【校園】【足球】【少甜】溝到女神後我決定......
妖一
779
回覆
73 Like
5 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
艾朗·藍斯
2020-06-25 02:52:14
姐係決賽打獌
然後贏呀健
痙攣髮菜
2020-06-25 09:25:24
嘩屌 佑仔篇仲有咁多野寫
扮工閒人
2020-06-25 11:12:01
其實好寫 寫到回港都得
妖一
2020-06-25 13:23:23
(佑七,最愛的你)
「嘩!!!」Nicole兩眼發光望住裝修好嘅屋,興奮到周圍走。「盞燈好靚呀!」「過嚟睇吓呢棵嘢,放喺度幾襯」「wow,你真係整個泡池呀!!!今晚即刻泡湯啦~」見到佢呢啲反應,就知佢好滿意。
「戴小姐,請問滿意嗎?」
「滿意!」
「快啲較水去浸啦,我都未浸過」
「有冇泡浴粉?」
「冇喎,咁而家去買,返嚟先較水,gogogo」
「呼。。。正呀。。。」Nicole成個人浸落去,然後上水,望住眼前美色,好想就地正法。
「今次係我地第一次浸溫泉?」
「唔係呀」
「之前有浸過咩?」
「得個咁嘅木缸你唔會諗住係溫泉掛?」
「將就下啦,之後去日本同你浸飽佢,望住富士山浸到你甩皮」
「你話架」
「咁嚟緊暑期去啦,一泊二日」
「咩一泊二日?」
「冇嘢~」
「肯定又係啲衰嘢,喂呀!!」喺佢講嘢嗰陣我潛入水捉住佢腳拉佢,又一個瘋狂嘅晚上,今次喺木缸,完完全全實現av情節。
終於到呢一日,我全日都好緊張。呢段時間揀戒指已經揀到頭痛,又要搵band,又要同餐廳夾好時間。本來諗住一齊煮早餐食先出發去訓練,不過七次郎後我地都唔知醒,「Nicole,今晚著靚啲出去食」
「好似係2000日?」
「算你仲有心!冇忘記到」
「都話咗咩日子都唔重要啦,冇乜所謂,好又一餐唔好又一餐啫,有你就夠」
「你都冇啲浪漫嘅」
「咩冇呀」佢去行李拎個旋轉木馬音樂盒,木馬上係我地嘅合照,「好靚。。。你整架?」
「你話呢!」
「果然係我最愛嘅人,錫晒你~」
「妖,死開,快啲去訓練啦,你遲到啦」
「你得閒睇吓間屋有咩甩漏陣間去買啦,我平時真係冇乜時間買。嗱,車匙,我坐的士去球場得架啦」
「我呢邊無牌喎?」
「得啦,冇人捉架,有部車你就唔洗一抽二咁辛苦」
夜晚返到屋企換好衫同Nicole出發,行到門口時我要去房準備道具,「你上車等我陣,入房拎啲嘢」結果一去就15分鐘,佢見到我時就嚟火山爆發咁,「咁耐架!」
「sorrysorry,行得啦」
「你拎咩?」
「冇拎,搵唔到」
「妖!!」
一路食我地都一路懷念過去,估唔到咁快2000日,成件事好似冇耐前發生。隔離檯啲人逐漸離開,去到飯後甜品得返我地一檯,「阿佑,快啲食完走啦,得返我地喳,唔好阻住人收工」
「未住,仲有表演睇」
我之前搵嗰隊band登台,對住Nicole唱英文情歌,然後我上台拎結他自彈自唱「我愛你」,唱完叫Nicole望出窗外,佢見到地上放住砌數字2000嘅玫瑰蠟燭,雙手掩嘴嘅佢難掩激動。我見時機成熟,同主管打個眼色。唔洗10秒,突然燈光一暗,全場窗簾慢慢落下。預設咗30秒後燈光就會開返,我把握呢個30秒換白色西裝。燈光慢慢著返,我慢慢行去佢面前,Nicole見到我無端端變成白馬王子都打咗個突。突然,佢兩行眼淚滑落,我知道佢見到我背後嘅氣球。汽球字體係「MARRY ME」,我單膝跪低,右手奉上打開嘅戒指盒,左手懶型咁伸去後面汽球方向,「估到我想點?」
佢點頭。
我抬頭同佢對視,溫柔咁講,「咁你慢慢聽我講」
「Nicole,從我地第一日開始,我覺得你係我嘅Miss Right,我一直盼望呢一日,或者我唔係一個完美男朋友,唔識講嘢,甚至太專注踢波而忽略你,因為踢波係我嘅信念。但係,我嘅信念仲有你,有你,我嘅信念先會完善。有你,我嘅人生先會完美。有你,我嘅將來先會幸福。我嘅未來有你,我所有規劃都有你。所以,Nicole,Marry me」
