(十六)
聖誕假平平無奇咁過咗,當然中間有whatsapp Charmaine,除咗佢ig嘅相,我仲有叫佢比啲相嚟睇睇,其中有張佢著白色泳衣簡直j咗幾日幾夜,其實我只係講笑話仲有冇丁圖,估唔到佢send呢張過嚟。返學第一日我照舊喺有蓋操場瞓,Charmaine又走嚟督我「做晒功課未丫」
「搞掂晒啦,邊似得你有得去旅行,太悶咪做吓功課囉」
「就嚟考試啦,你睇吓幾時得閒再教我phy啦」
「聽日開始日日得閒,而家教都得!」
「咁聽日啦,你今日要比賽?」
「係啊,嚟唔嚟睇?喺附近喳啵」
「唔啦,下次先啦,放學有嘢做」
「咁好啦。。。」
2點半左右,我同阿健執好嘢出發去球場。今次對手唔算勁,所以何sir先將我同阿健都放後備,睇吓我地嘅後備戰力深度到底去到邊。「做乜Mountain黑咗咁多嘅」
「係囉,佢聖誕搞咩嚟,唔會比佢曬太陽曬到咁啦?」
「但佢黑啲型啲喎,成個里奧費迪南咁」
「里奧正啦,都唔知有冇扑過周秀娜」
「講幾講又真係有里奧feel」
除咗樣似,喺場上嘅Mountain不斷殺波,又指揮防守球員位置,越嚟越大將之風。上半場雙方互有攻守,雖然比數暫時0比0,但睇落其實對面有少少上風,不過我地唔怕,危急時我同阿健落場應該夠殺死場波。
下半場開始,對面見我同阿健仲未出場,就開始搶攻,好彩嘅係Mountain真係包晒好多波,終於有球Mountain比人撞牆2過1成功,但左中堅即刻包到截到波,然後大腳斬上去,對方防中做升降機頂空氣,我地隊前面三個就湧上去拉邊走位,中鋒拎波分右邊,右翼cup過一個再地波傳中,中鋒特登漏,左翼從後殺上勁射,個波割草式咁入龍門左下角,1:0領先,呢個時候Kassie嚟到,我同阿健走過去搵佢「咦bb你唔洗踢嘅?
「對面唔勁,我咪抖吓,順便訓練多啲後備」
「唉屌見你地咁肉麻真係眼冤」
「你咪拿拿臨溝到Charmaine咪到你地肉麻囉」
「係囉快啲啦你,男人老狗咁婆媽架」
頂唔順佢兩個夫唱婦隨,我落返場邊睇波。
「wow」一陣歡呼聲,原來啱啱Mountain頂入角球,話咁快2比0
「阿佑,你睇吓呢場波個陣點,我之後想阿健打單箭頭,我地轉433,你做正攻中,亦可以輔鋒,你點睇」
「下,41212踢得好地地點解要轉,上場先大炒完」
「我地缺點係唔夠拉邊,頭先幾球我見到踢433可以拉邊,成個進攻會好順,換轉係你同阿健踢,呢場又可以大炒,仲有兩個星期踢下一場,呢兩個星期去練吓433」
「哦,你話事啦」
全場完,比數2:0,開會嗰陣何sir講咗呢個諗法出嚟,全隊都表示可以試,咁就決定試一試,下星期六會約其他區中學友賽,而佢又同阿健喺到密密斟多十五分鐘,唔知咩事呢?