【校園】【足球】【少甜】溝到女神後我決定......

我覺得會有點五章

臭雞就係臭雞？？？？？

（Charmaine2，邂逅相遇）

今日放學要練舞，我去洗衣店將啲衫拎返學校，唔只我啲衫，我仲幫手拎幾個比較fd嘅衫，所以一大袋好重，我幾乎係要拖住咁行。去到紅磡火車站條天橋底，「哎呀。。。做乜壞𨋢架。。。」望住條樓梯，加埋呢袋嘢，我先知咩叫絕望。我雙手拎起袋衫，慢慢一級一級行上去，去到一半有緩衝位就停低抖一抖，然後繼續上，差唔多到頂時，「吖！！！！」我叉錯腳失平衡，雙手即刻捉住欄杆，先唔洗碌落樓梯。不過我右腳依然踩落一級，仲要拗柴，好鬼痛吖。。。我只好坐喺度打俾fd叫佢地嚟幫我，「Charmaine，你冇嘢嘛？」我碌緊contact時，眼前出現咗個銀頭髮mk，望落幾靚仔，佢叫Terry，都係danso人，不過我冇同佢傾過偈。「啱啱叉錯腳拗柴吖。。。仲要拎袋衫返去練舞。。。」
「你拗柴仲點練啊？」
「咁都要拎衫返去吖。。。因為amy佢地啲衫都喺度。。。」
「我抵諗啲幫你拎啦，你小心慢慢行返去啊」
「多謝吖！！！」人間有愛，搵日要請佢食餐飯多謝佢先得。


Terry一手拎起袋衫，再秤起佢放膊頭後面拎，估唔到佢都幾大隻架啵，啲肌肉長條形，而唔係做gym嗰種一舊舊，嗰啲我覺得好核突，呢啲長條好睇好多。「吖。。。」我一起身行，右腳踏就第一步，腳腕就傳嚟劇痛，
「你點啊？行唔行到？」
「唔係好得，好痛吖。。。」
「你扶我膊頭行啦，我行慢啲就你」
就係咁，我彈下彈下咁行去佢左邊，伸出右手搭住佢膊頭借力行。


原本一條10分鐘嘅路程，要用差唔多30分鐘先返到去。去到hall門口時，amy見到呢個情景都即刻嚟扶我，「Charmaine！搞咩呀你？」
「唉，頭先喺樓梯叉錯腳拗柴囉。。。」
「sorry呀。。。係咪袋衫太重？我唔知會咁多架。。。」佢眼尾望到terry拎住嗰袋嘢，先知幾個人啲衫加埋係咁大袋。
「唔緊要啦，都係順便啫，一日最衰部𨋢，壞咗搞到要行樓梯。。。小事啦，拗柴抖一個禮拜就得啦」其實我地不嬲幫忙都會有來有往，今日我幫完佢下次佢會幫返我，只怪今次自己黑仔撞正壞𨋢啦。。。


「Terry唔該晒你呀！」amy同terry講唔該，我先知我掛住傾唔記得咗佢，
「係吖，搵日請你食飯啦～」點都要報答返人嘅，唔係佢經過我都唔知點算。。。
「你話架，我唔會同你客氣的～我走啦，陣間見啦amy，charmaine你記住唔好亂活動啊，唔係會惡化架，知唔知？」Terry好似有意無意間咁chok樣？
「知道～拜拜～」


Terry消失我地視線之後，amy撞一撞我膊頭，「喂喂，人地搭你糖喎～」
「咪傻啦。。。點會呢」
「最尾佢幾細心咁溫馨提示呀，俾我實冧死啦～～仲要chok住樣講，盲嘅都睇得出啦～～」
「行啦，快啲拎啲衫返去啦」
「咪住，你點拎？咁咪得我一個拎？」
amy一言驚醒夢中人，如果我冇整親，我同amy一人一半拎啲衫就輕鬆，但我咁嘅樣。。。「amy，你搵人幫手拎啦，我拎唔到架啦。。。」
「咁我搵icy啦，陣間你點呀，肯定練唔到架啦？你去邊？定過嚟睇我地練？」
「唔啦，我直接返屋企啦，得個睇字又冇意思，又唔知練到幾時」
「咁好啦，你小心啲呀，記住唔好亂活動啊，唔係會惡化架，知唔知？」
「妖！」


