我唔覺意穿越咗時空 遇到個神秘女仔？！

無辦法 心情欠佳
唔知幾時recover到

或者我照出 但係唔校對

唔緊要

決定咗都係出
但係無辦法仔細校對

如你所見 我訓唔到

抱歉 唔記得咗quote你

好啲先寫啦，唔使濫竽充數嘅

支持躺蛇

放心 一直有儲文 我其實可以照出

我唔係蛇啦好冇

Chapter 54: 預感？

『Anson，你感受到啲乜嘢...？』我，Jennifer同埋Jessie三個都好專心望住佢嘅反應...

我已經啟動咗腦聯發射器嗰段程式... 當然唔係折磨人嗰段啦。

「好舒服吖... 點解嘅？ 吖~ Jennifer你做咗啲咩嚟吖？」Anson瞇埋眼一臉陶醉咁講...

佢咁樣似係喺度意淫多啲... 係鬼放鬆！

不過我諗呢個係用家問題...

Jennifer又撞我隻手...？

「借我嚟改少少嘢...」Jennifer不懷好意咁笑...

我忍住笑... 無阻止佢，由得Jennifer改我段程式...

估唔到Jennifer都會有調皮嘅一面...

「啪！」Jennifer撳Enter制，重新執行段程式...

我望望Jennifer，佢又望望我... 跟住我哋兩個望住Anson嘅反應...

「嘩！好急好急！要賴屎啦啦啦！！！」Anson突然慘叫，跟住喺度不停走嚟走去想去廁所咁嘅款...

『「嘻嘻嘻~ 哈哈哈哈！」』我同Jennifer兩個都忍唔住笑...

冇錯，呢個係Jennifer嘅主意嚟... 佢特登整咗個指令係會令到人覺得急屎嘅...

「喂吖！好衰囉你哋兩個！唔可以咁樣對Anson架！」Jessie都忍唔住笑埋一份... 但係佢幫手停咗個program...

「嘩Jessie好彩有你咋！所以都話Jessie幾時都係最好人嘅！」Anson雙手搭喺Jessie嘅膊頭度多謝佢...

我覺得佢似係乘機抽Jessie水多啲...

「咁吖... 我想改變主義啦。」Jessie作勢再撳著個程式...

「嘩！我唔玩啦！走先！」Anson嚇到跑咗出去~

我同Jennifer兩個仲喺度笑緊... 已經笑到就快腳仔軟...

「個嘢Work喎！」Jessie都好興奮咁同我哋講...

『總算叫做改良咗個干擾器先。而家有辦法更加精準咁針對佢哋嘅信號，亦都可以截聽到佢哋啲信號嘅意思...』我確保段Program已經save好咗，然後打開github撳commit and push！

『係啦... 為咗多謝Jessie你... 我哋有啲嘢想比你~ 一齊返Jennifer房攞』我同Jennifer打個眼色...

我哋三個執嘢上返去高層果邊...

「最後一份啦，要快啲食，如果咪好快懷。」Jennifer喺紙袋道攞咗最後一份三文治出嚟...

「多謝Jennifer 多謝阿恆~」Jessie似乎都好耐無食過正常食物咁... 一拎起份三文治就係咁咬！

跟住Jessie仲係望住我... 比Jennifer見到！

「至於嗰樣呢，你唔好打我嘅阿恆主意啦！」Jennifer詐嬲咁講！

唉... 俾人落埋禁溝令添... 不過都好~

Jennifer心入邊有我吖嘛~

送走咗Jessie之後... 我同Jennifer都攤落床...

Jennifer放咗頭髮落嚟... 我望住佢...

「嗯？」Jennifer見到我望住佢... 跟住佢係都要挨落我道...

「我放咗頭髮好靚？」Jennifer喺我心入邊...

緊係啦... Jennifer你幾時都咁靚架喎...

「啪！」Jennifer輕輕打我個頭！

「口花花！」佢笑笑口咁講~

「我沖涼先~」Jennifer起身去咗拎毛巾...

「沙沙沙...」Jennifer沖涼嘅聲...

總係覺得有個女仔同你講佢去沖涼跟住聽著佢沖涼嘅聲真係好尷尬...

我唯有搵其他嘢做... 我打開手提電腦，繼續研究果幾段code...

