【校園】【足球】【少甜】溝到女神後我決定......

文呢

（二十七）

沖完涼出嚟我搵Charmaine 一齊走，「sorry啊，輸咗」
「唔緊要啦，打得好好架啦，嚟緊精英賽贏就得啦」
「講就易，冇咗阿健真係難打」
「你都得架，大家一人出多一分力冇嘢冇可能嘅，嘻嘻」
「係啵，返去換衫啦，陣間你屋企樓下等」
「嗯」

半個鐘之後，我去到佢樓下等，佢化咗淡妝，著白色上衣配黑色長褲，雖然簡單但氣質搭救。
「你好靚」
「嘻嘻，多謝，快啲行啦，食咩，好肚餓丫」
我帶咗佢去海港城鋸扒，美景配美人，至於費用。。。當然父幹啦，我一句「想唔想飲新抱茶啊，想就鎊水啦」佢地就比咗3000蚊我用，老豆仲叫我買定一盒套，阿媽聽到屌鳩我地亂嚟。
「好貴喎呢度，我地食平啲啦」
「一餐半餐我ok嘅，入去啦，兩位啊唔該」
事前我上網學過下餐桌禮儀，所以唔會話唔知點做好，但Charmaine 唔知情下仍然好順其自然，唔會有唔慣，睇嚟佢同屋企人都食唔少。食到準備上甜品時候，有個鬼佬嚟我地面前用小提琴拉生日歌，講句「Charmaine Happy Birthday 」見到佢眼濕濕咁，我問佢「開唔開心啊？」
佢點點頭，「嗯，你幾時準備架？」
「之前特登嚟呢度book枱同佢講」
「衰人」

食完我地出去星光大道睇景，去到影相嘅攤位，Charmaine 問不如影返張相，我即刻話好，然後行去擺pose。其實個pose冇乜特別，純粹我攬佢膊頭，不過大家都笑得好開心，我地等一陣就拎到張相。
「繼續行咯」
「嗯」
呢個時候，我大膽拖住佢拉佢行，我個心卜卜卜卜咁跳，好驚佢甩開我。。。

佢冇，而係一直拖住，我望一望佢，佢咁啱擰過嚟，我地四目交投，佢瞇眼笑，呢個表情話我知我應該得到最想要嘅答案。

去到太空館附近，我問佢「你想我幾時放手？」
「你想幾時放咪幾時放囉」
「咁我唔放」
「嗯」
我地對望3秒，我攬住佢「我鍾意你」
佢定格咗三秒，兩隻手再攬實我「我都係」
大約相擁咗二十秒，我同佢講「其實頭先我地應該咁影」
「咁再去影咯」
「又得啫」
「傻瓜」
為咗唔好咁尷尬去返原先檔位，我地就咁附近搵一檔影，今次我地相擁，頭貼頭咁影，仲有張就係我揹佢。拎完相我地繼續行，帶佢去尖東站上面個花園。

「嘩乜呢度有個咁嘅花園架？」
「係啊，唔錯呢？大得嚟冇乜人，又唔會嘈」
「咦點解你咁熟路嘅，講，係咪帶過其他女仔嚟呢度」
「冤枉啊。。。之前同阿健鳩行行過上嚟喳」
「算你啦」
去到遊樂場，我地好似有返童真咁，去打千秋，玩搖搖板，然後大字形攤喺地下。
「呼，好耐冇試過咁，正」
「多謝你丫佑」
「唔洗，你開心所以我快樂，你相信一見鍾情？從第一眼見到你我就比你吸引到，之後同班日日見到你我都會心跳到窒息，見到你笑我都不其然咁開心，成日好想去撩你講嘢」
「你咁講即係所有嘢都為溝我啦，衰丫你，有目的嘅」
「認真架，其實到真係鍾意你係我地一齊溫書嘅事，一見鍾情變日久生情掛？」
我地互望微笑，呢一刻盡在不言中。

