【校園】【足球】【少甜】溝到女神後我決定......

小喬？

yes

得半隻眼你都認到

viutv嗰度劇呀嘛
我之前有睇開
所以見到張圖就有啲印象

（五十八）


「呼。。。我要飲水」Nicole喘晒氣，人生第一次感到親密嘅美妙。
「幫我斟多杯啦」我都要飲返杯水冷靜個人，明明同佢未有確實嘅關係，但已經幾乎做出越界行為，「Nicole，頭先。。。」
「嗯？」
「冇。。。硬係覺得。。。」
「something we should not do?」
「係掛。。。不過我想講，我對你係真。。。」
「我知呀，冇話你假喎，頭先我都冇推開你，其實有一刻我有諗過，但我接受咗」
「咁。。。做我女朋友？」
「咪住先，我揀男友好嚴架，你都未做到我要求」
「一場波3粒罰球太難啦。。。」
「原來你知道。。。」
「我冇忘記過，只係曾經冇去努力做，而家嘅我會做俾你睇」
「一季，一季就得」
「知道！」
「淨係呢樣唔夠架，起碼你要做到facebook上啲絕世好男友嘅條件架～」
「放心，我一定會！」硬係覺得佢敷衍我。。。
「瞓啦，好攰」
「嗯，咁早抖啦」
「攬住我瞓。。。」
「ok~」


第二朝起身，其實嚴格嚟講冇起身，因為我地都冇瞓，但亦冇講嘢，純粹感受雙方甜蜜嘅擁抱。我都係第一次同女仔瞓過夜，小佑難受咗成晚，唯有去廁所自己搞掂佢。
「喂阿佑，快啲啦，好撚急啊屌」一朝早又聽到條友喺度鳩叫，諗返起原來只係幾個鐘前嘅事，但就好似隔咗好耐咁。
睇嚟阿健真係好急，我一出門佢已經搶閘衝入去，我同Nicole只好無奈咁笑，「尋晚嘅事。。。」
「冇人會知」
「但係你呃到你好兄弟咩」
「咁你想唔想俾佢知？」
「佢嘅話我ok」
「嗯」
「你諗住直接講？！」
「咪傻啦，其實唔洗我講佢都會估到，所以順其自然啦」
過咗陣阿健出返嚟，就到Nicole入去梳洗，「喂，你地尋晚好激烈喎」
「咁你都知？！」
「我醒咗陣，咁咪幾好，有情人終成眷屬」
「其實未一齊架」
「哦？」
「總之唔好再提啦」
「得啦，明嘅，我聽唔到睇唔到」
「屌你啦」真係大撚膽，睇都算，仲要聽。。。

呢一日我地都係去著名境點到此一遊，就好似Parque de El Retiro呢個馬德里市內最大公園，去影相打卡消閑，仲有馬德里皇宮同Museo Nacional del Prado，西班牙最大嘅美術館，去做一日文青，感受馬德里市曾經嘅輝煌時代。喺返旅館途中，經過一個石屎球場，入面有堆應該係中學生踢緊波，今日我地都冇買嘢，兩手fing fing，於是我同阿健都衍生一個諗法：落場踢埋一份。而且，我亦可以向Nicole傳達我嘅心意，既然你鍾意P祖，我就做P祖俾你睇。「Nicole，我唔想再拖，一場，我會遵守返當初嘅約定」
「。。。」Nicole冇講嘢，只係咬一咬唇，然後行去場邊。


對上次同阿健踢石屎場已經耐到唔記得咗，我地問到人借兩條啱size嘅短波褲，換埋就開波，「喂阿健，搏多啲罰球俾我射」
「收到～」
開波冇耐我拎到波，直線送去阿健俾佢爆，佢俾人掂一掂就即刻「啊！！！」嗌到中槍咁。然後就碌地沙。。。嚇到對面係咁sorry，估唔到佢演技有啲料到，就係咁喺離門24碼呃。。。搏到罰球俾我射。右腳拉弓用力射死角，粒波直接彎入網，班鬼仔睇到wowowow 聲咁，我冇理咁多，直接對場邊嘅佢舉起食指作1字手勢。隨後阿健用同樣招數再呃多粒返嚟，而我亦射入，我對場邊舉起V字手勢，示意係第2粒。好快，球隊有人搏到第3粒，雖然距離有啲遠，不過班鬼仔已經好信我，「u can do it!」「into their face!」
弊，大力得濟！粒波望落會高出，但好彩我地呢邊係逆風，所以粒波提早向下墜，結果擦眉底入。入完之後全隊歡呼，唯獨是我冇再舉起3隻手指，而係行去場邊，攬住雙眼漸紅嘅 Nicole，「都話我對你係真，應承得你嘅都會做到，無論係以前，而家，定係將來」
佢左手亦攬實我背脊，右手打我心口，然後頭貼喺我胸前痛哭，「我就知你一定會。。。一定會。。。」
我冇再講嘢，只係輕輕掃佢頭，班鬼仔都為我地歡呼起哄。

甜到

小佑依然保持清白之身，哭𠹌咗

sor個章數錯咗

佢仲有阿健

阿健好慘睇同聽咗成晚

能成為密友大概總帶著........

