我唔覺意穿越咗時空 遇到個神秘女仔？！

我用指手槍指一指我個袋

係咪打多咗個字？

枝枝枝枝枝

抄返6次 謝謝校對

今日暫停一日

保重

今次打漏左字

推推

兒童巴 打風洗唔洗返？

梗係唔使

今晚有文
頭先有靈感，即刻打左篇

今晚早出

Chapter 5 頹垣敗瓦 Part 1

『等等先，出面啲空氣係咪有毒？ 點解你頭先帶著防毒面具嘅？』我記得佢個面具我好似打機果陣見過，應該可以防埋輻射都得...

一般香港人應該唔會攞得到啲咁嘅嘢，就算green objects嗰啲都無佢呢個咁先進！呢個所謂嘅「保衛部隊」一啲都唔簡單！

「哦～ 你有冇睇呢個廣播信息吖？」Jennifer喺佢部電話度開咗頭先個酸雨警報出嚟。

「硫酸雨咋嘛！其實就唔使防毒面罩嘅，我都係安全起見戴定先姐～ 有時啲嘢真係話唔埋架～」佢一度拖我出門口一度講～

我拎住個背囊，跟住佢行到去個爛鐵閘門口... 再望一望個天...

原本被硫酸雲覆蓋嘅天空已經呈現一片晴空區，皮膚受到溫和嘅陽光照射～

我環顧四周... 只見原本以前熟悉嘅北角舊樓區已經變成一片頹垣敗瓦... 原本我平時跑開嘅斜路已經被倒塌嘅瓦礫阻塞。

再抬頭望向身後，見到有幾棟樓嘅高層直接被炸毀，部分單位外露咗出嚟。我仲見到燈柱上面綁咗啲竹竿，竹竿上面有啲紅色嘅爛布...

『而家嘅香港打完仗嚟？』我拉一拉Jennifer隻手問佢～

「確切啲嚟講，我哋仲打緊仗... 只係暫時停火咋。」Jennifer有啲憂傷咁講。

『對手係邊個先？』我有啲好奇，一來香港人咁中意返工，冇理由無啦啦有人會想同政府對抗架啦～

二來我哋某國嘅紅線咁有彈性，都唔知佢2035年武統咗台灣未～ 點睇都唔洗同香港人開拖掛～

再者，佢哋又有腦聯～ 邊個唔聽話，心入邊反政府嘅佢哋都知，可以將佢哋直接猝死，死因無可疑！

「PLA殘餘部隊～」Jennifer輕輕咁嘆咗一口氣～

殘餘部隊？！ 豈不是某國爆破咗？！ 唔爆破點會有殘餘吖！

『個小學雞倒台？！』我興奮咁問～ 雙眼望住Jennifer，期待佢嘅答案～

「個形勢有啲複雜，嚴格啲嚟講其實又唔係真係佢做錯咗啲乜嘅... 件事有啲複雜...」

#####

2030年二月，米國NASA聲稱喺火星嘅土壤樣本入邊搵到一啲唔存在於地球嘅不明物質。

2030年三月，NASA表示佢哋嘅火星車同地球失去聯絡，而臨失去聯絡果陣嘅影像可以見到某國嘅火星探索車：祝X號。

2030年三月，某國外交部向米國提出嚴正交涉，並指出有關某國干擾米國火星探索車的言論純屬虛構，沒有事實根據，是西方想搞反X主義的借口。

2030年四月，某國低調宣布祝X號同地球失去聯絡，當時祝X號正在收集土壤樣本。

2030年五月，某國對於火星車失聯一事向米方尋求援助，唯米方未有回應相關請求。

......

#####

「咇～～～～～～！」突然唔知邊度響起刺耳嘅蜂鳴器聲...

「嗯？」Jennifer拎起佢部iphone一睇...

「Distress Call: PLA declared war against CDB, return to base ASAP.

