我唔覺意穿越咗時空遇到個神秘女仔？！

賽格（限電）

1001 回覆

33 Like 37 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

賽格（限電） 2021-10-07 00:20:16

今次係我第一次寫故，如果文筆唔太通順就麻煩大家指點一下我。

暫時未定到更期通常夜晚九點更新

故事情節純屬虛構 如有雷同純屬巧合！

希望大家會中意啦

P.S. 開頭可能有啲悶大家忍耐下

山區兒童窩巴 2021-10-07 00:20:33

山區兒童窩巴 2021-10-07 00:21:00

10秒留名

賽格（限電） 2021-10-07 00:23:30

Chapter 1：平凡嘅學生
簡單介紹下自己先。
我叫阿恆，今年讀緊九龍城某學府某工程科嘅final year，近排忙緊研究畢業論文。

（突然響起Antonio Vivaldi - Winter嘅鈴聲！）

『Hi！晨早流流邊個打嚟擾我清夢呀~？』呢排掛住忙個畢業論文，我已經無覺好訓架啦。

我拎起部電話，正準備撳接聽然後抱怨佢嘈醒我之際，再睇真啲...

嘩！竟然係我女神Jenny打嚟！

山區兒童窩巴 2021-10-07 00:25:32

推推推推推推

賽格（限電） 2021-10-07 00:25:37

Jenny係我畢業論文嘅組員之一，亦都係我夢寐以求，一直想追嘅女仔。

「喂~ 吖恆~ 你幾時返到嚟吖？」電話傳嚟Jenny把妹妹仔聲。

『Jenny？啊！係喎！我差啲唔記得啲飛機零件到咗，要攞返黎比你哋添！你等我吖！我好快返到！』一言驚醒夢中人！我左手揸住電話，右手打開櫃桶攞衫着！

「我哋喺R903等你吖~ 你慢慢啦~~ 唔好太急喎~~ 如果咪又好似上次咁仆親架啦~~」Jenny真係溫柔體貼嘅姐。。。

『好！陣間R Core見！拜拜！』

賽格（限電） 2021-10-07 00:28:02

我拿拿聲收線！

我即刻喺電話開個城巴App出嚟睇班次！

唔知大家有冇用城巴個APP，次次開親都要等幾秒先load到...
尤其是我心急果陣真係覺得佢特別慢！

我即刻查最快嘅110...
九巴... 嘩Hi！架車仲有5分鐘到琴行街！

由於小弟家境貧困，自細就屈住喺北角斜路上面啲舊樓，所以要行落巴士站至少要5分鐘！

加上110只要過咗琴行街就會飛上東區走廊直達紅隧！錯過一班車嘅話至少等20分鐘

！機不可失！

賽格（限電） 2021-10-07 00:32:04

我拿拿聲攞起盒貨，再喺個唔太凍嘅雪櫃攞埋份用生命麵包夾嘅火腿蛋治，隨即奪門而出！

Jenny等緊我！

我頭也不回，一個箭步衝去𨋢口度，狂撳個𨋢制！

唔知係我好彩定係咩事，居然好快就有𨋢！

我即刻撳UG，再用400Hz手速狂撳關門制！

「嘟嘟嘟嘟嘟.... 唔好...！」升降機門關上，開始下降。

咦？我有冇聽錯？頭先好似有人聲？

...
..
.

奇怪啦，平時架𨋢的確係慢，不過好似無咁耐架喎？
同埋我感受到個冷氣好似有啲凍。

唔係喎絕對唔係我心急作怪！
真係有啲耐呢！同埋真係越嚟越凍！

搞乜鬼嘢吖？！

賽格（限電） 2021-10-07 00:33:02

喺我仲猶疑緊發生咩事之際，架𨋢突然猛烈chok咗一下，我全身好似觸電咁有啲麻痺，跟住升降機嘅燈突然全滅！

大撚獲啦今次，唔係困𨋢掛？北角舊樓啲𨋢成日都壞！

我摸黑攞部手機出嚟，打開個電筒，嘗試搵個警鐘制。

我撳！無反應嘅？
我再撳！真係無反應喎！！

唉大鑊啦架110肯定走咗架啦！要Jenny同埋啲組員等我點算吖？

賽格（限電） 2021-10-07 00:34:51

等等先！冷靜！我需要冷靜！

架lift雖然得我一個，但係如果我緊張嘅話只會增加人體二氧化碳嘅排放量，提早令自己窒息！

我要調節自己嘅呼吸...
『吸...... 呼......』

豈有此理！我身為一個N輾學生，你覺得困𨋢呢啲嘢真係難到我咩？你唔救我，我都會諗辦法自救！無人可以低估我要去搵Jenny嘅決心！

我嘗試攝隻手指落門罅度，用力盡九牛二虎之力去拉！

賽格（限電） 2021-10-07 00:35:46

唔得！開唔到！

既然用手唔得就試下攞工具！我一手攞住手機電筒，另外一隻手打開我嗰盒攞嚟做論文嘅零件同工具，單手翻找下有咩工具可以用...

我嘅眼光落喺一把不鏽鋼螺絲批度...
如果我試下攞個螺絲批插落個門罅度然後再撬，可能得！

我放低部手機，左手固定個螺絲批對準條罅，右手作勢向螺絲批嘅把手一劈！

賽格（限電） 2021-10-07 00:36:42

「咔噹！」

『嗚吖吖吖！』我掩住右手慘叫一聲！

個螺絲批插唔入條罅！我決定先將個螺絲批攝住喺條罅度，再向個把手使一記佛山無影腳！

「咔啪！」

插得入，計劃通！我再運用槓桿原理，四兩撥千斤！我用力撬！見到出面有光！

『救命吖！困𨋢吖！有冇人吖？困𨋢吖！』我破聲大喊，照計樓下大堂有保安應該會聽到！

賽格（限電） 2021-10-07 00:37:08

無反應。有啲奇怪！

我經條罅望出去，估計架𨋢應該到咗大堂左右，但係點解會靜到完全無聲嘅呢？

平時大堂無冷氣，通常都會開著把風扇，但係我完全聽唔到風扇聲喎。

我繼續撬，直到我可以攝隻腳落條罅度。我再用牆借力，用盡腰力將度𨋢門推開！

眼前嘅景象硬係令我覺得有啲唔妥......

賽格（限電） 2021-10-07 00:37:52

電梯大堂一片昏暗，豎立喺𨋢門對面嘅信箱充滿啡到發黑咁濟嘅鏽漬。

原本掛喺大堂嘅風扇成個唔見咗，淨係見到牆上穿咗個窿，有幾條斷咗嘅電線露咗出嚟。

我再向左望，原本大堂嘅鐵閘，似乎俾人摧毀咗，淨係得返個生鏽嘅鐵框喺度...

究竟我屋企棟舊樓搞乜嘢吖？！
舊係舊咗啲但係唔係溶溶爛爛咁架喎！

賽格（限電） 2021-10-07 00:39:33

我再醒起我約咗Jenny！
即刻跑返去部𨋢度攞電話打去同佢講我會遲到！

我再睇下，咦？無信號？
我行去個爛鐵閘門口度再試下，都係冇信號！

我再睇真啲個電話，發現時間日期全部錯晒！

家陣乜今次玩咁大呀......