我唔覺意穿越咗時空 遇到個神秘女仔？！

更新到Chapter 35
趁啱啱去toilet有空檔 而家出埋算

呢10日真係好忙

Chapter 36喇

要塑造一個難忘角色係一件唔容易嘅事。。。

更正： Chapter 36
我攰啦

改咗了

咁你覺得Jennifer呢個角色如何？

睇耐D先，外星人感情可以有更多想像空間，同人類/智能人唔同，可以多D發揮

拿 不過咁喎～ 佢喺個故入邊嘅定位同地球人差唔多
同埋佢都喺地球生活咗幾年，開始已經同化咗
只係有啲特別能力同埋多啲知識咁解

有時框死一個角色會好難發揮。。。

加油呀

嘻嘻～ 你覺得我會淨係寫佢哋兩個？
比你咁易估到我就唔係木各身尚啦

大家咁話啦 唉

我意思係可以俾多D空間，唔好剩係從人類感情觀去睇🤦‍♂️

呢個就…
可以試試 但係有啲難度

話說提一提大家
平時傾偈果陣不推文回覆啦
再推嘅話本躺食好多負皮架
我出文果陣就會推一推

各位早晨
本躺琴晚淨係訓咗兩個鐘

Chapter 37: 初嘗

我彈完以後望一望Jennifer...

只見佢流咗兩行眼淚... 個表情好感動...

我都嚇咗一嚇...

平時我彈琴屋企人會嫌我嘈... 我真係未試過彈琴整喊人...

「我... 我未聽過啲咁好聽嘅野... 阿恆你頭先究竟做左乜嘢黎...」Jennifer有啲嗚咽咁同我講...

音樂真係一樣好神奇嘅野...

音樂可以攞黎抒發自己嘅情緒... 亦都可以攞黎表演炫耀...

音樂甚至可以使人走出傷痛... 啟發他人...

但係整喊人我就真係第一次見...

『你黎地球嗰陣冇聽過音樂咩？』我有啲好奇... 乜火星人冇音樂嘅咩？

「原來呢啲就係叫... 音樂... 你...」Jennifer仲有啲激動...

「你勾起咗我好多回憶... 好多開心，同埋唔開心嘅回憶... 頭先你一度彈，我個人就好似飄咗起空中咁... 就好似發夢咁！」Jennifer一度形容...

『真心，我真係唔算叫做彈得好... 同埋呢首歌都未算係最淒慘同凌厲...』我拍一拍Jennifer嘅膊頭...

我真係無諗過... 我居然可以通過音樂傳遞到我嘅內心嘅情緒...

『你想聽其他嘅，我電話仲有... 我諗你部電腦可以播到...』我拎起我部電話比Jennifer睇...

「好！記得返去比你部電話我連接落電腦！」Jennfier終於冷靜返，慢慢拉我離開琴行...

Jennifer帶返我上去頭先泊車嗰度...

跟住佢開返架Model X駛離停車場...

佢駛上斜路... 嚟到一個迴旋處...

只見斜路沿途係一堆私樓... 堆樓依山而建，而且睇落冇乜受到炮火嘅損傷...

「我仲有一個地方要帶你去，今日我地唔會入去住，但係之後都要過去。」Jennifer過左迴旋處之後一直向前去...

之後嚟到一個闊嘅彎路，我哋沿途見到兩間學校... 似乎係小學，一間紅色，一間藍色嘅...

跟住Jennifer嚟到藍色嗰間小學前面停車，然後示意我落車...

「呢度係柏架山其中一個入口。根據我哋收到嘅情報，米國嘅火箭好大機會係墜落喺柏架山一帶。」Jennifer指著後面坐山講...

「我比啲心理準備你，我之前嗰十三個拍檔，全部都係死喺呢座山入邊。你真係要跟我黎嘅話，你就要做好呢個覺悟。」Jennifer雙眼望住我，好認真咁講...

『你諗下，如果搵唔到G-Particle嘅話，其實呢個世界對我黎講都冇乜意思。』

『呢度始終都係你地嘅世界...』

『我遇到你，我真係好開心架Jennifer... 但係始終你要明白... 我喺呢度冇一個真正嘅屋企。』

『我都唔想以後困喺呢度淨係同啲PLA打仗...』我講出咗我內心嘅感受...

但係... 其實Jennifer又何嘗唔係咁呢... 地球都唔係佢嘅屋企，佢只係勉強留咗喺度。

Jennifer輕輕攬住我...