「行啦，送你返去」
「嗯」
我地就咁全程十字緊扣，去到佢屋企樓下時，我同佢道別，轉身走嗰刻，佢走過嚟攬住我
「阿佑。。。」
「做咩啊」
「冇丫，純粹想陪多陣」
「傻瓜」
我擰轉身攬住佢，一分鐘之後，「走啦」我手指督一督自己塊臉，佢再次送上goodbye kiss「返到去同我講」
「得啦」

好sweet

（二十八）

就係咁，我地正式一齊，每日早到返學校溫書，有樣嘢特別咗嘅係我會叫我媽整多一份早餐我帶返去比Charmaine食，我媽就嘈住我幾時帶上去比佢過目，Charmaine咁高汁我當然想帶上屋企，係怕佢唔肯見啫。至於放學我地依舊一時溫書一時練波，我練波的話佢會去埋球場做自己嘢同買嘢比我飲。阿健走咗之後，Kassie有時會痴埋我地到，其實我唔係咁想，不過Charmaine 同佢咁老友就廢時出聲啦，同埋亦可以偷下師佢地點維持關係，始終我之後就要去西班牙。。。

去到復活節假，因為要準備精英賽，所以假期唔算好得閒，尤其我地拎亞軍唔係種子隊，會多打一輪，所以要早啲操fit去迎戰，於是一星期同Charmaine 出街兩次，好彩佢冇詐我型話少陪佢。

呢日我唔洗練波，就同佢去行街，我地去葵涌廣場，因為佢未去過，我地約12點半等，但我唔知醒，於是唯有頭都唔gel急急腳咁出門，我喺荔景轉紅色線，見到個非常熟悉嘅身影，原來佢都遲到，我忽然間有個整蠱佢嘅念頭，我打比佢，「喂，你到邊啊？」
「我到架啦，好快好快」
嘩咁佢都講得好順口，我行近佢少少，佢未發現到我，
「咁限你五分鐘啦，唔係陣間懲罰你，嘿嘿嘿」
「喂吖五分鐘邊嚟到架」
「咁你又話到？我唔理啊，你諗掂佢啦」
「衰人」
「我不嬲都衰架啦，一陣見～」講完我就收線，我見到Charmaine個樣好心急，睇嚟佢真係好想五分鐘內到。到葵芳站，一開門佢已經沖出去快步走，連我都跟得有少少辛苦。呢個時候我打比佢，「夠鐘啦林小姐，你的位置？」
「喂吖而家出閘嚟緊」佢開始喘氣，佢放低電話急步行二十秒，「你人呢？！」
我就收線，然後行去佢後面一手攬佢腰，一手遮佢眼，「都話我會一直喺你身邊」
「衰人，你邊度出嚟架？」
「喺荔景嗰陣已經喺你附近」
「哼，玩我？」
「不過見你知遲到咁緊張，算你啦」
「你自己都遲啦」
「Er……」
「放開先啦，好多人望住架」
「唔放啊，我要比人知你係我嘅」
「喂吖，又唔係唔比你攬。。。陣間先啦」
「你話架」
「衰人」
其實咁多人望都真係尷尷地，所以我都係放開佢，然後拖住佢入葵廣搵嘢食。
「食咩吖？」
「同你掃街」
「好喎，我好少掃」
我地去咗3樓，先買小丸子，「擘大口啦」我督住一粒去餵佢食，等佢吞完到我擘大口，佢又督返一粒餵我食。我地之後買冷麵，雞排，炸嘢都係輪流餵對方。食飽就繼續行，去到一檔賣首飾，我同佢講，「不如一人一條手繩啊」
「好吖，咁入去揀」
其實我冇戴手繩習慣，只係純粹想搵樣情侶嘢同佢戴，佢揀一條紅，而我就同款黑色，買完我地都即時戴上手。行到夾公仔鋪，佢見到隻好靚嘅鬆弛熊，就督督我指指佢，於是我去唱銀仔開始夾，「嗱最緊要三隻爪爪住條頸，咁就好實唔會甩架啦」
我懶係叻咁講，點知真係比我一下夾到。。。
「哇你咁勁嘅一下夾到！」
「哼當然啦，睇好多片學架，就係為呢個moment」
「嘻嘻，多謝」