Checksum: PASAdALP」

Declared war? 開戰？？

『呢個信息係... 開戰？ 同埋點解我收唔到嘅？』我好奇拎自己部電話出嚟睇，都搵唔到呢個信息...

「哦，我地基地嘅廣播系統係識得認IMEI嘅，你部機無註冊 梗係收唔到佢哋隊員嘅訊息啦。」Jennifer突然急步拉我行！

『喂喂喂... 又話去食早餐？』我唯有跟住佢行...

Jennifer拉咗我去一個橙色牆身建築嘅入口，只見啲玻璃門已經爛晒，僅僅有個缺口打開咗可以比一個人捐到入去。Jennifer示意我跟住佢咁踎低，跟住佢就爬咗入去嗰棟漆黑嘅建築入邊。

「攝你袋嘢入嚟。」入邊傳嚟Jennifer把聲...

我仲未load到發生緊咩事...

「快啦！無時間架啦！」Jennifer嘅語氣非常唔耐煩！

今晚出完啦，由於Chapter 5有啲長，所以會分開兩日出～
鍾意嘅就比個正皮我啦
有時打文果陣都想見到大家嘅鼓勵 咁先會有動力打架～

至於負皮朋友呢～ 你哋負皮我都可以架～
至少都話我知有人睇吖～～

推推

推埋你

今晚會有文

有少少忙，食完飯先校對再po

Chapter 5 頹垣敗瓦 Part 2

但係我發現個袋太大，就咁攝唔過個窿！

『大鑊 個袋過唔到架喎！ 我逐件pass比你！』我開始攞咗啲工具比Jannifer先，跟住再攞咗一個紙盒過去...

『小心呀 呢盒易碎架 慢慢放...』我確保Jennifer雙手接咗個紙盒。

「到你入啦，再唔入黎你死咗我唔理你架！」Jennifer勁惡咁警告我。

『好好好，郁緊郁緊...』我小心翼翼咁踎低，再慢慢爬入去...

入邊好黑，乜嘢都睇唔到... 我伸手一摸...

好似摸到啲軟軟地嘅嘢... 好似係...

「啪！」

『嗚呀！』我塊面突然被人打咗一大巴！

「你摸邊度呀？！ 因著我由得你喺出面做砲灰呀！」Jennifer大聲斥責我...

『對唔住呀！我無心架... 但係真係好暗，你比少少時間我對眼適應...』 我慢慢開始見到Jennifer嘅輪廓... 但係都依然仲係好黑...

「其實我要講對唔住就真，呢度咁暗你又應該真係睇唔到嘢嘅... 下次唔好啦！」

我隱約見到Jennifer對眼發著輕微嘅綠光...

「而家就比較安全少少啦，你呢盒咩嚟架？ 頭先做咩要咁小心擺呀？」 Jennifer指一指地下個正方形紙盒嘅物體...

『哦，呢個係我做FYP啲物資嚟，呢盒裝住啲未開封嘅太陽能板... 姐係可以將太陽嘅光能利用photoelectric effect轉化為電能嘅。』

「我識。 咩牌子，幾多功率？」吓！？ Jennifer話佢識？！

『SunPower C80， 每一塊峰值可以做到7瓦，好貴架！ 出咗學校錢架！』

「唔錯... 咁你好好保管佢啦，呢盒嘢可能會幫到你。」

盒太陽能板會幫到我？但係啲板係我學校架喎...

『我唔明喎... 點樣幫到我呀...？』

「佢哋會覺得你有利用價值，咁先會收留你。 如果咪你就只有兩條出路，一係就做砲灰，一係就被流放去赤柱。」

『佢哋係邊個...？』

「唔講住先，我哋有命返得到去我再解釋比你聽。」Jennifer開始收拾我袋嘢，然後就拖住我繼續行...

「扶住呢度慢慢行落去。」Jennifer將我隻手放咗落一條好似膠帶嘅物體...

