我唔覺意穿越咗時空 遇到個神秘女仔？！

Chapter 10 内柔外剛

『Johnson？』

「yes？」Johnson 探咗個頭入嚟...

「oh，interesting！你居然整得返著佢... Umm...」Johnson 望到Jennifer 喊緊。

「I'll take care of the rest. You two should go outside and have some
fresh air while I am preparing your meal.」Johnson 推我哋兩個出去，但係佢拉住我...

「我未見過 Jennifer 咁 emotional 架，佢帶得你過來，代表你都唔簡單。同我好好照顧佢。」Johnson 語重心長咁同我講...

『嗯，我會架啦。』

今次到我拖住 Jennifer 出去門口...

『Jennifer... 對唔住吖... 頭先我係唔應該睇你嗰段記憶嘅... 我唔知
你...』

「嗚... 不過... 不過唔係你嘅錯... 係我控制唔到自己... 去諗...」Jennifer楚楚可憐眼濕濕咁望住我...

而家嘅佢，同頭先威風冷酷嘅佢成好大對比... 原來佢都會有脆弱嘅一面...

「你覺得我好脆弱？」Jennifer 挨喺我膊頭度問我...? 咦？
我一直都覺得奇怪！ Jennifer 已經唔止一次喺我未講出口之前就估到我
想講咩！ 只係我一直都無留意到！

但係其實我覺得 Jennifer 好型... 佢識好多嘢，又例如點樣用槍，點樣認
啲無人機... 某國同米國嘅事... 佢似乎都知好多普通人唔知嘅嘢...

但係點解今次佢挨住我嘅時候，我無眼前一黑嘅...?

「我咁樣型咩？」Jennifer 顎高頭望住我... 佢對眼仲係眼濕濕...

『型呀... 不過呢，就算再堅強嘅人，都有佢脆弱嘅一面架嘛...』我輕輕摸著佢嘅頭髮同佢講...

唉... 但係我真係唔識得氹女仔架... 我都唔知講咩好... 我無諗過佢會受到
呢啲遭遇...

『但係點解我每次諗咩，你都知嘅？』

「你聽咗我最尾段記憶，仲未有結論咩？」Jennifer 用佢對微微發著綠光嘅眼睛認真咁望住我...

『你... 你唔係人類。我應該咁講... 你唔係地球人。』但係... 最尾嗰個男
人，究竟佢有咩陰謀？！

「嗯... 你聽完唔好笑，其實我係你哋所講嘅火星人...」

『地球好危險架！你快啲返火星啦！ 噗哈哈... 哎喲！』Jennifer 打咗我
手踭一拳！

「我係一個被拋棄嘅人... 我只係同情地球嘅人類完全唔知自己俾人擺弄
緊… 冇錯... 地球人係錯，佢哋貪婪，自私，破壞環境，搞到個地球烏煙
瘴氣... 而家仲想侵略我哋嘅屋企… 但係咁樣唔代表你可以當佢哋玩具咁
玩，等佢哋自相殘殺！至少佢哋都唔知自己做錯咩！」

「佢哋派我嚟收集情報，要我觀察人類有冇留意到佢哋做手腳...」
「喺我嚟到香港嗰陣，我咩都無。我亦都唔可以去揾任何政府組織，唔可
以比任何人知我嘅真正身份...」

『如果俾政府或者軍方知道你嘅存在，又知道你係外星人，肯定會被人捉
咗去研究！』尤其是人類狂熱於太空探索！

「冇錯... 所以我只可以周圍匿... 周圍露宿。而 Johnson 就係第一個肯收
留我嘅人...」

『但係點解你會加入咗保衛隊嘅？』

「因為我有利用價值，我有好多佢哋唔識嘅知識，我識得維修好多機械裝置… 同埋果位 professor... 唉... 我唔記得佢叫咩名喇... 但係唔知點解佢會好信任我，教識我好多嘢... 又會好照顧我...」

「保衛隊覺得我好幫得手，所以比我加入佢哋。佢哋亦都對我外星人嘅身
份冇乜興趣。」

『所以其實都係互相利用？』

「嗯... 唯獨果位 professor... 佢每次過嚟基地參觀果陣，都會車我過去佢
果度請我食嘢，教識我好多嘢... 我原本應該好好記住架... 但係我... 我一
時唔小心... 我無諗過佢哋會咁樣對我...」Jennifer 越講越激動...

