我唔覺意穿越咗時空 遇到個神秘女仔？！

佢係上臂近膊頭位置...
未必可以撳到大動脈掛...？

同埋佢哋個基地都run咗幾年啦... 啲嘢慢慢用用下都缺
如果咪點解救火都用打火把喎

好懷疑佢一升空就被防空雷達鎖定

我諗冇咁容易？
好歹都叫四代半戰機

F16V嘅設計唔係隱形戰機
頂盡只有RCS Reduction
Grave Stone雷達好大機會可以見到佢
前提係將雷達車放喺海岸

S-400要攔截導彈，首先要detect到導彈
導彈嘅體積咁細，佢嘅RCS都會好細（Radar Cross Section)
一架隱形戰機RCS應該細到同導彈差唔多
如果攔截到導彈 就好自然地攔截到戰機 就算你係「隱形」戰機都好
據說S-400對隱形戰機嘅detection range係200km
只要F16V爬升到一定嘅高度 好快就會見到佢

S-400嘅威脅就係佢會令到4代嘅武器無咗一半效咁濟
如果要對付S-400而唔想有大量傷亡嘅話 必須5代嘅隱形戰機+反輻射導彈
用嘅數量仲要好多先有機會突破到
所以NATO先會咁驚S-400

我係知s400睇唔到f35
不過同意你話s400可以搵到f16v

繃帶

如果夠近應該會見到
可能50公里左右 我都無確實數字
F-35嘅stealth唔係絕對, 可能F-22會好少少

繃帶 繃帶 繃帶 繃帶 繃帶 繃帶

上次以色列用f35炸咗俄佬部署喺敘利亞s400，s400由頭到尾咩反應都起唔到

可能係用家問題呢

俄佬工藝不嬲唔得，
同埋f35本身個隱形性能係已經好犀利，
至於f22個隱形性能根本就係外星科技level嘅嘢，
美國就係發覺根本唔洗咁誇張嘅隱形能力先design f35

用家問題 可以導致莫斯科號都沉埋
S-400無反應 都唔出奇吖 你諗下邊個係用家先

btw俄佬喺敘利亞嗰度嗰啲大部分係S-300嚟
S-400係upgrade咗雷達+指揮車嘅S-300嚟
就算莫斯科號上面都係裝住S-300嘅戰艦版本
敘利亞啲S-400係俄佬控制嘅 而且俄佬都無興趣打隻機落嚟

所以無人知道S-400嘅真正實力架

我怕連俄佬都唔知咋

同埋講真，當你見su57個隱形性能咁廢，我覺得s400對抗隱形戰機嘅實力好極有限，
最起碼你連試都冇得試，可以有幾好

你嘅隱形戰機要work 必須配合電戰戰機去干擾雷達
單一隻隱形戰機/淨係得F-35，無EA-18G嘅干擾掩護的話
F-35好大機會會被發現

要成功摧毀S-400 唔係淨係靠一架F-35咁簡單

咁當然

有冇人睇咗Maverick呢？

最後校對中

更新到Chapter 64～
有可能呢個post完咗之後要休息一排...

而家咁樣繼續出文嘅話 有可能會唔夠一個月就出晒...
近排都冇乜靈感... 冇乜進展

Chapter 64 修復...

「Eden，損壞情況如何？」Jennifer問緊其中一個喺度收拾緊瓦礫嘅人...

只見呢個人短頭髮，側邊鏟青，帶著黑色耳環... 手臂都好粗壯...

「副指揮！而家有15個單位被炸毀，其中10個已經撤離晒所有傷者，另外仲有3個着緊火，我哋而家處理緊。傷者方面暫時有12個人，全部都係後勤人員！報告完畢！」但係Eden把聲有啲似女仔，不過語氣就好tough咁...

唔通係TB嚟？

「我哋可以recover到幾多個單位？」Jennifer望住眼前嘅瓦礫... 遠處嘅人仲攞住打火把喺度救緊火...

「粗略估計大概7-8個左右，同埋都要調動工程部果邊嘅人手先可以做到。」Eden摸著下巴喺度答...

『請問，如果修復嘅話... 要做啲乜嘢架？』我都想幫下手...

「要重新駁水電嘅供應，單位嘅外殼要重新安裝。」Eden嘅答案非常之精簡！

Jennifer突然靈機一觸咁！

「Eden，立即同我檢查干擾器係咪運作緊！」Jennifer指示Eden去做嘢！

「收到，即刻去做！」Eden即刻跑咗過去另外一邊...

過咗一陣...

「Jennifer！Jennifer！」我身後傳嚟Eden把聲... 佢似乎好緊張！

「宿舍範圍嘅干擾器比佢哋整停咗，係炸斷咗電纜。」Eden面色十分恐懼...

只見Jennifer拎起電話，插咗支天線... 跟住周圍揚下咁...

「暫時無腦聯嘅信號。我會搵人盡快重新安裝。另外我會叫佢哋開著防空系統，確保呢度唔會再有任何飛行物體可以靠近。」Jennifer一度講...

同時拉一拉我打算返去大本營果邊...

但係我都仲睇得出，Eden似乎都幾擔心...

「我知你已經好努力，你盡快幫佢哋維修返宿舍果邊啦。干擾器嘅事情，我會同佢一齊盡快處理，請你放心。」Jennifer好溫柔同埋堅定咁安撫Eden...

「呢個係... 你嘅新拍檔？」Eden好奇咁望住我...

「無錯無錯~」Jennifer拉一拉我~

『你好Eden，我叫吖恆。』我禮貌咁打招呼...

