我唔覺意穿越咗時空 遇到個神秘女仔？！

G持

出左了 好準時2359

今日出多一篇先

Chapter 17：攻堅！

「你過嚟望下，除咗長官之外，其他士兵都無搵掩護…」Johnson指住個mon解釋比我聽…

『咁你打算點樣做？』我覺得Johnson其實心入邊已經諗好咗一個計劃… 而且佢可以喺咁大壓力嘅環境下咁短時間諗到策略… 實在令人佩服！

「我哋一陣開門，引開PLA長官嘅注意力… 恆，你識唔識近身搏鬥？」

『我淨係試過一次搶到Jennifer支槍… 但係今次佢哋果支有子彈架喎...』我都係覺得我頭先搶得到Jennifer支槍只係僥倖…

「我唔想你受傷。一係咁，我嚟引開佢注意力，你跑去攞你嘅PS90。」

『吓？但係你肯定你搶得到？』我都留意到Johnson嘅身形其實幾紮實…

「佢哋應該以為淨係得我喺度。」Johnson好淡定咁講…

「Jack你觀察完未？」Johnson再次拎起對講機…

「Ok, 已經見到7個target，sir。」Jack好認真咁回覆

「一陣我會引開佢哋長官嘅注意力，阿恆會跑出嚟，你掩護佢得唔得？」

「Affirmative，proceed anytime。」

「你聽到我嘅計劃啦？」Johnson望返嚟我度。

我點點頭回應。我感受到我個心好似就快跳出來咁… 好緊張！

「咯咯！係咪叫我出嚟吖？」Johnson好悠閒咁敲門，跟住隔住門講…

「咔嚓...」我聽到係手槍上膛嘅聲音！

「唔好整蠱做怪！開門！」個長官似乎對於Johnson輕佻嘅語氣好不屑！

Johnson望住我，做咗個手勢示意我等… 然後將道門解鎖…

跟住佢將度門慢慢打開…

我喺道門嘅後則見到一個身形龐大，帶著黑色粗框眼鏡，揸住曲尺手槍嘅男人…

好撚樣衰… 似乎呢個就係長官。 點解我覺得呢個人似曾相識嘅呢…

「你哋想我出嚟，跟住又企喺度阻住我，姐係點啫？」Johnson繼續用輕挑嘅語氣對佢哋… 佢似乎一啲都唔驚…

「得你一個咋？個𡃁妹仔唔喺度？」個長官下意識退咗兩步，讓咗條路出嚟。

「得我喺度咋，你傷到我嘅話你嘅上頭都唔會對你客氣。」Johnson好寸咁兇個長官…

係時候啦！ 我突然一個箭步閃咗出嚟，跟住極速跑向原本我同Jennifer坐果度嘅梳化！

「咦？可惡！射佢！」個長官突然指住跑咗出去嘅我！

「呀！唔係呀屌！」「開槍！開槍！開槍！」個長官發現自己講錯咗廣東話！不停指住我叫！

我唔敢望後面，一直衝去梳化果度，跟住攞咗個槍袋！

「卡啪！」突然我側邊嘅落地玻璃窗穿咗個窿！

係狙擊手！有人應聲倒地！

後面仲聽到打鬥聲！似乎Johnson嘗試搶長官支手槍！

「嘭嘭嘭嘭嘭！」後面嘅PLA對住我開槍，我一直跑！

我知道如果我企定嘅話就肯定會比佢打中！

「卡啪！卡啪！」係狙擊手掩護我！M82嘅槍聲令到我耳鳴！

我拎咗槍袋之後就一路向門口跑！

PLA士兵嘅槍聲竟然停咗？

「Over Here！Over Here！」由於我仲耳鳴緊，我嘗試搵聲音嘅來源…

突然，有人拉一拉我！ 係一個戴住耳罩同埋戰術眼鏡嘅𡃁仔…

睇佢嘅面孔似乎係香港人… 佢上身著住一件黑色嘅風褸，下身著牛仔褲同埋一對boot…

佢手上揸住一支開咗兩腳架嘅M82，地下有幾個啡黃色嘅彈殼…

「你就係阿恆？Nice to meet you！My name is Jack！」Jack放低支槍，伸出右手想同我握手…

「欸... 你好你好...」我下意識同Jack握手…

『Johnson點算… 仲有Jennifer佢無咗反應！』我好緊張咁同Jack講！

「放心，佢哋唔敢對Johnson做啲乜嘢嘅，呢度交比我處理啦。」Jack拍拍我膊頭，點點頭咁同我講…

究竟Johnson係咩人呢… 點解連PLA都無佢符，唔敢掂佢？

「你去搵返Jennifer啦，佢應該係攰得滯暈咗。」Jack打算交個對講機比我…

『暈咗？！你哋仲有冇人架？！係咪應該派多啲人去搵佢呢？』點解佢哋覺得好似冇乜事咁？！

「無咩嘢嘅，其餘嘅人喺油站呀。佢哋維修緊部車，應該唔得閒架啦...」Jack反而唔係太緊張...

