【校園】【足球】【少甜】溝到女神後我決定......

上場喇上場喇

（五十一）

攤喺床休息，突然收到Nicole wtsapp，「你而家情況點呀，慣唔慣？」「初初唔慣架，強度好大，後來適應到，而家叫跟得上，教練仲安排我可以入後備，已經有處女戰啦，你估咩成績～」
「咁招積，肯定入罰球啦」
「咁又冇，不過兩助攻反勝2比1」
「犀利犀利」
「咁你呢？返咗澳洲？」
「係呀，之後要12月先可以再飛」
「咁你幾時再返香港？」
「睇情況啦，你地都拎到精英賽咯，冇咩動力俾我返去，反正我同舊時啲同學又唔係熟」
「我當然希望唔返香港啦，返得去即係我冇得留低」
「咁又係。。。你俾心機啦，加油」
「嗯，大家咁話」
「呢幾條link講健身餐單，你應該有用」
「THX」
知我者Nicole也。。。唔怪得成日覺得唔夠，原來我飲食冇乜控制，嚴格控制飲食應該效果會更好。


我將每日餐單同運動schedule send俾Nicole，「做咩俾我？」
「唔知點解信你多啲」
「服咗你，你應該咁咁咁……………」。。。。。。
就係咁，我照足Nicole嘅建議去做，為咗唔想佢有機會串我，我仲會成日影相話佢知我有做。


要數全個操練進步得最快嘅環節，就係可以同正選一齊踢比賽，我由頭兩場成日俾人撞跌，俾人偷波，到而家可以箍到波，甚至俾人逼時可以轉身甩到，呢啲實戰經驗係做幾多GYM都拎唔到。同隊友開始熟，默契開始增加，配合越嚟越多，對於擅長傳球嘅我終於有發揮嘅空間，隨住進攻數據提升，我終於可以打到我最熟嘅攻中位，同roberto亦有羈絆加成，成日有福至心靈嘅入波，終於，我同佢可以喺呢場友誼賽打正選。


「咩成積呀？」
「入1粒罰球，同埋1個助攻」
「恭喜恭喜，抵請我食飯啦～」
「可以啊，咁幾時得閒過嚟玩？」
「你算係約我旅行啦喎？」
「係啊」
「我地兩個？」
「叫埋阿健囉」
Nicole呢個時候心入面媽叉緊我十萬八千次，「之後再算啦，我都未得閒」
「咁好啦」

去外國一定淨係帶衣物同外國冇嘅嘢食 其他全部都係廢嘅, 而且除英美澳加, 其他地方英文通常都係廢

以前去外國帶勁多出前一丁

留名

點知tesco大把

（五十二）


其實我知道Nicole意思，只係而家呢一刻唔得閒諗呢啲，想專注返面前更重要嘅事。哼，講起可笑，無論當初講到幾難捨難離，當我地少聯絡，感情原來可以淡得咁快，自從上次同Charmaine互相加油後，都成個月冇傾過偈，我冇搵佢，佢又冇搵我。夜闌人靜，突然一陣寂寞感湧上心頭，於是我去訓練場看台坐。


「一個會人會上癮」呢句原來係真，人在異鄉，呢種孤獨感似黑洞不斷蠶食我，喊唔出，又冇得同人分享，世界彷彿得返我一個。明月高照，我合上眼睛，感受微風吹過，就當係有隻無形嘅手撫摸我，安慰我。微風漸急，場上青草開始發出嘈雜嘅聲音，終於，風停了，青草亦稍作休息。我從來都唔信長久嘅事，尤其經歷阿秋嘅離去，我就更加固執，認為比起長久，我地經歷更多係斷捨離。同Charmaine一齊時，我曾經期待可以改變我呢個諗法，可惜世間總有好多陰差陽錯，太多嘅巧合就唔係巧合，或者呢段情只係我地兩人錯誤的擦肩，分道揚鑣後嘅悲涼，唔通呢樣就係所謂嘅孽緣？緣份令我地相遇，同樣令我地最後擦肩而過，原來呢段愛情咁經唔起考驗，定係一開始根本唔應該一齊？我唔知，亦唔想知。