「我哋大家咁話啦。」佢喺我耳邊溫柔咁講...

佢真係外表堅強，內裡溫柔...

雖然只係識咗佢幾日... 但係我就覺得...

我都對佢開始有啲感情。

Jennifer沿著基利路落斜，跟住一直沿今朝出發條路返去海防博物館...

Sor，係海防基地先啱。

但係當我地轉到上阿公岩道果陣... 今次Christina冇再出現...

究竟佢平時要做啲乜嘢呢？

「人哋仲要照顧佢嫲嫲呢...」Jennifer似乎感受到我喺度諗乜...

『你！點解隔咁遠你都聽到架？好心你專心揸車啦！』我指著個mon上面條阿公岩道！

Jennifer對我扮鬼臉...

跟住我地返到去車庫...

今次終於冇再被人用槍指住！

有個著住IC標誌恤衫嘅阿叔已經企咗喺車庫門口...

Jennifer同我落車... 個阿叔黑晒面咁...

「Peter Sir... Sorry. 今次我哋被人埋伏，全部都係槍傷。」Jennifer向Peter Sir報告...

我細心望下架Model X嘅損傷... 只見連側邊嘅車門都有彈窿... 前面嘅車窗睇怕係直接報廢...

「你無撞人？！」Peter Sir有啲驚訝咁問...

「無。」Jennifer認真咁講。

「都係嗰句，最緊要人無事。」Peter Sir語重心長咁拋低一句...

「我哋兩個上去休息一陣，一陣八點鐘落黎睇下有冇咩幫手...」Jennifer拖住我行入隧道...

「你得閒先落黎啦。」Peter Sir雖然頭先黑面，但係似乎其實唔係太介意部車搞成咁...

但係點解我覺得Peter Sir... 有啲熟悉嘅呢？

「咇 --- 咇咇！」Jennifer間房度門自動打開咗...

「係啦，比你部電話我吖...」Jennifer伸手出嚟...

『嗱.』我攞咗我部Nokia 7.1出嚟...

「又會咁啱都係用呢個窿嘅呢？」Jennifer指著我部機個type-C port...

『吓？你嗰部好似係iPhone黎架喎？』

「你睇下啦～ 嗱～」Jennifer比左佢部電話我研究...

我撳power掣... 手機嘅mon開左！

Wallpaper係一張好靚嘅星空圖... 有TouchID鎖咗...

明明無實體home制喎... 唔通係under screen指紋sensor？

我再研究下機身... 機身背面係全玻璃設計，中間印有Apple Logo... 後置鏡頭完整嵌入喺機身入邊唔突出嚟！

我再望下電話底部... 吓？！

竟然唔係Lightning Port？！係USB Type-C Port！？

更新到Chapter 37
琴晚一直chur 幾乎無訓過
完全無校對過，sorry

記住記住不推文回覆呀
唔想食太多負皮呀

你出就睇

應承你 會俾個結局佢哋

Chapter 38: 再次執手尾

只見Jenifer喺檯面打開咗蓋，插咗條白色線落我電話道...

「Ummm...恆？佢呢度話咩... 要解鎖電話同埋開Developer Mode... Android Debugging Mode?」Jennifer過嚟...

玩咁大？！佢地連接電腦用ADB？！

Android機嘅ADB可以由電腦控制電話，Share Screen上電腦，甚至將部機個系統改埋都得！所以係唔可以亂咁開比人嘅！

『你肯定你部電腦信得過㗎嘛...』我拎起電話對住Build Number撳7次，然後開左ADB，再插上USB...

Detected as Android Device: Nokia 7.1 TA-1097...

Confirm flashing keycard, software mitigations and mark IMEI for CDB Broadcast?

Jennifer喺個mon撳confirm...

「搞掂。而家你部電話開到我間房嘅門架啦。」Jennifer打算比返部電話我...

『你唔係話要聽歌咩？』我記得佢頭先聽到喊晒口咁...

嘻嘻！我電話入邊仲有啲更加凌厲嘅歌！

「係喎... 同我抄埋啲歌。」Jennifer對住部電腦講...

「嗱。」Jennifer比返部電話我...

「乜你真係咁鍾意我部手機咩？」我仲拎住咗Jennifer部機... 我即刻比返佢！

『喺嗰度影嘅？』我突然一問...