『呢個唔係你嘅錯... 佢哋咁樣對妳，你都仲記得一部份嘅嘢，你已經好
叻㗎啦...』我慢慢摸著 Jennifer 嘅頭髮...

「我無好好保護自己... 我... 我一早應該...」

『要發生嘅已經發生咗... 你無辦法改變...』

「如果你可以穿越時空嘅話... 我哋可以...」

「I'm sorry to interrupt you two, but breakfast is ready.」Johnson 唔
知幾時行咗出嚟搵我哋...

『不如我哋食嘢先？』我問一問 Jennifer，我怕佢仲未平復到心情...

「嗯。」Jennifer 跟我行返入去 cafe 度...

輕輕一推

有文

但係多咗個負皮

可能係我

唔理lu
本躺中意寫就寫

其實記憶(無論係人定機械人)都有特定儲存模式，人會記在第八識(阿賴耶識)即黑盒，而機人會有備份記憶(設計上參照人類而成)，因此被洗走的會是表面記憶，並非真的不能尋回，相信這會是關鍵。

唔錯嘅靈感
多謝你

終於有文

唔係太識寫感情線

推推

樓豬出文未？

新讀者！
仲有架 我寫得慢咋

Chapter 11 終於有嘢食

我幫Jennifer拉凳，等佢坐好之後我再坐埋位...

枱上面有兩份三文治，兩杯聞落幾香嘅咖啡，仲有另外兩杯唔知咩嚟...

望落去好似麥皮之類嘅嘢...

『呢杯咩嚟架...』我拎起杯「麥皮」搖兩搖...

「哦～ 呢個係我哋平時飲開嘅，入邊有維他命啦，蛋白質，澱粉質...
總之一杯嘢有晒你人體需要嘅養份～ 我哋簡稱佢為營養飲品...」Jennifer飲咗杯「麥皮」兩啖...

跟住佢拎起咗件三文治，拆散咗佢，就咁拎起塊麵包嚟咬！

『喂喂喂！ 件三文治唔係咁樣食架！』我連忙hold住佢隻手，不過佢已經咬咗啖！

我見到佢咁食法忍唔住笑佢... 佢有時真係傻得幾可愛～

「嗯～？」Jennifer喺度咀嚼緊件麵包...

『連埋包同埋餡食架！』我示範一次點樣正確咁咬啖...

「嘩！好味喎！」Jennifer雙眼發亮，好興奮咁塞埋手上塊麵包落口！

佢顯然無聽到我講嘢囉...

我食完份三文治之後，拎起杯「麥皮」試下飲咗啖...

都無味嘅...? 唔算難飲，但係淨係飲到少少好似燕麥嘅味道...

『你哋平時淨係飲呢杯嘢架？』

Jennifer正在狼吞虎嚥咁食緊份冇咗一塊麵包嘅三文治！

「￥&#@@吖～」佢仲喺度咬緊...

「我未試過食啲咁好味嘅嘢～」Jennifer食完就好滿足咁望住我，笑到對眼都迷埋～

『普通三文治咋喎...』我平時趕著返學食得多食到厭...

「我哋最多有餅乾食架咋！邊會好似你呢件咁好味～」Jennifer已經喺度飲緊杯咖啡...

『吖！ 不過你話你唔係地球人嚟架喎，乜我哋啲食物啱你食架咩？』我都好奇，如果係火星人嘅話，佢哋究竟食咩嘅呢...

「其實地球人同火星人嘅身體構造唔係你想像中差咁大... 你睇我個樣都唔會覺得有咩特別... 除咗...」

『你對眼！』我有留意到！Jennifer對眼係綠色嘅！

「嗯～ 我對眼嘅顏色好特別」佢用佢對水汪汪嘅眼睛望住我...

「但係我哋有一啲你無嘅能力，又例如...」Jennifer哄個頭埋嚟...

