我唔覺意穿越咗時空 遇到個神秘女仔？！

早

https://www.youtube.com/watch?v=LeqKYYmymEA

Chapter 39: 永無寧日

「好慘。」Jennifer聽完首歌之後咁講...

『首歌就係講一隻比獵人玩到爛晒嘅獵物喺度控訴獵人...』我解釋返比Jennifer聽... 就好似當時介紹我聽呢首歌嘅人解釋比我聽咁...

「下一首～」Jennifer撳咗落我嘅純音樂系列...

係Vivaldi嘅Violin Concerto in A Minor...

呢首係一首節奏輕快開心嘅歌...

Jennifer而家捱喺床上面合埋眼喺度欣賞緊...

而我就望住對面海嘅鯉魚門...

原來對面海仲有燈光... 似乎對面仲有人住...

其實如果呢度唔係打仗... 都幾寫意吖...

等等先... 窗上面好似有個紅色發光嘅框框圈住鯉魚門個邊...？

我首Violin Concerto in A Minor播到一半突然停左！

正當我覺得奇怪之際...

「嗚！嗚！嗚！嗚！嗚！嗚！」唔知邊度黎嘅警報聲！

間房嘅燈突然喺度閃紅色！係火警鐘？！

「General Quarters! General Quarters! All hands man your battle stations! Enemy activity detected. This is not a drill!」有警報聲喺度宣佈！

發生咩事？！

「出面有事！恆！我地要行啦！」原本仲陶醉緊嘅Jennifer聽到之後第一時間跳起身，跟住拎咗槍！

我都唔敢怠慢，第一時間拎起我嘅SVD！

「唔洗，你拎呢支！我地唔會跑太遠！」Jennifer比左佢支PS90我！

跟住我地跑咗出去大本營...

「Generator Room! I need those turbines up and running at full speed ASAP! Divert all usable power to CIC and Weapons!」有人好緊張咁拎起電話命令道！

「Situation Report! Anyone?」Jennifer命令佢哋立即交代情況！

「Jennifer! Jack發現對面鯉魚門有PLA活動，似乎部署緊武器！」有一個戴眼鏡嘅女仔向Jennifer報告！

有其他嘅人喺四方八面咁跑入黎大本營，跟住都坐返上自己嘅位置！

只見Jack喺度操控緊其中一個紅外線鏡頭望緊對面岸...

大本營嘅燈閃一閃，跟住全部着晒...！發電機啟動咗！

「係迫擊炮。」Jack指住螢幕話比Jennifer知！

佢將個畫面share screen咗上大螢幕比大家睇...

「TAO, eyes on CIWS! Prepare to intercept incoming projectile!」Jennifer落命令！

*TAO, Tactical Action Officer, 喺戰艦入邊負責控制武器嘅人員

*CIWS, Close-in Weapon System, 可以係一啲機關炮，或者係火箭。專門對住飛緊過嚟嘅砲彈開炮，目的係破壞彈頭，令到佢冇辦法傷害到目標。Lockheed Martin已經研究緊用激光黎做CIWS.

「TAO Aye! （收到！）」答嗰個竟然係Angie！只見佢控制住手上嘅Joystick.

「Incoming enemy artillery！」畫面見到對面岸嘅士兵對住我哋發射迫擊炮！

「Thermo scope now tracking 3 incoming shells!」Jack繼續匯報！

「Power Plant running at full capacity!」頭先拎起電話嗰個人報告返！

「TAO, CIWS Select Energy Weapons and Engage!」Jennifer繼續命令！

我望向大本營出面... 只見幾條刺眼紅光射咗出去... 跟住對面岸嘅空中出現幾下爆炸...

就好似放煙花咁... 原本射過嚟嘅迫擊炮彈就咁喺空中爆炸！

真係有驚無險！

佢地用咗激光去對付啲迫擊炮彈... 好犀利！

唔怪得佢地咁急要開發電機啦... 原來係想用激光...

我就好似一個傻仔咁企咗喺度望住佢地，唔知做乜咁...

但係點解PLA會選擇用迫擊炮黎攻擊呢度呢...？

我諗佢地傻極都應該知呢度會有CIWS喺度㗎...

