貓糧資料庫（10）

如果係新嚟嘅貓 唔俾掂唔俾摸 可以點刷牙

你同佢熟咗後，就訓練啦。
https://youtu.be/UMOaWM9cweU

我隻食全濕糧，黎咗三個月就發現有一小塊仔牙石，搞唔掂，一定要刷。
一開始訓練係好辛苦，打仗咁，起碼預兩個月，先真刷到牙。
而家成功咗每日2分鐘就刷到。

想問點刷入面d牙
定佢咬咬下當刷左

唔洗刷入邊，之前唔知有間大學研究過，話入邊貓自己清潔到。

有冇人隻貓唔太食罐,
汪喵、thrive 都要喂到咀邊先食.
反而乾糧就衝去食

利申: 大約7個月大, 未切蛋蛋

餓咗兩三日屈服咗 而家全濕 臨瞓比幾粒乾過口癮

你返工唔放乾,
剩係早晚喂???

鍾意食乾嗰隻成貓先領養返嚟 都搞咗一排先轉到濕
仲有一隻細細個就食開濕食 佢細個時係早一餐收工一餐宵夜一餐咁餵
你嗰隻7個月三餐都夠 擔心就返工畀十粒八粒乾糧比佢過吓癮
一忽得多 啲屎忽鬼貓就唔願食濕 喺到餓住等你比乾

同埋濕糧買多幾款唔同牌子同味 冇咁易食厭

我試左幾隻牌子隻貓b都肯食，咁係咪就唔使買死一款比佢食?

貓貓係有混血既豹貓，聽義工講係因為豹貓腸胃問題，食咩牌子既乾糧都會痾軟便。
問過獸醫聽佢講食左一段時間Royal Canin 既水解蛋白糧，便便係成一條條，但係呢款糧好似無咩營養又唔健康，所以上個月試下幫佢轉糧。

呢排轉左thrive 既乾糧，佢好鐘意食呢款啲糧，但係便便變返水狀，食益生菌都無咩幫助。不過貓貓仲係好精神，完全無唔舒服既症狀。
軟便佢有時會整到，始終都想解決呢個問題
有冇都養緊豹貓既主人，想問下你地隻貓貓有無軟便問題好嚴重，有無方法解決？或者有冇其他人有啲糧推介比貓貓試下？唔該晒

我隻貓10歲，早排幫佢轉dr elsey乾 貓糧就嘔，睇完醫生，食左幾日處方罐罐又無事，跟住再比dr elsey 乾糧 又嘔過，係咪高蛋白得濟，老貓唔受得？

佢無食到所以都唔洗留意

本身食開 Nutrience SUBZERO 貓糧 - 凍乾雞肉- 雞肉火雞海魚，衣家想轉 Ziwipeak ，但想知佢幾款肉有咩分別，好似見過話每款肉係for 唔同要求，例如毛皮關節之類，有無ching 知？

買咁貴嘅唔食

有無人每日1主食罐+1副食罐+些少飼料？

貓貓d屎一粒粒 唔係長條 同佢食既糧有無關係 定飲唔夠水

想問你地點餵魚油?
今日收到iherb 先知原來係咁大粒
我隻貓會lam但係唔識成粒食
係咪要吉爆佢等貓貓自己lam?