我唔覺意穿越咗時空 遇到個神秘女仔？！

校對完架啦 聽日數齊人就出

🙋‍♂️

報到

啱啱醒

Chapter 53: 改良

「嗚！」Jennifer有啲痛咁掩住佢個頭！

『Jennifer！』我見到佢咁樣，即刻迅速喺Keyboard上面撳CTRL + Z！（Linux立即停止執行指令快速鍵）

「我一時無心理準備姐，我ok架。」Jennifer示意我哋繼續。

『唔好死頂呀Jennifer...』我知道始終佢嘅腦部結構同我哋唔同...

可能佢會承受一啲我哋唔會感受到嘅痛苦而我哋都唔知...

「我可以架。」Jennifer肯定咁點頭...

我重新執行個程式...

Jessie將一條條鐵絲接上佢一個儀器上面... 跟住佢攞佢部主機喺度睇啲數據...

「呢個pattern... 真係用嚟虐待人...」Jessie睇左之後驚訝咁講...

『如果我哋嘅干擾器無運作嘅話，佢哋會點...？』我有啲擔心咁問...

「應該會痛苦到原地抽搐，不過最恐怖嘅係，唔會死。」Jessie有啲驚咁講...

我哋一定要諗辦法確保干擾器唔會停止運作... 就算呢度全部停電佢都要運作！如果咪呢度嘅人會好大鑊！

『我想問第一代嘅干擾器係邊個整架？』

「係我。」Jennifer好cool咁喺牆角望住我哋兩個...

『竟然？！Jennifer吖！你究竟有咩唔識架？！』我有啲驚訝... 究竟Jennifer為咗佢哋做咗幾多嘢...？

「其實腦聯同我嘅入侵能力兩者非常之接近... 所以我當時係capture咗我安撫人情緒嘅信號嚟通過天線廣播... 唔知點解咁啱又work喎... 咁就一直用到而家。」Jennifer向我哋兩個解釋...

當時我哋掛住改良個干擾器，忽略咗一樣匪夷所思嘅嘢...

『咦，你等等... 我發現咗啲嘢！』我留意到程式原來仲有接收嗰部分！

我大概研究咗吓... 有啲頭緒！

我試下淨係run接收嗰段，然後改咗個程式，要佢print晒所有收到嘅指令返黎！

『Jennifer你過嚟試下對住佢諗嘢？』我指示Jennifer靠近個盒...

Jennifer過嚟... 跟住做咗個抬起手嘅動作...

我部laptop上面出現咗一啲指令！

我即刻抄起佢！再抄去發射嗰個程式...

『Jessie你一陣幫我睇住你收到啲咩信號！』我指示佢望實！

『嚟啦！』我將頭先抄返黎嗰啲指令重新發射！

「咦？你呢個信號會令到人郁架喎？同頭先唔同嘅？」Jessie覺得好奇怪... 佢好奇咁望住我...

『如果個人會有動作，佢會做咩？』我問得仔細啲！

「抬起手囉。」Jessie好自然咁答！

掂咗！雖然我無辦法解破晒成個程式...

但係我至少有啲辦法去估其中一啲指令嘅意思！

咁抽搐嘅相反係... 放鬆！只要叫Jennifer試下叫人放鬆！跟住我錄低佢再解返佢做指令！

『Jennifer！今次你試下叫人全身放鬆...』我指示Jennifer...

跟住我哋再錄！我再睇一睇... 同折磨人嗰段比較下...

咦？只見嗰堆指令嘅數字係幾乎exactly折磨人嗰堆指令嘅相反？

只係有一啲零丁數字唔同...

我有個大膽嘅想法... 如果我哋搵一個人試下呢？

我撞一撞Jennifer嘅手臂...

呢個動作已經成為咗我哋兩個交換心靈嘅暗號。

Jennifer挨近我...

