我唔覺意穿越咗時空 遇到個神秘女仔？！

失業廢青嚟

更新到Chapter 59
今日開始要做野了
出文時間有可能被打亂！

Chapter 59: 霧霾

大家慶祝完之後都攰啦...

有啲就過橋返去鯉魚門度假村果邊... 原來佢哋嘅宿舍就係經果條幾乎搞到我炒機嘅橋過去。

跟住我同Jennifer就返去房...

我又發現我同Jennifer多一個共通點：我哋兩個都唔係太中意多人嘅Party...

一堆人喺度興高采烈咁... 反而我哋兩個中意靜靜哋嘅就會覺得無地自容咁...

學嗰啲00後大學生話齋，我哋呢啲咪就係Yo唔起嘅kam撚囉...

「嗱。」Jennifer遞咗隻杯比我... 只見佢今次都係同我用同一部機斟？

我接過隻杯一飲... 咦？正常無味架喎？

『Jennifer你果杯都無落嘢架喎？』我記得佢要用安眠藥...

「係吖。」Jennifer好平淡咁講... 佢唔怕發噩夢？

跟住我哋兩個梳洗埋就訓咗...

...

...

...

朦朦朧朧都唔記得自己發咗咩夢... 我就聽到啲噪音嘈醒咗...

係Jennifer喺間房度行嚟行去？我聽得出佢嘅腳步聲唔正常！

我擘大眼一望... 出面天色尚算昏暗，好似未日出...

『Jennifer，做咩吖？』我見到Jennifer面上嘅表情好不安...

佢手上揸住一個透明盒，裝住咗啲麵包蟲之類嘅嘢...

「佢... 佢無嚟到...」Jennifer抖震住咁講...

佢似乎有啲不安...

係喎... 每日朝早都會有隻斑鳩過嚟...

我認真望吓窗邊... 奇怪啦？乜嘢都望唔到喎！

飄入黎嘅空氣仲彌漫住一陣好似燒燶咗嘢嘅氣味...

『咳... 咳咳！』我支氣管敏感... 開始咳！

「空氣受到污染，photochemical smog.」Jennifer掩住鼻跟住去搵嘢...

佢攞返個防毒面罩出嚟戴... 之但係點解唔閂窗呢？

『閂窗啦不如？』我打算行去窗邊拉返隻窗...

「啪啪啪！」有嘢突然迎面撞埋我塊面！

『嗚吖！』我慘叫！我感受到塊面好似稍為刮傷咗...

「咕咕故！」係果隻斑鳩！

『Jennifer！係佢！』我拎起隻斑鳩... 等等先？點解佢唔掙扎？

「閂窗！而家閂得！」Jennifer即刻跑去窗邊拉隻窗入黎然後用力鎖上！

「啟動室內HEPA（High Efficiency Particulate Absorbing filter）！」Jennifer用語音指示...

過咗一陣... 室內嘅空氣總算無咗果陣好似燒燶咗嘢嘅氣味...

但係我仲係抱住隻斑鳩... 我摸一摸... 係血！

『Jennifer，佢受咗傷！』我比我隻手Jennifer睇...

Jennifer見狀立即去攞毛巾... 跟住指示我輕輕將隻斑鳩放喺毛巾堆入邊...

Jennifer細心研究隻斑鳩嘅傷勢...

「我唔係獸醫... 無辦法...」Jennifer嘅表情好心痛...

好睇得出呢隻斑鳩真係唔只幫Jennifer傳訊息咁簡單...

呢隻斑鳩應該係Jennifer嘅心靈寄託... Jennifer一定係花咗好多時間去照顧佢...

「究竟邊個咁過份...」Jennifer低聲咆哮... 顯得佢格外恐怖...

佢對眼微微發紅... 而家嘅佢就好似憤怒嘅魔鬼咁...

『佢隻腳... 有紅色圈圈。』我指一指斑鳩嘅粉紅色腳爪...

「嘟！」Jennifer將紅色圈圈放喺枱面...

「喀... Jen... Jennifer... 我隻無人機琴晚回程之前出咗去兜個圈... 影到呢啲... 喀... 我已經... 盡快叫隻斑鳩Send比你哋... 如果你哋睇到嘅話... 萬事小心！」係Professor嘅錄音... 佢嘅情況唔係太妥...

我哋再睇吓啲相...

我同Jennifer都呆咗喺度... 係一架着大火下沉緊嘅戰艦... 只見相入邊嘅天空好黑...