跟住我開始研究個發射器...

似乎最麻煩都係天線果部分...

突然Jennifer部電腦響起... 係Video Call？

我見到係Professor Y... 我有啲猶疑，不過都係撳咗接聽...

「Hello阿恆，Jennifer佢有嘢做？」Professor佢見到我聽咗個call，似乎一啲都唔驚訝...

『佢沖緊涼，我幫你叫佢出嚟？』我諗Professor都係搵佢掛...

「唔使啦，我打嚟係搵你嘅。」竟然？！

「我想睇下你個干擾器研究成點。」竟然係追我進度！？

『係！你等等... 』我唔敢怠慢，即刻攞我部laptop同埋我果個發射器...

『拿，而家初步已經可以整到一部分command出嚟，我哋留意到只要同佢哋發射相反數字嘅command嘅話就可以抵銷佢哋嘅信號。』我好緊張咁一一交代，再show啲code比佢睇...

只見佢點點頭，似乎Professor佢好信得過我？

「唔錯。下一步就係去諗點樣喺總部嗰度安裝。」Professor已經講埋我研究緊嘅嘢！

點解佢每次都好似先我一步，知道我下一步會做啲乜嘢嘅呢！？

「我話你知，總部嘅建築結構本身都有好多金屬框圍住，正常嚟講就算Jennifer第一代嘅干擾器臨時失效，只要仲喺室內範圍嘅話都應該唔會有問題。」

「但係，呢個只係假設總部嘅外殼無被破壞。另外，如果你有細心留意嘅話...」個Professor Screen Share咗一幅圖出嚟... 係總部嘅電力block diagram！

「總部所有干擾器都係用中央電力。恆，你話我知，呢個系統嘅single point of failure喺邊度？學過cut set tie set未？」Professor問我問題...

我細心研究... 總部嘅供電系統... 其實都有儲電池，又有太陽能，仲有渦輪發電機...

幾種不同嘅供電設備... 根本就唔會有所謂嘅single point of failure...

『唔係喎，我搵唔到。』我如實回答...

「呵呵。我設計呢個總部果陣都係好似阿恆你咁諗架。」Professor乾笑兩聲...

Professor佢指一指電力分配設備...

應該就係Jackey打電話落去嘅地方...

「記住，呢度就係基地嘅弱點。只要炸咗呢道，就算你有電你都無辦法正常分配到，所有系統都會shutdown。」Professor認真咁講...

但係電力分配設備放喺B7地底層... 仲低過地底車庫嗰度...

就算出面PLA用飛彈都唔會轟到嗰度...

「至於點樣解決呢個隱患，就留返比你自己去諗啦恆。」Professor拋下呢一句，跟住就收咗線...

可惡... 呢個會唔會係暗示嚟嘅呢？！

呢個Professor每次講嘅嘢就好似比緊提示我咁...

上次銅鑼灣有人埋伏又係佢預先提我哋！

跟住佢好似已經知道我會做Jennifer嘅拍檔！

甚至頭先我聽咗Jennifer個Video Call，佢都好似估到我會去聽咁！

但係佢又唔直接話我知應該點做...

真係令人諗唔通！

「頭先你同邊個傾計？」Jennifer突然喺我身後出現！

『Professor Y佢頭先打嚟... 我仲以為佢搵你，點知原來係嚟問我進度...』Jennifer沖完涼成個人香噴噴咁...

佢啲頭髮仲濕... 似乎係啱啱沖完涼出嚟...

「無特別嘢搵我？」Jennifer都覺得奇怪呢~

『無喎... 話說你有冇風筒？』我想幫Jennifer吹頭髮...

佢濕住個頭瞓覺會頭痛架！

「我自己嚟啦...」Jennifer拎起一個圓形風筒...

只見個圓形中間係空心嘅... 把風筒仲要係無線嘅！

「嗚！」個風筒到好大風下！

『喂吖比我幫你啦~』我攞咗Jennifer個風筒...

跟住佢終於好似個細路女咁乖乖哋坐喺度比我吹頭~

更新到Chapter 54
各位早晨 無咩事本躺返去訓先...

2036仲用緊git
佢有冇set private repository㗎

btw係2035年
可能人哋總部有私人github server呢

咁用gitlab仲好啦

比你發現咗我啲弱點添