我唔覺意穿越咗時空 遇到個神秘女仔？！

啱啱起身

Chapter 30: 憐愛？

「多謝你... 但係我... 都做咗好多唔好嘅事... 嗚...」Jennifer細細聲咁講...

『嗰啲事都已經過去啦... 同埋都唔係全部你嘅錯，係咪？』我嘗試安慰Jennifer...

Jennifer淨係喺度擰頭... 同埋哭泣...

『只要由呢刻你應承我，你會盡拍檔嘅責任帶著我，有危險嗰陣互相保護對方，就夠架啦... 你之前做嘅事，我唔會去怪你。』我好冷靜同平淡咁講...

「就算你明知你有可能會死，你都願意繼續做我嘅拍檔？」Jennifer眼濕濕咁望住我...

『咁我地小心啲咪得囉... 你唔會推我去死嘅係咪？』我其實好信Jennifer...

「唔會！」Jennifer好大力咁攬住我，不停擰頭！

『好啦～好啦～ 呵返啦... 係我唔好囉... 明明已經見過你對眼咁樣，仲咁大反應...』我輕輕摸摸Jennifer嘅後尾枕...

「我都冇怪你... 只係係我有呢個缺憾... 你要接受到...」Jennifer又提缺憾！

『呢個係你嘅特別能力！我唔准你用缺憾呢個term！』我係非常執著字眼嘅！

「嘻...」Jennifer強顏歡笑... 終於肯鬆開我...

我望到佢果對發著綠光嘅眼睛...

『話時話你啱啱用完，而家會唔會暈低㗎...？』我反而有啲擔心Jennifer會好似今朝喺北角咁！

「哎呀... 我暈吖～」Jennifer詐暈！然後對我做左個鬼臉！

『咁鬼馬姐係唔會啦！』我作勢推一推開佢...

「要用超過20分鐘先會暈，或者用得大大力嘅話都會。」Jennifer終於冷靜返咁同我講...

我再望下周圍... 原來已經過左黃昏，周圍已經天昏地暗... 再過多7-8分鐘恐怕會伸手不見五指！

「行囉，我地要執野返去啦。」Jennifer示意我執返好我嘅「新槍」同埋裝備...

我執完槍再抬頭睇果陣已經發現周圍好黑，淨係見到𨋢塔頂發著紅光...

『Jennifer？』由於已經太黑嘅緣故我已經見唔到佢嘅身影...

「喺度，你拖住我啦。」我見到Jennifer對綠色眼睛...

『你咁黑都仲睇到路？！』Jennifer一路拖住我行嗰啲石屎路...

「睇到吖，唔記得左同你講添... 呢個係我後來發現嘅... 我嘅獵人眼原來夜晚睇野好過你地好多。」Jennifer喺我耳邊講...

『所以點解我話你嘅獵人眼唔係病呢！我而家已經望唔到野啦！』我嘗試伸出左手... 真係睇唔到...！

「所以拖實我啦！」Jennifer用力捉實我，好似深怕我會就甩左咁！

行左一陣，Jennifer突然停左喺度...？

「呢度係頭先梯嗰度... 你比你支槍我先。」Jennifer拎走咗我支SVD，將我隻手放左喺鐵梯度...

我對眼慢慢習慣左黑暗嘅環境... 開始見到條梯嘅輪廓...

我慢慢爬上去... 跟住聽到Jennifer都喺下低跟住上黎...

突然，我感受到上面有一陣氣息！

有野喺上面條路行緊... 腳步聲仲要有啲大...

透過大本營果邊嘅燈光照過來見到呢個物體嘅身影龐大...

應該唔係人... 係咩黎嘅呢？

「嗚嗚...！」係低沉嘅叫聲...

野豬！係後山嘅野豬！

呢個時侯Jennifer到上左黎... 而佢似乎都意識到唔妥...

槍！我要槍！

我攞番Jennifer手上支SVD，然後上彈！

「吼！」隻野豬怪叫一聲，慢慢接近我哋...

我作勢舉起SVD，食指已經放咗喺扳機上面，隻野豬一跑過黎我就會開火！

但係Jennifer用力撳低我支槍。

「你比你個政府洗咗腦啦，野豬係唔會無故攻擊人類架！」Jennifer用力篤一篤我個腦！

只見Jennifer慢慢接近隻野豬... 然後好似用手撫摸佢？！

「任何動物都有佢生存嘅權利... 包括野豬。」Jennifer好冷靜咁講...

「係呢，你又做咩會過咗嚟嘅？」Jennifer喺度問... 隻野豬？

「嗚... 」隻野豬低聲咆哮... 究竟聽唔聽得明Jennifer講野㗎?

