【校園】【足球】【少甜】溝到女神後我決定......

見到條女第一張相嚇一嚇出返去
完全唔係主角講咁樣

我地係睇內容既樓主下篇多甜，唔該

用Nicole視角寫多次啲甜

我要Nicole 角度既甜

一日追哂寫得好好
Btw 少甜？

（Nicole4，一直以來）

咦？！做乜佢follow我ig嘅？入到去佢ig都冇嘢睇嘅，擺明啱啱玩冇耐。突然見到佢去我個球隊奪冠post留言「因為有個英明隊長帶領」哈哈，英條毛咩，差啲輸佢，去佢其他post留言窒佢先。「冇入波唔好返香港」「煮完唔好俾其他人食」「出街係咪好多人歧視你」「影其他肌肉猛男啦，你冇嘢睇」基本上係咁攻擊佢，鬼叫佢咁黑我憎咩！一直以來，都係咁黑我憎！


後來我，阿佑，阿健3人開咗個whatsapp group，阿健無端端提議11月趁阿佑生日一齊去西班牙，我plan好schedule後決定話好。我好期待，好期待同佢過生日，好期待同佢喺外國周圍行玩。我執好行李，決定著件黑色連身洋裝裙，加一件牛仔外套。自從嚟到外國生活，打扮開始比較外國風，而且慢慢學識化妝，學識襯衫令自己更加成熟艷麗。一直以來，我都好想同自己鍾意嘅人去旅行，去留下腳印，所以我好重視今次西班牙之旅。


呢一日終於到巴塞隆拿機場，阿佑見到我呆晒咁，哈哈，係咪覺得我好正呢～我去到佢球隊參觀，雖然規模唔大，但每樣器材，設施都好專業，如果daddy以前有機會出國，佢可唔可以成就更高呢？阿佑介紹佢個巴西隊友俾我地認識，好羨慕佢喺外國都可以搵到個好拍檔，人在異地如果有個伙伴同行，好多事都會得心應手。見到阿健有少少吃醋個樣，真係好好笑，我都忍唔住笑佢，「哈哈，阿健，係咪估唔到阿佑除咗你之外仲有個好拍檔呢～」
「挑，嗰條友同我比？！根本唔係我個水平！好快佢就叫春需要我呢位咁有份量嘅前鋒！」原來阿健都有咁傲嬌嘅一面。

第2日我地遊覽巴塞市內唔同古蹟名勝，其實都幾好睇，可以洗滌心靈，令自己代入去當地文化之中，享受片刻嘅寧靜。夜晚就正式同阿佑慶祝生日，去間5星級酒店西餐廳，我決定著靚啲，希望喺呢啲對佢重要嘅日子留下好印象。除咗件連身裙之外，我再加件披肩，認真化個妝，我諗成世女最正式打扮係今次。聽到佢讚我靚，好怕醜添，全程食飯都見到佢有偷偷望住我。阿健唔知咩事飲咁多酒，明明佢唔係好飲得，結果好快醉，而我同阿佑只係飲少少，尚算清醒可以扶埋阿健返民宿。


返到去我覺得成個氣氛唔同咗，我feel到佢有嘢想同我講，果然，佢約我去行公園。一直以來，我都等緊佢正式嘅答覆。或者，正確啲講，我係等緊佢。一直以來，我同阿佑嘅感情都係奢望，一種唔知有冇結局嘅期望，往往處於你追我趕，我趕你追嘅局面。


入到公園都冇嘢睇，我責怪阿佑應該朝早帶我嚟，而唔係夜晚，佢答我下次再同我嚟，箇中含義應該係我地有下文？一直以來，我都唔知睇得通一個人係好事定壞事，好事係好多說話唔需要講出口都可以明白，壞處係佢講大話時唔難發現，從而可能知道唔應該知嘅事。阿佑為咗唔令我俾嘢咬，特登行近草叢嗰邊做我盾牌，正傻佬。。。呢樣亦係我鍾意佢嘅原因，嗰種唔需要講出口嘅細心令我感到好被保護。一直以來，我都好需要被保護，因為我自卑，孤僻，係阿佑第一個行入我內心，係佢第一個知道我諗法，係佢第一個帶我走出內心，去面對呢個世界。