我仲以為一季嘅意思係後備上場隊三粒
點知係街場入三粒

係後備上場冇錯啊只係阿佑廢時再拖啦，拖下拖下又冇機會

咁又唔會成晚，醉醒一醒就瞓返架啦

阿健俾Nicole搶左小佑

故呢？ 追上啦

（六十）


「bye~」班鬼仔好熱烈咁同我地講再見，我地3個就不帶走一片雲彩咁離去。唔知阿健有心定冇意，佢慢慢退後，距離我同Nicole幾個身位，而我就拖住Nicole行，「咁我當你係架啦喎？」
「你話係咪係囉」
「OK~」
就係咁，我地一直十字緊扣返到旅館，至於俾我地忽略嘅第三者就唔知行咗去邊度。。。


其實返到去冇乜嘢做，執完行李我地就相依在床頭盡訴心中情。「係喎，你幾時開始鍾意我架？」
「唔。。。冇話幾時啵，以前練波相處落啦～咁你呢？」呢一刻嘅Nicole充滿幾分小鳥依人味道。
「同你一樣，都係相處落，日久生情？」
「你估會唔會日久見人心？」
「先第一日就踩我。。。你好嘢啊你」
「你都慣架啦」
「係。。。你踩得仲勁過阿健，愛之深責之切啊」
「你諗多咗啦～話時話佢仲未返嘅？你搵吓佢」
「咁大個人未死得嘅，我wtsapp佢啦」


說時遲那時快，門鐘響起，「你去咗邊啊？」
「周圍行喳嘛，廢時阻住你地啦」
「咁我沖涼先啦」Nicole拎好衫準備行入廁所。
佢入到去閂埋門，阿健無端端塞一盒condom俾我，「你今年生日禮物」
「你想點啊。。。。？？？」莫非今次我後庭不保。。。
「屌，你真傻定扮唔知啊」
「邊有咁快用得著啊」
「去到李城我地頭，我返宿舍瞓，間旅館咪得返你地兩個囉傻鳩」
「咁都唔會進展咁快架？！」
「早兩日你咪又係冇諗過你地一齊，飲啲酒調吓情就得架啦，尋晚你地都係咁啦」
「屌，都叫你咪再提尋晚」
「係係係～你自己諗辦法啦，天時地利人和有齊，今次冇就唔知幾時再有機會架啦，你又抽唔到時間去澳洲，佢又冇可能成日嚟」其實又幾有道理。。。今個trip完，我要返西班牙，而佢就返澳洲，完全係地球嘅兩邊，再下次見冇1年都起碼半年。。。
「順其自然啦」
「第一次錫住人啊」
「你同Kassie好有經驗咁啵」
「而家成個小淫娃咁，好撚正」
「你都痴線。。。」
「我唔理你啦，執行李先」
由於今晚阿健清醒狀態，所以都係同Nicole保持返距離，廢時尷尬，反正阿健講得啱，到時喺李城佢返球隊，就得返我地兩個，乜都有可能發生。


喺馬德里第3日，食完中午我地就出發去機場搭飛機去倫敦，我地決定先倫敦玩，然後再去李斯特，因為廢時阿健走兩轉。由於飛機delay，去到倫敦都已經黃昏，所以我地先去西敏寺打卡，然後踏上西敏橋跨越泰晤士河，橋上望日落非常靚，亦幫Nicole留下倩影。之後就去倫敦眼同大笨鐘到此一遊。今日大家都好攰，返到旅舍各自梳洗後冇耐就瞓著，以最好狀態迎接第2日行程。

如果啲對話前加返啲名係邊個講就更加好。 睇到有啲亂

為表示仲有人睇 上水推一下
樓豬加油

呀健又知小佑著咩size 既

能成為密友

其實95%都係兩人對話，通常我會第一句句尾講邊個做緊乜/語氣，就知邊個開聲先，咁下一行就係第二個人講，如此類推


因為C:
K:
C:

咁樣應該出嚟效果好核突

全相喺更衣室由細睇到大啦

垃圾 依家阿豬阿狗都學人寫故