「係吖？ 但係佢地應該唔係度喎... 我睇到架... 你過去果邊搵下啦好冇？我地都係想行過去咋。」Jennifer好溫柔咁講...

跟住就聽到野豬嘅腳步聲開始遠離我哋...

Jennifer真係好有愛心... 好溫柔。

『你可以同野豬傾計？！』我有啲不可置信... 唔通真係動物傳心師咩？！

「我可以感受到佢地嘅感覺，都可以向佢地傳遞我嘅感覺... 唔知稱唔稱得上係傾計啦...」Jennifer一度拖我行返大帳幕一度講...

『好犀利喎！咁頭先其實隻野豬有咩想講架？』我有啲好奇！

「多謝您讚我先！ 隻野豬佢好似唔開心... 好似搵緊啲同伴咁。所以我咪同佢講佢嘅同伴應該唔係呢邊囉，跟住佢就肯讓返條路出黎比我哋啦。」Jennifer好輕鬆咁解釋...

跟住我地入返大帳幕入邊... 只見大本營嗰度少咗一半人...

「好啦，返我房？」Jennifer問我...

『哦哦，好吖。』我下意識回答。

Jennifer打開房門...

「咇咇咇！你有 一 項新任務...」Jennifer檯面嘅電腦突然響起！

更新到Chapter 30～
各位早晨！今日早咗少少出文
我出之前有睇一次嘅，希望無校對漏啲錯字

陣間出文

Chapter 31: 收到第一個任務

「咇咇咇！你有 一 項新任務...」Jennifer檯面嘅電腦突然響起！

「咦？」Jennifer走去佢嘅書枱面前細心一睇...

Assigned To: Jennifer Pervolution, 恆

Location: Hong Kong Stadium

Mission: Retrieve and secure incoming shipment. Transport it back to Coastal Defense Base.

Deadline: 23:59 28/02/2035

Risk index: II

Related intelligence click here...

『要我地攞啲野？』我睇左個任務... 竟然有我份！

同埋Jennifer個姓有啲特別...

「係。全世界都有好多國家會支援香港... 因為佢地都想分到一啲G-Particle.」Jennifer個樣有啲疑惑...

「問題係空投平時唔會去Hong Kong Stadium... 通常都係去Convention and Exhibition果邊...」

『會展？你覺得會唔會同PLA宣布開戰有關吖啦？』

「會展果邊太近海邊，其實有危險。我都有諗過叫佢哋放喺ICAC嘅停機坪，但係ICAC嗰度太細，個包裹好容易飄歪...」

『今日係... 2月27號？』我望一下時間...

「我哋聽朝出發。黎，飲埋佢。」Jennifer攞咗杯白色嘅野飲比我...

『咕嚕... 咦？』點解好似同ICAC果邊嗰杯有啲分別... 我飲到一半...

「呢杯會令你好瞓啲...」Jennifer望一望我...

安眠藥？！

喂！我從來都唔鐘意用呢啲野既！

「驚我落藥之後食左你咩～？」Jennifer對住我壞笑... 好似佢陣間就食硬我呢隻獵物咁！

「俾我啦～」Jennifer拎起隻杯，飲埋另外嗰一半！

「係啦...」Jennifer打開空床果邊下面嘅櫃桶... 攞咗啲被鋪同埋一個枕頭出嚟...

「乾淨嘅放心。」Jennifer幫我鋪埋床... 真係好體貼...

我瞓左上去... 床墊嘅軟硬度適中... 但係張床唔係我平時訓開嗰張，始終都係會唔習慣。

我輾轉反側... 慢慢聞到枕頭嘅味道...

呢陣味道又陌生又熟悉... 係Jennifer嘅體香...？！

唔止... 好似仲有...咦？呢個係鹹味？我唔覺意舔到個枕頭...

「做咩吖... 係咪唔適應？」Jennifer喺對面床望住我，關心我一問...

放左頭髮嘅Jennifer有少少凌亂... 但係咁樣嘅佢...

加上房間昏暗嘅燈光... Jennifer雙眼望住我，仲發著微微嘅綠光。

Jennifer你真係好迷人。

「咿咿咿咿！」Jennifer突然起身... 然後喺度推佢張床...

佢將佢張床同我拍埋一齊... 等等咁樣我咪豈不是同一個女仔同床共枕？！

「啪！」Jennifer輕輕力拍我個頭... 然後佢喺我身後慢慢靠近...

佢伸手入我張被... 喺後面伸手攬住左我...

「我係怕你第一晚喺度訓，好驚，唔適應咋。」Jennifer喺我耳邊溫柔咁講...

其實我唔知大家理想中嘅拍拖係點...

但係對於我黎講，其實如果個女仔肯攬下我，我已經非常之滿足... 就算淨係攬唔准錫我其實都無所謂...

