我唔覺意穿越咗時空 遇到個神秘女仔？！

小新

而家打緊文
希望今晚可以出到

Chapter 2：香港？

我再望清楚我身處嘅電梯大堂...

牆身有明顯裂痕，牆角位置出現灰色嘅霉漬，成個大堂一片死氣沉沉。

我再行去原本嘅保安更亭，保安室人去房空，只係遺下一堆廢紙之類嘅雜物...

我行入間房，翻查檯面上嘅物件，有一件事我好想搞清楚... 究竟係...

突然，眼前有一張溶溶爛爛嘅記錄紙吸引咗我嘅注意！

「2031年10月巡樓記錄.....」

2031年！？ 等等先， 2031？！ 唔係2021咩？！

我再翻找檯面上嘅文件... 見到有一張蓋有紅星印章嘅爛紙...

「本人XXX現正宣誓效忠某国XG特別行政区共X黨分部... 接頭人為XX辦XXX書記... 主要工作為.....」

「監察及巡查大廈內各單位是否有反叛軍成員...！」

「備註：如發現叛軍成員，切勿打草驚蛇，立即致電国安處緊急熱線：+852 6271 ××××...」

香港究竟發生咗咩事？！ 姐係我而家身處喺未來嘅香港？？！

仲要搞到全民監察咁嘅款？！ 叛軍又係啲咩人嚟架？

我再攞我部電話出嚟睇，時間日期全部reset晒，電話亦都無信號。似乎部電話幫我唔到...

我返去電梯度嘗試再撳𨋢... 無反應。

究竟我應該試下行返樓梯上樓定係還是點呢？

我行到去電梯大堂嘅轉角位置，嘗試拉開平時半掩嘅防煙門...

我用力拉... 道門風紋不動... 似乎好似俾人喺道門後面用啲嘢扣實咗。

唉，無辦法！ 我唯有返去升降機入邊收拾返我啲工具同埋物品入背囊，準備出去外面睇下。

我孭起背囊，整裝待發。突然，一陣怪風迎面來襲！

我行咗出棟大廈門口，留意到天色唔對路。只見天上灰矇矇一片，空氣裡面彌漫着一陣類似爛雞蛋嘅味道...

「咇咇咇咇.....」我部電話突然響起？？

我仲以為無信號添！ 我喜出望外，即刻攞出嚟睇！

「Emergency Broadcast:

CDO:

*****

ACIDIC CLOUD PATCH LOCATED AT W. HKI REG.

SEEK SHELTER.

*****
Message Ends.

Checksum: sdnEDICA...」

緊急廣播？但係呢個係天氣資訊。。。

Acidic Cloud...？ 我再望下個天... 好似想落雨咁... 等等先！

空氣裡面嘅臭蛋味... 酸雲... 再加上seek shelter...！

我再望一望對出嘅馬路，見到有一架反轉左嘅警車之類嘅物體，車身佈滿啡色嘅鏽跡，車身隱約見到「武警」嘅深藍色字樣。

硫酸雨！ 天上面嘅烏雲唔係一般嘅烏雲！臭蛋味係來自含有硫磺嘅化合物！而可以腐蝕不銹鋼嘅硫酸雨，肯定會令到皮膚化學灼傷！

說時遲那時快， 我已經見到遠處開始落雨！ 我一個箭步閃返入舊樓入邊！

突然，電梯大堂嘅後門傳來「碰！」嘅一聲！

有人經後巷破門入黎！

只見一個戴著軍用級NBC灰色防毒面具，着住一件長到落腳嘅深綠色厚褸嘅人入咗嚟。 佢似乎矮我少少，我仲留意到佢個防毒面具後面扎咗一個啡色嘅小馬尾...

當我仲未反應得切嘅時候，佢突然翻開大褸，抆左支手槍嘅物體出嚟對準我！

我嚇到連退兩步，但係後面已經傾盆大雨，我再退嘅話就會淋硫酸！

「你是誰？ 我沒有在這區見過你！」佢用唔鹹唔淡嘅普通話質問我。

由於隔著咗個防毒面罩嘅緣故，我睇唔清楚佢個樣，都聽唔到佢把聲究竟係男定女。

『喂喂喂！ 發生咩事吖喂！！ 你... 你冷靜啲先！！！ 唔好開槍吖！！！』我已經嚇到腳都震埋，雙手下意識地舉高咗喺頭上！

「你... 你拎高件衫，原地轉一圈！」
我今次聽清楚啦，似乎係一個女仔！
而今次佢把聲有啲猶疑，仲用返廣東話。

但係佢依然繼續攞枝槍指住我， 我唯有照做。

「你個袋，入邊咩嚟？」佢指一指我腳下原本諗住帶返學嘅物資...