「放心喎，呢度嘅防禦設備同神盾級戰艦一樣咁勁架，得嗰幾支迫擊炮係冇乜可能攻得破架。」Jennifer見我望到呆曬，拍一拍我膊頭同我講...

佢真係好野... 點解可以喺指揮緊成隊人嘅同時仲可以有心情顧我？

「話晒呢度嘅設備，有好多都係Lockheed Martin贊助嘅...」Jennifer仲可以繼續介紹？

不過真心唔係講笑，F-35都係Lockheed Martin呢間公司整嘅...

甚至神盾防禦系統，都係呢間公司嘅產物。

「對面岸搬緊SPG出嚟！」Jack再次報告...

*SPG, Self Propelled Gun, 類似迫擊炮，不過係大炮嘅level，係可以對付海防基地呢種地堡嘅武器... 而且砲彈嘅速度比較高，用傳統CIWS未必可以成功攔截...

「忍夠佢啦。」Jennifer低聲咆哮... 咁樣嘅佢突然變得有小小恐怖...

「你哋同我望實佢哋，對面邊個夠膽開炮就攞Laser照邊個，唔好俾佢哋埋到去！」Jennifer好惡咁講... 我見到佢對眼好似少少發紅！

「收到！」喺大本營嘅大家全部都非常合作！

「我去用嗰樣武器...」Jennifer打算拖一拖我走...

果樣武器？我仲以為呢度淨係得防禦系統嘅添...

乜仲有攻擊嘅武器架咩？

「會唔會太麻煩... 不如直接開Bofors炸毀佢地咪算囉？」有人向Jennifer提出意見...

「最低武力。」Jennifer拋下四個字...

「叫發電站輸電過去果邊，我果邊要開油壓泵。」Jennifer同拎起電話嗰個人講...

「恆，我哋行！」Jennifer放返低支SCAR-H，帶我行咗去大本營上層嘅其中一個出口...

「Generator Room, Divert Power...」後面有人拎起電話命令著...

我地去左一個室外嘅地方...

呢個武器係...？！

更新到Chapter 39

Chapter 40: 古董武器

呢個係... 第一次世界大戰果陣英軍遺留落嚟嘅隱藏式大炮？！

但係當時唔係話真嗰支拎左去英國，淨係留個複製品攞黎做展覽㗎咩？！唔通佢地特登改咗佢黎？！

「呢度入去。」Jennifer揭開左地下一道白色嘅鐵門，示意我爬落去...

由於而家開左發電機嘅關係... 周圍已經燈火通明，就算係夜晚都可以周圍走...

我小心咁爬梯落去... Jennifer隨後跟咗落黎。

只見白色地堡入邊有一座大炮... 地下有一排排嘅錐體金屬柱...

呢啲係彈頭？！點會有人將彈頭放喺炮台入邊㗎？！一陣唔覺意撞到彈頭咪成個地堡炸飛？！

「你知唔知，我嘅宗旨係乜嘢？」Jennifer突然喺身後問我...

我淨係知佢唔想亂咁傷害人... 但係佢而家做緊嘅野...

「我唔想傷害無辜嘅人。就算要殺人，我都盡量用最快嘅方法令到佢唔洗承受太多痛苦。」

唔怪得Jennifer之前開槍，都係一槍直接打中要害...

「如果可以，就淨係令到佢地失去攻擊力就算。呢度所有彈頭都係實心金屬彈黎，唔會爆炸。」Jennifer解釋比我聽...

「戴著。」Jennifer比左一個耳罩我...

跟住自己拎起第二個耳罩戴著...

如果無戴耳罩嘅話睇怕會壟都似...

『咁我有咩做？』我諗佢帶我過嚟要幫手嘅...

「用呢個吊臂，拎彈頭裝上呢條軌道...」Jennifer指一指天花板吊住鐵鏈，連接咗液壓裝置嘅吊臂...

炮管後面有一個類似軌道嘅野...

我用隻吊臂將其中一粒砲彈放喺軌道上面...