我望一望Eden... 佢至少有170... 仲高過我...

Jennifer拖住我急步行返去大本營果邊...

只見遠處宿舍嘅火勢已經救熄咗...

唉，真係無辦法想像佢哋每日生活喺恐懼嘅陰霾下，究竟點樣過....

「你對你新Version嘅干擾器有幾大信心？」Jennifer突然停低望住我問我...

『我相信可以用到。我段Program已經設計到會發射相反嘅信號去抵消任何敵方腦聯嘅信號。另外我都有沿用返你舊版本嘅code做fallback。』

『安裝方面，我建議採用雙重保險供電。主要用基地嘅48V直流電，另外亦設置後備電池，當基地因為突發情況斷電果陣就會自動啟用，確保干擾器嘅運作唔會被中斷。另外干擾器嘅盒會設有感應器，如果未經批准強行打開或者拆除嘅話會觸發警報。』 我一一向Jennifer解釋，就好似present功課咁...

「非常之詳盡。恆，你果然無令我失望。」Jennifer滿意咁點點頭咁讚我...

「我哋落一轉IC工程部果邊，將個設計同Peter Sir講吓，佢會幫你整出嚟。」Jennifer帶我過去搭𨋢...

跟住我就將我頭先講嘅說話一一覆述比Peter Sir聽...

「呵呵... 唔錯吖！就按你嘅意思去做。」Peter Sir聽完之後都好滿意... 跟住叫咗佢啲手下去跟住做...

我就send咗啲code同埋CAD圖比佢...

*CAD， Computer Assisted Drawing，工程界經常用到電腦設計圖

『另外，麻煩你哋安裝果陣，將呢個裝置裝喺隱蔽位置，譬如樹幹，粗嘅電線杆之類嘅物體。』我細細聲同Peter Sir講...

Jennifer靠咗過嚟... 比佢聽到...

「你怕呢度有內鬼？你放心喎，呢度所有嘅成員我都親自見過，唔會有事嘅。」Jennifer係我心入邊輕鬆咁講...

所有嘢都應該以防萬一嘛Jennifer... 同埋，內鬼嘅嘢防不勝防！

Jennifer拖住我行返去搭𨋢上去大本營果邊...

「你幾時變得咁老練架... 諗嘢精密咗好多喎~」Jennifer好似打量住一個早熟嘅細路咁...

可惡... 明明我都唔係細路，係個樣同身高似細路姐！

『我善良姐，唔代表我唔識呢啲嘢喎。正所謂，人善被人欺，防人之心不可無！』我認真咁講！

「咁你防唔防我先！」Jennifer嘅語氣...？

『都比你攻陷咗啦，仲點防吖？』我都中意咗Jennifer啦...

「把口浪過油咁吖嘛？哼哼~」Jennifer似乎又好受落~

跟住我哋行返上大本營... 只見大家仲喺度各有各專心做緊嘢...

「有冇人而家得閒，我想搵人聯絡MAXAR果邊。」Jennifer向住大家講...

*MAXAR，米國嘅衛星公司，俄烏戰爭果陣用衛星拍攝咗好多俄羅斯嘅軍事部署，然後將啲相公諸於世。

「我可以吖！」Erika企起身回應Jennifer！

Erika呢個女仔... 總會令人覺得佢好可靠。

佢平時唔突出，都唔多嘢講...

但係一到關鍵時刻果陣要佢幫手，佢好多時都幫到大家。

「我想要佢哋搵南海艦隊嘅位置，我要佢哋艦隊詳細嘅相，搭載嘅武器，裝備，有咩戰機喺上面，全部嘅情報我都要。」Jennifer一輪嘴咁講...

「無問題吖，我幫你聯絡MAXAR，有消息我會叫你出嚟。」Erika即刻返去佢個位，跟住拎咗部手提電腦出嚟...

係估唔到佢會用Lenovo啲商用機姐...

「Jennifer！」Jack突然跑過嚟，跟住對住Jennifer九十度鞠躬！

「頭先係我疏忽，無細心留意到Thermo Scope上面Cruise Missile引擎嘅痕跡，導致有一支打中咗我哋總部！係我辜負咗大家，我深感抱歉！」Jack非常誠懇咁道歉...

但係都唔使去到呢個地步吖嘛...？

「Jack！企返直先！無錯係傷咗人，有啲屋炸毀咗。但係如果無你喺度，另外果三支導彈已經炸咗落嚟啦。而家唔係怪責任何人嘅時候，而家我哋係要諗辦法保護大家。」Jennifer扶起Jack，示意佢企好，跟住好溫柔咁講...

「同埋我認為今次我都有啲責任，係我太保守唔肯開雷達所以先會導致有呢個風險...」Jennifer都向大家道歉...

「Jack，你同我調高Thermo Scope嘅靈敏度，見到疑似任何發熱嘅物體都要匯報！Angie，如果Thermo果邊見到任何嘢就開Fire Control Radar鎖定佢，打佢落嚟！唔使經我批准啦。我要你哋諗辦法攔截晒所有導彈。」Jennifer指示佢哋兩個...

「收到！」Jack同埋Angie同時答！跟住佢哋兩個返埋位做嘢！

「Jennifer，啲相返咗嚟啦。」Erika喺我哋後面講...

Jennifer擰轉身一睇...

「情況唔樂觀。」佢皺起眉頭咁講...

唔通成支南海艦隊嚟咗

點會打得過吖

睇有幾多魚叉、雄三揸手

海防嗰度邊有咁多位裝