講完呢句,我內心前所未有跳得咁快,雖然呢段時間傻嘅都知我地會結婚,不過當真係求嗰陣原來咁緊張。Nicole已經喊到收唔到聲,慢慢抬起左手。見到抬手呢一刻,我都忍唔住流眼淚,我為佢緊緊套實戒指,然後攬實佢,喺佢耳邊講,「你已經冇反悔嘅餘地啦」佢輕力打我背脊,「你都係,老公」
餐廳啲staff見到呢個時刻都歡呼拍掌,Nicole見到隱藏好深嘅cam man,「嘩,你仲錄低個過程」
「成世人最重要嘅日子之一喎,當然要錄低」
「之一?咁其他日子係咩?」
「咪同你結婚行禮當日囉」
「傻佬」
「點傻都好,你都係我最愛嘅人」
「我都愛你」
返到屋企,佢見到有一條玫瑰花瓣路從門口連去睡房,「你又搞咩呀?古靈精怪」
「入到去就知」
佢入到房,見到間房佈滿氣球,氣球上都貼住我地2000日以來嘅合照,合照隔離仲有張紙寫低何時何地。最近房門嘅係我地第一張合照,係當時公園表白嘅一晚。越近張床,時間就越接近而家,床邊氣球貼上尋日我地趴喺木缸嘅合照,「Nicole,應承你,你一定會永遠幸福,永遠充滿幸福嘅老婆」
「你都會係永遠充滿幸福嘅老公」
妖一
2020-06-25 13:25:25
唔會啦,拖到太長就會爛尾,而家個故已經大直路進入尾聲
賜個offer俾豬
2020-06-25 13:36:00
仲以為可以衝擊亞冠
大船上的人
2020-06-25 13:38:51
肉醬意粉絲
2020-06-25 17:48:08
唔好比佢停
扮工閒人
2020-06-25 22:14:02
哩d文又係令港女對結婚充滿幻想
妖一
2020-06-26 01:16:35
(佑八,反敗為勝?)
呢一晚,Nicole正式成為我未婚妻,雖然生活冇變到,但感覺非常唔同。我地喺床頭講起頭先嘅事,依然覺得好唔正實,大家都好驚瞓醒後原來只係一場夢,「其實有冇諗過我say no?」
「冇,我知你唔會」
「我以為你會等完季先求,以為呢個2000日只係隆隆少少」
「係咪嚇親?」
「係架,又驚喜又感動,我認真架,多謝你」
「我講段嘢口震到講唔出咁」
「哈,段嘢你諗咗好耐?」
「諗幾耐都冇用啦,講到一半都冇緊張到唔記得,之後就爆肚啦」
「傻佬,早啲瞓啦,又唔知醒,過兩日仲要比賽架」
愛情能醫百病,係真嘅,處理完呢單嘢,身心完全處於輕鬆狀態,之前嗰種緊張完全清失,係時候加緊訓練谷返起個狀態。好快到比賽日,尋找看台上嘅Nicole,佢朝我呢個方向揮手,嘴形隱約見到句加油,我瞬間滿血100%!我地落後0:3,點都要搶攻,於是開賽已經控球在腳,對祖雲達斯半場圍攻對手,10分鐘左右,美斯突然向前插,我見到之後即刻地波劏穿兩名中堅,美斯拎到波單刀,向上輕輕一挑,瀟灑完成入球。祖記見到呢個情況,開始全軍退守,我地見到咁加強火力,基本上對面只可以大腳清去中圈,然後我地拎波再組織攻勢,呢刻嘅巴塞攻力拍得住當年六冠巴。臨完半場前43分鐘,我開角球,碧基昇起頂入,我地追成2:3,完成上半場。
換邊後祖記依然唔攻,最前嘅roberto都企唔過半場,我地繼續圍攻。我禁區頂搵到空位遠射,保方接到實一實,然後大力一拋,roberto好靚咁痴落嚟,轉身扭過布斯基斯。Roberto開盡馬力大步推,艾巴同時都地板油咁跑上嚟追住佢,雖然逼唔甩roberto,不過將佢壓到去邊線,roberto失誤將個波踢出界,呢一球令祖記得到喘息機會,同時因為我地攻極唔入,成道氣勢都窒住咗,唔再係單方面圍攻。雙方有來有往,但比分依然冇變,82分鐘,我同蘇9互相撞牆,佢彈返粒波俾我,我直接爆入禁區。雖然我唔係速度見稱,但我唔係慢,所以快佢半個身位,佢情急之下拉跌我,球證直指12碼。呢球我搏返嚟,美斯願意俾我射,而我亦不負所託將皮球送入網,終於追平3:3,比賽再次重回起點。
