【校園】【足球】【少甜】溝到女神後我決定......

睇到 但唔肯定

（七十五）

「係啊，平時訓練我都會早到練多啲，所以咪keep住早到囉，係呢，你呢排咩環境？」
「仲可以點吖。。。喺度諗jupas點排同埋後路囉」
「考得好差咩？」
「通識同中文都冇信心，哈哈，我地不嬲中文差架啦」
「你而家叫我揸筆作文，我真係死俾你睇～」
「教我幾句西班牙文啦～」
「Hola係你好，Adios係再見，No hablo español係我唔識西班牙文，如果啲鬼佬問我，我會咁講，然後佢地R晒頭，明明我識講」
「哈哈哈～而家應該慣晒啦？」
「係啊，有個好朋友係巴西人，佢好熱情架，第一日就周圍帶我行，仲輔助我做GYM」
「咦。。。咁gay嘅佢」
「殊～我同佢秘密嚟～」
「頂你」
「不如兜個圈啦，鳩企好7咁」
「好吖」
我地就圍住創興兜個圈，差唔多7點就去返集合地方，已經見到阿健同其他同學到咗。


過半數可以入座，行緊嗰陣阿健捉住我行慢，細細聲問我，「做乜你同佢一齊嘅？」
「咁啱喳嘛。。。」
「真？！唔係私下約？」阿健半信半疑咁啤住我
「屌，呃你做乜啫，喂，點解你好似咁憎佢嘅？」
「冇啊，唔憎佢，純粹好奇啫，我信你」講完阿健就繼續行。
由於我地兩個慢咗，入到房我地就坐外圍，我同Charmaine就隔3個位。佢左手邊2個係四朵金花除咗Charmaine同Kassie之外嘅兩個，再左手邊就係阿健，結果全程阿健一皇三后咁同佢地雞啄唔斷，中間仲搵埋Kassie一齊開Skype傾，至於我就不斷食嘢，一來喺西班牙生活節制，唔會食呢啲，所以今日要食到夠本，二來我都唔知有咩好做，其他人都傾緊dse，我又冇得插嘴。


「你瞓先啦，我地食完去唱k啊，今晚傾唔到」我準時同Nicole報到
「玩得開心啲～」
食完之後就去唱k，就當係接受殘酷前最後的瘋狂。比較乖嘅，或者麻麻唱k嘅就走先，所以唱k團得返7人，我同阿健同Charmaine都去。
「係喎阿佑，你上年同Charmaine sing con拎獎架，表演多次啦～」 條友都唔知有心定冇意。。。
「係囉係囉」 其他人又跟住起哄，於是我地唱返好心好報，拆開solo嚟睇我地唱得還好，但冇夾過之下合唱就又甩beat又唔合拍。如無意外，呢次應該係我最後一次同佢唱歌，所以我再揀多首合唱歌，「識唔識唱十分愛？」
「識吖」
其他人又開始起哄。。。


「分手後一分鐘 便有後悔聲音
能傷我最深的人 應得我心
應該漠不關心 然而還著緊
當攬緊他人 想起跟你熱吻」

唱起第一段，我先醒起歌詞好似怪怪地。。。唔應該係而家嘅我地去唱。
「心 (莫放開) 未放開
雨驟來 才能提示真愛是確實存在
愛滿分竟是換來 痛亦滿分
可否錯一次以後 一直愛」
唱完嘅時候，我下意識望一望Charmaine，而佢咁啱亦望過嚟，臉上浮起意味深遠嘅微笑，一個唔再清澈嘅笑容。我腦海回想起過去同佢嘅點滴，有時候理智叫我做清醒正確嘅事，可惜感情偏偏逆道而行，當我差啲不能自拔時，手機傳來whatsapp，「我瞓啦，早抖～」Nicole恰到好處嘅訊息再次將我拉返入現實，其實我知佢無端端send條訊息用意係提醒我唔好唔記得佢。「早抖～我返到屋企同你講～」

一間係咪飲酒 之後Charmaine醉左就...