「係呢，你會唔會著公仔衫架？」
「男人老狗著呢啲好怪啵，不過同你著就唔同，你去搵睇吓邊款先啦」
然後Charmaine每行一間鋪，都好認真咁搵可以同我一齊著嘅衫，終於比佢搵到，其實冇公仔，只係一條我地都鐘意嘅淺藍間條衫，可以襯白色，簡單得來又少少優雅。
就係咁，我地行到黃昏，送到佢屋企樓下我地攬住道別，「今日正呢」
「嗯！」
「我走啦，下次我地一齊著件衫」
「好吖」
打幾嘢茄輪作為道別之後，我見住佢入大堂我走轉身走。

Charmaine返到屋企，去廚房斟水飲，飲冇幾啖突然一陣嘔心嘅感覺，佢即刻去廁所嘔，呢次已經係佢短時間內嘔唔止五次，再加上佢已經成個月冇嚟ｍ，睇怕佢擔心嘅事會發生。。。

唔係掛比老竇搞大左個肚

腸胃炎姐，帽事既

(二十九)

另一邊箱，阿健喺更衣室換衫嗰陣收到個陌生號碼來電，「BBB，你喺邊丫，快啲嚟球場東翼啦」
「吓？你嚟咗？做咩唔同我講啊，我去機場接你嘛，我而家即刻嚟搵你，你唔好郁」
我去到東翼附近，見到佢企喺度向我揮手，我跑過去，佢又跑過嚟，佢跳起抱實我「終於見到你啦」
「係啊，終於見到你啦，你知唔知我見你咁耐單剔嚇親啊，你嚟講聲等我準備下嘛」
「咁人地想俾驚喜你嘛」
「係啦，錫晒你」
「點丫呢度係唔係好辛苦？」
「係啊，日日練幾個鐘，落場我又要加操，好辛苦啊」
「哇bb你實咗好多丫」
「喂大街大巷唔好摸啦，返去慢慢炮製你」
「嘿嘿嘿你而家有腹肌啦」
「點啊係咪濕晒」
「冇喎」
「係喎你啲行李呢？」
「我放咗酒店啦」
「咁我呢幾日同你住啦」
「好丫」
「肚唔肚餓啊，去食嘢先啦，之後帶你周圍行下」
其實李城唔係啲咩旅遊城市，景點唔係話好多，我帶佢去啲古蹟行，影相，喺李斯特市政廳出面草地瞓低感受文化氣息，前面係市政廳廣場，廣場中央有一座銅製噴水池，上頭有獅子雕像，周邊圍籬上都有好多獅子雕像，廣場上還有一座布爾戰爭紀念碑，見到有對新人喺度影婚紗相，佢兩眼發光咁望住，好似憧憬未來咁，最後返去宿舍拎我呢幾日用嘅嘢，咁又一日。

返到酒店我地都攰到直接攤床，「bb聽日去邊丫，有冇得睇你練波？」
「冇架，不過後日有場u18比賽你可以嚟睇」
「good good，你要贏丫」
「緊係啦，上位睇呢鋪，去沖涼囉，一齊」
「咁我去放水先啦」
Kassie起身扭住屎忽咁行去廁所放水，然後換件浴袍出嚟，中間大deep v令我呆晒咁望，「我靚唔靚吖？」
「靚，好靚」
佢慢慢咁行過嚟，「李偉健」
講完就坐上我大脾，然後推我落床，我攬住佢鼻貼鼻，「I love you」
「哼，終於肯講呢句咩」
「你feel唔到咩」
「你地男人冇心肝架，講句我愛你都好難為你咁」
「咁你呢」
「你知架」
講完我地就嘴對嘴，可能下午大家都有飲少少酒，好快進入狀態。

