【校園】【足球】【少甜】溝到女神後我決定......

779 回覆
73 Like 5 Dislike
2020-04-08 21:33:45
(三十四)

練完波之後,我whatsapp Charmaine,「我啱啱練完波啦,你做緊咩啊?」
「執緊房吖,個櫃門壞咗,可唔可以上嚟幫我整?」
「屋企冇人咩?」
「冇吖,得我一個。。」嘩仲唔狗衝,等幾時?
「okok,即刻嚟」

叮噹,「yo靚女」我右手擺後腦,挨落門框度,chok晒樣同佢打招呼。
佢露出已經好耐冇見到嘅瞇眼笑,「哈哈,白痴」
「好掛住你啊」講完我就攬落去,佢亦都攬一攬我,「咦你好臭吖,頭先係咪冇沖涼!」
「幫你整埋先沖啦」
「沖咗先!整臭我間房」
「好啦好啦」
於是我就去廁所沖涼,極速五分鐘搞掂就去佢間房,「點啊,邊度壞?」
「呢度吖,成個絞甩出嚟,本來準備搵你架啦」
「好啦!幫你搞掂佢」
其實我唔係好識搞,不過幫佢拆絞再裝返應該唔難,「幫我托住」
「拎個十字批俾我」
「呢個拎走」
對於我每句指示,佢都「得」咁覆我,忽然間我腦海幻想起動作片入面裝修師傅劇情。。。

「呼,搞掂啦」我企起身對住佢興奮咁講,佢忽然面紅,眼神有啲閃縮,「咸濕仔」
原來我巨龍甦醒,一字咁扯到恆一恆,「咳咳,鬼叫你咁正咩」
「整個櫃都扯,你得吖你,又唔知喺度諗乜」
「咪諗起你囉」
「我?」
「冇冇冇~」
「肯定又諗啲唔好嘅嘢」
「邊有啊,我呢啲正人君子,好頸渴啊,出去飲嘢啦,走走走」未講完我就推Charmaine出廳。

飲飲吓,忽然聽到鎖匙開門聲,我同佢都碌大對眼,門口已經入嚟一個男人,佢望住我,「你好」
「uncle你好!」我坐到直一直個人,其實係嚇親。。。
「下次講聲嘛,我就唔咁早返阻住你地」
「唔阻唔阻,我幫Charmaine整櫃喳,啱啱整完,飲埋杯嘢走架啦」
「哦~你叫?」
「我叫阿佑,係」
「係我男朋友」Charmaine用一種我察覺唔到嘅微妙眼神同眼前呢個男人講。
「遲啲得閒上嚟食飯啦,我漏咗嘢喺公司,要返去拎,再見啦」
「拜拜uncle」

「呼。。。」緊張死我了
「做乜驚成咁喎!」
「俾著你呢個情況都會嚇一嚇啦,仲有估唔到你會直接認係我女朋友喎,嘿嘿」
「咁事實嘛,又唔係唔講得,反而你頭先做咩窒,講!」
「咁驚你唔想公開住嘛。。。」
「衰人,唔理你啦,哼」講完佢就起身返房
「喂,做咩啫」我起身喺佢後面攬住
「傻瓜」Charmaine微笑,其實佢想知我會有咩反應,睇嚟我呢個反應佢好滿意。
「你瘦咗咁多嘅?」
「係咩?」
「以前攬你攬唔到咁實架」
「即係話我肥啦?!」
「唔係。。。以前瘦,而家仲瘦啫,你唔洗減肥啦,已經夠晒正啦」
「阿佑。。。」講完就轉身正面攬實我,我輕輕拍佢頭。
「I love you」我頭貼落去佢塊面,佢合埋眼,「me too」四唇交接,良久,兩人分開嘴唇。
「衰人」
「不嬲都衰架啦,係喎,今晚同你食啦」
「嗯,食咩?」
「食你」呢句我邊講得出口啊,「叫外賣囉,鬼叫你呢度咁隔涉」
「咁你搵menu啦,我冇乜所謂」