但係戰艦下沉濺出嘅油污喺海上面燃燒... 火焰嘅光芒照光咗周圍嘅海面...

著火嘅戰艦後面仲有一群戰艦... 後面仲有航空母艦，仲有兩棲登陸艦！

而且航空母艦嘅甲板尾部係翹起嘅，好明顯係某國嘅產物！

「係殘餘嘅南海艦隊... 估唔到數量仲有咁多...」Jennifer震住咁講...

『你嘅意思係...？』殘餘？

「某國喺202X年果陣嘅施政已經有問題，導致好多地方經濟爆破，包括下海，綠州等地嘅一二線城市...令到原本奴性好重嘅某國國民都出嚟反抗... 去到2030年，某國嘅遭殃政府已經失去部分地區嘅軍隊控制權... 加上出現G-Particle土壤樣本落入香港，佢哋唔肯交出嚟呢件事，受到米國以及全世界嘅外交壓力... 但係佢哋當中仲有人掌控軍權，NXD等部門... 呢啲就係PLA嘅殘餘嘅部隊。我只係無諗過，佢哋竟然仲控制到南海部隊...」Jennifer一一向我解釋...

『咁究竟係邊個整沉架戰艦呢...？』我有啲好奇... 某國嘅海軍戰艦上面，照計係裝有Type 1130 CIWS架喎... 聽講係全球射速最快，火力最強嘅CIWS！應該唔會咁容易俾人擊沉掛？

「咇！」間房嘅廣播系統突然響起...

「Jennifer，麻煩你嚟一嚟CIC。」係一把男聲...

我哋兩個都出咗去... 跟住見到大本營果邊已經聚集咗好多人喺度做緊嘢...

「Jennifer，出面相對濕度100%，而家正值春天，有濃霧... 但係空氣監察站話霧入邊有污染物... 暫時唔知係咪人為嘅。」Alvin向我哋非常之詳細地匯報...

「而家無直射陽光，帳幕上面嘅太陽能板只有1%左右嘅功效，完全無辦法發電。不過電池仲有70%，如果無突發情況on ration應該仲可以捱三日。」Jackey跟住向大家匯報...

「大霧嘅情況下，我哋嘅thermo sight全部廢晒，基本上得返passive radar同埋SLQ-32... 如果有導彈襲擊嘅話，我哋而家基本上無辦法攔截，甚至未必會知道。」着住真理褲嘅Angie接著同Jennifer匯報...

「我想比大家睇一啲嘢。」Jennifer好平淡但係好嚴肅咁講...

佢將頭先戰艦著火下沉張相放咗上大屏幕上面...

大家望到之後都面色凝重...

「嘟嘟...」紅色電話響起！

「Jennifer！...」我聽到Johnson好似好緊張咁講緊啲嘢！

「咇~~~~！」Angie眼前部電腦響起警報！

「Angie，我呢度都有！」Erika突然大聲呼叫！

終於解決了～
可以比大家盡情同我傾計 又唔會阻住大家睇文嘅方法...
就係先po咗更新果句 跟住先po文

即係老解隻艦b俾老解擊沉？

呢個就係我想大家估嘅嘢啦
究竟發生緊咩事呢～？

打算出文

更新到Chapter 60
嘻～ 你哋係估我唔到嘅！

s400唔係俄佬嘅咩？
點解Jennifer佢哋會有嘅？

無留意之前佢哋有GSh-6-30咩
一樣都係俄佬

-6
又破記錄

呢道冇留意，軍武嘢我都係略懂皮毛

喺未來嘅世界 就要用未來嘅思維
喺經濟學入邊long run嘅意思係所有因素都可以改變
呢個世界上無絕對嘅敵人 亦都無永遠嘅朋友
近至身邊嘅人 遠至國家外交 一樣適用

有道理

等到12點就更新

更新到Chapter 61
睇到呢度，大家會發現呢個世界似乎唔係咁簡單～
某啲忠實毒者肯定知道發生緊乜嘢事嘅
不過咁樣，呢個世界我都有我嘅演繹方式，總會有少少唔同～

Chapter 61: SPIRIT

呢兩個... 究竟係咩嚟架？！普通人係無可能跳到咁高架喎！

只見兩個黑影一前一後飛緊過嚟...