咦... 有啲似扶手電梯？只係無咗電嘅扶手電梯。

「行啦，我啲嘢放咗喺下低。」Jennifer推一推我。

我小心翼翼咁一步一步行落去，由於實在太黑嘅緣故...

我真係咩都睇唔到，淨係聽到我同Jennifer「咚咚」聲嘅腳步聲...

但係慢慢一步一步咁行我又習慣咗...

我開始佩服啲盲人，究竟佢哋睇唔到嘢係點樣出街嘅呢...

淨係靠聽覺其實真係好難架喎，又唔係個個都有導盲犬，真係唔知佢哋點樣做到。

我慢慢見到樓下隱約有戶外照射入嚟嘅光...

我終於明白我身處喺邊度啦...


呢度正正就係北角新X城，係斷咗電無晒人嘅新X城。

呢度絕對唔係我原本嘅香港。

「好啦 到啦。你等我攞番我啲裝備先。」Jennifer拎起咗一個灰色金屬盒，打開咗佢。

只見盒入邊有一啲形狀好奇怪嘅零件，有一個長方形，尾部有個圓形嘅透明膠盒，有一支長嘅金屬通連著的組件，仲有一啲好似磨砂塑膠嘅組件，有一個發著微弱綠光嘅玻璃組件，同埋啲深灰色嘅塑膠外殼...

好似有啲熟悉喎，用呢種金屬箱裝住嘅部件...

呢個輪廓有啲似一樣嘢...

今晚出完啦
今日個人狀態麻麻，奇奇怪怪咁
冇乜打到文 好怕之後又斷纜要停更...

不過你哋可以正皮鼓勵我架喎

當然啦 負皮朋友你話我知你喺度都好吖～

第一個Jennifer串錯字

多咗個Jannifer 同Jennifer

加油💪💪

早晨吖大人巴

推推

Chapter 6 新手上路

呢盒係拆咗件嘅FN PS90！支金屬通其實就係槍管！

「你知呢盒咩嚟架可？」Jennifer指一指盒PS90問我。

『FN PS90！FN P90嘅民用版本，只可以單發半自動咁用！』我好有信心咁講出嚟，因為我認得加長槍管嘅版本係PS90先會咁！

「哈！你啱咗一半啦。呢支嘅上半身的確係FN PS90，你嘅推測好合理。但係下半身係FN P90喎，你睇真啲～」 Jennifer半恥笑我嘅語氣咁答我，指一指個槍柄比我睇。

『但係點解未砌好嘅。。。』 我反而好奇如果佢哋平時係備戰狀態嘅話，點解會有啲咁唔方便嘅setup。。。

「呢支係我支backup嚟嘅，原本無諗過佢哋會開戰，所以先收咗喺度。」

Jennifer開始攞咗啲組件砌埋佢，變返一支我平時打Call of Duty熟悉嘅P90，唯一唔同嘅係佢用咗加長版嘅槍管。

「你識唔識上彈？」Jennifer揭開個盒嘅暗格，攞咗一盒子彈出嚟...

平時打機果陣上彈淨係撳R制... 至於現實嘅槍我真係唔知喎！

「拿，唔係淨係你打機咁撳R字咁簡單架。 你試下攞一粒，壓落去。」Jennifer將一粒子彈壓咗入個彈盒度咁示範一次畀我睇...

『FN 5.7x28mm Green tips...』我打量緊手上印有綠帶嘅子彈...

如果有睇youtube嘅都知呢啲係穿甲彈，可以穿到軟嘅避彈衣。

「快啦！支槍係你用架，我地過多陣就要出發，都唔知佢哋幾時殺過來。」Jennifer將個彈盒遞俾我。

『你呢？ 你頭先嗰支槍冇彈架喎。』究竟佢頭先果把係咩槍嚟嘅呢，我居然無特登留意到！

「我都係用你呢盒子彈架。」Jennifer一度講一度攞咗幾個彈盒出來，用快速上彈器將一排排子彈推入彈盒...

