我唔覺意穿越咗時空 遇到個神秘女仔？！

提倡兩性平等
女仔都會幫手打仗

推

你唔食燒賣淨係飲豉油？

定係唔食落咗豉油嘅燒賣咋？

你淨係食燒賣邊夠飽吖？

$1一粒 正呀喂

佢對小饅頭好似大Jennifer少少...

我望到佢嘅南半球... 好圓好挺...

好似多咗啲色色嘅元素

比小新發現咗添！
你鍾意邊個女角咪話比本躺知囉～

深夜突然有靈感
打文打到好夜添

星期三都會出文架

Chapter 24: 執手尾

「有冇搞錯吖Jennifer！呢架APC已經唔係第一次整爛㗎啦。點解每次爛嘢都有你份嘅呢？」有個著住印有IC標誌恤衫嘅阿叔責怪我...

佢叫Peter，係海防基地嘅工程部主管，聽講佢以前都有份教過被人軟禁咗嗰個Professor...

唉，邊個叫Anson呢個狗公咁魯莽先得架...

『嚴格啲嚟講，今次係Anson嘅疏忽導致嘅。我已經勸過佢好多次唔可以魯莽行事...』我沒好氣咁講...

『今次要麻煩到你真係唔好意思。』我稍為鞠躬表示歉意...

「咁又整壞咗邊度呀今次...」Peter拎起一個PDA，插左落裝甲車駕駛座底盤入邊其中一個插頭...

1. COMS ARRAY Failed
2. AESA TX Failed
3. ERA Section E7-E11 Expended

『請問今次有幾多野要整呢？如果要幫手我都可以試下幫...』我都有啲唔好意思。

雖然唔係我整爛，但係我都想盡自己所能令到大家過得好啲... 我都唔知我可以改變到幾多野。

「個通訊設備炸懷咗，應該仲有後備零件嘅。
另外個Search雷達無辦法發射信號，輕則可能斷咗電線，最差打算可能要成個換... 另外有幾塊Explosive Reactive Armor爆咗，呢個就好小事嘅姐。」Peter望住個PDA讀出嚟...

『啲ERA等我換啦，我都想做返啲野。』我拎起本維修指南望...

APC Repair Manual... By Dr. YWH, Office: R9**, HKPU.

我根據本指南搵到Section E7... 原來係喺條接收天線附近...

我攞左條梯，然後爬咗上裝甲車嘅車頂上面...

我小心咁將果幾塊爆咗既ERA磚拆落嚟，搬返佢地落地下，然後將幾塊新嘅ERA裝返上原位...

『Peter，呢度嘅接收天線似乎有損傷。你陣間可以睇下，可能維修返條天線就可以解決。』我示意Peter過來望我呢度...

「幾細心呀Jennifer，我陣間望下。」Peter滿意咁讚一讚我...

『好啦... 有剩嘅要麻煩晒你啦Peter Sir。』

距離阿恆俾人送去CT房都已經有一段時間...

唔知佢會唔會喺度等緊我呢...

呢度對佢嚟講係一個陌生嘅環境，唔知佢會唔會覺得唔適應呢...

搞到我都有啲著緊佢添...

「Jennifer... 今次係第幾個？」Peter Sir突然咁樣一問？！

『吓？你指咩先...』我一時load唔到...

「你估我唔知你帶咗個男仔返嚟咩... 阿叔我都幾廿歲人啦，你啲妹妹仔有咩瞞得住我呀。」Peter乾笑幾聲...

「見你整完塊ERA就急急腳想行去CT房就知啦，你平時好好手尾㗎。」Peter陰陰嘴笑... 指住我頭先用完果條梯。

我尷尬咁笑一笑...

哎呀... 我有咁明顯咩...

「今次小心啲咁照顧佢啦。」Peter語重心長咁講...

唉。諗起我對上十三個拍檔... 我都有啲心酸。

我之前嘅拍檔... 都係保衛隊入邊一啲追求我嘅人...

我對佢地又冇乜感覺，我只係想要一個人幫我手...

我想證明自己就算被拋棄都仲有生存價值...

其實諗返... 我利用左人類對我嘅感情去做自己想做嘅野。

我明知做果件事好危險，應該由我自己去做...

但係如果我解決到果個謎題... 我唔單止可以平息到呢度嘅戰爭...

我仲可以解決埋我地火星人研究咗20年都解決唔到嘅謎題... 叻過嗰啲拋棄我既人...

不過保衛隊嘅人根本就對果樣野冇興趣...

但係唔知阿恆知道咗我有咁樣嘅過去之後... 仲會唔會留喺我身邊呢...？

唔知點解，我由喺北角遇到佢之後...

我就覺得佢就係果個人... 果個可以同我一齊解開呢個世界上嘅謎題嘅人。

唔知點解... 我覺得我今次唔想失去佢。

我唔想佢離開我... 唔想佢變左做其他人嘅拍檔！

之前我一直都冇好好盡拍檔嘅責任，冇好好保護我自己嘅拍檔。

今次係我揀佢做我拍檔...