自爆: 我係死臭雞

聽日放榜邊有心情飲唔知醒咪出事如果考得好想慶祝。。。

怕什麼 又唔係一次定生死
只不過做人定做狗就今次定

（七十六）

分手一年，或者當初我地分開太突然，又或者我走得太急，我地好多說話都未講清楚。曲終人散，大家各自回家，最後行去巴士站方向只有我同Charmaine，「而家冇地鐵，我同你坐巴士返去啦，廢時你自己女仔一個危險啊」
「嗯。。。」
估唔到會再有機會同佢一齊坐巴士，佢坐入面我坐出面，我特登喺佢面前拎電話出嚟whatsapp Nicole，「我坐緊車啦」
「咁乖同女朋友報到吖？」Charmaine眼尾望到，明知故問咁問我，
「係啊，以前我送完你，返屋企嗰陣都會同你報到啦」
「其實同你一齊嗰陣真係好開心。。。雖然會有小拗撬，但每次你都會笑住咁講對唔住，等我下咗啖氣」
「係啊，因為唔想見到你嬲嘛」
「阿佑。。。」Charmaine知道有一種愛，明明想放棄，但無法放棄；有一種愛，明知係煎熬，但又避唔開；有一種愛，明知無前路，心卻早已收不回。


深夜旺角去美孚好快，唔洗一陣就落車，我唔知邊度嚟嘅諗法，「Charmaine，不如行陣公園啦」
「嗯，反正我今晚都應該瞓唔著」
行到去公園，我地搵張長櫈坐低，坐低之後我地都唔知點開口，於是我拎電話出嚟同Nicole報到，「我返到啦，沖涼hea多陣就瞓～」打完字之後我收埋電話，然後十手指下意識地交叉互相磨擦幾下，
「哈哈，你知唔知你講大話隻手會咁樣捽架？」原來Charmaine知道我呢個動作，
「知啊，我控制唔到，所以我講大話唔叻」
「一年前我地都係坐呢張櫈，你記唔記得？」
「記得啊，當時都好唔捨得對方」
「係囉。。。明明話會等，點解呢樣又唔記得。。。」Charmaine呢句充滿怨氣，
「sorry…」
「唔洗，你而家幸福就得」
「咁你呢？一路單身？」
「係吖，都話屋企人唔俾我拍拖」
「都而家呢個地步。。。不如坦白啦，根本冇呢個理由，你到底呃緊我啲乜。。。？」
「。。。」Charmaine眼神從哀怨變成恐慌，睜大雙眼不停顫抖。


我地再次陷入沈默，唔知過咗幾耐，Charmaine把聲震晒咁講，「我。。。對你。。。唔住。。。」嘴唇緊抿，逐漸變得扁平，最終成為一條直線，眼神亦唔敢再對住我。
「唔怪得你當時一直講對唔住，可恨我當時發現唔到，哈哈哈～你一直當我傻仔咁玩？」強顏歡笑不過三秒，我內心一沉，原來我一直俾佢當傻仔咁玩？
「唔係架。。。」淚水喺佢眼眶打轉，「當時已經好後悔，直到而家我都仲鍾意你，真架。。。」
「哼，枉我初初到西班牙咁傷心，全部白費，我一直都想忘記過去，但當我見到我地合照嗰陣，才發現心底仲留低一份想抹都抹唔走嘅回憶，每當我孤單，寂寞，好迷惘，需要人陪嗰陣，一句訊息都好，但你冇，因為你知道冇面目搵我，我而家先知當初一直期待緊空氣」
「阿佑。。。對唔住，對唔住。。。」Charmaine唔再忍，直接痛哭
「而家再講任何嘢都冇意思，係，我承認，心底內仲有一份真情存在，如果唔係我唔會為咗你呃Nicole我返到屋企，但呢份真情只限回憶，我會好好收埋佢唔再拎出嚟」
「我明啦。。。我唔會令你傷害到愛你嘅人，我都唔想傷害你女朋友」
「我記得當時我有懷疑過。。。？」
「係。。。」
「如果你坦白，或者故事嘅結局會唔同」
「你叫我點講得出口喎！」我都係第一次見到Charmaine力歇聲撕。
望到佢咁嘅樣，我開始心軟，應該咁講，如果佢一開始就坦白，我都會心軟，因為我性格好人，因為我對佢嘅愛大到可以包容呢件事，只可惜愛情唔係玩心理戰嘅地方，錯過咗就錯過咗。


