我唔覺意穿越咗時空 遇到個神秘女仔？！

所以先覺得佢慘

阿恆佢都未必返到「屋企」

希望恆仔會選擇Jennifer

個衰仔仲差好遠啦
Jenny稍為發功嗲下佢 佢就冧人
就算知道人哋係利用佢 佢都係咁
似乎功力仲未夠深

咁佢而家好歹都叫打過仗嘅男人，希望會有長進

做觀音兵就有佢份

而家研究緊好唔好陣間過12點就出文好
但係而家呢個時段 又有冇人睇先...？

我會睇呀

鍾生你似乎唔係香港時區？

我同試當眞呀慈一樣跟開美國時間

癲

Chapter 50: 喂

喺安靜嘅柏架山道上... 車入邊只有我哋兩個…

Jennifer突然伸手一拉我個頭埋佢度...

然後我哋兩個嘅嘴唇就咁掂埋咗一齊！

Jennifer蜻蜓點水咁錫咗我一啖！

嗚呀！我真係未比女仔錫過架！！！！

佢仲要係一個咁特別嘅女仔... 我竟然...

只見Jennifer對發著綠色光嘅眼含情脈脈咁望住我...

「你而家明白我有幾唔想失去你啦？」Jennifer認真望住我講...

『嗯...』我感受到佢果種愛... 好強烈... 毫無保留嘅愛...

就好似辣椒咁啱啱食落冇乜野，但係慢慢就會感受到個後勁好強，辣到你飲水滅火都冇用...

Jennifer嘅愛... 會令到人慾火焚身...

佢佔有慾好強... 但係佢同時又會比你有自主權，唔會控制你...

「我係願意做任何野去留你喺我身邊... 包括... 嗰樣野...」Jennifer避開我嘅視線有少少怕醜咁講...

真係唔似平時嘅佢，我都比佢感動咗！

「但係我知道你終有一日會想返去... 始終呢度都唔係你嘅屋企。為咗你... 我最後都係會放你走。」Jennifer亦都有啲傷感咁講...

『我亦都應承你... 』「『臨之走前都會好好互相照顧。』」我哋兩個異口同聲咁講...

「好啦～ 要走啦！」Jennifer啟動Model X落斜！

只見佢無減速嘅意思！我嚇一嚇...

『喂！唔好吖吖吖！呢度係柏架山黎架，唔係秋名山吖吖呀！』我嚇破膽失聲大喊！

「喂我吖嗱！你死緊啦你！」Jennifer奸笑... 跟住突然大力使出一記左甩尾！

『限速50架咋喂！』死！我仲喂佢！？

『饒命啊Jennifer！饒命啊！』我慘叫...

「嘻！容 我 拒 絕～」Jennifer露出詭異嘅笑容...

『嗚吖！嗚吖！！！』我叫到好似啲升key鳥咁！

我嚇到面都青埋！身上不停標冷汗...

Model X轉急彎嘅向心力將我大力拋向座位嘅兩旁！

就係因為我喂咗Jennifer一聲... 我全程落斜足足慘叫咗15分鐘...

Jennifer真係要人叫佢全名，唔可以「喂」架！

幾經折磨終於落返黎鰂魚涌... 我幾乎比Jennifer手車嚇到靈魂出竅！

我細心一望... 水族廣場舊址附近嘅鰂魚涌已經面目全非。

左手邊嘅高級商業大廈依然空置... 右手邊嘅街市攤檔已經變得滿地雜物... 東亞銀行嘅櫥窗被人打爛埋...

我再望一望英皇道個牌... 唔係。個牌已經唔係寫住英皇道...

而家呢條路係叫「X總書記大道」...

喺2021年果陣我已經聽過當時嘅政府想去殖民化...

回歸初期，已經將XG嘅郵筒由紅色轉為綠色... 目的就係唔要好似英帝咁！

之後就係拆皇后碼頭... 果陣我仲後生，未明點解會喺新聞上面見到啲人攬住條柱賴死唔走喺度喊...

最近有人就話，有啲路牌嘅字體已經俾路政署換咗跟某國嘅標準...

甚至有啲地方已經出現簡體字路牌...

我不禁嘆一口氣... XG呢個地方已經由國際大都會降級為亞洲國際城市... 跟住再降級...

最後變成某國嘅一小撮毫不起眼嘅爛島！

首先港島呢個地方已經係當時某戰爭果陣割讓咗出去嘅土地...

再講根據某國歷史，我哋呢度不嬲係屬於蠻夷嗰啲周邊地區，同Z原嘅地方有唔同嘅文化，亦都唔聽Z原嘅指示...