祖記決定出擊,爭取一個作客入球,roberto成場冇乜點郁,所以就算92分鐘都仲好氣好力,佢一拎波,我拉都拉唔住佢,佢甚至一口氣扭埋碧基,今次到碧基上腦,伸腳勾跌roberto,又一球12碼。。。做乜鳩啊佢,呢一下哨子聲將我地打落谷底。Roberto主射,眼神充滿殺氣,「咇!」佢起步大力一抽,「砰!」角度拎得太盡居然中眉,粒波彈到9樓咁高跌落嚟,龍門接實。我已經走過半場,舉手示意佢斬俾我,佢好快見到然後大腳一斬,皮球劃破長空飛到我面前,我心口一控,假動作fake過皮真歷,對面回唔切防,而我身邊又冇幫手,雖然好多空位,不過體力差唔多用盡,唯有頂硬上繼續向前推。推到禁區頂,哥斯達已經好快跑到我身邊防守,保方同時衝出嚟想封我射門角度,我見已經冇晒空位,唯有搏大霧求其射腳地波,而我亦腳仔軟跌落地背靠龍門,唔知粒波而家咩情況。
「砰!」
妖一
2020-06-26 01:18:38
如果比女友見到
大船上的人
2020-06-26 01:59:16
豬奶無朱
2020-06-26 10:24:32
到時你求婚交唔到貨仔諗好點死未
結婚拍拖生子
2020-06-26 12:31:40
push
屌爆芝麻人
2020-06-26 13:09:37
妖一
2020-06-27 01:54:59
(佑九,英雄之巔)
「砰!」
我聽到呢下聲,即刻擰轉頭望向龍門,只見身邊一個紅藍身形走過,向前飛剷將個波送入網,「咇!」我地隊員嘅表情從失望轉為興奮,祖記球員表情從興奮變為絕望到坐落地,幾乎所有人都衝出嚟慶祝,繼上年6:1奇蹟之後,今年再創反勝奇蹟,唔同嘅係今年我係一份子,而且作出貢獻。
「咇!咇!咇!」無情嘅哨子聲將祖記送入地獄,亦同時成為我地嘅慶祝交響樂曲。見到roberto攤喺地上,我坐喺佢身邊安慰佢,佢已經盡咗力,可惜足球就係咁殘酷,我都經歷過失敗,唯有用多一百倍努力令自己可以爬返上嚟。佢係一個好隊友,好希望可以同佢再次組隊,而家蘇9都三十而立,開始跌watt ,係時候要搵個接班人。好艱難淘汰祖記,眼前仲有更強大嘅人等緊我,一個我需要擊敗嘅人。
如我所料,第二日另一場4強次回合,曼聯成功晉級決賽,我同阿健第二次將會對決,呢次唔再係歐霸呢啲次級賽事,而係歐聯,係最頂級,英雄之巔。「你唔好再輸俾佢啦」Nicole臨返澳洲前最後一晚依偎我身旁,
「今次唔會,今次一定贏」
「上次你都話一定贏架,成日講親都出事嘅」
「放心啦,我呢邊有美斯喎。。。就算我柒,都仲有佢啦」
「唔得!我要你做主角,無論係我生命中男主角,定係球場上主角,都要你做晒!」
「嘩,把口幾時學識咁甜蜜架~」衰妹學晒我啲衰嘢,無端端講嘢咁flirty,不過我鍾意。
「跟得你多囉,瞓啦,聽日要早機」
「好唔捨得你添」雖然同Nicole咁樣分別嘅次數已經數唔清,但唔知點解今次特別唔捨得。
「又唔係第一次,做咩喎。睇吓啲人望住你啦,你而家都算有啲名氣,注重儀容啦」
「Nicole,今次係最後一次送你機,以後我地一齊住啦,好冇?」
「你話點咪點囉。。。」Nicole越講越細聲,行埋我耳邊吹住氣咁講,「我都已經係你嘅人咯~」
嘩屌,咁樣挑逗我,如果我咩都唔做仲係人嚟嘅?!馬上家法伺候,殘廁就地正法!
「咦,衰人,做咩射入面喎」
「咁冇理由周圍射架嘛,包紙巾又塞到咁鬼入,冇理由用廁紙咁污糟架嘛,你上到機拎包紙巾出嚟去廁所抹囉」
「陣間入到去就整啦,反正仲有時間」
「咁返到去報平安啦」
「嗯~」
再次同阿健相遇,短短一年,我地都唔再係之前嘅我地,而家阿健已經令人聞風喪膽。至於我雖然喺美斯之下,不過仍然八面玲瓏,喺球隊戰術同風格都好適合我嘅情況之下,全面解放嘅我亦成為炙手可熱嘅攻中。今次阿健唔再對我奸笑,而係用冷酷嘅表情凝視全場,呢種死亡凝視令人望而生畏。雙方十一人已經企好場上,全場屏息靜氣,等待球證一聲令下,為地獄戰場揭開序幕。
「咇!」
香城首富
2020-06-27 02:02:39
阿佑加油!!!