Charmaine終於冷靜落嚟，「阿佑。。。多謝你愛過我」
「我冇後悔愛過你，一啲都冇」我只可以苦笑，呢種就係命運嘅安排？
「夜啦。。。我要返去啦」
「我送埋你去樓下啦」
「嗯」
臨入門口時，Charmaine擰轉身望住我問，「如果有來世，你仲會唔會愛我？」
我凝視佢，微笑點點頭。醉過才知酒濃，愛過方知情重，雖然最終我地成就唔到一段美好嘅姻緣，但我唔後悔，始終我地曾經無悔咁相愛過。

https://www.youtube.com/watch?v=41txh0FXTrk

走啦 做雞學咩人講真愛

臭雞冇人權

（七十七）

返屋企嗰陣，我凝住Charmaine最後嗰句有啲唔妥，「你冇事嘛？講啲咁嘅嘢？」
「咩？」
「臨走前嘅問題」
「喔，冇嘢吖～」
其實Charmaine近來屋企經濟狀況已經捉襟見肘，要賣單位去填數，再加上佢俾自己太多無形嘅壓力，佢的確有諗過輕生嘅念頭。睇完社工再加上藥物幫忙，情況已經改善唔少，加上向阿佑講出一直以來收埋嘅秘密，心裡如釋重負。



第二日我好早起身，因為我想返學校感受一下DSE放榜嘅壓力，咁樣做好摟打，因為兩袖清風咁返到去，然後開花生mode望住焦頭爛額嘅同學。我地出到一個35分，平時佢已經係全級頭三，所以唔出奇。我見到Charmaine拎到成績表，「yes！」臉上完全掩蓋唔到佢嘅歡樂，我走去問佢，「拎嚟睇～」
中文4，英文5*，數學5*，通識5，bio 5**，chem 5*
「嘩你咁撚勁嘅。。。4c1e Best 5 28分，唔計4c1e Best 5直情30分，Best 6 34分，除咗神科你乜都得架啦喎。。。諗住讀咩？ 」
「諗住試吓poly物理治療吖，唔得咪視光」
「睇嚟你疊埋心水讀醫療嘢」
「係架～唔講啦，我要去poly啦」
「好啦，拜」
唔知我考會幾多分呢？20？


呢幾日練波，阿健同前輩冇再嘈，當然唔係因為教練嘅勸勉，佢成世人最聽嘅就係我說話，「喂健，收下火啦，我地喺度𡃁仔嚟架喳，槍打出頭鳥啊，你隊波本身全部𡃁仔，你緊係做乜都得啦，呢度唔同啊」
「得啦，我有分數」
呢場波係對菲律賓，主場嘅我地秤高少少，我同阿健就先做後備，睇得出阿健好想落場，一路喺我隔離話呢度唔應該咁踢，嗰度唔應該咁踢，睇到咬牙切齒咁，睇睇吓直接走去場邊熱身，我見冇嘢做都跟埋佢去熱身。半場返入更衣室嗰陣教練就同我地兩個講換邊後換我地出場，而家0:0，如果我地入到波就最好，入唔到就當拎經驗。


喺通道等出場嗰陣，我地兩個都磨拳擦掌，非常緊張，話晒第一次踩香港大球場嘅草，加上觀眾多過之前嘅比賽，仲要有外媒在場。開波初段我踢得好緊，仲未放得開，好幾球因為太上腳而俾人逼甩，或者傳波失誤。15分鐘後情況好轉，我中場線附近大腳送波上前，阿健拎到波後單挑菲律賓左中堅，佢右腳揚兩揚，突然加速推進然後一個轉身就過咗，睇到觀眾都歡呼，左中堅唯有使出超技術，拉衫，拉到阿健件衫就嚟爛咁，阿健順勢坐落地攤開雙手同球證投訴，中堅食張黃牌再加輸一個罰球。唔係我主射，所以我企禁區頂等機會。罰球開出，龍門雙手擋出，個波直飛我面前，我重心向下，個人向左邊彎低，伸出右腳凌空抽射，「砰！」屌，中眉彈出底線。


我個人終於warm up好，對面水平唔高，所以我踢落好清風送爽，無論大腳轉邊定one two撞牆幾乎全部成功。對方開角球，我地龍門接到即刻大腳開出，我控定粒波再轉身向前，發現半場位置已經我同阿健2打3，我向左邊傳地波，然後向前走位，阿健拎波再即刻腳外檔橫傳俾我，然後佢向右走位。我拎到波，背身對住菲律賓右中堅，眼尾見到阿健走到靚位，我直接後踭地波俾佢，粒波喺右中堅跨下漏過，成功去到阿健腳下。阿健加速，頭先拉跌佢嘅菲律賓左中堅已經全速沖過嚟，我大嗌「3點鬼！」我向右走位幫佢，如果佢俾人糾纏都可以傳波俾我，不過佢呢次無視我，睇嚟佢想再挑戰多次左中堅。