我再睇真啲，原來頭先佢攞嚟指嚇我嗰支係FN Five-Seven！

『唉，你就好啦... 』我一度羨慕佢可以咁方便咁入彈，但係我都唔敢怠慢，密密咁將啲子彈壓入彈盒。

「你未開過槍，我有啲嘢要教咗你先。首先，緊記你手上嘅武器可以殺人，每次用嗰陣都要檢查支槍上咗膛未...」

『你頭先都無檢查到啦...』我諗住取笑佢...

「聽晒我講先。同埋我頭先冇打算殺你，如果我有心嘅話你已經中槍身亡，七孔流血。」

「第二，如非必要，唔好將手指放喺扳機上面，以防你friendly fire。」

「第三，就算你手指無放喺扳機上面，都要留意槍管唔好指住隊友，都唔好指住自己，除非你想你隻腳多個窿啦，支槍就算再可靠都好都有可能走火。」

「第四，扳機下面有fire selector switch，你呢支係可以全自動連射嘅，但係如非必要都唔好開全自動，你知道你頭先上彈有幾辛苦架啦。 明唔明？」

『了解。』我從Jennifer手上接過支PS90。

「我呢度仲有兩個彈盒，你總共有150發子彈。你快手上埋佢我就帶你去食早餐。」Jennifer再塞多兩個彈盒俾我。

我拿拿聲再塞子彈落啲盒度，老實講塞到我隻手指有啲痛，尤其是臨尾果幾粒子彈特別難撳入去！

幾經辛苦之後終於上滿左3盒子彈啦，我再將個彈盒裝上支槍度。另外果兩個彈盒我就放咗喺個袋入邊。

『唉！隻手好痛呀...』

「噗哈哈... 傻仔！下次唔好用手壓啲子彈呀嘛，用一粒子彈借力壓呀嘛... 嘻嘻嘻～」 Jennifer喺度恥笑我...

『你頭先唔提我？！』

「我就係要你感受下上彈嘅滋味，等你明白節省彈藥嘅重要性！」Jennifer自豪咁講！

「行啦！」Jennifer拉一拉我手臂，帶我走出呢個漆黑嘅商場。

只見Jennifer已經戴返好佢個防毒面具。

『我哋去邊呀？』我好驚要行好遠，因為啲裝備實在太重...

「我哋去廉記呀，近海傍果間。」

我再行出門口... 只見北角區已經變成一片頹垣敗瓦。

新X城上面嘅天橋掛滿竹竿，望上去條天橋有焚燒過嘅跡象。

對面嘅華XX貨嘅廚窗全部被打爛晒，個招牌比人塗鴉，寫咗啲字...

再細心啲望，見到有一啲電車電纜斷咗，吊住喺半空咁，隨時有短路嘅危機...

啲交通燈又綁住咗啲竹竿，上面又有啲紅色嘅爛布，而啲交通燈就已經熄晒...

一路行一路望，我留意到街道上面有一兩架焚燒到發黑嘅黑色裝甲車...

『咦？ 呢架係... 死啦，我記得我好似見過...』我指住架黑色裝甲車同Jennifer講。

「哦，呢架叫鈍武。當時打仗果陣比人掉咗兩粒火彈就報銷咗。」我隔著個面具都見到Jennifer好似忍唔住笑咁～

「你要留意下天空上面有冇無人機，如果見到嘅話要同我講。」Jennifer指一指個天同我講。

「同埋周不時要留意周圍有無掩護，唔好行太闊嘅大街。」

『點解啊？』橫街窄巷有咩好行...？

「佢哋嘅無人機有武器，係UCAV嚟。」Jennifer拉住我同我講...

「隨時同你玉石俱焚都唔定！」Jennifer隔著個防毒面具正面望住我...
顯得佢格外恐怖...

今日出完喇～ 星期六日休息架（要時間打文同埋搵靈感）
睇完鐘意嘅可唔可以比正皮我 當支持下我都好吖～
同埋啲負皮好似多咗...