我想好好保護阿恆，唔可以比佢受到傷害。

唔經唔覺我已經行到嚟CT房...

只見Jessie喺度拍緊阿恆... 佢唔係暈咗掛？！

*AESA雷達，體積比傳統雷達細，利用電子原理控制雷達信號嘅發射方向，可以同時向幾個不同方向發射訊號高速搵目標，有別於一般淨係識得旋轉嘅傳統雷達。常見於F-16（現代化後嘅機型），F-22，F-35等戰機上。亦有AESA會用於戰艦上面，例某國055型導彈驅逐/巡洋艦。

*ERA，Explosive Reactive Armor，基本上係一塊裝有炸藥同埋裝甲既磚。當彈頭打中ERA果陣，ERA會爆炸，爆炸嘅反方向衝擊力會推歪彈頭，或者令到彈頭提早引爆，失去攻擊力。

各位午安～ 已經更新到Chapter 24

本躺其實係一個軍事迷，所以大家會喺呢個故入邊見到好多軍事設備...

我亦都會慢慢同讀者詳盡解釋每種設備嘅用途

希望大家唔好太介意～ 如果無興趣嘅可以skip過，唔影響劇情的

160你好
嚟緊好快就會開估阿恆佢幾高

有20cm高就ok

咁20cm長呢？

咁快就嚟到星期四啦
大家訓咗未呢？

Chapter 25: 照顧

『Jessie，阿恆佢點樣吖？』我打開咗CT房嘅門，見到Jessie喺度拍緊阿恆...

但係佢似乎冇乜反應... 應該係訓著咗掛...

「Jennifer！我正想call你！佢似乎攰得濟，瞓著咗。」Jessie留意到我入左嚟，停左手上嘅動作...

「我都幾好奇你點解可以執到隻咁乾淨嘅獵物返黎... 佢從來都冇裝過腦聯... 有100%嘅自由意志...」Jessie有啲驚奇咁講...

當然啦，阿恆係穿越時空過嚟架嘛... 如果我冇搞錯的話。 佢個年代仲未有腦聯...

「搞到我都有啲想搵返個咁樣嘅拍檔添...」Jessie用不懷好意嘅眼神望住瞓著咗嘅阿恆...

『你諗下好啦！』我唔知點解心入邊產生一絲妒忌...！

唔可以比Jessie搶走阿恆！

「如果我真係要搶的話... 」Jessie陰陰嘴笑咁望住我嘅Chest...

可惡... 相比起Jessie... 我真係冇乜身材...

我又唔識好似Jessie咁樣打扮...

我又唔似Jessie咁friendly...

我其實都知我份人好悶... 好冷淡... 同埋太認真...

如果真係要同Jessie爭... 阿恆會揀我咩？

我真係唔知...

「講吓笑姐，我邊敢搶你嘅獵物吖～ 你睇下你個妒忌樣... 不知幾可愛！」Jessie狡猾咁對我單單眼。

『咁我帶走佢架啦。』我打算扶起阿恆...

可惡！佢雖然睇落唔係高我好多，但係都有啲重...

『恆！起身啦！我要帶您返去房啦！』我嘗試叫醒佢...

「Jenny... Jenny？」佢好似喺度叫緊我？

咦，唔係... 佢叫嘅係Jenny，唔係我。

我唔知點解突然有一絲失望...

始終我都識咗佢唔耐...

我仲未喺佢心中佔到一啲位置掛...

Jenny...

係佢原本嘅同伴？ 但係礙於而家嘅姿勢，我無辦法用我嘅入侵術...

但係阿恆似乎朦朦朧朧咁願意行...

我唯有拖住佢一直行... 行到去升降機大堂...

唔知點解阿恆又好乖咁比我拖住喺度等𨋢...

「Jenny... 等我...」阿恆發開口夢...

「噹！」升降機終於落到嚟B5層... 我拉咗阿恆入去...

然後再搭𨋢上到去8樓... 拉著阿恆行過果條佈滿咗C4炸藥嘅橋...

再帶到佢黎我大帳幕嗰度間房...

「咇---咇！」房門嘅感應器認到係我，自動打開咗度門...

我再將阿恆搬入我房...

「卡啪！」確定房門徹底鎖上之後，我小心翼翼咁將阿恆安置喺我房其中一張凳...

我即刻去攞毛巾抹走我其中一張空置嘅床上面嘅塵，然後先將阿恆慢慢咁攤喺果張床...

我又除低我件長袍，確保我拎走晒所有裝備之後... 將佢披喺阿恆身上...

我唔想佢冷親...

然後... 我慢慢訓咗喺佢身邊，慢慢將我地兩人嘅腦袋靠近...

******

呢度係...？咦？係之前阿恆一直記住嘅地方...

只見阿恆喺升降機度跑出黎... 然後急步跑咗去其中一間房...

我留意下周圍... 升降機大堂有一塊指示牌...

R901 - R903？！ 咦？點解我唔知喺邊到見過？

我再入去阿恆果間房... 總共有四個人...

有一個眼大大，金啡色短頭髮嘅女仔。
佢隔籬有個對眼好細嘅男仔痴住佢，挨咗喺呢個女仔嘅懷抱入邊...