扮工閒人
2020-06-27 06:05:36
唔好再輸比健 一個差d食撚左你個Ed
妖一
2020-06-27 16:41:11
(佑十,由始至終)
「咇!」
球賽正式開始,曼聯先攻,由於一回合決賽,所以雙方都非常謹慎,務求先做好防守,把握對手失誤去反擊。阿健作為單箭頭攻堅,普巴就搵機會傳波俾阿健去爆破,戰術看似簡單,但好有效,已經有兩次長傳到禁區頂俾阿健set波做二傳,好彩碧基同烏迪迪打醒十二分精神冇恰眼瞓,兩次都可以頂贏阿健解到圍。可惜,事不過三,第三次普巴地波傳阿健,阿健用身位壓贏艾巴,然後嚟腳遠射考考達史迪根,佢亦到準備充足緊緊接實粒波,呢腳成為球賽進行15分鐘後第一腳正式射門。
佢地攻完就輪到我地,我中場拎波組織攻勢,美斯同蘇9兩人已經殺緊上去,我一路推一路搵機會,我同美斯心有靈犀,我吊高粒波笠過史摩寧,美斯走到佢身後拎波,迪基亞亦都冇恰著,即刻衝出嚟閂走粒波,彈返去我面前,非常順腳直接球不著地咁凌空抽射埋去,迪基亞起得切身緊緊接實粒波。雙方繼續你來我往,中場爭奪戰亦非常激烈,上半場結果互交白卷。呢場比賽係近年最高水準決賽,而且戰情緊湊,成個上半場居然冇出現界外球。
換邊後雙方繼續爭持不斷,火藥味越來越重,先後各拎兩面黃牌。普巴快開罰球,阿健走到發緊呆嘅碧基身後拎波,痴個波落嚟控一下直接勁射,只係僅僅擦眉高出。佢真係好危險,只要有少少機會已經可以製造好大威脅。危險嘅唔只佢,我都相當有侵略性,我企嘅位置已經前到去影鋒,徘徊禁區頂搵機會,趁對面解圍失誤我喺鵝眉月搶到波然後嚟腳遠射,僅僅柱邊出界。兩邊攻勢越來越到肉,入球睇嚟好快出現。普巴出乎意料剷波,由蘇9腳下剷走粒波製造反擊機會,佢一腳大轉邊從右路傳去左路,拉舒福特控定,同阿健嚟個撞牆,然後爆落底線拗腰傳中,阿健走個靚位昇起頂波,可惜頂得太正中龍門沒收,即刻手榴彈掟去中圈俾我,我拎到波轉身準備推之際,「咇!咇!咇!」
我太過沉醉尋找機會,腎上腺素爆燈情況下完全唔覺時間行得咁快,阿健肯定比我更可惜,從佢懊惱嘅表情睇得出,我諗平時嘅佢應該頂得入啱啱嗰球。比賽0:0進入加時,最後30分鐘,只要捱埋30分鐘就夠。坐低休息備戰,我望一望阿健,佢咁啱都望過嚟,我地相望而笑,十幾年嚟發生嘅事好似尋日發生咁,到而家呢刻好似發緊夢咁。由復出一齊衝擊d2,d1,精英賽冠軍,正式簽約,歐霸盃4強,聯賽冠軍,到Nicole應承求婚,原來咁就過咗差唔多十年。由始至終,我嘅生命出現過唔同嘅過客,經歷過唔同嘅事,無論遇上咩困難,我都可以迎難而上,今次我相信都可以。
「Yau」有個身形走到我旁邊,伸手想拉我起身,原來係美斯。我捉住佢手起返身,「yau,come on」
「sure,lets beat them 」
我體力未見底,呢30分鐘足夠我搏盡,足夠我報返上次一戰之仇。由始至終,阿健都係我兄弟,不過球場上係我勁敵,我唔可以連續輸俾佢兩次。
「老公加油!!!」
Nicole嘅聲音?!
妖一
2020-06-27 16:41:28
今晚繼續
豬奶無朱
2020-06-27 17:43:47
我唔可以連續輸俾佢兩次
我唔會輸比同一個人 twice
Fosu_Mensah
2020-06-27 17:48:31
妖一
2020-06-27 18:02:14
100萬題目,京一唔會輸俾同一個人幾多次?
其實當初諗過用呢句,不過好似唔啱阿佑性格,阿健會啱feel好多
屌爆芝麻人
2020-06-27 18:06:33
大船上的人
2020-06-27 19:01:34
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