我可以聽到佢嘅呼吸聲，可以感受到佢塊面嘅溫度... 咦！呢種感覺...？！

「我可以感受到你...」Jennifer把口冇講嘢，但係我喺腦入邊聽到佢把聲！！！

呢種感覺真係好奇怪... 就好似你FF住一個人，不過佢突然喺你心入邊遊走咁！

『喂喂喂 唔好！』我推一推Jennifer 然後我即刻坐返後！

「吖～ 咁快比你發現到呢個能力嘅限制添...」Jennifer古古惑惑咁望住我...

『嘿嘿嘿～ 你估我傻咩～』 一陣比佢睇到我原來只係一個讀N輾嘅毒L，然後嫌棄我點算呀！

「唔係呢，認真你坐過嚟... 我想認真睇下你內心...」Jennifer拍下佢張櫈，示意我坐佢隔籬...

『唔係咁好掛... 始終... 我同你唔係咁熟...』我硬係覺得咁樣好似赤裸裸咁企喺佢面前，冇晒私隱咁！

「互相交換喎～ 你唔係唔記得你頭先做咗啲咩吖嘛～」Jennifer喺度扮可憐咁望住我...

『喂～ 頭先明明係你自己唔覺意...』Jennifer你咁古惑嘅咩？！ 情緒勒索我！

「嚟啦～」Jennifer索性起身行過嚟，坐咗喺我隔籬！

「捱落嚟吖～」Jennifer叫我捱落佢膊頭度...

呢啲咁親密嘅行為... 偏偏要同一個唔係識咗好耐嘅女仔做...

但係我心軟...

咦？ 呢度係....？

「吖恆～ 我想問呢～ 你EIE3123果科個lab 有group未架～～？」 乜地球嘅女仔咁嗲嘅咩？？！

『J... Jenny？！ 我... 我未有groupmates呀！』嗯？ 佢哋做緊咩吖？ Group？

同埋我感受到阿恆好似好緊張咁...

「不如同我同一組吖～ 我果組差一個人吖～」Jenny楚楚可憐咁望住阿恆...

『你果組仲有邊個？唔會係Billy仔掛...？』

「仲有Heily吖～ 嚟啦～～ join啦～ 你唔join一陣就要同non-locals一組架啦～」Jenny再嗲多兩嗲...

等我睇吓先...?

吖？ 原來呢個Billy仔係一個好吃懶做嘅人嚟！ 十足十海防基地果班飯桶！ 把口就叻！ 唔怪得阿恆會有猶疑啦... 但係Jenny...? 究竟佢係咩人...?

我再睇下... 原來阿恆佢入到大學果陣一開始無朋友...
淨係識得讀書，但係讀書又唔係讀得特別出色...
但係佢嘅工程知識原來唔差，平時會落手做好多project... 落到工場會得心應手...

原來啱啱上大學果陣，Jenny入咗工程之後比啲仔當女神咁拜...

其實佢都唔係特別靚姐，係幾識得扮可愛咋嘛... 點解阿恆喺佢面前會無晒抵抗力咁...?

咦？ 呢一段係阿恆第一次同Jenny傾計嘅回憶...?

我正打算潛落去睇之際...

「轟隆！」

嘩！呢一下巨響，由於阿恆嘅感官同我連接埋一齊，加上我自己本身都聽到！ 變相放大咗幾十倍咁，嚇咗我一跳！

有毒者話本躺有棄故之嫌
所以立即出文 特此澄清

輕輕一推

又黎西瓜

突發
本躺一陣出文

Chapter 12 第一役

『嘩！』 我突然聽到一下巨響！ 天花板飛咗好多灰落嚟！空氣頓時變得污濁！

發生咩事？！

「阿恆！ 殺到嚟啦！」Jennifer好緊張咁拉我起身，拉咗我跑去Johnson個counter度！

「Sorry Johnson，頭先做緊其他嘢，分咗心，而家咩情況？」Jennifer好認真好緊張咁問...

「係PLA！ 呢棟大廈比導彈擊中左！我要上去樓上睇下損傷情況！」Johnson好衝忙咁跑出嚟講！

「我哋留喺度仲安唔安全？！」Jennifer追問！

「應該頂得順！ 你哋兩個，入黎幫手！」Johonson拉咗我同Jennifer入一間類似控制房嘅地方...