Jennifer當然會知我問佢乜嘢啦～

「我屋企夜晚望上天，就係咁樣。」Jennifer喺度回想...

「不過果陣影嗰部相機都已經唔見咗啦...」Jennifer不禁嘆一口氣...

唉... 舉頭望明月... 但睇怕無辦法低頭思故鄉啦...

「好啦，我哋要落返去幫手啦。」Jennifer再次帶我出門口...



我哋嚟到車庫... 只見Peter Sir拎左幾個膠桶出黎...

「呢啲係Glass Resin，可以攞黎補玻璃。」Peter Sir喺度介紹...

「你地首先要做嘅就係將玻璃上面嘅子彈刮返出黎。」Peter Sir比左一把摺刀我...

只見刀柄係用碳纖維做嘅... 幾靚。

我同Jennifer一齊爬上車頭嘅位置... 跟住攞把刀刮啲卡住咗喺防彈玻璃上面嘅子彈出黎...

「小心，個身嘅力唔好座落玻璃道，會刮傷你。」Jennifer扶一扶我...

『Thank You.』

我哋繼續刮... 頭嗰幾粒刮得好爽㗎！

跟住就一直刮... 刮到手都酸埋！好彩我讀書嗰陣落工場做嘢嘅表現都唔差姐！

呢個都係Jenny成日痴住我嘅原因... 每次上IC堂嗰陣佢都要同我一組...

*IC, Industrial Centre, 工場咁解

貪我對工場啲架餐易上手，落手落腳做嘢做得快吖嘛！

過左半個鐘... 我已經冇辦法再搵到殘留嘅子彈...

呢個時侯Peter Sir攞左個儀器黎喺塊擋風玻璃上面掃...

「做幾好吖。」Peter Sir讚我哋兩個...

「『多謝～』」我同Jennifer兩個同時都用個好幼稚小朋友嘅語氣講！

「吖你哋兩隻嘢呀... 未完㗎！跟住而家要補返塊玻璃佢... 不過嚴格啲黎講，其實呢啲唔係真係玻璃黎。」Peter Sir 攞左卷黏嘅厚膠帶出黎...

「貼喺擋風玻璃嘅邊框度。」Peter Sir比左卷膠帶我同Jennifer...

我地照做，確保邊框全部貼好膠帶...

搞掂之後，只見Peter Sir喺車庫高層嗰度吊咗一塊好大好厚嘅板落黎...

「呢塊板係攞黎吸住塊玻璃嘅，確保我哋維修嗰陣唔會有汽泡，而家就考驗到你地頭先貼嗰啲蛇膠貼得好唔好啦！」Peter Sir將塊板壓落塊玻璃道...

跟住佢插咗個泵落去...

「磁......」個泵喺度抽緊氣...

「好，合格。」Peter Sir滿意咁望一望泵上面嘅讀數。

「最後幾個步驟啦，呢啲膠倒入去呢個位。」Peter Sir打開咗果塊壓喺玻璃上面嘅厚板，攞左個漏斗比我哋...

我小心咁倒，Jennifer揸住嗰漏斗...

我再加多桶... 老實講啲膠有啲味...

終於搞掂！我哋兩個爬返落黎... 我偷偷喺車側邊嘅窗一望... 哇！

只見玻璃前面嘅裂痕唔見晒！真係好神奇！

「磁.......」Peter Sir再次開著嗰真空泵...

「好啦，你哋做得好好。如果我果陣時嘅學生有你地咁落力就好啦... 哼。」Peter Sir肯放我哋走...

「有咩要幫手記得搵我地！」Jennifer拖住我打算走...

「等等，你，Jennifer嘅拍檔。你叫乜名？」Peter Sir叫停咗我...

『Peter Sir，我叫阿恆吖。』我有禮貌咁自我介紹...

「嗯... 呢度你做得唔錯，幾似我以前其中一個學生。」Peter咁樣拋低一句... 跟住就行咗去繼續維修架車...

跟住我就比Jennifer拖左返房...

「咦你啲音樂有中文字嘅？」Jennifer好奇咁望住我張Playlist...

『有啲有人唱歌㗎嘛...』我指著其中有中文字嗰啲歌...

「呢首！」Jennifer撳咗落去一首歌...

係AGA嘅《吃定我》...

由於我知道呢一集應該會有人睇到有啲悶嘅緣故
而家諗緊好唔好出埋下一集

更新到Chapter 38
各位早晨
希望大家好好珍惜快樂嘅時光

早吖