「嚟，比你。去搵佢啦乖～」Jack好似趕細路仔咁推我走…

明明佢個樣仲好似細過我，我懷疑佢連DSE都未考！

「哦哦...」我拎起個對講機研究下…

有粒叫find partners嘅制… 我試下撳咗佢…

「咇… 咇...」似乎係啲訊號聲… 我跟住行過去頭先Jennifer果度嘅停車場樓下…
「咇咇… 咇咇...」訊號聲似乎密咗？

「咇咇咇咇咇咇！」咦？

「阿恆！」係Jennifer！不過佢有啲嘢唔同咗…










佢對眼變咗鮮紅色…

同埋… 有個PLA嘅士兵用一支手槍指著佢，挾持咗佢...

出咗啦
輕輕一推

話說終於出晒用word打嗰啲文
嚟緊嗰啲每篇會有至少1500字
有時心情好會唔覺意寫多咗
希望大家會中意啦

陣間出文

Chapter 18：Jennifer人質事件！

『Jennifer！』我大聲叫左出黎！

跟住我好匆忙咁喺槍袋度攞支PS90出嚟，跟住作勢舉起嚟瞄準個PLA！

我見到Jennifer比個PLA箍住咗雙手喺後面...

「嘻！原來這可愛的妹子叫Jennifer！你有槍哪又怎樣？你想犧牲你可愛的同伴嗎？」個PLA攞多左一把匕首放喺Jennifer條頸度，有啲猥瑣咁望下Jennifer可愛既容貌，似乎打算攞佢黎做肉盾要脅我...

咦？Jennifer似乎一啲都唔驚，反而好鎮定咁用發著紅光嘅雙眼望住我...

「阿恆... 阿恆！你聽唔聽到我把聲？」我突然聽到Jennifer把聲！

我不禁有啲驚訝咁望住佢，因為佢根本就無開口...

係千里傳音！

「你應該聽到嘅... 千祈唔好俾表情反應我！你聽到我把聲嘅話就望住我雙眼眨眼！」我再喺心裡面聽到佢把聲...

「哥兒你給我聽好了，你馬上給我叫你那些該死的港獨分子把我們的長官放了...」個PLA似乎想用Jennifer嚟換返攻入ICAC果個長官...

『屌你老味！我都唔撚識聽你啲普通話！噏乜柒呀你？』我一邊對住Jennifer眨眼，一邊手舞足蹈咁指住個PLA嚟鬧！

「PLA大哥～ 他用廣東話說操你老爹唷～」Jennifer用一種好幼稚可愛嘅語氣同個PLA講！

「婊子你嫌命長了？已經被挾持了還這麼不檢點！」個士兵似乎嬲咗，作勢想用把刀介落Jennifer度！

『喂！你試下整到Jennifer嘅話，我唔會放過你！』我都唔知點解會咁激動，即刻舉起手上既PS90上膛然後作勢瞄準個PLA嘅頭部！

由於當時我太激動既緣故，我忽略咗一啲細節...

後來Jennifer提返我，我先知當時發生咩事。

「太好喇～ 你聽到我講嘢！望住我，而家我眨... 眨眼」Jennifer嘗試掩飾佢興奮既表情，望住我不停眨眼！而我心入邊依然聽到佢把聲帶有興奮既語氣...

「你！還不給我召喚你那些同夥？ 咦？什麼？」個PLA有啲疑惑咁撳著佢個頭...

「是... 是！那個丫頭嗎？」個PLA似乎唔知同邊個溝通緊... 但係佢手上無對講機喎？！

突然我留意到Jennifer眉頭一皺，原本興奮既眼神突然變得好恐懼！

「恆... 你... 腦！ 腦...！佢地... 發現！ 救... 會帶走！諗辦法！」Jennifer把聲突然變得斷斷續續！ 似乎佢嘅身體越黎越弱？！

佢地想帶走邊個？！佢叫我諗辦法？！

『Jennifer被挾持，你哋有冇人嚟幫手？』我拎起對講機嘗試呼喚其他嘅隊員...