可能係因為我從來都未拍過拖所以先會咁諗啦...

就算我對Jenny有意思...

就算Jenny暗地裡都知... 但佢根本都冇放過我在眼內。

反正佢都係用完就拋棄我，你估我真係唔知咩？

只係我每次都... 衰心軟咋嘛。

唔知點解我就係好鍾意被人攬住果種感覺...

你會感受到對方嘅體溫同埋心跳... 而你自己亦都會因而慢慢發熱...

有時你驚同埋情緒崩壞嗰陣，如果有人突然攬著你... 唔知點解，你就會好快可以冷靜落黎...

『點解你會攬住我呢...Jennifer？』我有啲不可思議...

「明知故問。」Jennifer細細聲喺我耳邊咬我耳仔咁講...

Jennifer對手好暖... 攬得我好舒服。

係喎... 唔記得左佢識得讀心嘅添... 我真係老啦。

好快我就朦朦朧朧咁...

咁就瞓著咗。

筆者嘅備註：
Pervolution, 呢隻字係筆者作嘅，意思係Perfection through Evolution，通過持續進步來達致完美。

Jennifer其實就好似我地每一個人咁，有好多不完美嘅地方。

Jennifer嘅父母就係期望佢可以通過每次唔好嘅經歷去不斷改進自己，終有一日可以達致完美。

另外筆者都想大家細心諗下，Jennifer係咪真係純粹想安撫阿恆所以攬住佢？

有比線索你地嘅。

可以話你知，真係唔係因為佢識讀心咁簡單架。

當然啦，你問Jennifer嘅話... 佢咁傲嬌，肯定死口唔認呢個原因嘅

更新到Chapter 31～
祝各位復活節快樂

話說嚟緊未來25日本躺會好忙
呢排都冇乜時間寫文 就算有時間都因為太忙搞到冇晒心情
所以去到5月個陣就有可能斷更

另外今日果篇我知道有啲短
不如咁樣～ 如果今日有人估到點解Jennifer會攬住阿恆嘅話
我今日就出多一篇

知道阿恆被Jenny拋棄在前，又落在這個無人可依靠時空在後，和自己被同袍遺棄一樣，更一同經歷生死，之後更願意信任自己而成為拍擋一同行動，彼此已互相感受到對方的重要，而自己最直接的表示，就是以行動去令阿恆感到溫暖及安全，當中。。更包含了對阿恆的愛而自己不察覺。

外星人讀心。。。有看美劇“超女”系列?

感覺阿恆像星野鐵郎。。

都答咗70%
今晚等我返去出多篇

估唔到會有巧合
你果兩套劇我都係第一次聽

Chapter 32: 出發

「起身啦恆... 起身！」我嘅身子被人搖...

『嗯嗯...』我仲流緊口水...

「咕咕固！」有啲野喺度叫...

「咕咕固～故！」斑鳩？

『點解會有雀仔聲...？』我慢慢擘大眼，嘗試搵下聲音嘅源頭...

只見Jennifer雙手抱著一隻灰灰地色嘅斑鳩！

『吓？！點解你抱得住隻斑鳩㗎？！佢唔會飛嘅咩？！』我有啲驚訝會喺室內見到斑鳩...

「唔會，佢好乖嘅...」Jennifer溫柔咁用食指摸下隻斑鳩嘅頭...

正當我都想試下個陣...

「咕咕！咕咕！咕咕！」隻斑鳩展開對翼唔比我掂佢！

「哎喲～」Jennifer忍唔住笑我！

Jennifer小心咁捉住斑鳩粉紅色既腳爪，慢慢除咗個紅色圈落嚟...？

唔係掛... 飛鴿傳書？我不禁失笑一聲。

「嘟！」Jennifer部電腦發出聲響！

「Jennifer，希望你仲記得我。我係Professor Y，你應該收到一個任務要去大球場嘅。今次係我私人委派咗一架無人機飛過嚟香港島，暫時應該無人知。另外我同時都用Starlink通知咗米國，叫佢地今日將空投順便送過去，所以你一陣過去要攞兩樣野。」螢幕入邊有個上身著住灰色T-Shirt嘅中年男子...

我見到佢身後嘅背景有一堆飛機模型？仲好似有支獵槍之類嘅物體掛咗喺牆上。

「米國對於載有G-Particle嘅火星土壤樣本仲未搵番呢件事已經唔耐煩... 我已經盡左力勸佢地繼續支援你嘅行動。」

「係喎... 今日已經係27號... 應該差唔多啦。」個中年男子望一望手上嘅錶...

「你同你既新拍檔要小心行事。」中年男子講完呢句之後就伸手熄左個cam... 段片就完左。

『姐係...？』我睇完段錄音之後... 硬係覺得呢個中年男子我唔知喺邊到見過...

