我唔覺意穿越咗時空 遇到個神秘女仔？！

可能係練持久呢

搞到變成咕咁

頂 無覆到
尷尬囉

反應有無咁快

諗諗下發覺好似睇過

原來大家咁熟

開始校對！

更新到Chapter 62～
謎題慢慢會解開嘅
我唔鍾意有太多嘢吊住讀者

Chapter 62 --0-0

佢突然亮起激光劍！

可惡！點解啲人唔講義氣架？！

Jennifer舉起FN 57！

「碰！吱！碰！吱！」Jennifer開槍，但係個女仔嘅動作好快，不停地揮劍擋！

個女仔拎住劍一度擋，一度退後...

Jennifer改變主意，將FN 57稍為向後嘅地方一指，打算開槍射殺個女仔嘅拍檔！

個女仔用劍劈Jennifer啲子彈，打算保護自己嘅拍檔，等佢唔會受傷！

「轟碰！」我用SVD開槍打落個女仔附近嘅地下！

佢哋兩個總算停咗唔打鬥...

『夠啦你哋兩個。』我有啲嬲咁話佢哋。

『你自己個拍檔已經暈低咗，點解你仲要舉劍指嚇Jennifer？為咗完成你果個唔可能完成嘅任務想犧牲埋自己嘅拍檔？』我責怪果個女仔...

「恆！你唔好阻我...」Jennifer都唔高興...

『你又係，點解要突然舉槍挑釁佢？頭先好地地我勸咗佢放低武器！』我連Jennifer都話埋...

我係無諗過Jennifer都會咁不擇手段！

Jennifer有啲委屈咁望住我...

「我只係想保護你咋... 佢話殺埋你都得吖！」Jennifer喺我內心講...

『人與人之間本身應該有信任。』我好堅定咁講...

「「荒謬！」」Jennifer同埋果個女仔異口同聲咁鬧！

『荒謬吖嘛？好吖！Jennifer你信唔信我？』我就一直都好信任Jennifer嘅。

「信。」Jennifer堅定咁望住我...

『你，你信唔信我？』我問果個女仔...

「唔信。」可惡... 又落我面...

『Jennifer，你信我嘅話，你放低槍先。』反正我都已經知道槍對佢無用...

「阿恆你知唔知自己喺度做咩吖？！」Jennifer睥實我...

但係佢慢慢將支FN 57放喺地下...

『咁樣你信我未？』我望住個黑袍女仔...

由於佢笠返件袍頂帽，我見唔到佢嘅表情...

「唔信。」個女仔非常之倔強...

『你而家大可以捉我個拍檔吖，佢無槍喺手喎。不過我就係信你唔會咁做。』我仲孭住我支SVD，佢試下郁手我就開槍打佢個拍檔！

『到你啦，放低你果把劍，我比你繼續着住長袍。咁樣你可以保證我唔會傷害到你。』我無視呢個女仔嘅倔強...

個女仔有啲唔願意咁慢慢將把劍嘅柄放喺地下...

我行埋去將兩件武器都收走！我喺個女仔面前將FN 57嘅彈盒退出嚟，再退埋槍膛嘅子彈出嚟示意比佢睇我真係唔係打算陰佢。

『呢兩樣嘢暫時交比我保管。』我收起佢把劍嘅柄... 亦都拎走FN 57嘅彈盒，比返支空槍Jennifer。

劍柄嘅質地好奇怪... 完全唔知係乜嘢科技做嘅...

而且我都撳唔到激光出嚟...

『Jennifer，可唔可以帶佢哋去一個可以收留佢哋嘅地方？』我輕輕撞一撞Jennifer手臂...

我知道Jennifer都唔信佢哋，不如就安置佢哋喺有錢人住宅果邊？

「我要確保佢哋手上無武器，如果咪我唔會信佢。」Jennifer喺我腦海入邊有啲擔心咁講...

『可唔可以比佢睇下你長袍入邊有啲乜嘢...』我有啲唔好意思咁問... 因為我唔敢搜個女仔身...

尤其是係未成年嘅𡃁妹仔！睇佢個樣13歲都唔知有冇！

「嗱。」個女仔又出奇地順攤... 比我睇晒...

佢腰部無插住其他武器... 但係有一啲紅色發光嘅水晶...

佢入邊上身着住一件緊身衣... 露出一對比Jennifer更加細嘅雙峰...

『好，你想唔想我幫手搬你個拍檔？』我指一指佢暈低咗嘅拍檔...