正喺我拎起對講機果陣... 個PLA突然將Jennifer強行拖走！

可惡！會被帶走既係Jennifer！

「碰！」我情急之下向個PLA嘅腳邊開左一槍！

『你逃不了！你手上還有人質！你把她放了，我會放你一馬！我不是你口中所說的那群人。』我用我僅餘既蝗語對住個PLA講！

個PLA停低望住我...

「但是他們... 他們給了指令！現在這個人必須帶走！我也無法違抗命令！」個PLA似乎開始有啲猶疑同埋驚...

點解會咁呢？ 明明頭先佢仲好有氣勢架？

既然而家Jennifer突然唔知點解變得咁重要...

Jennifer再次望住我！

「恆... 人質... 腳！...無辦法帶走！」Jennifer把聲又出現喺我腦海！但係由於仲係斷斷續續嘅關係，我唔係太明佢想表達乜嘢...

腳？無辦法帶走？究竟佢想我點樣呢...

要我射果個PLA對腳？！







我突然有一個好恐怖既想法...









可能Jennifer係叫我射佢！





點解呢一幕好似有啲熟悉嘅呢...

我下意識望一望Jennifer對腳...

然後舉起PS90，將右眼望住紅點瞄準鏡...

對準咗Jennifer既小腿側邊...

我唔敢開槍。 我唔想傷到Jennifer...

希望咁樣只會擦傷你啦... 我真係好怕會傷害到你...

我遲遲都未敢開槍...

我左眼望住Jennifer... 竟然換來一個肯定嘅眼神...






「碰！」我扣扳機果下太緊張，竟然唔覺意瞇埋左雙眼！




「吖！」Jennifer慘叫一聲，然後全身向下墮!

死啦！我應該打中咗腳骨！




「哇！」個PLA冇諗過我竟然夠膽對住佢哋兩個開槍，竟然嚇到鬆咗手！

眼見Jennifer已經無擋住個PLA，我即刻用食指切換fire selector掣去全自動，然後一直扣扳機！

「碰碰碰碰碰啪啪啪啪啪！」一連串嘅子彈連續咁打中個PLA，子彈打落裝甲嘅撞擊力令到個PLA不停退後！

突然Jennifer身子一矮，跑左過嚟我度！

等等先？！我頭先唔係打中咗佢隻腳咩！？

輕輕一推

有讀者投訴我太短

其實大家係咪仲睇緊架？？

諗緊仲出唔出埋佢
而家已經係下一日

就快出文

Chapter 19: 喪屍？

只見Jennifer對腳毫無損傷，跑咗過嚟暱喺我後面！

「恆，我... 我無力...」Jennifer用柔弱嘅聲線喺我耳邊講... 跟住佢就捱咗喺我背脊！

我背脊感受到Jennifer嘅兩個小肉團...

「我要抓...！」個PLA雙眼翻白，好似隻喪屍咁伸直雙手咁衝過黎！

痴線架！佢好似突然比鬼附身咁，完全忘記咗我手上有槍！我舉起PS90再次瞄準！

「卡啪！」今次我瞄準佢腳踭開槍，希望可以令到佢停低...

我唔想貿然殺人。

我望下PS90上面既塑膠透明子彈盒...

似乎剩返10粒子彈左右...

個PLA中槍後應聲倒下，但係仲喺度垂死咁爬緊過嚟...

正當我猶疑好唔好開槍果陣...

「恆，果度...」Jennifer把柔弱嘅聲又喺我耳邊...

「果度......」我唔知點解下意識望上天空...

只見天空不遠處有個黑影飛緊過嚟...

我細心啲睇... 係一架黑色嘅飛機...

架飛機對機翼好長，有一個V字型嘅機尾，螺旋槳裝咗喺個機尾度...

呢架飛機既外型有啲似米國嘅MQ-9無人機...

但係架機飛得好慢，同埋似乎係圍住港島嚟低空盤旋... 就好似監視緊我地咁！

「唔係我地嘅... 孭我過去同佢地會合... 」

「我抓...」個PLA仲喺地下度典下典下咁，好恐怖...

突然我身後有腳步聲，有人跑緊過嚟！

我慢慢擰轉身望，係Jack！

「阿恆！我哋處理咗ICAC果邊啦，係時候帶您同Jennifer返去基地。」Jack望一望喺地上面爬緊既PLA... 佢似乎完全唔驚...

