【校園】【足球】【少甜】溝到女神後我決定......

（Charmaine5，四朵金花）

人生其中一個最大遺憾係中學grade trip我地4個金蘭姊妹冇得一齊去旅行，於是kassie就提議我地跟佢去英國玩，我地都一致讚成，夾好時間就book機票同酒店。諗起以前幾個柴娃娃嘅日子，每日都嘻嘻哈哈，冇煩惱，頂多只係煩考試煩test煩sba，考完就過眼雲煙，對比起而家嘅煩惱簡直小巫見大巫。讀書方面，背嘅嘢複雜超多，解剖學，臨床知識，一大堆嘢背到頭都爆。上堂仲好笑，有時要學生出嚟做model示範觸診，學體表解剖，於是男同學就著背心，而女同學就著sports bra上堂。。。初初好尷尬，不過習慣咗就冇乜嘢，同埋入到呢科嘅同學都好正經，所以都冇咩特別事發生～


考試先大壓力，筆試還好，反正都係死記，考practical先慘，兩個人一組入去病房，入面就得一個老師同一張病床，估都估到一個同學做病人一個同學做醫生。第一輪我拍擋做病人，我做醫生，老師士但出個情景，然後我就要根據呢個情況知幾多講幾多，最抵死係當出到一啲我未見過嘅topic，就要靠我把口鳩嗡，純粹靠邏輯同本身知識去推理個最合理醫法～考完之後將呢份恐慌散佈俾準備考試嘅同學，順便討論題目，非常刺激～


終於搞掂考試，成個人鬆一口氣，考成點？唔理嚕～而家要準備嘅係英國之旅去邊同買乜。我一直都好想買個袋，尤其見到凱特皇妃拎嘅袋好多都好靚，而且幾千蚊就有一個，一啲都唔貴。左揀右揀，我決定買個啡色Strathberry袋，成熟得嚟唔會太老，啱晒我呢啲想扮成熟嘅少女～再加埋香水，英國茶，餅，衫褲鞋襪。。。唔計機票酒店，我淨係買嘢都分分鐘過一萬蚊。以前叔叔俾落嘅錢我都冇乜點用，平時靠返coffee shop parttime夠食夠車錢就得，本身我又唔大洗，就算parttime返得唔多人工只有幾千都好夠我用。我唔係好識銀行嘢，於是特登去銀行搞張海外提款卡，廢時我去到英國想買嘢但帶唔夠錢。初時個女職員閪我面，可能覺得我整呢啲小事煩到佢，但佢見到我戶口幾十萬，而且乜都冇只有cash，對眼發晒光咁係咁sell我嘢，咩升級戶口吖，信用卡吖，保險吖。。。妖，聽到我都煩，最後敷衍佢搞個戶口升級算。


我，kelly，fion行出倫敦希思羅機場接機大堂，「喂～～～」kassie大聲嗌到附近啲人望住佢，不過佢唔理，急步咁行過嚟同我地攬埋一舊，我地4個終於再次聚首一堂。Kassie呢個導遊做得相當稱職，會介紹啲街道，建築物，景點，同埋佢喺當地發生嘅趣事，字裡行間聽到佢同阿健好sweet，羨煞旁人。


行程中間我同kassie會去李城兩日一夜，因為佢要去撐阿健場，至於kelly同fion兩個對足球冇興趣，所以呢兩日我地4人分成2人2人咁行動。其實我知道呢場波係對阿佑，我照樣選擇嚟睇而唔避開，一來我真係想睇呢場波，對上睇波已經幾年前佢地合作，今次居然會對決，肯定好好睇。二來難得有好姊妹陪我睇，平時邊有呢啲機會，聽講kassie終於識越位。嘻嘻，我叻過佢，我幾年前就識～同埋佢知道進攻技巧例如撞牆，入攝，唔同射門方法，當然喺佢眼中只會集中阿健一人。

More

push

（Charmaine6，自作孽）

「八婆～等埋我吖～」衰婆，掛住溫仔唔理我，叫我自己一個去買嘢食，一抽二咁拎兩個人份量，球場都逼架啦，幾咁難行吖。我順住kassie眼神方向望過去，見到阿佑同佢傾緊偈。。。
曾幾何時，我以為再次見返佢，我可以好平靜當冇事發生，平常心咁面對，但呢刻真係見到，內心居然會好激動，呢兩三年我已經盡量放低，但越去逃避反而越被綑綁，真係報應，我自己攞嚟賤，只好選擇認命。Nicole行到佢身邊，佢見到我然後揮手打招呼，我拎住好多嘢只好對佢點頭示意，然後去返kassie隔離坐低。