係國力鼎盛果陣先俾Z原收復咗，根本就唔係自古以來！

仲有佢哋從來都無當過呢度嘅人係自己人！

唉，你係要夾硬管埋都算啦，都好心你管得好好睇睇啦！搞到成個亂葬崗咁又俾人制裁又搞到大瘟疫仲要含指大插... 都唔知今時今日仲有冇含指呢？

簡直係自取其辱，影衰本港，自閹財路！

唔經唔覺... 已經返咗黎海防基地嘅車庫。

「諗緊咩吖～ 比我頭先落斜嗰手車嚇壞咗啦？」Jennifer見我全程喺度發呆...

我望一望佢... 明明佢想知嘅話，佢大可以挨過嚟睇！

『我只係覺得，而家呢度嘅香港搞成咁... 有啲唏噓姐。』我不禁嘆一口氣...

「我就反而冇乜感覺... 我嚟到果陣呢度已經差唔多咁樣啦。人類總係要犯相同嘅錯。」

「可能呢度唔係我土生土長嘅地方啦，但係對於你黎講... 呢度始終都係你屋企。」Jennifer又肯陪我傾計喎...

『但係呢個「屋企」已經慢慢變得陌生。』我冷冷咁拋下一句，然後落車去車尾箱攞返飛機上面執到嘅嘢出嚟...

「我嗰度都係咁吖... 所以我咪選擇逃走囉～」Jennifer輕鬆咁講...

但係其實要永久離開自己由細長大嘅地方... 係一件好痛苦嘅事！

Jennifer所承受嘅痛苦，係我從來都未經歷過嘅嘢嚟！

而家嘅佢，難得仲可以咁堅強！

「係啦，你負責研究呢個，我等佢地搬返啲碎片返嚟之後我就重組架飛機。」Jennifer指住我個黑色盒...

『我諗我會需要一啲工具...』我望住盒入邊嘅電路板...

已經考慮緊點樣去拆解入邊嘅運作原理...

似乎係一塊類似Raspberry Pi嘅物體，不過係某國自煮燃發嘅取代品...

*Raspberry Pi，微型電腦，耗電量低過一般電腦好多，用USB電就推得着。通常用於處理一啲簡單嘅程序，例如發射一啲特定同重複嘅訊號，或者去收集信號嘅資料等...

我見到塊板上面仲連接幾支天線... 跟住仲有電我嗰個機關...

『我需要電線鉗同埋一部手提電腦... 另外都要SD卡讀卡器。』我同Jennifer講...

「好，我會叫人準備比你... 你去我地房研究啦～」Jennifer拖住我，同我一齊返房...

更新到Chapter 50

哎呀 唔記得推添

幫推

早吖

聽朝先出文啦

Chapter 51: 正式開工

一入房，Jennifer部電腦就響起... 係提醒我地有任務要做...

Assigned To: 恆

Location: Coastal Defense Base

Mission: Investigate Blink transmitter extracted from PLAAF UAV, update Jammer Pod if necessary.

Deadline: 23:59 01/03/2035

-

Assigned To: Jennifer Pervolution, 恆

Location: Coastal Defense Base

Mission: Reconstruct downed PLAAF UAV and wait for further instructions.

Deadline: 23:59 10/03/2035

吓？！要我今晚就搞掂佢？！會唔會急咗啲呀？

跟住原來隻飛機除咗Jennifer之外我都有份...

「Jennifer?」咦？佢頭先仲喺度㗎... 去咗邊呢？

我正想行出門口搵佢... 佢打開門入黎！ 嚇得我...

「嗱，你嘅手提電腦... 呢度有隻USB，SD卡讀卡器... 部機舊咗少少，不過應該夠你用。」Jennifer拎起一部銀色殼嘅手提電腦俾我，另外又有一個用啡色紙盒裝著嘅SD卡Module...

我認真研究... Laptop嘅外殼印有一個齒輪符號... 設計非常簡約，冇咩特別線條，底部都冇任何標記同埋牌子...

機身嘅兩側都有一啲似乎可以掹出黎嘅模塊... 我掹咗其中一個port落嚟，換上SD卡讀卡器...

我揭開部laptop一睇... 係一個叫framework嘅牌子...

我真係完全未聽過。

*詳情大家可以睇呢個網址https://frame.work/marketplace/laptops

「係啦，你想飲野嘅就用你琴晚隻杯啦，野飲部機就喺度，記得唔好用錯我隻杯果邊嗰部機...」Jennifer指一指佢書枱右手邊裝著咗我隻杯嘅儀器...

『用錯？』有分别咩？

「用錯嘅話我今晚食咗你 你都唔會知～」Jennifer好曳咁對住我奸笑...

『得得得得得...』我真係怕左佢... 原來係安眠藥！

由於早前已經比Jennifer高速倒咗啲電腦知識比我... 我已經識得用嗰個叫Linux嘅系統...