『欸... 工程用物資，拿你睇...』我打算打開個袋比佢睇...

「唔准掂！ 慢慢踢過嚟我度！」佢大聲喝令我！

『好好好... 拿，小心吖... 有啲易碎嘅嘢喺入邊，你... 你唔好整爛....』 我用腳慢慢移個背囊去佢面前...

個女仔右手用槍指住我， 左手打開我個背囊，開始翻找入邊嘅物品...

我腦裏突然萌生一個大膽嘅想法！

我腦裏突然萌生一個大膽嘅想法！

你估我唔到嘅

今晚出完，睇完鍾意嘅朋友可唔可以比個正皮我吖
有咩想講 或者想同我吹下水 都可以喺度留言喎

自

傷痕文學？

又冇咁勁
我純粹係受一個作者啟發，於是想將自己幻想嘅世界寫出黎比大家睇姐

懸疑？

係科幻吖
但係後面有啲人性嘅野我想寫

Chapter 3: 現在未來

如果對方係用右手揸槍嘅話，正確反制方法應該係用左手搶佢槍管，右手攻擊佢手腕...

最重要係出其不意，先發制人！

加上佢戴咗防毒面具，視野受阻...

只見個女仔用左手拉開我個背囊拉鏈，開始翻找我背囊入邊啲物品...

正當佢喺度低頭研究緊我背囊入邊嘅零件之際...

我身子一矮，一個箭步邁向佢面前！
頭一歪，左手擒住手槍嘅槍柄，右手準備攻擊佢手腕！

「咔！」發出咗扳機打個空嘅聲音！

我左手繼續一扭！

「吖！」 個女仔慘叫一聲！

我成功搶走咗佢枝槍！

我隨即退後三步，防止佢對我重施故技！

「咔刷！」我即刻將子彈上膛，檢查槍膛入邊有冇子彈...

空嘅？！

個女仔隔著個面具望住我，輕輕搖搖頭...

我頓時手足無措...

死啦 我仲有咩武器？！

「你係咩人？」個女仔突然咁問我...

我猶疑咗一下...

等等先！呢度明明係我屋企樓下！

『我問你就真！ 你究竟係咩人？ 點解你要撞門入黎我屋企樓下？！』我連珠炮發，雙手仲握住無子彈嘅手槍作勢「開槍」咁質問佢！

「我？我係保衛隊嘅人！ 」

「我未喺呢區見過你，你夠膽搶我枝槍，你仲未答我！ 你講，你係咪赤柱跑出嚟嘅居民？同埋點解你嘅廣東話無口音嘅？」佢繼續質問我...

不過佢嘅語氣稍為放緩，似乎唔再似頭先審犯咁審我... 我隻手緩緩垂低手槍...

『我？我住喺樓上架喎！究竟發生咩事吖？點解出面會落硫酸雨架？ 仲有... 』

我都未答晒... 佢就打斷我！

「樓上？咪玩啦你... 你過一過嚟。」

佢用疑惑嘅眼神望住我，似乎唔信我...

「擰轉身，比條頸我睇。」

我唔明點解佢要我咁做，但係我照行近佢擰轉身...

佢隔著手套喺我條頸度摸，仲壓咗幾下...

「唔痛咩？」佢驚訝地望住我，佢嘅眼神驚訝到連隔著個面罩我都見到...

『吓？？』又摸頸又壓？搞咩吖？？

「點解你無裝『腦聯』嘅？」佢依舊用好不解嘅眼神望住我...

『咩腦亂吖？』我完全唔明佢講乜嘢...

「當時舊政府喺2025年推行『腦聯』，聲稱『腦聯』同外國嘅neuralink一樣咁方便... 2027年之後所有人進入任何公眾場所都需要有『腦聯』...」

等等先，我有一股不詳預感... neuralink...

2027年？？？？？我真係喺未來？！

『腦聯... 就好似neuralink咁... 連接腦部？』我大概有聽過neuralink，但係無諗過去到未來真係會用落人度...