呢個男仔嘅五官都唔太標致... 而且一臉幼氣，同佢挨著果個女仔顯然格格不入...

另外坐阿恆隔籬個女仔... 啡啡地色長頭髮... 對眼雖然唔係好大，但係啲捲曲眼睫毛好長... 令到佢對眼睇起上黎幾靚... 仲有佢紅潤嘅櫻桃小嘴...

仲有佢心口面前嘅饅頭... 又挺又圓... 就算著左件Oversized嘅衛衣都遮蓋唔到佢嘅身材...

佢下身仲要好似無著褲咁... 露咗對又白又滑嘅大髀出黎... 肯定係想啲囝囝幻想佢入邊咩都冇著咁！

實引死啲囝囝ssss啦！

吖～ 望到我有啲妒忌添...！哎呀！我掛住望人哋，冇留意到佢地傾緊計。

「首先你地有冇睇到條題目，知唔知我地要做啲乜嘢先？」阿恆問其餘既人...

其他人都側側膊咁...

「唉！我都不厭其煩咁重新講一次啦...
我地要研究方法提升一架無人機嘅續航能力... 有幾個方向可以去做嘅... 包括改善Aerodynamics... Airfoil... 改用EDF... 唔用Propeller等等...

...不過，我地讀電機工程嘅，就當然做返本科嘅嘢啦... 所以... 我地主力研究用太陽能加上我哋Optimize咗嘅MPPT嘅控制器...」阿恆似乎講緊啲有關engineering嘅野...

但係似乎另外果三個人都冇專心聽阿恆講解...

個短髮女同細眼男就繼續喺度纏綿緊...

而另外長頭髮果個女仔就扮到好專心咁聽緊，但係我聽到佢嘅回答都係膚衍阿恆... 而且佢嘅語氣都幾嗲吓...

等等先！之前果個好嗲嘅女仔原來就係佢！

「咁所以大概要做嘅野就係MPPT Control algorithm， 飛機主體嘅fabrication，仲有太陽能板electronic characteristics modelling，report等等...」似乎到尾聲了...

「咁邊個負責邊Part先...？不如Heily同Billy你地幫手做fabrication? 普通CAD你地ok㗎嘛？」

「但係阿恆你屋企有3D Printer喎...」似乎係Billy...

「你哋畫完CAD比我印ok？每人都幫手做啲野吖...」阿恆好似苦苦央求咁...

「至於Jenny你... Modelling你做唔做到？」

「吓～ 好多數學架喎～ 阿恆你知我果陣考Applied Maths都係抄你架喎... 唔好啦～」Jenny用一把楚楚可憐，好嗲嘅聲喺度講...

「唉... 算！淨係幫我take data好唔好？」阿恆似乎對住Jenny會心軟...

阿恆吖！點解你可以咁軟弱架？！呢個Jenny擺明係唔想幫你做野啦！

「好呀好呀！ 最多咁啦，我下次請返你食飯啦！」Jenny繞一繞阿恆嘅手臂... 扮到有意無意咁隔住衛衣請佢食波餅...

切！我好妒忌！

咁識玩心計嘅... 呢個Jenny吖...！

「咁陣間一齊食飯？」阿恆雙眼發亮咁問Jenny！

「呀！哎呀～！我唔記得咗吖... 我今日下晝約咗班姊妹吖～ Sorry吖... 我應承你下次補返吖！」Jenny雙手合十咁道歉... 佢扮到咁假都得？！！

跟住所有人都走曬... 得返阿恆喺間房度...

佢係度做咩呢...? 我埋去望下佢果mon...

係一大堆數學符號同埋公式... 仲有一啲圖表...

C80 Solar Cell Specifications...

隔籬mon仲有一個叫Solidworks嘅軟件開咗... 我見到啲機翼嘅電腦模型...

「唉... 最後咪又係要我自己做晒...」

「點解次次Jenny都係臨急先話有野做... 唔同我食飯...」

「我淨係想有人陪下我食個飯姐... 點解喎... 淨係叫佢take data已經好輕鬆架啦... 唉...」阿恆好灰心咁喺度自言自語...

『因為... 因為佢地唔肯同你並肩作戰。』我不自覺講咗出口...

『但係... 我肯做你真正嘅拍檔... 我哋可以互相...』我唔知點解... 明知阿恆未必會聽到我講嘢...

佢只係發緊夢... 我都係第一次入侵發緊夢嘅人類...

阿恆猛然轉身一望！佢望住我！

各位午安～ 已經更新到Chapter 25
今次呢篇有啲長...
同埋個節奏上會有少少改變... 希望大家會鍾意啦

樓主mech eng?

阿恆佢係Electrical N輾

仲咩咁折墮想讀engine
利申 civil eng

還好啦 handle到嘅
喺度奉勸讀N輾嘅各位唔好好似吖恆咁比囡囡嗲兩嗲就free ride咗

稚氣
敷衍

稚氣 稚氣 稚氣 稚氣 稚氣 稚氣
敷衍 敷衍 敷衍 敷衍 敷衍 敷衍