我boot咗部Laptop, 小心翼翼咁將黑色盒入邊電路板上面嘅SD卡掹出嚟，然後插入我個讀卡器...

我將SD卡上面嘅程式抄落嚟分析...

我用盡我Year 2果陣嘅編程知識研究...

嗯... 大概明白到佢點樣指揮支天線發射訊號，唯一係唔知道佢發射咗啲乜嘢信號出黎...

我甚至有一個大膽嘅想法，如果我可以拆解到佢嘅話，我可以誤導返發射訊號嘅主機，令到佢地以為已經成功操控咗人！

唉！諗就容易！實情係我根本無辦法拆到佢啲指令究竟係咩意思...

我企起身喺Jennifer間房度行，見到窗出面嘅景色已經係日落...

我要散散心... 我慢慢行咗出去大本營...

只見大家都喺度hea緊...

「咦阿恆？做咩會過嚟嘅？」Angie留意到我出咗黎，過嚟同我打招呼...

開初見佢果陣，我仲覺得佢個人好冷酷... 估唔到佢原來會主動同我打招呼...

『係吖... 頭先做嘢做到一半冇頭緒... 放鬆下心情姐～』我面上有少少苦惱嘅表情...

「你啱啱入黎咋喎，佢地咁快有任務交畀你？！」大家都有啲驚訝咁望住我...

『仲要今晚2359添呀...』我都唔知應唔應該同佢哋我嘅任務內容...

「做咩架～ 做咩架？」Erika聽到過咗黎問我...

唉... 死就死啦... 反正講左都應該冇事掛...？

『記唔記得我哋琴晚打咗果隻無人機落嚟，上面載有腦聯發射器嘅... 我地今朝執咗隻機啲殘骸返嚟，而家研究緊個發射器...』我解釋比佢地聽...

大家都眼仔碌碌咁望住我聽我講...

『個問題係我研究到佢地點樣控制支天線發射訊號，只係我唔明白佢地發射咗嗰啲訊號係乜嘢意思...』我懊惱咁講...

「咦，我諗Jessie應該幫到你」Erika突然咁講... 跟住佢跑咗去...

嗯？原來佢係打電話叫Jessie上黎...

隔咗一陣，我見到著住黑色緊身小吊帶crop top，下身著住籃球短褲嘅Jessie跑咗過嚟...

佢真係好鬼識著衫...

唔得唔得！咁樣Jennifer會唔開心嘅！專心做嘢先！

Jessie過咗黎之後，Erika同我都詳細向佢解釋我遇到啲乜嘢難題...

『Jessie 你會識得處理？！』我有啲驚訝，因為我印象中記得佢好似係負責照顧大家嘅飲食同埋救傷㗎咋喎... 頂多咪係nursing嘅學生...

「Jessie佢以前係讀BME（生物醫學工程學系）㗎！」Erika非常之驕傲咁講...

「大家成日都覺得我呢隻IT狗樣樣都識... 我好無奈㗎... 不過呢，當大家遇到我解決唔到嘅問題果陣，我至少知道應該搵邊個去幫手～」Erika胸有成竹咁講...

就算Erika唔係最叻都好，佢真係好可靠，好值得我信任佢。

『多謝您幫手，Erika。』我連忙感激佢...

「你會唔會介意我去你房睇吓？」Jessie好奇咁望住我問我...

Jessie識得打扮自己... 只見佢微微畫左眼線... 捲曲咗眼睫毛... 顯得佢對眼幾精神...

佢今日件衫... 好顯佢對小饅頭... 我諗佢幾乎有B-C之間...

佢雖然唔係好高... 但係對腳嘅比例顯得幾修長...

喂喂喂！又掛住望女！正經嘢先！

但係如果我帶Jessie入Jennifer房... Jennifer會唔會唔開心呢？

就算我做緊任務都好... 我記得今朝我感受到Jennifer其實好怕我俾人搶走... 尤其是係Jessie！

「阿恆？」Jessie見我喺度發呆所以叫一叫我...

『吖！Sor... Sor... 』我帶Jessie行去隧道果邊...

「阿恆吖，過咗黎呢度你會唔會有啲唔習慣吖？」Jessie關心我...

『頭嗰日真係唔係太得... 不過而家好咗啲架啦 哈哈... 係呢，點解咁問？』我有啲尷尬咁答...

唔知點解我對住女仔係會緊張少少！

「我覺得你同Jennifer有個共通之處... 你哋入黎呢個基地之前，應該都唔係香港人。」Jessie認真咁望住我講...

我內心嚇一嚇... 唔通我嘅身份咁快就比Jessie識穿咗？！

我哋兩個嚟到Jennifer間房面前...

更新到Chapter 51
出面好大雨

又食負皮了
咁搞法我唔推文架啦