個人覺得,如果只係要求劇情完整性(或者話就咁講完一個故事),對UFO黎講未免要求太低
好歹都係成名已久嘅動畫公司,對演出效果有更高要求無可厚非
不過呢一切都談唔上製作缺失,只係選材上嘅問題,始終一定會有刪剪,文字冒險遊戲如果照搬黎做動畫絕對係一個災難,所以唔CUT呢part,就代表要CUT第二part。而起有限嘅時間內挑選適當嘅內容呈現出最好嘅效果,正正係體現監督有幾多料嘅地方
但但但但,退一萬步講,HF第三章點都唔會係糞作
呢個POST我睇咗大部分回覆,亦唔太覺得有人評價HF第三章係糞作,可能係唔同人講咗好多自己各自不滿嘅點而令你地有咁嘅錯覺啦。
最後講下自己嘅睇法,HF三部曲,個人覺得第一章無限接近完美,原創嘅情節係神來之筆;第二章為咗渲染情緒,有一兩個位做多咗,但暇不掩瑜;第三章,製作組太貪心(typemoon方甚至想繼續加戲
),我反而覺得佢cut得唔夠多。