「跟住係炸藥包，喺下低呢到攞。我會同你講要放幾多個，你跟住做。」Jennifer另外示意我去攞一啲白色圓柱體，好似米袋之類嘅野...

我揭開地下一個蓋，拎咗其中一包出嚟...

「呢個要輕放，如果咪就真係煙消人散，係咁先㗎啦。」Jennifer再三提醒我...

係炸藥包...

「轟隆！」出面突然發生好大嘅爆炸！我就算而家喺地堡入邊都感受到少少震撼！

可惡！SPG擊中咗海防基地？！

「放心，打中咗我地，呢度會地震咁嘅款。應該係攔截咗，快手放埋另外兩包上去啦！」Jennifer指示我繼續擺炸藥包...

我即刻嗱嗱聲搬多兩包上去...

「Jennifer，佢地已經開咗一炮，你係就快手啦。我哋支Laser差唔多過熱㗎啦。」耳罩入邊既無線對講機傳來Angie把聲...

「裝彈！」Jennifer撳咗個制，跟住有個活塞將炸藥包同埋彈頭一齊推入炮管！

跟住炮管嘅後蓋自動閂埋！

似乎佢地自動化咗好多嘢... 肯定唔係原本一戰嘅設備！

「TAO，get me target range and bearing relative to my battery.」Jennifer叫佢地計算敵人嘅距離同埋方位...

「咇！」炮台呢邊原來都有電腦，但係似乎只可以接收訊息... 唔係攞黎直接控制大炮。

Jennifer撳咗個制，跟住個炮管慢慢升起咗...

「隆隆隆隆隆隆...」 我感受到砲台喺度慢慢旋轉...

Jennifer單眼望入潛望式光學測距儀控制炮台對準目標...

可惜我唔夠細心... 冇留意到Jennifer有異樣...

「擘大口大叫吖吖吖吖吖吖！」Jennifer要我叫？

For what？

「吖吖吖吖...」我照做...

「Battery Release!」「轟隆！」

炮聲簡直令人震耳欲聾！ 我感受到我成個肺同埋心臟好似比無形嘅力咁大力壓一壓！幾乎壓碎咁嘅款！

終於明白點解要戴住個耳罩... 其實就算戴著耳罩我都覺得太震撼...

只見炮管嘅後座力令到佢自己跌返入黎...

平時就喺海防博物館睇嗰個模型姐... 冇諗過原來要發射呢座大炮要咁多功夫...

「點吖，係咪好好玩呢？」Jennifer笑面盈盈咁經耳罩嘅對講機問我...

佢對雙眼微微發紅... 但係喺燈火通明嘅炮台入邊，唔係好覺...

『欸... 咳... 咳！ 我真係無你咁好氣...』我仲未唞返順條氣...

「Fortress，CIC reports that enemy SPG Vehicle has been destroyed，enemies are retreating.」對講機傳來另外一個女仔把聲...

似乎對方嘅SPG比我哋一炮就打到報銷。

「Roger that, continue monitoring the coast and ensure that all weapons are ready. No radio activity without my permission.」Jennifer回答，跟住示意我一齊爬返出去...

真係好彩Jennifer嘅槍法夠準...

我真係怕我嘅心臟承受唔到開炮嘅衝擊力...

『做咁多嘢，淨係為咗炸一架SPG車？！』我覺得真係好似大炮打烏蠅...

「你知唔知打仗最緊要係乜野？」Jennifer突然咁樣一問...

『用最快最有效嘅方法解決敵人？』

「係用最少嘅武器就要做到目的，唔好暴露自己嘅真正實力。」

「如果頭先開著Bofors 40mm嘅話... 首先要啟動搜索雷達搵嗰件目標，然後再用火控雷達鎖定。對方一定有Radar Warning Receiver，佢地就會知道我地用啲乜嘢型號嘅雷達，然後去查我哋部雷達嘅弱點。」

原來係深藏不露嘅原理！

「所以我先特登用啲咁古老嘅武器黎對付佢哋... 」

「試諗下頭先我哋淨係一粒金屬砲彈炸落去，佢地查到啲乜嘢吖？」

「我怕佢連嗰啲係佢部車嘅殘骸定係砲彈碎片都分唔到吖！」Jennifer冷笑兩聲！

『好啦叻啦叻啦...』我真係怕左佢...