食完飯執埋嘢,我就返屋企嚕。
2020-04-08 21:37:51
2020-04-08 21:38:30
做乜咁sad
2020-04-08 21:39:48
你個故仔有洋蔥
2020-04-08 21:43:48
勾起往事?
2020-04-08 21:54:45
往事不堪回首
2020-04-08 22:05:09
Sweet得嚟又覺得呀佑好慘
2020-04-08 22:15:03
啱呀啱呀
2020-04-09 16:06:04
(三十五)

叮噹,Charmaine走去開門。
「佢走咗啦?」
「係吖」
「係呢,你仲未返屋企嘅?」
「。。。」
「嗯?」
「過兩日同我去家計會。。。」
「做咩。。。?你。。。?」
「你知唔知我好驚吖!」Charmaine頭先攬住阿佑就想喊,但唔可以俾阿佑知道,就忍到而家呢刻,終於崩潰,哭不成聲。


「係佢。。。?定。。。?」
「係你」
「咁。。。」
「其實係去驗,我已經成個月冇嚟m,但我唔敢去買驗孕棒,你知唔知我真係好驚架!。。。」
「對唔住,有啲咩我會負責」
「走啦,留低係想同你講呢樣嘢啫」Charmaine講完就直接轉身開門走人。

兩日後,佢地戴住口罩去灣仔家計會。姑娘出嚟嗌名,入到去叫Charmaine滴三滴尿落試紙,然後等一兩分鐘,姑娘一句,「冇懷孕喎」
頓時鬆一口氣,放下心頭大食,Charmaine追住問「但我成個月冇嚟m喎」
「你有冇食過影響荷爾蒙嘅嘢?」
「之前診所開過事後丸食」
「咁細個唔好亂食呢啲啊,做好安全措施啦,後悔莫及啊」
「我知道架啦。。。」


「走啦」
「咩情況?」
「冇事發生」
「嗯。。。對唔住委屈你」
「叔叔。。。多謝你照顧我咁耐,我地唔好再見啦,我會執走啲嘢放低鎖匙」
「Charmaine啊,咁好啦。。。」
「我冇怪過你,我願意嘅,咁。。。拜拜啦」
「拜拜」

返去執好行李之後出門口,Charmaine回頭望多一次呢間屋,一間充滿美好回憶同時黑歷史嘅屋,一段永世唔會忘記嘅歷史。落到樓下街口,見到廢衣回收箱,佢決定成箱行李嘅衫褲都倒晒落去,然後行李箱就咁放喺垃圾筒隔離唔要。


每晚Charmaine都會喺自己張床諗,呢段生活幾時會完,結果會點。呢一晚,終於結束,但當諗到對唔住阿佑,佢再次崩潰,再次大聲抱住枕頭喊,冷靜過後,佢whatsapp Kassie,「今日驗咗,原來我冇,純粹荷爾蒙失調。。」呢段訊息秒藍剔,然後接到來電,「喂,係咪真係冇事架?」
「係吖」
「咁都好啲,你嚇死我地吖」
「我都好驚。。。」
「咁阿佑呢,你諗住點?扮冇事?」
「唔係仲可以點。。。」
「喂Charmaine,警告你唔好再對我兄弟唔住啊!」隔離傳來一把好激動嘅男聲。
「我知道。。。唔阻你地啦,玩得開心啲」
2020-04-09 16:38:31
臭雞
2020-04-10 06:53:22
咁頭d劇情
呀木 你條女雞黎架炸
2020-04-10 10:04:22
呀木 你唔好叫呀木啦,你叫廢柴啦呀木你噤有錢都無女,你睇下拓海
2020-04-10 23:30:17
(三十六)