「你究竟係咪同時代脫節架？」佢越嚟越疑惑咁望住我...

『借問聲而家究竟係咩年份？』雖然我心入邊大概有個答案，但係呢個問題我一直都想問。

「吓？咪2035年囉...」

「等等先！」『等等先！』佢同我當時講咗出口...

我不禁尷尬咁笑咗聲。

『比你講先。』禮讓女仔，呢啲叫風度！（但係我頭先咁樣搶佢支槍......）

「你唔係想同我講你由過去穿越嚟未來吖嘛？你咪扮野啦！」佢不滿地望住我... 唔知點解隔著個防毒面罩都覺得佢而家呢個眼神好可愛...

『喂！認真呢... 唔信你睇下啦！』我拎咗部時間錯晒嘅手機出嚟比佢睇...

「嘩！ 點解你會有架？！」佢把聲高咗八度咁講！

「呢啲舊式手機係得我哋保衛隊嘅人先會用架咋喎！」佢拎咗一部類似iPhone嘅物體出嚟，我見到機背有個蘋果標誌，機背有4個鏡頭...

「嘩，點解你係Android機嘅？！」個女仔就好似一個小朋友發現新大陸咁搶咗我部機嚟研究...

『喂喂喂... 等等先，你啲未來人唔用手機嘅咩？』唔用電話唔通用咩吖？

「佢哋嘅腦聯係接通中央server架，腦聯可以用人類腦電流嚟攞能量去維持通訊...」 佢一度解釋，我就越嚟越多疑問...

究竟「腦聯」呢個系統有幾強大？ 勁到甚至可以取代手機？

今晚出完 希望大家鍾意今日嗰篇啦
星期六日休息架
至於星期一就唔知有冇文啦，我驚寫唔切

Btw 負皮朋友晚安
唔知你哋食咗飯未呢？
食咗嘅話就比個負皮 話我知吖～

推推

Hello兒童巴

Hello兒童巴

奇怪

聽日有文喎

不過要視乎情況，可能冇辦法每日出

奇怪咩

唔知點解send咗兩次

老人癡呆

今晚有文

好快又打風

Chapter 4 未來科技？

「腦聯的確好強大，有咗腦聯之後成個社會變得有效率咗好多，啲人好容易就可以將自己嘅思考過程visualize出嚟... 但係你知唔知點解有一部分人會做手術拆返腦聯落嚟吖？」佢咁樣突然一問...

『拿，我個時代個正苦就要人用安@#行嘅... 但係有啲人驚佢keep我哋啲資料所以就寧願唔用... 我估腦聯可以讀取到你哋嘅思維，你哋覺得會無曬私隱所以反悔，要拆佢出嚟？ 同埋呢，不如試下開唔開得返着部lift？ 其實呢... 我急住要返學架... 都唔知點解會無啦啦嚟咗未來... 家陣咪玩我啦！』我用指手槍指一指我個袋

「唔錯，唔錯... 等我仲以為你淨係得舖力添...」個女仔有啲滿意咁點頭...

『喂吖！ 話曬我讀N輾架嘛 有返少少推測能力好合理姐！』我扮嬲咁抗議...

「佢地懷疑腦聯有能力控制人類嘅思緒，令到人類下意識地做咗一啲控制者想佢哋做嘅嘢。甚至可以令人類嘅小腦停止運作，誘發佢猝死...」

嘩Hi！ 猝死？ 咁咪可以攞嚟排除有異見嘅人？

『咁恐怖，咁你有冇裝吖？』我好奇一問...

「吓？我？ 我無架... 我一早就知你哋啲人會整埋曬呢啲衰嘢... 我先唔會咁傻...」 佢擰轉身比條頸我睇... 的確無疤痕...

『咁你知唔知你哋未來係咪有啲穿越時空嘅科技架？ 我而家想返去喎...』大佬吖 我想返學姐... 我好掛住Jenny吖... TENET嗰啲紅色藍色機，唔知未來有冇呢？！

「佢地應該無... 但係以我所知，呢個宇宙入邊有一種叫做G-Particle嘅嘢...」佢諗咗一諗先答我...

「我都唔隱瞞啦，其實我都係搵緊G-Particle先會嚟呢度...」佢攞起佢手上部電話比我睇...