不過真係估唔到... Jennifer雖然細我幾年，但係佢嘅思緒係咁細緻嘅...

唔通真係教育制度唔同嘅關係？

更新到Chapter 40
今日總算可以休息下～

如果無戴耳罩嘅話睇怕會壟都似...

咁都比你捉到我
謝校對
聾聾聾聾聾聾

更新到Chapter 41
臨訓前po埋

太陽能板運作嘅時侯需要有良好嘅散熱

時候 時候 時候 時候 時候 時候
證明妹妹仔真係有細心睇文
咁細嘅錯都比你捉到

仲有

「天睛，攝氏22度，有微風。」 有人匯報...

晴 睛

晴 晴 晴 晴 晴 晴
大意了

Chapter 42: 喪屍之迷...

『Erika，話唔話到比我知係乜野黎？』我即刻認真咁問！

「有啲難... 呢個信號都唔係好強... 只可以知道方位同距離。你真係想知係咩黎嘅話我要開Active Radar.」Erika望住個圓形嘅畫面，指著其中一個綠點同我講...

『佢喺乜嘢方向，距離我哋幾遠？』我控埋Erika個mon去睇...

「呢度，大約5公里，130度，航速... 105節...」個綠點似乎喺度慢慢圍住圓心咁轉...

係低速盤旋緊？但係如果一架戰機離我哋咁近嘅話... 肯定聽到引擎聲架喎...

不過唔似戰機吖... 105節... 仲飛得慢過民航機。

*正常民航機降落果陣嘅速度係大概130-150節

「另外Passive Radar不停受到干擾，似乎有人發射緊其他信號...」Erika指著另外一個Show咗幾張頻譜嘅mon...

『搵信號干擾來源出黎。』我對於干擾有啲不詳預感...

「要開多兩隻天線喎，又要再用多啲電...」Erika有啲擔心咁望住我講...

『Ok, Jackey。將所有電力集中供應比雷達系統，同埋維持所有武器運作。其他non-essential嘅全部暫停供電。』我指示Jackey...

「冇問題。」Jackey隨即啪咗幾個掣...

只見大本營嘅燈全部轉晒暗紅色，隧道嘅燈一次過全部熄曬... 出面炮台嘅燈都熄咗...

「另外兩支定位天線開左啦...」Erika通知我...

「訊號干擾來源... 係佢...」Erika有啲驚咁指著嗰個圍住圓形雷達畫面圓心轉嘅綠點...

「隆！」石屎走廊盡頭有人好粗暴咁打開咗門！

大鑊... 我頭先睇怕係熄埋Jennifer間房啲電...

有人急步行咗出嚟...！係Jennifer！

「What happened to our power supply？！」Jennifer立即拷問！

『頭先係我叫Jackey熄曬啲非必要嘅用電裝置嘅...』我如實向Jennifer講返，廢事佢責怪佢哋...

『Jennifer，我哋呢度有個問題。』我認真咁指著雷達畫面...

「咦？」Jennifer收起佢嬲嘅表情認真一望雷達畫面...

「嘟嘟...」一部紅色嘅固網電話突然響起！

「This is Jennifer speaking.」Jennifer拎起電話聽...

「Prisoners of War in ICAC are being linked! Find the signal source ASAP! I cannot hold them any much longer! They are getting mad!」係Johnson果邊打黎！

佢話啲俘虜俾人連接咗？！仲話冇辦法捱得耐！？

我突然諗通咗！當日Jennifer見到嗰㗎黑色無人機應該係發射緊腦聯嘅訊號！

唔怪得嗰個PLA會突然變得咁奇怪！

「Sorry, 我啱啱醒，我會盡快處理。」Jennifer放低部電話然後卒一卒對眼...

『Erika，你識唔識分析嗰啲訊號？』既然Erika操控到雷達...

「阿恆，我以前係讀電腦架... 雖說係IT狗姐，唔係樣樣都識架。你呢啲要搵電子嘅人先搞得掂。」Erika有啲無奈咁講...