左中堅落剷，阿健將個波督前少少，然後輕輕跳起避過，中堅見到自己剷空氣，即刻右手壓落地做枝支點，將個人盡量再伸前。阿健落地一刻，中堅隻右腳已經殺到，掂到阿健隻落地右腳，佢啱啱掂地下完全做唔到反應，左中堅隻左腳再順勢伸過去，鉸剪腳式夾住阿健右腳唔俾佢起步。左中堅個身因為慣性繼續向前多少少，不過呢少少已經夠力將阿健個人拉起，向後撻落地，「啊！！！！！」阿健掩住右腳腕非常痛苦。弊，我第一次見到佢呢個表情，知道真出事，即刻對場邊揚手大嗌「軍醫同擔架！！」

咁detail 睇到眼花左中堅右中堅

push

會比返個名人

說穿了

（七十八）

我第一時間跑去阿健隔離，見佢神色好痛苦，不斷低聲呻吟，好怕佢斷韌帶。「點啊你，死得未？」
「未死得。。。我唔似你咁弱雞。。。」阿健抖順條氣，望落好似冇咁痛。
「仲識講笑都好啲，走啦，今晚再探你」
之後，佢就瞓擔架俾人抬出場。
罰球我直接射入，不過始終擔心阿健，冇乜心情踢，揸流灘完場算。完場時我即刻去場邊問教練阿健咩環境，佢話頭先call咗白車去律敦治醫院。聽埋賽後檢討之後我去更衣室極速沖涼換衫，然後去醫院。Nicole whatsapp我，「阿健點呀？好嚴重？」
「唔知啊，我而家去醫院，轉頭見到佢再搵你啦」


去到醫院見到阿健坐喺輪椅上，「你坐喺度做咩啊？」
「等睇醫生囉，軍醫幫我去登記」
「好似冇事咁嘅？」
「骨裂啫，未斷」
「屌，咁喳？俾你嚇撚死，知唔知要抖幾耐？」
「都話等睇醫生咯，未睇我點知啫」
「叫咗你收火啦，頭先我走到你後面支援你，你咁都唔俾我係要死去」
「係啦」
「嗱，而家出事啦，今次你死好命，萬一斷韌帶睇你點算」
「知道啦。。。冇下次」印象中今次係第二次認真屌阿健，阿健見到我咁嘅樣亦都知衰廢時駁我。
「啊係，Nicole搵你啊，你whatsapp佢啦」 醒起要同Nicole報到，我直接叫阿健搵返佢，始終傷嘅係佢唔係我，佢清楚自己狀況。
「搵我？」
「係啊，睇你死得未啊」
「哦，而家搵」


阿健出返嚟，「點啊，咩環境」
「踝關骨裂，抖個零兩個月就ok」
「哦。。。咁真係好彩」
「係，陣間要同球隊講lu」
「知驚嗱？！」我見到阿健神色有啲唔妥，睇嚟佢擔心休養完之後又要重生適應，再搶正選。
「係啊。。。」
「我走啦，見多你三日就冇得再見啦」
「吓？！去邊啊？」
「澳洲嘛，我直接嗰邊返西班牙啊」
「哦～記得做好安全措施啊～」
「啊係，上次嗰盒嘢我聽日俾返你啦」
「冇用到？佢唔俾你？」
「嘿嘿嘿，情到濃時唔記得」
「屌你啊，衰鬼，有啲料到喎」
「同埋size唔啱，我要加加加加大碼」
「挑，收皮啦」
「走啦，聽日見，拜～」
其實呢幾日我只喺臨飛前一日探佢一次，本來唔想去，我同佢都唔係嬌情嘅人。不過，呢一別可能又要等一年先可以再見，所以都係去探佢，同俾返盒套佢。


「我過緊關啦，你準備啦」一落到機，我即刻search機場wifi然後whastapp Nicole。
7月嘅墨爾本算係冬天，Nicole紮起頭，化個淡妝，身穿長大褸，越嚟越成熟。我地見面緊緊相擁，小別勝新婚睇嚟係真，Nicole激動到雙手扶我塊面旁若無人咁喺度咀。「返酒店先啦」呢10個鐘機程我都冇覺好瞓，所以而家我只想返酒店瞓個好覺。
「乜咁心急呀。。。」Nicole無端端面紅，細細聲咁講
「乜啊？！你諗咗去邊啊？我成程機冇瞓，而家超攰啊。。。」
「厄。。。」知道自己柒咗，Nicole狠不得搵窿捐唔俾我睇到佢呢個樣，我諗呢個世界只有我可以見到佢呢一面
「行啦，今晚叉足電先慢慢招呼你～」