行到出去平台，佢拎手機出嚟自拍，呢張應該係我地第一張單獨合照，其實唔係我唔想影，而係我而家頹樣影得唔好睇，我想第一張係完美。返到長櫈休息時，我唔知邊度嚟嘅勇氣問佢，「係呢，其實你係咪仲鍾意Charmaine架？」
「可能冇，可能有啦，有又點冇又點喎，都分咗手啦」佢語帶輕挑咁答我，即係點？如果將我同Charmaine比，佢鍾意邊個多啲？我唔想佢再逃避，我深呼吸，慢慢講出我嘅心聲。


「係咁。。。同我比呢。。。？」

時間線而家去返表白當晚

再一次詳細描述 啪啪啪？？？

咁你應該會失望

罰你加速

今晚仲有

嗚呀

快

push！

（Nicole５，關係確立）

「我個答案。。。遲咗2年算唔算遲？」聽到佢呢句，我忍唔住想喊，擰轉身唔想俾佢見到。我終於知道我咁樣等係值得，終於聽到想聽嘅答案，於是我好滿意咁同佢返去民宿。第二朝我地好有默契咁唔提起尋晚嘅事，因為大家都未有心理準備去督穿層關係。我地下午喺市場掃街，趁阿健去嘔時，阿佑忍唔住講起尋晚，而我只係淡淡咁講一句，「唔知2年前你肯講嘅，我地而家會點呢」衰人，如果兩年前肯表白，就唔駛要我等。見到阿健又成隻醉貓咁，我地又夾手夾腳扶佢返去。我忽然有種陰謀，阿健知道自己係電燈膽，所以灌醉自己唔好阻住我地，阿健雖然比較粗獷，不過都會有細心嘅一面，兩兄弟一齊十幾年互相影響大家性格。


我唔識處理死屍咁嘅阿健，又俾佢身上酒氣搞到好臭，決定去沖涼，我又唔知點解今次咁放得開，只係圍住浴袍就咁行出去。。。開始有啲頭昏腦漲，唔知自己想點，就叫阿佑斟酒俾我，可能灌醉自己，等自己完全解開心痱係最好辦法。冇幾耐，我就開始頂唔順趴喺檯，依稀感覺到佢扶我上床，望住眼前男人，我好鍾意佢，當佢起身，我下意識用手將佢拉返落嚟，「馬天佑」
然後錫佢塊面。。。
「你塊面咁乾架」
「我另一面都好乾」佢擰轉另一邊面，我又再錫落去。我頭慢慢移開，我地互相對望，頭慢慢靠近，嘴唇慢慢貼近，終於獻上我初吻。衰人，錫幾啖就轉身跪坐我，將我推倒，然後再次咀埋嚟。「屌」酒氣將我嘅理智沖散，我第一次感受到濃情蜜意，原來係咁美妙，我想要更多。。。佢解開我浴袍，溫柔咁摸我胸，好舒服。。。然後佢想伸手入我下面，我阻止佢，因為我心理上未準備好，唔好去得咁快。。。咀多幾咀後我酒氣慢慢消散，我亦開始冷靜落嚟，飲水時我舔一舔嘴唇，回味啱啱嘅感覺。


「咁。。。做我女朋友？」我等咗呢句好耐。。。好耐。。。


之後一日我地經過石屎球場，阿佑想喺度一場入3球罰球俾我睇，其實入唔到又有咩所謂，我要再諗其他要求架啦。。。。見到佢舉起第3隻手指，我知道呢一刻終於都嚟，佢嚟攬住我，用最真誠嘅聲音同我講，「都話我對你係真，應承得你嘅都會做到，無論係以前，而家，定係將來」衰人，係都要整喊我。。。我地亦正式確立關係，十指緊扣行返去。