幸運嘅係球場上歡呼聲太嘈啦，將我從思緒深淵拉返出嚟。「BB加油～～～」我諗kassie嘅打氣聲，聲上嘅阿健應該會收到。唔知點解今場阿佑踢落綁手綁腳咁，可能呢啲就係作客要面對嘅問題？另一邊阿健好快就起到腳射門，「WOW～～～」「哎呀。。。」身邊嗰位嘈都拆天嘅小姐將份肉緊感傳染俾我，我越嚟越投入呢場比賽，球場玩人浪會跟住玩，會一齊歡呼一齊嗌。60分鐘時李城已經領先到3:0，愛斯賓奴完全挨打，阿健頭頂腳踢入兩球。「咇！」愛斯賓奴個矮仔前鋒禁區頂俾人鏟低，阿佑拎住粒波擺定，我諗起以前佢中學嘅風彩，心入面希望佢今球會入。望住足球彎過人牆入網，我興奮到歡呼拍手，「喂！你撐邊隊架！」
「嘿嘿。。。」係喎，我喺呢邊觀眾席撐敵隊好似唔係幾好，哈哈，低調啲好～之後阿佑喺左邊大腳傳中俾隊友頂入，可惜已經為時已晚，無力回天，結果阿佑輸2:3，唔緊要嘅，仲有第2輪，一定追得返，我相信。


當晚阿健佢地去同阿佑Nicole食飯，我同kassie冇出席，一來唔熟怕dead air，二來我諗佢地3個如果冇我地兩個在場嘅話會盡興啲。喺民宿hea咗個幾鐘，忽然一陣酒意上腦，「喂bb，同我落吧飲返杯吖」唔知點解，呢一刻好想飲酒，「好吖～」阿健贏咗波，kassie心情都明顯開心好多，同冷靜嘅我形成強烈對比。
「喂。。。好啦。。。你飲咗兩杯啦，做乜飲咁多啫，因為見返佢？」
「唔知吖。。。」我唔多飲得，飲完第一杯已經開始醉醉地，第二杯已經面紅半趴喺檯上，同好優雅飲緊酒嘅kassie又一次強烈對比。


Kassie拎手機出嚟睇，然後一片擔心嘅眼神望住我，識佢咁耐佢郁一郁條尾我都知佢想點～「點吖，你bb搵你？我放你走啦～」
「但係你。。。你自己一個人得唔得架」
「得啦，我一陣自己返去啦，我仲細咩，走啦」
「咁我走啦，小心啲吖～」衰婆吖，臨走嗰陣含春笑到咁，即係今晚去條仔度瞓唔理我啦！


飲完第二杯已經唔太頂得順，托住頭半醉半清醒咁抖，腦海回憶起佢同Nicole嘅甜蜜，好似一巴一巴咁刮落我度。係啦，人地而家咁幸福，而我亦得到報應，已經冇必要再喺個死胡同入面掙扎，我應承自己，今次係最後一次為呢個男人咁樣借酒消愁。唔知隔咗幾耐，我睜開雙眼，原來我恰著咗，見到手機幾十條whatsapp同幾次miss call嘅轟炸，先知而家已經1點幾。「喂，你做咩飲咁多啊？」眼前坐低個男人，原來係阿健，睇嚟kassie見我唔覆佢擔心我，叫阿健嚟睇我仲喺唔喺度，哼，都算佢仲記得我！

（Charmaine7，柳暗花明）

「冇事啊嘛？」
「冇事。。。」
「見返人喳嘛，小事啦，況且佢而家點都唔關你事啦」
「我知。。。但我連咁小嘅事都做唔到，點解嘅。。。？」我開始恨我自己，恨自己行咗入一條不歸路，恨自己喺阿健口中嘅小事都處理唔好，講講下講到眼濕濕，眼淚開始落下，我而家應該最需要一場喊，喊完就雨過天清。
「點解嘅。。。阿健，話我知吖？你而家係咪覺得我抵死，好想笑我吖！」我越講越激動，
「唔係。。。你唔好咁啦」阿健見到我咁，只好搭隻手落我膊頭安慰我。
「我應該呢世都得唔到幸福，你話係咪吖。。。」我邊喊邊講，拎起酒杯將最後嘅酒飲埋。
「點會呢，好啦好啦，你唔好再飲啦。嚟，我送你返去」阿健雙手夾起我扶我走。