『咁佢點算... 同埋點解佢會突然好似撞鬼咁... 好恐怖吖！』我指著地下個PLA！

「係腦聯... 你孭咗Jennifer過去油站果邊先，等我處理呢個士兵。你知油站喺邊架嘛？」Jack示意我行先...

『我知... 咁Johnson果邊呢？』咩叫處理左先...

「你擔心自己好過啦，Johnson已經俘虜咗果堆PLA，陣間等我帶埋呢個過去佢果度啦。」Jack拎左條粗索帶出黎...

我唯有孭Jennifer慢慢行過去油站果邊...

『Jennifer... 你對手要放過嚟我心口度，我先孭到你㗎...』我打算踎低等Jennifer可以騎上黎我背脊...

「嗯... 」Jennifer騎咗上我背脊，我用雙手托住佢對小腿...

我背脊感受到Jennifer微凸嘅雙峰... 仲有佢小腿嘅肉好嫩... 而且冇乜肥肉...

『哎喲！』Jennifer突然用力搣我胸口既肉！

「唔好以為我而家無力就唔知你喺度諗乜吖！」Jennifer用好柔弱但係責怪既語氣話我！

『對唔住吖Jennifer大人！我唔敢架啦！』我即刻求饒，祈求佢唔好再搣！ 我好怕會搞到佢跌落嚟！

「哼～」Jennifer好滿意咁冷笑咗聲，然後用力拍拍我膊頭，示意我去行！

我覺得有啲幼稚同埋調皮性格先符合返Jennifer可愛嘅外貌...

我孭住Jennifer慢慢行過ICAC嘅門口... 見到油站遠處泊咗架黑色裝甲車...

裝甲車既車身用黑色鐵絲網包圍住，車頂有啲裝備伸咗出黎... 但係太遠我睇唔清楚。

外型有啲似某部隊既水炮車...

「啪啪！」Jennifer突然輕輕拍我膊頭！

『嗯？唔係話要過去咩？』

「你係咪唔記得左啲乜嘢呢？」Jennifer突然咁樣一提... 係喎好似漏左啲野咁...

係喎！我啲FYP啲裝備仲喺ICAC間cafe張梳化度！

「嘻！等我幫你攞啦～」Jennifer突然鬆手，一嘢跳左落地！

『你！頭先我唔係傷左你隻腳咩...？』我一直都覺得奇怪... 唔通佢係外星人所以果少少傷冇問題？

「我多謝你就真～」Jennifer對我單單眼...

『吓？』我滿頭問號...

「得閒同我練下槍法啦傻仔～」Jennifer做左個鬼臉，然後就轉身行左入ICAC...

頂！原來佢頭先扮中槍！

我咁樣反而鬆左一口氣，原來我冇傷到佢...

但係點解我總係覺得對住人質開槍呢幕有啲熟悉嘅呢...

同埋我根本就唔知其實Jennifer係咪真係想我咁做... 頭先我一直都聽唔清楚佢講乜...

亦都可能係我誤會咗佢嘅意思，只係陰差陽錯地無事！

「第十四號獵物～」Jennifer突然喺我身後緩緩拋下一句！

只見佢手上已經拎住我FYP袋物資，另外又見佢拎多咗個紙袋...

『嗯？』咦！我醒起啦！原來係咁！

之但係點解Jennifer會知道呢一幕呢...

詳情請參考《名偵探柯南劇場版：第十四號獵物》柯南拯救小蘭嘅一幕～

「而你會成為我第十四個拍檔。」Jennifer望住我點點頭咁講...

等等先... 拍檔？！但係我想返去2022年喎！

「行啦獵物～」Jennifer拉走喺度發呆嘅我...

但係... 喺名偵探柯南入面，嗰十四隻「獵物」嘅下場...





係俾人用神祕既方法殺死喎。

出咗了

好好睇 樓主加油

多謝支持

嗚！又多咗個負皮
係咪想我整個角色出黎搶走Jennifer？
定係想我將阿恆喺Jennifer身邊搶走？

想做個小統計睇下有幾多人睇緊
所以安排如下：
如果呢個留言負皮數目超過5個嘅話
我今晚12點前即刻再打多篇po出嚟

推一推

截至依家仲未夠數
睇黎可以專心做project
聽日先出文

今個星期嘅文出到星期五

下個星期有啲忙 未必出文住

不過放心 係唔會爛尾嘅

哎呀 輕輕一推先

咕！！！！！
我後面特別為你準備咗一堆你會鍾意嘅情節