我唔覺意穿越咗時空遇到個神秘女仔？！

格躺 2022-05-03 16:38:21

Chapter 44: 我哋只可以做拍檔...

「返黎啦？」Jennifer笑面盈盈咁望住我...

『嗯...』我有啲唔敢直視Jennifer... 唔知點解頭先比Erika咁樣講完之後，我就滿腦子諗住Jennifer...

我盡量同Jennifer保持距離... Jennifer喺度沖緊嘢飲...

「嗯？做咩吖？奇奇怪怪咁？」Jennifer望住我... 我就避開佢嘅眼光...

『冇... 冇...』我有啲唔自然咁答...

「過嚟，我睇睇。」Jennifer放低咗杯嘢飲...

『唔好... 嗚！』Jennifer已經用佢個頭捱落我度！

我嘗試咩都唔諗... 色即是空！空即是色！@*##*...

「你覺得你真係瞞得過我咩？」Jennifer把聲喺我心入邊出現...

我亦都感受到... Jennifer原來好重視我？佢好怕會失去咗我...

佢覺得我會比Jessie搶走？佢唔鍾意我偷望Angie對腳... 佢會好妒忌...

『Jennifer... 你... 你都...』我都感受到... Jennifer原來一直都好孤獨... 好需要人去陪...

縱使佢嘅外表好似好堅強，所有野都親力親為...

佢被自己火星嘅人拋棄咗之後一直都要自己照顧自己...

原來拋棄佢嘅人... 亦都係佢最愛嘅人...

佢原來係比自己最愛嘅人傷害...

突然我感受到Jennifer走去望我同Jennifer Year 1果陣嘅記憶...

比佢見到我入到大學嗰陣無朋友嘅情景... 比佢見到Jenny主動就嚟識我嘅情景...

俾Jennifer發現咗我對Jenny嘅感情...

都俾Jennifer發現左... 我對佢都有感情...

「恆... 你錯在... 太易動情。」Jennifer輕輕摸著我嘅後尾枕....

但係Jennifer都... 佢都對我有感覺架喎！

『咁但係你... 你明明你都...』我感受到...

「對唔住，我哋只可以做拍檔。」Jennifer有啲心痛咁講...

我... 又俾人reject了...！

「我仲未ready... 唔係你嘅錯...」Jennifer喺度解釋... 但係我已經無心情聽啦。

「但係你已經做得好好啦，知唔知吖？」Jennifer緊緊咁攬住我... 喺我耳邊講...

我個心好痛... 我明明已經冇諗住表白...

但係竟然會咁樣俾人reject... 仲要俾人睇穿晒我個心！

「你今日仲有好好照顧我... 你抱我入黎嗰陣仲幫我蓋咗張被，我知架。你擔心我，怕我未唞夠所以唔比我再用我對眼，我都知架。你有細心聽我嘅指示，避免開任何發射無線電嘅裝置，咁樣嘅情況下你都捉到隻飛機出黎，我覺得你好叻㗎，你知唔知吖，恆！」Jennifer一卵咀咁講...

點解... 點解明明我已經咁努力... 點解都係無人鍾意...

點解吖？！

我不禁留下兩行眼淚...

「我係鍾意你㗎。就算唔係識咗你好耐都好...」Jennifer用綠色雙眼望住我同我講...

「但係... 我唔敢... 你要明... 我仲未走得出個段痛苦嘅經歷...」Jennifer有啲嗚咽咁講...

Jennifer諗咗一諗...

「你... 如果我叫你留低同我一齊保護大家... 你肯唔肯吖？」Jennifer搭住我膊頭問我...

我頓時猶疑... 我心入邊的確仲想返去...

我仲想見返Jenny.... 我... 其實我都放唔低...

「我唔怪你吖。」Jennifer嘅雙眼就好似憐憫世人咁...

「我應承你，當我同你搵到G-Particles之後... 我就會送你返去。」Jennifer好誠懇咁望住我講...

『我亦都應承你... 喺我離開之前... 我會... 我會好好做你嘅拍檔... 去保護你... 同埋照顧你！』我喊住咁講...

「係互相照顧先啱吖。」Jennifer糾正我...

『嗯！』我都用力攬住Jennifer...

「同埋呢... 阿恆... 對唔住吖... 我頭先唔應該強行上你...」Jennifer喺度講...

喂！咩叫強行上...

『你知唔知自己講緊乜嘢吖...』我喊住失笑...

「妖！噗...」Jennifer都意識到自己講錯野...忍唔住笑左...

「係啦，呢杯你嘅。」Jennifer遞咗隻杯俾我...

『有無加野架？』我睥一睥Jennifer...

「有～你估下加左啲乜野？」Jennifer有啲調皮咁講...

『又安眠藥？！』我真係就咁訓得著架啦喂... 唔好再落藥啦！！！

「加左啲愛比你～」Jennifer對我做心心嘅手勢... 望住我傻笑...

佢... 呢個表情好可愛！

『妖！』我尷尬失笑... 今次係佢第一次Flirt我...

「飲啦！」Jennifer輕輕拍我個頭...

『「咕嚕嚕嚕...」』我哋兩個都拎起隻杯飲...

『咁你嗰杯... 照落？』我認真咁問...

「嗯... 如果無落嘅話... 我會發惡夢。」Jennifer有小小憂傷咁講...

『會見到佢？』佢當然明我指邊個啦...

「見唔到... 你記唔記得，你睇到個段我俾人強行洗咗腦嘅記憶呢？」Jennifer提起... 我就有啲印象...！

『就係佢？』我小心咁問...

「嗯... 但係我已經... 連佢個樣都諗唔返起...」Jennifer震住咁答我...

『放心... 唔好諗佢啦... 而家有我做你嘅拍檔...』我嘗試安撫佢...

早知就唔應該問佢呢樣野！都怪我唔夠細心！

「你要記住... 佢同我一樣... 都唔係人類... 你係唔會夠佢鬥㗎...」Jennifer仲震緊咁講...

『好啦好啦乖啦... 訓啦Jennifer...』我好似氹細路仔咁氹佢...

「嗯。」

格躺 2022-05-03 16:39:12

更新到Chapter 44
今日爛咗龜心情唔好