我同Jennifer舉槍瞄準！

「啪！」Jennifer轉咗SCAR-H嘅全自動Fire Selector Switch！

「碰！碰！碰... 碰！碰！咔？」我不停扣扳機，一排.308穿甲彈用超音速嘅速度飛埋去呢兩個黑影度！

兩個黑影著陸！係着住黑色長袍嘅人，佢哋雙眼發住紅光？！

可惡！我支SVD無晒子彈！我立即退個空彈盒出嚟換！

點解佢哋都係紅色眼架？！唔通係Jennifer嘅同類？！

係外星人？！

但係點解會係PLA果邊帶過嚟...？ 佢哋串通咗？！

等等？我頭先開咗槍架喎？點解佢哋好似絲毫無損傷？！我拎起新嘅彈盒裝上！

「碰碰碰碰碰碰碰碰啪啪啪啪啪！」輪到Jennifer開槍！佢果支全自動嘅SCAR-H射速快過我支單發SVD好多！

「嗡！滋！」我眼前突然亮起一道紅色嘅強光！

只見比較矮嘅身影攞住一把激光劍嘅物體高速揮揮揮！

佢... 斬爛晒Jennifer射出去嘅子彈？！

「唔夠打！退！Fall Back！」Jennifer拉住我向嘉亨灣嘅巴士總站跑去！

「碰！碰！碰！碰！」我一度退後，一度用SVD開火打佢哋！

Jennifer拎起另一個鋼水喉炸彈向後一拋！

跟住佢大力拉住我一閃，匿埋喺牆角後面搵掩護！

「嗡吱~ 轟隆隆！」炸彈爆炸！就算我哋兩個搵咗掩護都被衝擊波震懾到！

我擰轉頭一望... 啱啱後面嘅西灣河街渡碼頭入口比我哋炸咗個大窿！

咁樣炸法，大笨象都炸得死啦掛？

等等？屍呢？點解... 只係得堆瓦礫架？！

「後面！」Jennifer把聲突然喺我腦海入邊大叫！

後面？！嘩！

只見矮啲果個身影拎住紅色嘅激光劍指住Jennifer！

『你個仆街！搞我Jennifer！？』我激動咁舉起SVD瞄準呢個黑色身影嘅頭部！

但係另外一個身影已經去到我後面！被包圍了！

我唔理啦！

「碰--吱！」咦？！係子彈蒸發嘅聲？

只見我支SVD開咗火，但係子彈就打中呢個身影果件蓋住頭嘅長袍... 跟住子彈變左做一堆紅色嘅發光粒子，憑空消失咗！

乜撚嘢科技嚟？！

「你，你要跟我走。」係一把冷酷嘅女仔聲...

佢要Jennifer跟佢走...

佢用發住紅光嘅雙眼望住我...

「拖延時間，我諗辦法叫增援。」Jennifer雙眼望住我，我腦海入邊聽到佢把聲！

「仲有唔准隔空溝通。」個着住長袍嘅女仔用紅色激光劍一揮，指住我！

『喂喂喂喂！妹妹仔你冷靜啲先！』我扮晒驚咁，諗辦法draw佢attention！

「痴線！？恆，就算佢有腦聯都無可能聽到我講嘢架喎！」Jennifer仍舊望住我...

「你阻住我做任務嘅話，殺埋你都得。」把女仔聲冷酷咁講！

「綽姿... 我...」我身後果個黑影發出一把男聲...

聽落似乎20幾歲左右...

佢突然身子一軟... 失平衡？

係機會！ 我突然退後兩步，跟住用SVD挾持呢個男人！

「咔擦！」我將一發子彈上膛，然後槍管揭開蓋住呢個男人頭部嘅長袍，槍口指住佢嘅頭部！

長袍應該就係佢哋嘅防彈裝置，我唔信我point blank一發308佢個頭顱擋得到！

『放返我個拍擋。』我好冷靜慢慢咁講。

『我好重視我嘅拍檔。我希望你都係同我一樣，重視自己嘅拍檔。』說之以理！

果個着住長袍嘅女仔用對紅色嘅眼望住我，停咗手上嘅動作...

『定係你想眼白白睇住你暈咗嘅拍檔連還手之力都無，就咁比我支俄製SVD一槍轟死？』動之以情！

『淨係憑頭先同你交手我已經知道，你哋嘅目的應該係生擒。如果要殺人嘅話你手上嘅武器大可以將我哋碎屍萬段，但係你一直都無做到，你淨係用嚟擋我哋嘅子彈。而家我手上嘅武器可以殺死你個拍檔，我一樣都係未出手。我只係想要返我個拍檔，放人！』我連珠炮發！

「憑乜嘢信你？」個女仔冷冷咁拋低一句...