我見到好多個螢幕，螢幕上面show緊嘅係棟大廈喺天台上面嘅鏡頭景象！

奇怪喇，啲鏡頭全部都係黑白畫面嘅？

「我一個人無辦法應付晒佢哋，你哋兩個試吓分工合作。 呢度有食物生產設施，唔可以比佢哋再炸爛！」Johnson命令我哋！

「收到，Johnson你快啲去叫總部嘅增援過嚟！」Jennifer已經坐咗上另外一張櫈，佢張枱有啲joystick之類嘅物體，同埋一啲著燈嘅制！

「恆！有無睇過狙擊手點樣做？」

『有，一個人揸望遠鏡觀測目標同埋量度風速，另外一個就負責擊殺！』話晒我都係軍事迷，成日都會睇戲見到呢啲情節！

「而家我會觀測目標，你負責擊殺！」Jennifer開始擺動枱面上面支joystick！

『喂，等等先，點樣擊殺？！』我果張枱淨係得一個球體形狀嘅mouse仲有一個screen同埋幾個發著紅光嘅制…

「首先，唔好喂我，我叫Jennifer，有名你叫！」Jennifer表情嚴肅咁望住我講。

「第二，呢個操作好簡單嘅姐，你個screen會見到一行行data
我會叫你select邊個目標去打 你照做就可以。」Jennifer指住我枱面啲發光掣...

「喂！ 專心啦！ 今次係東北面，Track 2527！」又有另外一輪攻擊？！

我聽到Jennifer喺佢部機度好快咁撳咗幾個掣！

我眼前嘅screen多咗一行字！

Track 2527: CJ-10 Mach 0.85 8.9 km Hostile Locked

『等等先Jennifer，點樣select架？！』我好緊張咁擰轉頭問佢...

「撳… 撳落去囉！」Jennifer頭都唔擰過嚟咁答我！

『但係呢度無select制架喎！？』

「TOUCHSCREEN嚟架！撳啦快啦！」Jennifer命令我！

我即刻用手撳落個screen行字！跟住見到眼前其中兩個紅色掣變咗綠色！

唔理啦！ 我直接兩個綠色掣都撳晒！

隔咗幾秒都無事發生... 點知...

「咔碰！ 咔碰！咔碰！咔碰！」 我感受到棟大廈不斷咁震，跟住開始聽到一啲「噹噹」聲…

『正常架呵？』我始終都唔知自己會唔會撳錯嘢，所以好緊張…

「正常嘅，上面果幾台係Bofors 40 mm，你聽到果啲係空彈殼跌落地嘅聲。」Jennifer今次擰轉個身望住我一道指住個天花板一道解釋俾我聽…


當我慢慢適應咗呢間房昏暗嘅燈光之後，我又開始見到佢對眼發住微微嘅綠光…

其實都好特別，好靚…

「不過，下次唔好撳晒兩個掣，除非一座砲台唔夠火力啦， 因為Bofors嘅炮彈非常有限。」

『收到！』我好認真咁答佢！

「拿！又嚟喇！ Track 2528！今次呢支飛得有啲快！」

『Ok，Track 2528』我即刻撳落個screen度，跟住撳咗其中一個綠色掣…

「咔碰！ 咔碰… 」今次棟大廈無震得咁犀利…

但係Track 2528仲未消失！

「仲係未打中！右手邊 細嘅綠色掣！ 快！」Jennifer好緊張咁大叫！

我再望，右邊有幾個被透明膠蓋包住嘅綠色掣！

說時遲，那時快，我即刻揭開個膠蓋，然後大力咁㩒落其中一個掣！

「吱吱吱吱吱！ 隆隆隆隆隆隆！」今次棟大廈傳出另外一種怪聲！

『得唔得架…』我望住天花板有啲擔心咁問… 棟大廈咁震法 都唔知會唔會震到變危樓…

「今次呢支係俄製Gsh-6-30… 」

如是者，我哋一直咁係度detect導彈，跟住將佢哋擊落…

最恐怖嘅係，我哋根本唔知究竟仲有無下一支導彈飛緊過嚟。

我哋都唔知道會唔會track漏其中一支，搞到呢棟大廈被擊中。

而且，好快又有另外一個問題出現… 我哋嘅彈藥已經用得七七八八...