硬係覺得健同Nicole 有野 但講唔出點解咁諗

呢樣就真係諗多啦

早d訓啦 可惜而家眼光光

（七十九）

「哼！咪掂我呀！」
講就咁講，我地起行時Nicole都係主動拖住我手十指緊扣，唔知係太耐冇見，定係我地發生過關係，而家嘅佢更加小鳥依人。返到酒店時，我一放低喼就拎睡衣直接沖熱水涼，沖完就攤落床。「喂呀，你真係瞓架？！」Nicole見我想瞓，就好唔情願。咁又係，咁辛苦先見到點知我喺度瞓。 。。
「恰陣啦。。。真係好攰。。。」
「咁好啦。。。」
點知一恰，直接恰到黃昏。。。
「幾點啊。。。？」我好辛苦先撐得開對眼，個人仍然處於瞓覺狀態。
「6點啦」
「吓？！乜咁夜啦」
「你知就好」
「sorry啊。。。」明明話恰一陣，結果我恰咁耐，搞到我都唔好意思，唯有不斷沙冧。 「唔好嬲啦，帶你食好嘢補返數」
「你識路咩？」
「我搵過架，gogogo」


知佢鍾意食牛，於是帶佢去墨爾本出名嘅電車餐廳Colonial Tramcar Restaurant。咁當然，咁出名嘅一定係要book位，所以我預先book定第一晚食。由於我地呢次主要係見對方，所以冇plan行程，隨心所欲，佢唔知我已經book咗，仲要咁啱佢嬲緊，一定俾到個驚喜佢。我係book 8點半嘅late dinner，仲有成個鐘就同佢周圍行吓。
「你又話帶我食嘢？做乜喺度行？」死啦，佢越嚟越唔耐煩。。。
「我book咗8點半啊，一路行一路等啦」
「吓你幾時book架？！」
「頭先酒店廁所」
行咗冇耐，都係決定直接去上車點等算，因為見佢唔太想行，咁不如俾佢知道仲好，於是就同佢坐電車過去。落車行到去上車點，佢見到Restaurant departure point已經知食乜，即刻好驚訝，「你又知我想食嘅～」
「見你有提過嘛，再加上你鍾意食牛，咪訂呢度囉」
「咁即係你之前book定架啦？」
「係啊，點啊鍾唔鍾意？」
「鍾意呀～」講完Nicole即刻笑住攬住我 ，我就撫摸佢頭，
「唔好嬲啦」
「冇嬲呀」
果然女仔有嘢食就氹得掂。。。


紅色電車緩緩嚟到，我同職員搞掂booking後，少不免要做攝影師，一輪瘋狂打卡相之後就上車。上車後侍應幫我地點菜，原來酒水任飲，咁當然紅酒白酒啤酒甜酒都叫啦，每樣一杯我地兩個share飲。紅絨布古典座椅、精緻懷舊燈具、流蘇窗簾，仲有極有氣氛嘅燈光同浪漫音樂，帶住維多利亞時期嘅唯美浪漫色彩，成個環境非常浪漫。5道菜食3個鐘，得閒低頭飲酒，低頭品嚐美食，得閒抬頭望住不斷轉變嘅景色，內心非常激昂澎湃。咁樣一路食嘢飲酒，一路傾歇，伴隨住外國人嘅歡笑聲，我地都感染咗外國嗰種自在愉快，我地默默約定每一年都要去唔同國家感受唔同文化。落車時我地都開始有醉意，就決定直接返酒店。


一入酒店門口我忍唔坐攬住Nicole，然後忘情接吻，一路錫一路行上床。雖然有醉意，但呢刻更多嘅係愛意。我慢慢解開Nicole外套鈕扣，佢亦幫我將上衣脫下。我已經赤裸上身，而佢只淨一件黑色蕾絲bra。我伸手慢慢除開扣，終於我地兩個都互相赤裸上身。我地一邊濕吻，一邊雙手喺對方身體遊走。我左手握住隆起嘅山丘，姆指喺山峰上嘅突起滑過，「嗯。。。哼。。。唔。。。嗯～」Nicole低聲呻吟激起我慾望，右手伸去腰間前解開鈕扣，然後手伸入去探索。


「咦？點解底褲入面好似仲有層嘢咁嘅？」本來諗住隔底褲愛撫，點知摸到嘅係一片軟綿綿物體。
「呀。。。我m到。。。」
WTF？？？？？！！！！！

開發屎眼

足球員真係性能力強

不稱職男友
連日子都唔數
自己搞掂啦
抵啦