「我自己嚟。」個女仔非常之倔強...

『好，我哋行。』我示意Jennifer過嚟...

放佢哋喺邊度好？我認為唔應該比佢哋太接近海防基地果邊...

「太古城你點睇？」Jennifer問我...

可以喎... 有錢人嘅屋企~ 肯定囤積咗啲物資喺度！

跟住我哋就帶咗呢兩個人去太古城道附近嘅私樓...

我舉起SVD... 個女仔非常警惕咁望住我，好似隨時預咗我會改變主意想殺佢咁...

『放心放心...』我指住管理處嘅玻璃門...

「碰！啪啪沙沙沙！」我向玻璃門開槍，強化玻璃頓時碎裂！

跟住我見到管理處後面有啲喺地下嘅單位，我再舉起SVD開槍爆佢哋個鎖！

一打開度門...

大廳有窗外照入黎嘅自然光照明... 我見到呢度嘅裝修幾靚...

佢哋有部大電視... 跟住仲係開放式廚房，用電磁爐...

真係好羨慕... 我如果返去2022年我都冇得住間咁嘅屋...

個業主打通咗兩個單位，呢度個客廳非常大...

跟住見到客廳梳化側邊有一盒盒紙皮箱... 入邊裝住一啲蒸餾水，仲有啲午餐肉？

你以為世界末日有午餐肉就有閪屌？哼！

我即刻拎走一罐先！

『你哋就暫時喺度住先啦。』我擰轉身望佢哋...？

咦？連個女仔都瞓著埋... 只見Jennifer喺度搜個女仔身...

其實細心一睇，呢個女仔都幾靚... 望落去好似得13，14歲左右，仲未發育...

好彩我唔係嗰啲戀童戀幻嘅變態姐！

但係年紀咁細身手已經咁敏捷... 仲有佢嘅性格比人一種好早熟嘅感覺...

就好似佢以前曾經經歷過一啲唔好嘅事情，深深影響咗佢咁！

Jennifer拎起佢部電話嚟研究... 跟住又拎起佢啲紅色水晶...

『就咁安置佢哋喺度？』我問Jennifer...

「嗯。不過我要拎走呢樣嘢，確保佢哋冇得通風報訊。」Jennifer拎走兩部手機，另外手上揸住佢啲紅色水晶...

我寫咗張便條叫佢哋留喺度我哋先會比返啲嘢佢哋。

不過我就放返低佢把劍... 反正佢把劍只可以近身攻擊。

終於都耳根清靜晒... 唔使再見到佢哋兩個喺度打鬥~

但係基地果邊嘅情況...？

只見Jennifer喺度移開人哋個電視，搞人哋啲電線...

『Jennifer？』佢喺度做咩呢...

跟住見到佢駁咗條電線落佢電話度... 喺個電話撳撳咁...

「咇咇！」佢部電話響咗，我埋去一睇！

CIWS ACTIVATED, SUCCESSFULLY INTERCEPTED MULTIPLE CRUISE MISSILES, ONE HIT FROM THE EAST, ONLY INJURIES.

SONAR, HEARD EXPLOSION IN THE WATER, ENEMY RETREATED.

係兩段訊息...

原來Jennifer接住咗大廈嘅電視天線嚟接收信號...

「佢哋似乎仲捱得住，不如我哋返去囉？」Jennifer拉一拉我...

『咁佢哋...』我有啲唔放心放低兩個人喺度...

「阿恆你太善良啦... 我聽佢哋咁講，斷估佢哋只係PLA請嘅僱傭兵。 你使乜咁關心佢哋？」Jennifer嘅態度似乎都無再咁敵視...

但係我都知佢對於頭先個女仔挾持佢仍然懷恨在心...

但係佢哋都係人吖... 而家搞成咁佢哋屋企都冇得返...

『好，我哋返去，聽日再過嚟睇佢哋。』我同Jennifer一齊出去...

近排冇乜靈感...
開始唔係寫到好多出嚟...

雖然其中一個關鍵嘅情節已經寫完，但係個人覺得仲有辦法令到佢更加精彩
唔排除一個月之後就會斷更新

老規矩 你哋鍾意嘅就留返俾你哋推啦

2031年仲有--0-0

就係因為阿恆佢喺2022年嚟
—0-0
Btw係2035年啦

感覺上同結局唔會差太遠？

一個月後就冇得睇

你覺得結局係咩先？

咁又未必嘅 可能我忽發奇想呢

玩到g particle，但恆仔決定陪Jennifer