去到英國，我見佢post我地合照上ig，寫Making memories with you, is my favorite thing to do，我知道我冇等錯人，亦都相信會得到幸福。喺李城第一晚我煮飯俾佢食，呢一餐暫時係我人生最滿意嘅一餐，因為食嘅人係佢。清理好晒後佢喺梳化幫我按摩，所有疲勞都盡消。忽然佢按摩我頸兩處穴位，我情不自禁咁嬌喘，衰人係咪知呢個穴位敏感特登按落嚟。隨後佢繼續按，將我身體逐漸啟動，我想要得更多，雙手勾住佢頸用力扯佢落嚟咀。好正。。。我感覺到飄飄欲仙。。。我以前最多只係試過用手機震下面，今次正好多，爽好多，突然我feel到好刺激感覺，雙腿之間流出好多水，好舒服，成世人未試過咁high。。。

（Nicole6，愛人不疑疑人不愛）

臨離開前一日，我好唔捨得佢，好想陪佢更多。其實我好驚，好驚我地long d失敗，不過當我喺船上聽到阿佑同阿健講「放心啦，我會好好錫住佢，唔會令佢傷心」我就相信佢，相信我地關係。畢竟好唔容易先一齊到，我相信冇難關難到我地。返到去，我地兩人充滿酒氣下再次攬埋一舊。不過，今次我願意放開，如果佢想要，我願意俾佢。。。


「呀！好痛。。。慢啲」嘩屌，好痛。。。不過痛得嚟好舒服，好溫暖咁填滿我。馬天佑，我愛你，隨住一層薄膜被衝破，我正式成為佢女人。原來做愛係咁high咁爽咁舒服。。。如果佢敢對我唔住，我一定剪咗佢，哼！


喺機場同佢難離難捨，都唔知幾時可以再見，半年？一年？返到墨爾本我再次喊，真係好唔捨得佢，覺得今次旅程好奇妙，呢個世界只有佢可以整喊我，只有佢可以走入我內心。之後每次見面都好好把握同佢相處嘅時間，因為見得少，我地都份外珍惜。呢一日喺墨爾本St. Kilda Beach，佢同我慶祝300日。估唔到佢咁放上心，因為我覺得300日唔係一個咩特別日子，但當我知道1周年時我地冇得慶祝，咁300日就顯得好特別。我人生第一次收花，雖然只係3朵紅玫瑰，但代表住300日同我愛你3隻字，我好希望呢札花唔好凋謝。


之後一年我地每日都會傾偈，永遠都唔會厭，因為呢個係解決思念嘅最好，亦係唯一方法。我知道佢好努力，我都會做好佢背後女人嘅角色，默默支持佢，輔助佢。去到歐霸4強佢要對阿健，本來我覺得只係純粹兄弟對決，但竟然喺度見到Charmaine，其實見到都冇乜嘢，我都有同佢打招呼，但阿佑居然望住佢呆咗，甚至唔知我企喺佢後面，我好驚影響到場波，又唔想俾佢知道我知佢諗乜，只好簡接同佢講，「冇就快啲去準備啦，唔好諗咁多」希望佢收到我俾佢嘅訊息。


慶幸嘅係佢收到，呢場波佢發揮好好，有1入球1助攻，只係阿健更加神，梅開2度，帶領李城主場贏3:2。賽後我地3個敘舊，都一齊驚嘆阿健已經進步神速，而家嘅佢應該係香港歷史第一射手。本來傾得好地地，不過阿佑硬係神情有啲奇怪，唔通仲諗緊今日球場見到Charmaine？阿健見到我地兩個表情各懷鬼胎咁，直接將件擺上檯面講，「係呢，有冇見到Kassie同Charmaine？我怕Kassie悶親，咁啱佢其餘3姊妹得閒，就一齊嚟英國玩」
阿佑望一望我，想迴避答案，就問其他嘢「即係佢地4個都有入場？」
「冇啊，只有Charmaine同Kassie入，另外兩個去買嘢。」
「哦。。。」
馬天佑，你做乜要迴避？有咪有囉，又唔係有啲咩咁大不了，我又唔會吃無謂醋。我決定加入對話，「咁佢地會唔會去西班牙睇波？」
「唔會啦，一來遠，二來邊有咁多時間」
望到阿佑有種如釋重負嘅表情，唔知點解我個心都有啲安定落嚟，我知道佢唔係有心瞞住我，只係驚我唔開心。喺機場分開一刻，我喺佢耳邊講，「記得有啲咩唔開心都要講呀，我會同你分擔，講好咗一齊笑一齊喊架嘛」希望佢明白，唔好再令我失望。