「水滿啦，入去啦」我抱住佢行去廁所，入到去解開佢腰帶，浴袍直接滑落，呢一刻Kassie第一次喺我面前全裸，而我就除晒衫褲，抱起佢入浴缸。我瞓喺度舒展四肢，感受毛孔喺水中呼吸嘅感覺，「啊。。。好耐未試過咁舒服」Kassie隻手喺我身上輕柔，愛撫著，我右手用力將佢攬過嚟到我上面，然後再打茄輪。今次我手握住佢微微拱起嘅山丘，然後手指輕輕挑動微粉紅嘅葡萄，「嗯。。。」Kassie呼吸越來越重，越來越越急，佢右手生疏咁緊握我甦醒過來嘅巨龍，「係唔係咁吖？」
「係啊，我幫你搽番梘」
幫Kassie搽嘅時候，仍然不忘挑逗佢，當手滑到神秘三角時，我用指尖喺佢門前轉圈圈，然後繼續搽完全身，「到你幫我啦」
佢用報復嘅心態喺搽巨龍嘅時候不斷上下套弄，我就嚟忍唔住，於是喺佢幫我搽完嘅時候即刻開水沖身，沖完乾淨就抱起佢出廁所。

無charmaine睇？

當然會有

我抱佢去梳妝台上，一邊法式舌吻一邊上下其手，腰脂纖細柔軟，雙腿修長圓潤，肌膚猶如花瓣一般水嫩，潤滑，而Kassie亦不由自主撫摸我背。

「我入啦」
「嗯。。」
我將佢雙腿分開，然後對住神秘地方拱埋去，Kassie含苞待放，只係一條好細嫩嘅縫而已，慢慢伸入，已經可以感覺細密嘅濕潤感從裏面透出嚟。
「吖，好痛」
「我細力啲，咁樣呢」
為咗唔令佢嘅第一次有不開心經歷，我每次都只入一半，等佢適應我長度粗度時先全部入晒。
「嗯。。。吖吖。。。嗯哼」
「有冇好啲？」
「嗯。。。」
「咁我郁啦」我開始加速，同時瘋狂啜吮Kassie嘅櫻桃小嘴。
「唔。。。吖吖吖，好舒服吖BB」「哼吖。。嗯。。。嗯。吖吖」從輕聲呻吟變成浪叫，呼吸越來越急促，「喂吖，吖吖，嗯。。。」身體不停扭動，兩腿越夾越緊，Kassie迎來人生第一次高潮，而我亦抽出嚟射喺佢肚上。

「第一次比咗你啦。。。」
「正唔正先」
「OK啦～你試吓對我唔好，剪你架」
「唔會啦，應承你」
「咦射我肚，又要沖涼啦」

抱佢入去再沖多次涼，傾多陣偈就瞓，呢晚我地兩個都瞓得好甜，Kassie揀啱人，而我喺球場外見到佢嘅一刻，亦從以前嘅陰影行出嚟。

推

Push

（三十）

大戰過後，兩人瞓得格外香甜，Kassie擘大眼慢慢落床，充滿滋潤嘅佢臉上泛泛潮紅，佢打開電話見到Charmaine幾個message 好急咁搵佢，就問佢咩事，Charmaine 提議打電話講，然後Kassie就打過去，「喂？」
「點算吖。。。」
「做咩吖，搵得我咁急嘅？我而家喺英國同阿健一齊吖」
「我有咗。。。」
「吓？？？！！！」

呢個時候阿健嚇醒，就問Kassie搞乜，但Kassie無視佢，於是佢起身睇睇。
「咁阿佑知唔知架？」
「唔係佢。。。」
「咩話？？？！！！」
「哎呀我唔知點講好。。。」Charmaine 急到開始低泣，而Kassie亦不知所措，阿健理清來龍去脈，加入對話。
「Charmaine ，究竟發生咩事先，你唔係同阿佑拍拖嘅咩，咁點會咩架？」
「我知我錯。。。」
「你知冇用架喎，你諗住點先」
「喂吖你唔好咁惡啦」
「咩唔好咁惡，喂佢比帽我兄弟戴都算，仲有埋？咁樣講得通咩，Charmaine 我真係睇唔出你係啲咁嘅人，咁你諗住幾時同阿佑講」
「唔知吖。。。求下你唔好同佢講。。。」
「屌，你諗你啦」阿健講完直接cut線。
「你真係諗住同阿佑講？」
「點講得出口啫。。。唉，真係估唔到你姊妹係咁」
「我都唔知會咁架。。。」
「咪住，而家知有bb，咁都唔係今日砌完聽日知架？佢同阿佑一齊冇耐，咁唔通阿佑先係第三者？哎屌點撚樣架究竟。。。」
「唔好嬲啦bb，快啲刷牙換衫同你出去食嘢然後去練波」
「好啦好啦」