「等我黎，Erika麻煩你...」Jennifer示意佢讓個位...

Erika企咗喺我隔籬，一齊望住Jennifer做野...

「Jack, eyes on Thermo Scope.」Jennifer指示Jack啟用熱力追蹤鏡頭，但係佢眼睛冇離開過眼前嘅螢幕...

Jennifer真係可以一心多用架喎！

佢飛快咁喺鍵盤上打字...

「供電比我間房，開返着我間房部電腦，我要攞啲資料。」Jennifer落命令！

跟住Jennifer開左個TeamViewer出嚟... 遙控入自己間房部電腦... 開咗幾張chart出嚟...

跟住佢再同雷達站嘅chart對比...

「可惡！真係腦聯黎！架飛機發射緊腦聯嘅訊號！」Jennifer大聲咁講...

只見大家都露出恐慌嘅眼神...

「放心，只要你地都仲喺呢幢基地嘅範圍内都唔會有事，如果干擾器仲係正常運作緊嘅話。」等等先... 唔通呢度大家都裝有腦聯？！

『係咪應該打隻飛機落黎？』我始終對於敵人嘅飛機喺我哋上空盤旋都係唔太安心...

「係，問題係用咩方法打落黎。」Jennifer雙眼微微發紅...

以Jennifer嘅性格佢一定唔想用Active雷達架啦... 唔好暴露自己嘅實力吖嘛...

如果咪呢度就一早可以開CIWS打到架飛機變碎片啦！

唔通佢又想用自己嘅能力！？唔好啦喂！

『喂Jennifer，唔好。』我立即制止Jennifer！

Jennifer嘆一口氣...

『Jack, 你嘅熱力探測唔見到佢？』我即刻問...

我好怕Jennifer對眼再用嘅話會壞...

「有，等佢飛過嚟近我哋嗰陣會見到。」Jack回應我...

『係呢，唔知呢度有無Stinger呢？』我好奇一問...

*Stinger，刺針導彈係美帝嘅手提式防空導彈，利用熱力追蹤嘅功能鎖定目標... 俄烏衝突嗰陣美帝比左好多刺針烏軍用

「唔錯唔錯，我哋應該有。」Jennifer拍一拍我膊頭滿意點頭咁講...

「跟我黎。」Jennifer拖左我出去...

只見大本營出面漆黑一片...

Jennifer拖住我跑向大本營後面嘅山頭嘅方向...

「嗚嗚嗚嗚嗚...」我隱約聽到天上有螺旋槳嘅聲...

更新到Chapter 42
各位早晨

點解每po一次都食多粒負皮架

新人lm

多謝支持

Chapter 43: Stinger

「上次嗰間屋仔！」Jennifer扶我去爬梯...

我都唔敢怠慢，即刻爬落去！

之後Jennifer拖住我一直跑...

Jennifer跑咗入去拎... 我喺出面等佢...

「好重... 恆... 幫我！」Jennifer抬咗支刺針導彈出嚟，我幫佢接著...

跟住佢同我抬著刺針導彈一齊跑...

一齊跑上斜路... 上咗去一個幾高嘅位置...

呢度可以望晒鯉魚門對面岸...

「呢度！」Jennifer帶我嚟到一個著左紅燈嘅地方...

只見呢度有一台火箭炮... 但係入邊冇裝火箭...

「推入去。」Jennifer同我抬起支Stinger... 慢慢推入去個火箭筒入邊...

「呢支係FIM-92J，載有1kg嘅炸藥彈頭，專門對付UAV嘅... 由於而家咁黑你地無辦法用眼鎖定目標，你又唔比我用果樣野... 我哋唯有借助Thermo Sight.」Jennifer一邊向我解釋，一邊連接火箭炮基座嘅電線...

「得啦！要返去啦！」Jennifer拉著我跑去另外一個位，跟住佢喺地下打開咗一個蓋... 我哋爬落去...

「咿... 啪！」Jennifer打開咗出口嘅門...

我一跳落黎...！係漆黑一片嘅隧道... 前面見到大本營嘅紅燈！ 我跟住Jennifer跑出去！

「搞掂，裝好咗啦...」Jennifer喺度唞緊大氣！

「TAO，Confirm launcher is operable?」Jennifer問係咪用到支火箭...