於是我就咁屹住行去的士站飛的返屋企。

今晚繼續

我要隻臭雞 一世只可以鐘意男主

當男主都有拖拍 現實的人都唔會再等男主啦


有SP 有hall 雞 但一定無痴心情長劍的女人

咁你真係未見識過痴心長情劍女人不過可以繼續睇埋落去先

推

（Charmaine3，美麗誤會）

第2朝起身，見到有個電話number send咗幾條whatsapp嚟，「有冇好啲？」
「我地尋晚諗到個新step啊，我錄低send俾你睇」
「如果腳腕仲腫，記得用冰敷，同埋盡量行少啲路啊」
我冇save佢contact，不過一睇icon，就知係terry，跳舞相入面佢幾型，係上次event嘅相，多重曝光之下佢好似識影分身咁，好有藝術色彩。「好好多啦，尋日唔該晒吖～冇你唔知點算」本來覆完就諗住起身刷牙，點知佢秒回我，
「唔好唔記得你爭我餐飯喎～」
「知道啦，等我好返先啦，唔會欠你嘅～」


一星期後我已經好返，不過唔可以太激烈，所以去到啲難嘅step我都會停低休息。我地一星期起碼練兩次舞，為咗唔想甩太多，我都會不斷睇片喺個腦run一次，所以進度我都算跟得上，下星期應該可以全力練返新step。「其實你跳舞都幾叻架喎，以前跳開？」terry見我一個人坐角落休息，過嚟r水吹，「係吖，我小學已經學舞，中學同幾個fd組隊玩啲細比賽咁囉，你呢？」
「我冇架，入嚟danso先第一次跳」
「吓？哈哈哈，唔怪得你好似成日都甩beat咁啦～～」
「乜你咁留意我架？」
「唔係，頭先望到啫，咁你以前中學玩咩？」
「我足球隊架，不過好廢，d1八強就出局」
「咁都叫廢？d1好勁架啦喎，入到八強已經全港頭8啦啵」
「咦？你又識？」
「係吖，我以前。。。」
「哦～以前足球隊，唔怪得你腳力咁好咁粗魯啦～」
「妖！我學校都有足球隊架嘛，咁你識唔識阿佑？馬天佑？」
「哦～阿佑啊嘛，嗰個阿佑啊嘛。。。唔識啵，做咩？」
「冇嘢啦。。。你快啲去練啦，唔係到時mass dance就出醜，我一定恥笑你～」
咁又係，唔識都好正常啫，又唔係啲咩球星，唔知佢喺西班牙順唔順利呢？


我終於好返晒，我地今日朝早練舞，練完之後amy同icy都話約咗人唔同我食lunch，happy friday變lonely friday，哼！嗰兩隻嘢！我唯有行去canteen食頹飯，忽然terry過嚟搭我膊頭，「喂，去邊啊？」
「去canteen買飯吖，你呢？」
「same here，你一個人？」
「嗯」
「一齊？」
「好吖，我請，都仲未請你食飯」
「嘩。。。請頹飯好頹啫，不過士但啦，我係咁加嘢飲加餸，嗌貴啲」
「哈哈，你鍾意啦」


Terry份人比較風趣幽默，成餐飯都冇悶場，而我地亦傾好多各自嘅背景，原來佢只係足球隊後備，而且少睇波，咁唔怪得佢唔識阿佑啦。「陣間有咩做？」佢無端端問我，唔通咁快想約我？
「冇吖，溫書囉，你知physi啲嘢幾難架啦」
「咁勤力，仲以為你要陪男朋友添」
「冇吖，佢去外國留學，佢要sem break先返」
「哦。。。」我隱約見到佢失望嘅面色，先發覺頭先嗰句原來想chok我料，
「咁你呢，唔洗陪女朋友？」
「我呢啲毒撚邊有女啊，有嘅，雙手囉」


自此，我地多咗好多單獨食飯機會，當amy同icy去溫仔，我都會搵佢食飯，主要因為佢唔搞爛gag嘅時候，係個好好嘅聆聽者，好細心聽我呻苦，呻free rider，呻驚gpa唔夠，呻功課難，而佢除咗聆聽，亦會教我天地堂去邊度hea，帶我去食宵夜，分享啲三爆四方妙拿，佢嘅出現令我大學生活再多啲色彩。其實佢唔係冇女仔鍾意，不過佢都話睇唔上眼，可能我身邊異性得佢一個，所以唔會俾人話收兵，反而會話我地一齊緊。哈，佢一定好enjoy所以先唔澄清，而我就廢時煩所以冇講太多，不過點都要分返清，點算好呢。。。。。。