復活節完咗,對於我嚟講過得好快,因為練波又一日,同Charmaine出街又一日,仲要溫埋統測,時間好唔夠用。「今日我放學唔洗練波啊,同你溫書啦,我要gg啦」
「哈哈,假期冇乜溫吖呢?」
「係啊。。。屌放棄chm同bio算,其他拎多分啲」
「係喎你話想drop bio」
「我都唔鐘意記嘢。。。不過有你教我實冇事,嘿嘿」
「我幫唔到太多架喳,我又唔係考得特別好」
結果,今次bio Charmaine全班最高分。而我,phy第3,正數嗰隻,chm都第3,倒數嗰隻。「屌你bio第1咁勁嘅」
「哈哈哈。。。撞彩啫」
「今日睇我練波啦,聽日比賽啦」
「嗯!」


入到球場,已經見到隊友熱緊身,「快啲啦,仲慢吞吞」Nicole每次要話一話我先開心.
「咁我去換衫熱身啦,你去看台坐啦」
「我想坐場邊睇吖」Charmaine講完就行去場邊坐低。
「好啊」我亦快步走出去熱身準備。

「哈囉」
「嗨Nicole」
「真係好,成日陪佢練波」
「咁佢都會陪我練舞吖,互相陪啫,係呢,外國開唔開心吖?」
「還好啦,都係同香港人玩多,哈哈,不過係輕鬆嘅,唔似香港咁大壓力」
「唉,你就好啦,我到而家都唔知之後想點」
「唔洗煩咁多啦,鍾意咩咪做咩,我鍾意art,之後咪讀art,然後做呢行」
「咦,你呢枝嘢飲係?」
「哦,阿佑鍾意飲架,以前練波休息都會俾佢飲」呢個時候,Charmaine先發現其實自己唔知阿佑鍾意乜,俾咩佢佢都會受,但從來未試過真係喺佢鍾意嘅角度去諗,忽然間佢覺得其實兩者距離並唔係想像咁近。。。


「嘩你兩個咁fd嘅咩」中場休息,我走去場邊抖,見到兩女坐埋一齊,
「同學嚟架喎?」
「係喎差啲唔記得你曾經係我地隔離班」
「我同Charmaine以前同班架好冇?嗱」Nicole遞嘢飲同毛巾俾我,我冇留意到Charmaine靜靜將枝嘢飲收返埋,而我直接坐喺Nicole隔離。。。「頭先見唔見到啊,sky而家打正前都冇問題啊」
「咁咪幾好,起碼攻力唔會變弱」
我一句佢一句,Charmaine完全加入唔到對話,只係默默咁望住我地。
「陣間跑唔跑步?」
「唔啦,我走啦」Nicole 0.01秒內偷望Charmaine一眼,「約咗人~拜」
「拜拜」

結果呢個休息我冇同Charmaine講過任何一句說話。。。

「哎好攰啊。。。」
「你係咪仲要跑步吖?」
「唔跑啦,聽日比賽而家跑真係想死」
「我幫你按一按」
「好啊!」

「落多少少」「唔。。。係呢度,細力啲」
「係呢。。。以前Nicole次次練波都喺度?」
「嗯。。。佢係球隊軍師嚟。。。」
「哦。。。」「咁聽日你喺邊踢?我嚟睇啦」
「。。。」我瞓著咗。
「傻瓜。。。」

按多十分鐘,佢搖一搖我,「起身啦」
「正,舒服到瞓著」
「咁行囉」
「嗯」

最後比賽順利贏2比1,打入16強。
2020-04-11 08:52:20
2020-04-11 15:22:05
叔叔
2020-04-11 16:02:59
(三十七)