「12月，我得閒」Nicole無端端wtsapp我，總係可以適當時候做適當嘅事，簡單一句將我從黑暗深淵拉返現實。
「嗯，再約啦」
當初冇同佢表白嘅原因，除咗因為青頭仔怕醜，更多係因為我怕失去，怕失去一個咁合拍嘅人，阿健之外，對我最了解嘅人應該係佢。


「喂，你咩環境啊，你條友冇撚搵過我嘅？」話口未完，今次到阿健搵我
「今日正選破處，有得打熱身賽，你又點？」
「聽日簽約啦」
「嘩咁撚勁嘅，幾時上一隊啊你」
「下年，我會以神射手姿態上」
「哈，繼續吹」
「我唔係你，我講得出做得到，咁你又幾時簽啊」
「下個月啦」
「做唔到嘅我之後去搵你，全部旅費你出」
「驚你啊？！」
「你做唔到就出我去搵你嘅旅費」
「DEAL」


反正瞓唔著，去跑步先。

希望阿健唔好口疏爆響口

但佢成日溜口既

同Nicole一齊啦

（五十三）


話說我有個ig ac，話就話成個app有1億張相，但我1張都未post過，啲followers都只係同級識嘅人，不過呢邊真係太悶冇嘢玩，我就趁頭先跑步自拍一張，就咁寫句為自己目標奮鬥post上ig，然後瞓覺。起身時見到ig通知有like同有comment，Charmanie留言叫我加油，我入佢ac睇，先發現原來冇follow佢，見到有幾百post，好想睇於是即刻follow，唔洗1分鐘就接受，我由佢第一個post開始慢慢碌，開頭好多都係四朵金花互相偷影，或者係佢影嘅食物相風景相加啲mk句子，仲有少少練舞相，其中有張相係自拍一張朦朧批頭相，句子係剪不斷理還亂，時間係我仲未追佢之前，搞到我好糾結佢係嗰陣有啲咩咁剪不斷呢？感情？我係佢初戀應該嗰陣冇感情俾佢剪，可能純粹mk妹鳩寫。


一路碌，發現佢喺我地正式一齊嗰日出當晚影嘅風景相，句子係最開心的一天，加個笑容，可能外人唔知，但而家嘅我忽然一陣暖意上心頭，見到之前個head prefect留言「有咩咁開心啊」，屌，見到就嘔心，好彩冇覆佢，睇嚟對佢唔大好感。之後呢段時間嘅post好多都係我同佢出街影嘅相，買嘅嘢，同埋學業post，去到我走嗰日，嚴格嚟講係分手嗰日，佢post張自拍朦朧眼紅相，寫「再次擁抱 一分一秒 都好」。。。


其實我同佢都知道，離別前嘅說話好多都自我安慰，只係大家唔去篤穿善意嘅謊言，由得佢保留住，或者有一日有0.1%機會成真。打開wtsapp，見到佢呢個時候online緊，我打句hi，但又del咗佢，重複呢個步驟幾次，最後都係決定碌ig，佢後段嘅post 9成9都係啲懶有感情嘅句子，最新post係佢開始學結他，我like然後留言「幾時可以教我啊～」


去search阿健，0 post，同我一樣，試吓search Nicole先，打佢名同姓又真係搵到，雖然public，不過都照follow啦，佢啲post主要係外國生活post，好多都有佢笑樣，仲有朋友合照，非常charm嘅一個人，尤其當我地球隊拎冠軍，佢成段千字文感受打出嚟，睇得出好用心。我like呢張然後留言「因為有個英明隊長帶領」

嚟緊幾場波，我都係後備間中入替，有機會就做正選咁。至於roberto已經係常規正選，表現唔跌watt嘅話睇嚟好快簽約，我只好每日加操，操到個人攰到郁唔到為止。

一齊咗都冇互fol誇咗少少

時間點唔係2020年當時ig興都唔知有冇1年，我又冇用ig習慣

邊個同邊個

Charmaine

Nicole

Nicole