遠在地球另一邊嘅香港，第二日我如常練波，前一晚我同Charmaine 傾電話，不過佢一把唔舒服嘅聲，話想早啲瞓，講唔夠幾句就收線，而今日練波後嘅約會亦取消。

自從學屆分區屈居亞軍，球隊更加上下一心努力，希望突破精英賽嘅一輪遊，除咗因為係最後一次，唔想有任何遺憾，亦因為學校創立60年，希望有啲成績可以送比學校威返鋪。
Sky而家大熟大勇，mountain同神貓唔洗講已經係分區最佳，而家佢地要挑戰精英賽嘅最佳球隊位置，至於我就收到本地球會東方嘅approach ，希望搵我試腳，不過我就婉拒咗。本地球壇仲未知我將會去西班牙，只係知道阿健去英國，所以我對於有本地球隊搵我係有啲估唔到，因為我以為我知名度冇阿健咁高，但咁樣亦證明我實力係足夠。

「嗨阿佑」
「早啊Nicole」
「做咩一個人咁悶坐喺度唔出場嘅？」
「想喺場邊用第三者角度睇多啲喳嘛，學你咁可以比意見，同埋知道點樣去踢」
「其實我講嘅嘢咪即係何sir講嘅嘢，有咩分別啫？」
「唔同架，你講嘢有魅力啲」
「哈哈，可能我女聲好聽過大叔聲掛」
「呢排喺外國實大把人溝啦？」
「有一兩個啦，不過都唔啱心水，始終都係鍾意港男多啲」
「嘩個個女仔都想食洋腸，有得你食都唔食，佩服」
「感情嘢無謂勉強啦，就好似。。。」
Nicole冇再講，而我亦get到佢想講似我地當初嘅曖昧，為免尷尬我就話出返去練波，而佢去問何sir claim錢買補充品。

（三十一）

喺中二嗰年，我腳傷接近好返，決定入足球隊。
「喂阿佑，我地足球隊好廢啊，你今年入得嚟未架，我一個頂唔到啊，入幾多後面失幾多」
「你估我加入之後去唔去到D1啊啦？」
「即係你入得啦？！」
「係啊，隻腳已經95%啦」
「終於啊，幾驚你之後唔再踢波」阿健條傻鳩真係會喊住同我咁講。。。

我同阿健去到球場，阿健即刻衝過去搵何sir，「我地今年會升D2啦」
「你就係阿健成日講嘅阿佑？」何sir未見過我踢波，對我唔係咁有信心。
「係，我打攻中」

熱完身我同阿健都一齊出去猜波，簡單咁同其他人講我係乜水之後，佢地都好興奮，有一個係港青嘅阿健已經好難得，更何況而家我加入埋兩個一齊，佢地都期待今年。
我嘅長短傳，阿健嘅走位配合，加上佢有球一扭三再勁射，已經睇到班隊友係咁叫好波。

踢完場波我坐場邊休息，有個靚女亦走過嚟坐我隔離，「你啲罰球好勁，但你係咪大傷過？隻左腳姿勢好唔自然。」
「嘩有料喎，咁你都睇得出？我以前右腳斷過，至於左腳會咁樣拗法純粹係習慣問題啫，係呢你叫咩名？我叫阿佑」
「Nicole」
「我真係第一次見女仔講得出踢波咁深入嘅嘢」
「以前我爸爸係足球員，我由細睇波睇到大，所以咪識囉」
「咁你識唔識踢架？」
「哈哈，識睇唔代表識踢嘅，我鍾意跑步多啲」
「係喎你好似係隔離班？」
「D班啊，你？」
「我C，啊我記得啦，阿健提起過你，話你係球隊軍師」
「哈哈，係呀？佢應該冇講我咩壞話？」
「冇啊，反而佢有讚你，話你啲意見好有用，仲話你好chur，安排啲攞命嘅training」
「其實都唔攞命，我爸爸以前練嗰啲先辛苦，我終於明明地點解佢話而家啲人廢過以前好多」
「可能驕生慣養啦」
「你有冇鍾意邊個球員架？」
「P祖，識唔識？射罰球好勁嘅，你女仔應該鍾意c朗呢啲靚仔啦」
「唔係啵，我鍾意波歷克」
「吓？！」
「我爸爸德國擁躉嚟架，所以睇好多德國比賽，就覺得佢好有球味，又man」
「不過香港地好少呢類人，唔止踢波，男人都少呢類，哈」
「咁鍾意睇佢踢波唔等於要搵呢啲對象嘅，如果有個男仔一場入三粒罰球，我就一定好鍾意」
「哦～。。。邊有咁易啊」
「唔係咁邊襯得起我，哼」
「我出去踢啦，抖好耐，你慢慢等會入三粒罰球嘅人出現啦～」