我控埋佢嗰度望，見到佢電話有個類似雷達嘅app，有個圓形嘅畫面，中間有個箭嘴指住部lift嗰度...

突然我腦海入邊有種奇怪嘅感覺... 好似...
好似多咗一把聲... 一把唔屬於我嘅聲...
好似多咗一個人係我個腦入邊諗嘢...

「佢話最後已知位置係你呢度... 而你... 嗯... 又真係喺過去嚟嘅...」個女仔喺度喃喃自語...

等等先，喺我穿越時空嘅位置有G-Particle... 姐係呢種物質可能係我返去2021年嘅關鍵？！

『終於信我啦嘛？ 我都話我唔屬於呢度架啦... 話說點解你要帶著個防毒面具嘅... 你唔焗嘅咩？』我有啲好奇佢除低咗面具嘅樣...

「你哋啲空氣好污濁... 同埋出面落硫酸雨，好臭吖... 不過而家喺室內就可以除嘅...」

佢伸手解開個面具除咗落嚟...

我細心啲望佢個樣... 佢對眼好似有少少綠... 眼睫毛有啲長但係唔太密... 頭髮又有少少啡...

佢扎咗個小小嘅馬尾... 望落去有啲似我中學果陣嘅女神...

佢笑起上嚟果陣個樣成個細路女咁... 但係佢嘅認知水平又唔似細路女喎...

好彩我唔係嗰啲戀童癖嚟嘅姐，因為眼前嘅佢真係好可愛！

『話... 話說你其實幾歲架...』我真係有啲好奇佢仲係咪𡃁妹仔...

「emmm... 我數下先... 我19歲架啦！你呢？」佢一臉天真咁望住我...

『我22架啦，我讀緊大學架嘛...』點解我突然有啲緊張架... 唔通係見到佢咁可愛，所以有啲緊張？！ 不過話時話我真係好少同女仔傾咁耐計...

「話說我要點樣叫你吖？ 我叫Jennifer吖！」佢伸手出嚟想同我握手...

『叫我阿恆ok架啦...』我下意識同佢握手... 順手交返把無子彈嘅手槍比佢...

佢對手有啲暖... 好似暖過一般人少少...

「阿恆吖？你有冇帶食物？」佢咁樣一問，我醒起我份火腿蛋治早餐...

『有吖，我個袋度有個三文治... 你肚餓咩？』我喺Jennifer手上攞返我個袋，搵份三文治出嚟...

「咩叫三文治吖？」佢有啲疑惑咁望住我...

『吓？？？ 咪咁樣囉？！』我攞咗出嚟比佢睇。

乜未來無三文治食嘅咩？！

「吖，咁趣緻嘅？ 你介唔介意比我保管？」 佢想伸手攞...

『我份早餐嚟架喎... 我未食早餐架...』我楚楚可憐咁望住佢...

「放心啦，我會還返比你嘅~ 又好似幾好味咁喎~ 嘻嘻嘻~」佢未得我同意就搶咗去... 跟住喺度拎住嚟聞，好似第一次見到新嘢食咁！

「不如我帶你去食早餐？ 我知道附近有間cafe唔錯嘅... 順便帶你去我哋基地啦？
我估計就算呢度有G-Particle嘅存在，都應該唔夠份量送你返去... 更何況我手上都無工具可以收集，要返去基地果邊攞先得。」

明明係佢攞咗我份三文治，而家話帶我去食早餐係咩玩法...

『真係唔得？ 同埋你又點知唔夠吖？？』我份三文治吖... 嗚嗚嗚...

「經驗話我知唔得，我地以前...」佢講到一半又唔講！

『以前點吖？！』但係我真係好想知點樣先可以返去！

「無嘢！ 總之呢度讀出嚟就唔夠份量，要收集多啲G-Particle嘅礦物先有希望... 嚟啦，我帶你去食嘢~」佢拖住我隻手就想行出去~

大佬吖吖吖吖吖！ 我咁大個仔都未試過比女仔拖手手架！！仲要係一個唔識嘅女仔！！！！ 嗚呀呀呀呀呀！！

今晚出完，核對耐咗少少添～
睇完鍾意嘅就比個正皮我啦
你哋留言 我同你哋吹水都得架

話說就快打風啦～
諗緊好唔好寫一個番外篇幫大家解吓悶 （如果打得成8號波的話）