Jennifer，不如我哋搵個人試下？

「但係有風險... 冇乜人肯試呢啲嘢架喎...」Jennifer喺我心入邊同我講...

嘿嘿，我緊係知道搵邊個啦~ 我知道呢個人一定肯幫你試！

「咿！你好仆街呀~ 阿恆！」Jennifer臉上出現奸笑...

「你哋兩個又喺度偷偷哋講秘密唔話我知！」Jessie攞佢嘅接收器指住我哋！

佢想用佢支天線截聽我哋嘅心靈交流！

「太遲luuuu~」Jennifer對Jessie扮咗個鬼臉！

「我去打個電話~」Jennifer同我哋講完之後就行咗出房...

「阿恆~ 你知唔知呢，Jennifer佢好怕我搶走你架~」Jessie突然撩我傾偈...

『我知呀~ 佢有話我知。』我好平淡咁答...

Jennifer講嘅嘢我緊係會記住啦！

「咁你呢？如果我都想你做我拍檔，你會揀Jennifer定係我？」Jessie笑瞇瞇咁問我...

『我講咗出嚟你唔好嬲我喎...』唉...

呢啲二選一嘅假設性問題真係好難答！

『如果講外貌嘅話，你同Jennifer各有優勝之處... 但係如果講默契嘅話，無可否認我同Jennifer嘅默契比較好啲。不過呢，Jessie你都幫咗我好大嘅忙呀~ 知唔知吖？』好似越描越黑咁... 點搞...

「既然我幫咗你... 你打算點樣報答我先？」Jessie對我做咗個有啲挑逗嘅單眼嘅表情...

唔准色色其他女仔！Jennifer嘅表情喺我腦海入邊浮過...

我仲諗住答Jessie... 跟住Jennifer就入咗嚟！

比Jennifer見到我哋兩個頭先喺度傾偈...

Jennifer望我一眼，撞一撞我隻手...

「Jessie佢引你？」Jennifer認真咁望住我...

你覺得係咪？我比返頭先段對話佢睇...

「佢喺基地入邊好多獵物架... 你係咪想做其中一隻呀？」Jennifer用有啲唔滿意嘅語氣喺我心入邊講...

What do you mean獵物先... 我唔get...

跟住傳嚟Jennifer之前行過人哋房聽到人哋嘅叫床聲...

咁一般人不論男女，有性慾係一件好平常嘅事嚟嘅姐... 有性慾咪去解決囉。

我一臉無奈咁望住Jennifer...

Jennifer一臉無奈咁望住喺度寫緊文嘅格躺...

寫緊文嘅格躺表示：我再唔小心啲講嘢嘅話又有人會中槍架啦...

「至少我personally唔係咁接受到先，我淨係接受到同中意嘅人做。如果唔係嘅話我同你哋地球嗰啲動物有咩分別？」Jennifer望住我...

我頓時面紅... 但係我記得Jennifer你講過話你中意我架喎...

「喂吖！你哋兩個唔好咁啦好無... 成日就喺度放閃蝦我呢啲單身狗...」Jessie扁嘴扮可憐咁...

「但係Jessie你好多獵物sssss架喎~」Jennifer做咗個貓爪嘅姿勢...

「Jennifer！阿恆喺度架！」Jessie扮怕醜咁抗議！

「我作為XO都係隻眼開隻眼閉姐~」Jennifer單眼奸笑~

「兩位靚女~ 請問搵Anson我有咩事呢？」一把招積嘅聲音喺門口出現！

嘿！我不禁奸笑... 我需要嘅測試者到咗啦！

大人巴

忠實毒者出現了

鍾生你仲未訓？

小新！

更新到Chapter 53
真係推一次多一個負皮

唔通Jessie後宮滿佈成個基地？

Suika Ibuki

聽日有嘢做 想加更都唔得啦
更何況再chur落去真係會文盡人亡

未呀

真係佩服

唔係呀

早

點解你仲係清醒架！？