臨返屋企時，我去同Nicole道別，「咁我期待你比我嘅training啦」
「即管啦，做唔到就叫何sir擺你落後備」
「咁你就見唔到入三粒罰球嘅男人出場嚕～」
「你？哈，睇唔到你會做到囉」
「哼，我做到嗰陣唔好鍾意我喎」
「做到先算啦你」
「我最叻就係射罰球，睇吓點？唔講啦，走啦，拜拜～」
「拜拜。。。」呢一刻Nicole有啲期待佢眼前呢個男仔真係會一場入到三粒罰球比佢睇。

（三十二）

「阿佑，你要操fit個人同埋練氣呀，呢兩個你最大缺點」
「係係係，咁有咩建議啊？」
「隔日跑返學同放學，你好似坐車十零分鐘喳嘛，咁得啦，唔會太遠」
「what the fuck ?!你認真」
「認真呀，起碼練到過半場唔會斷氣先」
「邊有咁誇啊。。。」
「仲有每次練波要做掌上壓同sit up，仲有玩啞鈴」
「你想我死咩。。。一係每次練波我跑圈，平時做gym啦」
「都得」
「你要同我跑」
「哎好啦好啦」

如是者，每次放學練波，同星期六練波後Nicole都會同我跑圈，仲會同我講邊隻嘢飲好，叫我飲多啲，於是我買成箱慢慢飲，養成習慣到而家都仲飲佢。每次一齊跑步，都係加深了解佢嘅時機，先知道佢性格同我都幾似，都係刀子嘴豆腐心，好就得人，仲要鍾意聽mk歌同玩勁舞，於是唔練波嘅日子就會同佢落網吧打機。當然，以佢嘅樣有試過比mk仔撩，仲要唔止一次。最嚴重嗰次明明我地已經唔理人，條金毛仲要追埋嚟推我話我撞到佢，咁我當然還口啦，「撚有啊？」然後就捉住Nicole急步走，佢仲係拉住我膊頭唔放，我直接大力fing手打落佢前臂，「屌你死撚開」
「哎呀打我？」然後就一拳打過嚟，我避開然後烏低身掃堂腿掃跌佢，再極速１秒除低書包企起身，佢另外兩個朋友上前幫拖，可惜我避到一個避唔到第二個，右邊面硬食一拳，我腳步不穩心口再硬食一拳，我細聲叫Nicole返網吧搵阿健幫拖，一打三嘅我唯有捱到阿健嚟，抱住打低一個打和打贏兩個有賺呢個諗法，我就專攻一開始撩人條柒頭金毛。我飛撲埋去佢度一齊跌落地，直接三下下勾拳打佢下巴，佢估唔到我咁狼死完全還唔到擊，可憐我背脊俾佢兩個fd係咁打，我見條金毛已經冇戰鬥力，就轉身捉住其中一隻手瞄住手肘關節位用力一拋，加上手刀大力反向鋤過去，聽到啪一聲，條友即刻痛到呻吟，我find開最後一人，喘住氣咁講，「仲唔走！」佢地先一個扶住兩個走。危機解除我即時坐喺吉鋪門口休息，Nicole同阿健終於嚟到，「喂唔好再遲啲。。。」交都打完先至嚟，都幾肯定條友話打埋鋪機先嚟。我見Nicole拎紗布埋嚟幫我包紮，「你唔好問我有冇事啊。。。」
「你唔好同我講你冇呀，坐好啦」
「好彩都叫食過夜粥，襟打啲」
「你背脊瘀晒啦，我網吧拎咗啲冰同毛巾，幫你敷」
「我搞成咁一句多謝都冇嘅」
「多謝。。我以為你見到三條友會淆底say sorry 走人，點知你冇」
「我似咁冇義氣咩」
「係架，阿佑一定唔會淆底，就算隔離係邊個都一樣」阿健無端端加把口，都唔知係唔係倒我米。
「哦。。」Nicole繼續幫我敷冰，然後就冇再講嘢。
「好好多啦我，唔該」
「唔洗」
「你唔好問我仲有冇事啊。。」
「你唔好同我講你冇呀」