（Nicole7，共諧連理）

阿佑事業開始上軌道，而我學習都開始忙碌，趕project嘅情況下變到每年只見一次，每次一星期，都係佢暑假嚟搵我。其實我地好有默契咁已經決定要共同創造兩個人嘅未來，有一致嘅目標，因為有強烈嘅共同目標會係我地兩個人對抗寂寞，一齊向前行嘅動力，所以我地感情有增無感。


三年後，我大學畢業，我希望成為臨床心理學家，於是決定升讀臨床心理學碩士。其實上年阿佑已經喺巴塞市買屋，當然我有份設計，始終都係我地嘅dream house。雖然咁樣飛來飛去好辛苦，不過望住間屋設計藍圖完成，再辛苦都係值得，好期待裝修完入去住。返去澳洲後，佢亦都不斷問我大學畢業後咩打算，好似想我直接搬去巴塞住，我有啲明佢意思，不過我唔再深究，亦冇必要深究，因為想保持一種驚喜同神秘感，如果樣樣嘢事先就知，咁人生就再冇意義。


我地拍拖第2000日，趁有時間我飛去西班牙搵佢，好好慶祝一翻，順便入住新居。依舊喺老地方間餐廳食飯，今次佢直情搵隊band對住我唱情歌，然後自己拎結他自彈自唱「我愛你」，最後帶我到窗邊望出窗外，見到地上放住砌數字2000嘅玫瑰蠟燭，都唔知佢啲屎橋邊度諗，哈哈，鬼叫我受咩～其實就算佢冇呢啲嘢，簡單一餐飯加幾佢情話我都已經受，只因為佢。

突然，燈光一暗，窗簾無端端拉落嚟，我伸手不見五指。30秒後燈光開返，我擰轉身望返餐廳入面，見到阿佑唔知幾時換咗套白西裝，不過我目光已經被後面幾隻巨型汽球深深吸引，眼淚不自覺滑落，內心非常激動。我唔敢眨眼，我驚一眨眼，眼前呢幅夢景就會消失。一直以為電視劇入面求婚橋段好假，直到呢一刻先發現，原來真係會令人淚如雨下。汽球字體係「MARRY ME」，阿佑單膝跪低，右手奉上打開嘅戒指盒，左手懶型咁伸去後面汽球方向，「估到我想點？」


我點頭。


阿佑抬頭同我對視，溫柔咁講，「咁你慢慢聽我講」
「Nicole，從我地第一日開始，我覺得你係我嘅Miss Right，我一直盼望呢一日，或者我唔係一個完美男朋友，唔識講嘢，甚至太專注踢波而忽略你，因為踢波係我嘅信念。但係，我嘅信念仲有你，有你，我嘅信念先會完善。有你，我嘅人生先會完美。有你，我嘅將來先會幸福。我嘅未來有你，我所有規劃都有你。所以，Nicole，Ｍarry me」


以前仲講笑話求婚一定唔會喊，可惜今次到我承諾落空，我已經喊到收唔到聲，慢慢抬起左手。好快，左手中指傳來一陣涼意，戒指已經緊緊套實。阿佑攬住我，喺我耳邊講，「你已經冇反悔嘅餘地啦」


我輕力拳頭打佢心口，「你都係，老公」

今晚直情係極速啊

之後係咪會寫阿健同Kassie
係咪話Kassie會hurt到健?

之後你咪知

‘用第二個視覺繼續寫’呢個idea幾好