但係我又無理由認識未來嘅人吖。

「執野，飲埋佢，出發。」Jennifer命令我。

我隨即收拾我支SVD放入槍袋，確保我仲有SVD嘅子彈...

因為我仲未改支槍，暫時未可以用到Jennifer嘅子彈住。

跟住我嗱嗱聲飲埋嗰杯淡而無味嘅白色野飲...

然後望一望Jennifer... 只見佢喺度扎緊條馬尾...

「望咩？」Jennifer冷眼望住我。

『你知唔知呢... 女仔扎頭髮果陣係最吸引架？』

「妖。行啦！冇黎正經咁！」Jennifer面紅，避開我嘅視線...

然後我地出發過橋去𨋢塔，搭𨋢直落到地底車庫。

只見原本琴日泊喺度果架裝甲車已經唔見左...

「呢架先係我嘅。」Jennifer指著泊喺牆邊嘅一架灰色Tesla Model X.

只見呢架唔係普通既Model X...

車廂內籠裝左加固嘅橫樑，車嘅外殼裝咗好多條黑色金屬防撞攔... 車頭仲有一個剷型嘅物體...

係一架武裝版嘅Model X，十足十某垃圾部隊嗰啲裝甲車...

不過呢架好似撞走喪屍都得咁嘅款...

『你識揸Teslun？！』我有啲驚訝... Jennifer得19歲咋喎佢...

喂喂，我話晒22歲人都仲未考車牌...

「上車你咪知囉。」Jennifer拋咗一長一短兩個槍盒喺車尾箱... 然後掹走車後插住嘅Supercharger電纜。

我唯有跟佢咁做，將我支SVD連埋個袋放喺車尾箱，然後坐上副駕駛座，扣上安全帶。

「好，出發！」Jennifer啟動Model X！

Model X嘅摩打扭力好大！佢起動嗰下將我大力向後拋！

Jennifer右轉扭上阿公岩道，跟住沿著柴灣道落斜...

似乎佢真係好唔想行海邊嘅東區走廊。

經過筲箕灣... 只見筲箕灣嘅街道上一片冷清...

舊權發酒樓嘅窗有啲就碎咗，有啲就俾人噴黑咗...

路上面有幾架已經燒到得返支架殘骸嘅車...

成個死城咁。

再沿電車路經過西灣河... 只見金舖嘅櫥窗全部爛晒... 入邊嘅金飾自然不翼而飛啦。

跟住就轉左上康山道...

只見右邊嘅康山花園有啲樓層比砲彈擊中，炸咗個大窿...

遠少少嘅太古城中心有啲外牆玻璃唔見咗...

超！全幢都係啲有錢人嘅地方。正所謂正苦專搞鳩窮人，對住啲中產就聲都唔敢聲！

武肺封區封樓你有見過會成幢太古城撤離去糟糕灣咩？

前面康怡商場條橋嘅情況都唔好得去邊...

再去就係寶峰園，基利路，舊水族廣場嗰頭...

只記得細個果陣，老竇老母會帶我搭電車過黎水族廣場睇魚同埋烏龜... 有時我仲扭計話要買啲烏龜返去養...

不過次次都係養唔耐，啲烏龜就病死左。

我仲記得嗰度有間好暗嘅西餐廳，睇落好似執咗笠咁... 但係入邊啲早餐又平又好食...

不過水族廣場已經重新裝修左好耐... 而家已經變左清一色嘅連鎖店... 冇晒以前嘅特色。

唔知打仗嘅時候，呢度會變成點呢？會唔會變成地底避難所？

跟住就經過我老家北角啦！

我再望返新光戲院... 跟住係屋企樓下嘅新都城，對面嘅華豐國貨...

仲記得以前小學果陣會上去二樓買乒乓波拍... 上面仲有個好好人嘅阿姨...

每次我整爛左塊拍，佢都肯唔收我錢幫我補返佢...

唉... 而家咩都冇晒啦。點解個香港而家會搞成頹垣敗瓦咁架...

誰知，Jennifer喺新都城對出嗰度右轉上橋去東區走廊！就係行110條路線！

『又話危險？！』我記得Jennifer講過佢唔行海邊！

更新到Chapter 32～
復活節大放送！

知道阿恆被Jenny拋棄在前

大人巴你有細心睇文喎

這是對作者的一份尊重

多謝多謝
本躺真係受寵若驚

早吖

提一提大家～ 星期六日係休息嘅～

新讀者lm

拔萃你好
多謝支持～

碌到

巴打是咪住東區
見到有故係用東區做背景好有親切感

言言您好
我有睇你個女神鄰居故架喎