但係似乎至少佢有談判嘅意欲，應該有辦法！

『如果我唔守承諾嘅話，你手上嘅武器大可以殺死我吖係咪？你連手榴彈都避得到，你覺得我仲會有還手之力？你都重視你個拍檔嘅，如果咪你已經由得我開槍啦係咪先？』見佢肯應我，我嘅語氣稍為緩和...

點解搞到連談判都要我做埋架...

「好。」個女仔撳咗一下手上嘅激光劍柄，跟住道紅色強光就消失咗...

我都守我嘅承諾，拎走我支SVD...

我扶起呢個暈咗嘅男人... 跟住攤佢喺地下觀察...

有考過紅十字會急救嘅我第一時間幫眼前呢個暈低咗嘅人做檢查...

首先檢查呼吸... 胸膛有起復，手指血液循環都正常。

無外露傷痕... 無瘀傷之類嘅跡象...

『有呼吸，有心跳。你個拍檔應該係血糖低暈咗，唔死得嘅。』我交返個男人比個女仔...

個女仔走過嚟除低咗蓋住佢自己頭部嘅長袍... 跟住想踎低叫醒眼前暈咗嘅男人...

「真係好弱...」個女仔細細聲咁講...

誰知... Jennifer突然抆出FN 57指住個女仔嘅頭部！

「你，立即棄械投降，否則我開槍。」Jennifer好嬲，雙眼發紅咁望住佢！

我都比Jennifer嚇咗一嚇... 我無諗過佢會咁樣，轉得咁快！

個女仔停咗手上嘅動作... 佢仲拎住把激光劍嘅柄...

『Jennifer。』我想制止Jennifer...

我覺得人係要講義氣嘅，我話咗我會放人就應該放人... 唔應該反悔耍手段。

「我哋完全唔知佢哋係乜嘢人吖，呢兩個肯定唔係PLA咁簡單！」Jennifer喺我腦海急速咁講。

『我頭先擔保放你嘅，我做人講信用。』我示意Jennifer放低槍，Jennifer非常之唔願意咁慢慢垂低槍。

『我只係想知道，你哋係隸屬乜嘢組織？點解要過嚟香港島捉我嘅拍檔？』我盤問個女仔...

「SPIRIT執行者，我哋收到委託就係要捉你呢個人返去九龍，係咁多。」個女仔難得會講一句完整說話...

我望住佢... 佢有一個好特別嘅髮型... 冷酷嘅表情但係顯得佢好迷人...

SPIRIT... 係PLA啲friend？但係佢哋嘅裝備... 甚至佢哋嘅外貌都同PLA唔同。

『你睇下，帶你過嚟嗰啲PLA嘅船都比我哋炸爛咗，有剩嘅都撤退晒，你就算想返去都有啲難。你想喺香港島呢度生存嘅話，你要同我哋合作先得呢。』我想知道更多嘢...

『首先我想知道，SPIRIT乜嘢組織？點解要過嚟捉佢？』我繼續嘗試引佢講嘢...

『你肯答我嘅話，我可以搵個地方暫時安置你同你個拍檔。』要釋出善意！

「我自有安排。」個女仔似乎唔受呢套...

佢拎起電話...？！佢都係用電話嘅人？！

跟住面上冷酷嘅表情突然露出一絲疑惑？

嘿！我知道點解啦。

佢部電話喺香港島根本就收唔到信號！

只見佢喺電話上面撳咗幾下，跟住無奈咁放返落袋...

「你究竟係乜嘢人？點解會有咁樣嘅武器？」Jennifer似乎非常之不滿...

「SPIRIT嘅行者淨係收「燒」做委託，至於委託人嘅目的係乜嘢，我唔會知。就算知我都唔會話你知。」個女仔冷面咁講... 佢對眼仲發緊紅...

「咩燒呀？」係貨幣？

「Sil係SPIRIT嘅交易貨幣。」只見個女仔伸手入長袍入邊攞啲嘢...

個女仔身上突然散發紅色粒子...？

「吱！」一道紅光再次亮起！

「你！」Jennifer大叫！

大家鍾意嘅就幫手推啦
我唔想食腐皮啦

老解有外星人幫咁狗嘅