睇就睇....不過現實十條女十條都話等

去到西班牙踢波都唔係球星仲要D1冠軍喎唔係咩

時間上阿佑仲係薯仔嚟，d1冠軍冇睇波嘅連邊隊拎都唔知啦比起阿佑，當時阿健出名啲，始終佢早過阿佑走，早成名

現實嚟講 兩個都一定上A1 仆街政府一定發大嚟攪話自己做咗好多野

戴偉浚都冇上啦不過阿佑之後發展某程度上關呢樣嘢事亦都解釋埋愛斯賓奴呢隊波其實係好撚大嘅伏筆位

終國班主

屌

（Charmaine4，情隨事遷）

我盡量唔同terry單獨相處，練舞時亦都少搵佢，好似好小學雞咁，不過我諗唔到仲可以點做。我搵amy幫手，佢就話由我把口講可能好hurt，如果由第三者對話講可能會好受啲，唯有係咁啦。。。於是呢日我，amy，terry，仲有另外兩個danso人一齊食飯，amy見時機差唔多，就開始問我，「係喎charmaine，你男朋友幾時返香港？」terry聽到呢個問題，眼尾望一望過嚟，至於另外兩個花生友亦都喺度偷聽，「佢應該2月返嚟吖，返嚟逗利是」
「你地long d唔辛苦咩？」
「唔會吖，我地晚晚facetime架」
「嘩，sweet到你地呢～」
兩個花生友表情有種恍然大悟嘅感覺，至於terry就面有難色，好快佢食飽後就話約咗人走先。


「charmaine，今次到你爭我一個人情啦～」食完飯之後，我同amy去黃埔hea，講返起頭先嘅事。
「得啦，不過好似好hurt咁。。。」
「信我啦，一定好過你親口面對面咁講」
「咁又係。。。」
「仲有，你唔洗特登避開人，咪當識多個朋友，佢點諗佢嘅事啦，你又控制唔到嘅」
「知道啦，戀愛大師amy」
自此，我同terry雖然都會間唔中一齊食頹飯，但好少再話去食宵夜，睇戲。Year 2我要專注返學業，之前咁樣玩法搞到gpa好低，所以呢年都冇乜玩學校活動，而terry又同我唔同科，學業上我地唔會有交流，對上一次whatsapp已經係暑期前無聊r水吹，大家見面嘅時間就得返一大堆人聚會，先至噓寒問暖幾句，傾下大家近況同將來。


聽講過時間可以沖淡一切，所有痛苦嘅過往經過時間嘅洗禮，將會化為腦海裡最深層嘅沉澱。呢句話尚算可以應用落我身上，兩年過去，我對阿佑嘅感情應該一去不復返，可以話係放低咗，只係嗰種內疚同懊惱依然纏繞我內心，或者呢啲就係報應？我明白到再深嘅痛，終有一日會淡如雲煙，到時候我嘅傷痛會成為我心底最深層嘅沉澱，令我嘅心回歸最初嘅平靜。


呢日Kassie無端端whatsapp我，「bb～」好耐冇聽過佢咁叫我，以前喺中學佢好鍾意咁叫我，上elective時我地一齊坐成日俾老師話傾偈好嘈。有次我地喺hall到準備聽週會，我地兩個互挨膊頭，坐後面嘅阿佑問，「有冇人話你地les架？」哈哈，再les啲都得～「有吖」於是我同Kassie就蜻蜓點水式咁嘴，睇到阿佑眼都突埋。後來同佢拍拖先知，嗰刻佢腦海喺度ff緊我同Kassie磨豆腐，死咸濕仔！
「點吖bb？」
「阿健呢排腳踝成日好酸好痛，如果我想幫佢按摩可以按邊？」
「哈哈～你當我醫生咁話啦喎？係呢，你去咗搵佢？」
「係吖我得閒吖嘛，咪去李城一星期囉」
「喔喔，你等等」於是我send啲肌肉位置圖俾佢，叫佢照住個位幫阿健按。其實我好羨慕阿佑同阿健，可以達成自己夢想，而且仲發光發亮，而我只係平平無奇咁生活。努力讀書又如何，到頭來都係做物理治療師，可能咁就一世。而我又唔知自己想點。。。或者應該要認命成為填鴨式教育嘅受害者？

今晚仲有冇

有

做咩唔講charmaine同佢「爸爸」點開始果啲

鹹濕仔

踏上做雞之路