冇見過Jessica,都想知道佢而家過成點:「係喎,嘉嘉佢最近點呀?」
應該好努力咁準備緊會考喇?
「溫書同準備會考囉。」淇淇理所當然地答道。
雖然我關心既其實唔係呢樣。
「我聽秋兒姐姐講,佢好似同返阿邦社長一齊?」okok,其實我係想知呢樣野。
Jessica同返個渣男一齊會唔會過得幸福?
Well,我就覺得一定唔會。
「好似係……但最後都係分左手,聽返黎既應該係阿邦又搵左第二個所以先同佢分手。」淇淇嘆左口氣,無奈地道:「不過都散左一段時間喇,我諗佢已經好返好多。」
「噢…」唔怪得淇淇覺得最衰係阿邦社長,原來佢真係幾賤。
根本就係陳日朗果類人。
話說回來,同Jessica上完床之後我都冇再同佢聯絡,估唔到原來佢都發生幾多事。
「噢…妳到喇。」原來我已經送到淇淇去到佢屋企樓下。
淇淇望住我。
「?」
「熙熙,多謝你呀。」淇淇向我露出一個甜美既笑容:「其實開始左義工活動之後,阿朗都冇乜點搵我,但你都仲次次送我返學同返屋企。」
「哦,好小事啫。」我都笑住咁回答:「應承得妳既我一定做到既。」
「嗯…」淇淇點頭道:「知道…」
「咁妳上去先喇。」
「嗯…」淇淇依依不捨咁道別:「再見。」
(待續)