一個禮拜後嘅16強,亦順利贏1比0晉級8強。

趁呢日放假,我約Charmaine睇戲,佢想睇傾城之淚,睇嚟女仔都係鍾意睇呢啲愛情戲,而我冇乜所謂。喺周冬雨死前同李治廷喊得好勁嗰幕,其實我都有少少觸動到,我地由開場都十指緊扣放椅柄上,呢個時候佢手有少少動作,我望一望佢,佢兩眼張大,眼泛淚光望住螢幕,「阿佑。。。呢個時候你會點做?」
「嗯?喊出嚟就好」
「係。。。喊出嚟就好」然後兩行淚光滑落。。。
「Charmaine…」
到最後陳喬恩嗰幕,我問佢,「你估我地幾時去旅行?」
「我想去電影入面個天堂之鏡」
「好啊,你想去邊我都陪住你」
「傻瓜」講完又兩行眼淚滑落,然後挨落我膊頭,一直到完場。
「你地男仔睇咩戲先會喊?」
「觸動到自己嘅戲就會」
「例如呢?」
「我地兩個嘅戲」
「唔會有人睇咁柒嘅男主角嘅戲囉」
「夠唔會有人睇矮肥醜嘅女主角嘅戲咯」
「哼!」

就係咁,一日嘅打打鬧鬧過去,而家我都會送佢返美孚,之前佢問過佢,佢話自己情況複雜,我就唔再追問佢屋企嘅事。「唔捨得你啊」
「聽日都見啦」
「嗯嗯」
「?」
「嗯嗯~」
「係啦係啦」Charmaine踮高腳送上香吻,「返到去同我講吖」
「好,啊星期一二唔得閒啊,星期三就八強啦」
「加油」


星期二練波,Nicole對住塊版將對方逐個球員嘅資料講完之後,我地就開始練習,中場休息時我走去場邊,「嗱」Nicole照舊遞嘢飲同毛巾俾我,
「唔該」
「嚟緊4強就對上年亞軍」
「贏咗8強先講啦,贏硬嘅咩」
「咁打贏佢地囉」
「其實我地隊仲有問題架喎,又唔係無敵」
「又唔係叫你同佢地打十場贏十場,8強一場過贏咪得」
「實力唔夠嘅就算踢一百場都未必贏到一場」
「喂你係要次次窒住我先開心架喎?!」
「保持頭腦冷靜係隊長嘅職責~」
「係咁嘅話你上場就唔會傳個波俾對面單刀啦,呀隊長!」
「都話粒波無端端俾草頭彈起我先撻Q咯」
「咁你就應該保持頭腦冷靜分析點樣去救,而唔係呆咗企喺度啦,呀隊長!」
「做乜踩到我咁廢啫」
「咁你夠句句窒住我咯,妖都唔知之前鍾意你啲乜嘅!」
「。。。」
「。。。」
「阿佑~出嚟開波啦」

踢踢吓,我見到Charmaine入球場,「專心啲啦你」Nicole一副想殺死我嘅眼神啤住我。
「嗨」
「哈囉,咁得閒嚟嘅?」
「係吖,聽日場波咁遠,我放學即刻去都趕唔切啦,咪今日嚟幫佢打氣囉」
「講起佢就炆呀!」
「做咩吖?」
「唔好提佢,如果聽日有一次犯錯佢就知味道!」
「你就好啦,咁熟足球,我陪佢睇完波都唔係好明」
「女仔知道越位係咩已經好叻」
「哈哈,呢樣我知」
「其實你鍾意佢啲咩架?」
「唔。。。對我好咯,同埋同佢一齊係開心嘅」
「條友成日講大話喎」
「我知吖,次次話瞓,結果走去同阿健打機,成日呃我話唔攰,轉個頭坐車瞓到咕咕聲」
「咁咪係囉,正一大話精嚟嘅」
「小事講大話冇所謂啦,最起碼大事唔會呃人。。。」
「嗯。。。?」
「冇嘢冇嘢」Charmaine強顏歡笑,「係呢,如果有啲秘密講出嚟會傷害身邊嘅人,你會選擇隱瞞定坦白?」
「我會選擇隱瞞」
「好,我知道啦」
「嗯?」
「阿佑加油~~」Charmaine用盡力氣嗌過嚟。
2020-04-11 18:09:50
2020-04-12 04:31:08
睇到諗返以前個尼馬故
2020-04-12 04:52:22
冇睇,大概講咩??
2020-04-12 04:58:16
都係講主角由學界去到外國踢波既經歷,初戀仲有第二條仔
2020-04-12 18:13:35
(三十八)