「Launcher is now operational.」Angie望住佢個武器欄嘅畫面回應Jennifer.

只見Angie伸展佢對長腿... 佢對腳又真係幾正...

「轟！」我嘅腦袋突然被人大力一敲！

「專心！」Jennifer有啲嬲咁話我！

『嗚吖！』我慘叫...

Angie發現左我望佢之後喺度陰陰嘴偷笑...

『Erika, 佢仲有幾耐進入可視範圍？』我認真咁問...

「20秒... 10秒... 而家應該進入咗8公里範圍啦。」Erika匯報...

「Jack, Thermo見到佢未？」Jennifer行過去望佢個畫面...

「啱啱有啦，Lock on target！」Jack好淡定咁喺個mon道撳咗吓...

Jennifer：「TAO，kill target with birds.」

Angie：「TAO，Aye. Killing target with birds.」

「碰！吱吱吱...」我隱約聽到樓上發射導彈嘅聲...

FIM-92J防空火箭以2馬赫嘅速度衝向不明嘅飛機！

「Detonation.」Jack透過Thermo Scope見到爆炸，匯報比大家聽！

「Radar contact lost.」Erika亦都匯報...

「好野！！！」大家開心咁歡呼！

「咪住。我打埋電話先。」Jennifer望一望無線電頻譜圖，再拎起紅色嘅固網電話...

「Johnson, we have destroyed the signal source, what is your status.」Jennifer認真問道...

Johnson：「Thank you Jennifer, the prisoners have finally calmed down.」

「成功咗啦～ 做得好好吖大家。」Jennifer滿意咁讚一讚大家...

大家都好開心... 似乎冇再嬲Jennifer啦...

「仲有你吖阿恆。」Jennifer拍一拍我膊頭...

「襯我暈咗嗰陣竟然自把自為...」Jennifer好似好嬲咁講...

死啦... 會唔會比佢鬧我架...？！

「你都做得好好吖。」Jennifer溫柔咁喺我耳邊講...

『你嚇得我吖！』我抗議！Jennifer係咪有心㗎？！

「嘻！」Jennifer對我做鬼臉！

「邊個叫你頭先gup女喎～」Jennifer喺我耳邊一講！

原來佢呷醋！等等先... Jennifer呷醋咪姐係...

大家見到我地兩個喺度耳語咁... 睇得好開心...

「咀佢～ 咀佢～ 咀佢～」大家喺度起哄！

喂吖... 我唔敢吖...！

「妖... 我先唔要～」Jennifer扮到一臉嫌棄咁，又有啲怕醜...

我都廢事勉強佢... 令大家失望添。

「好啦，大家繼續監視著基地嘅情況... 如果有咩動靜就再通知我啦...」

「仲有記得輪流休息吖。」Jennifer溫柔咁提醒佢地...

「噓...」Jennifer慘被眾人噓聲數落...

「喂！」Jennifer扮嬲！佢扮到咁... 連我都睇得出啦！

大家唯有屈服... 返去自己位做嘢...

我諗住跟Jennifer返去... 點知有人拉著我？

「Jennifer佢擺明係鍾意你啦！做咩唔去馬吖？！」係Erika？

只見Erika面上掛住一個調皮嘅表情...

『我都唔敢肯定...』

「你對佢冇feel咩？？」Erika鍥而不捨咁追問...

「有。」我細聲講...

「咁加油啦你。」Erika輕輕拋低一句，然後返咗去佢嘅雷達站...

我再返去Jennifer間房...

我唔係唔鐘意Jennifer... 但係我心入邊仲有Jenny...

我係冇資格鍾意Jennifer。

更新到Chapter 43
嚟緊考試 可能會唔記得咗更新
有呢個情況嘅話就麻煩大家提醒我

［call馬] 點解冇人識西灣河喺邊度
https://lih.kg/2989781
- 分享自 LIHKG 討論區

睇完呢個故 大家都會好清楚西灣河呢個地方

啱啱考試, 陣間calm down咗個人先出