Nicole陪跑look

（三十三）

地獄式訓練一年，結果我由一開始半場就喘氣，變成而家全場先會唔夠氣，同埋雙腳肌肉強化唔少，冇咁玻璃腳，身板變厚亦冇咁易比人撞跌，唔再係小學時嘅玻璃炮。終於拎D3冠軍升D2，其實有一個隱憂，就係每場比賽都失波，打D3已經咁，想像唔到打D2會失到咩地步，可幸嘅係中３時候mountain加入，令隊波防線有質的飛躍，變到全年只有一場失兩球，大部分時間都零失球。

「嗱」Nicole遞水同毛巾俾我，呢兩年練波，每次我行出場邊休息，佢都好有默契咁知我想要乜，就會拎俾我，我諗因為我地成日一齊跑步，不知不覺就知對方想點。
「唔該，聽日贏咗就上D1啦，好似發緊夢咁」
「其實都正常嘅，今年mountain轉校過嚟，防守穩咗，如果咁都升唔到就係你同阿健問題啦～」
「放心啦，今年差唔多場場大炒，聽日應該都冇問題啦」
「咪輕敵呀，阿健跌跌地watt，到時啞火就出事」
「咁我會一場入三粒罰球，贏３比０」
「真？唔好呃我。。。」Nicole講完呢句望向遠方，若有所思咁，聽到我講呢句，佢已經心動，就算我入唔到，可能佢會用一輩子時間去代替一場時間。
「真，我幾時有呃過你？」
「你冇嘢叻，講大話最叻」
「我會入比你睇，一定」

結果阿健真係啞火，唔係射斜就射高，而我亦冇乜表現，只有兩個關鍵傳送，唯一入球係純粹sky把握對面失誤而入，最後贏１比０順利升班。
「又呃我，說好的罰球？一球都冇」
「Er……哈哈哈哈哈。。。對唔住。」
「我會等你入到」呢句只係Nicole心入面諗，只有佢自己一個知。
「成日呃我，不過贏到就得啦，算你啦，哼」
「做咩咁嬲喎。。。」
「你自己諗啦，唔理你啦！」講完Nicole真係調頭走。。。我真係諗唔明，入唔到啫，唔洗咁嬲掛？咁鬼難入唔到都好正常啦。

球季終於結束，不過仍然唔可以鬆懈，始終上到去D1強隊林立，一個唔小心就會落返D2，所以我地都冇放鬆，而係keep住練習，務求保住D1席位，之後再諗打入精英賽，即使放暑假，依然照舊每星期練兩次波，呢日Nicole跑跑下停低，「做咩？唔舒服？」
「唔係啊，我喺度諗你係咪真係會去到外國踢波呢，你話過想去嘛」
「做咩無端端咁問？」
「因為嚟緊我再睇唔到你地打D1啦，我要去澳洲讀書」
「哦。。。」
「咁。。。你地加油啦，等你地好消息」
「放心，一定會有好消息」

最後，當然冇好消息，而且嗰陣未有whatsapp，而我fb又唔知點開口搵佢，就冇再聯絡嚕。

「喂，阿佑，出嚟踢啦」何sir雄壯嘅聲音將我由回憶拉返去現實。