開波冇耐,左翼好辛苦咁一扭二傳粒波俾我,我左路推順到禁區頂一抽,個波射到離行離迾,完全唔知飛去邊,已經感覺到場邊傳來一陣殺意大嗌,「喂做乜射到咁呀!」Nicole講完就喺版上寫嘢。最後,場波好辛苦先贏1比0,終於打入4強,如無意外就係對上年亞軍。「呀隊長,不如你估你今場幾多失誤?」
「嘿嘿。。。3次?」
「你仲笑得出架喎,4次呀」
「狀態唔好,狀態唔好」
「咁點先有態呢?」
「你幫我諗啦,呀軍師」
「妖,趁四強前,快啲調整返啦。。。」
「遵命。。。」
「信你唔過,永遠一對你有期望,就會變成失望」
「放心啦,今次唔會再失望」
「邊方面?」
「嗯?」
「冇嘢啦,我走啦,拜拜」佢講完就頭也不回咁離開。





返到屋企沖涼食完飯,我打俾Charmaine,「喂,今日贏咗啊」
「恭喜晒~」
「聽晚同我食啊」
「好吖,咁你諗食咩啦,聽朝我要有5個choice架」
「嘩咁多?3個!」
「4個」
「唉好啦好啦」
「你早啲休息啦,唔係掛住打機聽日又唔知醒」
「而家冇阿健陪少玩好多啦,得啦一陣就瞓」
「係至好吖,唔講啦,拜拜」
「得啦,拜拜」


第二日放學各自返屋企換衫,然後約旺角等,去食朗豪坊其中一間日本嘢,又係靠父幹架啦,前一晚問屋企拎錢時,啊媽又屌鳩我,「成日拎錢,幾時先帶上嚟我睇啊!」
「得啦得啦,驚你地嚇親人啊」
其實我都未想咁快帶Charmaine上屋企食飯,好似太早,所以我都冇問佢意見。食完之後就去行兆萬,入面好多古靈精怪嘢,我地都睇得好開心,我地都睇中咗部即影即有相機,不過大家身上嘅錢唔夠,只好儲錢等下次再嚟。


星期五晚係我地一年一次嘅班會BBQ日子,其實我同Charmaine嘅關係未公開,只有佢啲金蘭姊妹知道,所以佢身邊少不免有狂風狼蝶,我地班就有一個,佢係head prefect,人又高樣又ok,都算係男神之一,喺我幫手起爐時,條友居然走去撩我女友傾計,傾都算,又要搭晒膊頭咁,Charmaine已經有種不太情願嘅樣,但又廢時咁尷尬,好彩Kassie醒目拉走佢去姊妹團,話說阿健係有啲料到,短短幾個月調教Kassie冇晒嗰種八婆格,反而斯斯文文咁,不過佢都係嘈啲好,起碼可以帶來歡笑。
Charmaine喺枱度倒汽水飲時,head prefect又走去撩佢,「你想食咩啊?不如我燒俾你啦,我燒啲嘢食好掂架」
「唔洗啦唔該,我自己燒得啦」Charmaine講完之後就做咗一樣我一世唔會忘記嘅舉動,佢拎杯汽水去我隔離,然後叫我飲,「你睇你加炭加到出晒汗,快啲飲佢涼下啦」
全班人睇到都wow出嚟,head prefect直情眼都突埋,如果我係兵嘅身分,我會有種被利用嘅感覺,但而家係男朋友身分,雖然都係利用,但更多嘅都係甜蜜,起碼當住咁多人面去公開係需要好大勇氣,head prefect 再冇煩過Charmaine一次。
臨走時,我地去角落冇人留意嘅地方影相,一張係兩人正面望鏡頭,佢雙手攬我腰挨落嚟,另一張係我地相擁,頭貼頭微笑。
2020-04-12 23:54:46
2020-04-13 17:55:37
(三十九)

除咗呢兩張用數碼相機影嘅相,仲有一張係用即影即有杷機影嘅相,我地兩個都一隻手做v字手勢瞇眼笑,另一隻手痴埋對方隻手合成一個心形,Charmaine搶住話要呢張相,當佢拎到手時,雙手握緊張相,合埋雙眼欲言又止咁。出學校門口,去到冇乜人嘅地方,我地變十指緊扣咁行,送到佢去地鐵站道別後就各自回家。


另一邊箱嘅英國,阿健好努力咁訓練,雖然佢高,但身板對比歐洲人仍然輸蝕,會比人撞到仆街,所以每次練完波之後,佢都會不停做gym加操,短短一個月已經增磅5公斤,身板厚咗唔少,唔會再咁易比人撞跌,再加上科學化而又有規模嘅訓練,技術亦增加唔少,而家嘅佢絕對有力挑戰香港U18最強前鋒席位。佢知道校隊而家嘅難處,就要求球隊放佢兩星期返香港幫手。教練話其實想簽佢,希望阿健諗清楚,不過阿健而家咩都唔理,只係希望可以沖擊精英賽冠軍,等自己可以無悔無憾咁離開。教練考慮後決定放行,但有一個條件,就係阿健要拎到冠軍,先會提供一紙合約。阿健即刻lur飯應,然後準備返香港。


去到四強前嘅星期六,我地練練下波,忽然有條on9仔戴住黑超雙手插袋懶型咁行過嚟,「halo everybody !」我地先驚訝後興奮,我更加衝過去問佢,「點解你會返嚟架?!」
「我只有兩星期喳,而且贏唔到冠軍我唔洗旨意再返去。」
「放心,一定贏」
「唔贏我會怪你地架」
「快啲埋位熱身練波啦」


呢一刻,終於最已陣,阿健練波時我地個個都睇到嘩嘩聲,因為已經唔係我地嘅level,撞唔跌,射波勁,就連佢本身算弱嘅盤扭都有埋,場邊嘅Nicole睇到兩眼發光,喺塊版上係咁寫嘢,亦不斷同何sir密密斟。
我坐場邊休息,Nicole坐落我隔離,「呀隊長,睇吓人地啦,而家幾勁」
「唔好睇中人啊,人地名草有主,不過估唔到佢去一去真係勁咁多」
「咁人地辛苦練嘛,睇吓佢手腳,好多瘀傷,應該都係係咁操嘅戰績」
「好羨慕佢,而家佢完全大鵬展翅咁,飛到好高」
「你之後去外國記得努力啲,唔好衰俾人睇」
「係,我地之後仲要同場踢波」
「我相信你地朋友在天之靈見到個場景一定好開心」
「係架,所以要拎冠軍,為球隊,為佢,為我,為你」
「為我?」
「你冇得落場都咁落力為隊波,點都唔可以浪費你心血嘅」
「係囉,真係為我嘅就完成當初你應承我嘅嘢啦」
「咩啊?」
「唉,估到你唔記得,冇嘢啦,快啲練波啦仲喺度hea」


終於到四強,就算對方係上年亞軍,我地都自信心爆棚。
上半場雙方都仲試探階段,非常謹慎,悶和0比0,下半場我地換433陣應戰,先係sky中柱,然後佢反應快門前督入領先1比0,雖然對方憑角球追返1比1,但之後就到阿健表演時間,接應我過頭波直接頂入領先2比1,仲有一扭二勁射破網,結果贏3比1,第一次打入決賽,至於我嘅表現。。。唔比人斬已經係好彩。
2020-04-13 18:26:14
2020-04-13 19:31:14
故事往往男二比男主有魅力
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