好彩間吧同民宿算近，就算冇車都可以行返去，之但係我全程都要阿健扶。「你睇你，似咩樣」「明明你都唔係差，都唔知點解搞成咁」「而家知錯呢咩」「放低咗就繼續向前行唔好望返轉頭啦，你呢種條件唔慌冇人要啦」一路上，阿健都好似俾緊說話我聽，當然我知佢為我好，而且咁直接講係會比較入耳。


返到去我即刻攤落張床，成條死屍咁，阿健本來諗住開門就咁走，不過都係返轉頭幫我除鞋，扶返正我個身喺張床上。「好熱吖。。。」
「哎好啦好啦，斟杯水整條毛巾俾你冷靜下。」阿健都冇我符，唯有送佛送到西照顧好我，始終一場朋友，仲要自己條女嘅死黨，唔忍心見到我咁頹。
不過真係好熱。。。我不自覺咁除咗面頭件毛衣，淨返件打底衫，阿健出嚟見到都嚇一嚇，「你做咩除晒啲衫啊」然後成條毛巾放我塊面上降溫，「嗱，水啊」
「餵我！」
「唉我真係頂你唔撚順！」講係咁講，不過佢坐低隊杯水過嚟，但我仲瞓喺度，於是佢左手伸入我背脊托我起身飲。


杯水好快就飲晒，然後我即刻瞓落床，連帶扯埋佢落嚟。阿健將隻手從我背脊伸返出嚟，呢個動作撩起我，我情不自禁雙手箍住佢頸，長期嘅訓練令佢膊頭好橫，背肌好厚，攬住好舒服，「你慢慢瞓啦，我走啦」講完阿健想起身走。
「唔吖，唔好走。。。」我再將佢拉返落嚟，然後攬實佢。
我地四目交投，突然間一股氣湧上，我控制唔到自己錫落佢塊面，佢知道事態越嚟越嚴重，用力將我手分開然後起身，「喂吖好痛吖！」呢下痛覺亦都令我清醒返。


「sorry吖健。。。」
「你係寂寞嘅就搵個男人啦，你幾年冇拖拍？放過自己啦」
「嗯。。。」
「走啦，有咩你搵kassie啦，唔好搵我」
「唇印吖。。。」我尷尬咁指一指佢左邊面。
然後佢就揚長而去。

返到香港，我一直將阿健句「放過自己」記喺心入面，估唔到會由佢點醒我。學校依然會有異性想識我，我除咗冇冷酷咁唔理佢地，仲會互相交心出嚟去了解對方。好幸運，同faculty有個男仔對我好好，知道我姨媽到會提我，我講過有咩想食佢都會買俾我食，最重要我學業上唔識時可以問佢，簡直係我嘅救命稻草。後來先知原來佢之前上堂已經想識我，而且見到我跳舞時更加被我吸引，只係覺得我冷山美人唔會理佢。


「咁點解當初食飯搭檯你又撩我講嘢嘅～」
「因為難得咁近距離同你講嘢囉」
「哈哈，如果我唔理你呢？」
「咁冇架啦，唯有放棄啦，冇理由繼續好似纏住你咁架嘛」
「哼！衰人！」我地挨住膊頭傾起往事，講起相識嘅經過。
「咁而家證明到理我係一個正確決定啦～」
「嗯～」我雙手更加箍實佢條腰。


放過自己，放過人，為咗將來幸福，我決定將我過去好好埋藏心底，將我過去隱瞞，唔再去諗起往事。

同學仔真係慘
揀著隻雞做女朋友

仲以為呀健屌左佢

咁其實阿健知唔知佢做雞
定淨係以為佢出軌

好似唔知

長期訓練

唔知，只係以為第三者

（健一，脫胎換骨）

「點啊，咩環境」
「踝關骨裂，抖個零兩個月就ok」
望住阿佑走，我一路諗返起頭先場波，雖然對方踢我係唔啱，但我可以避免呢樣嘢，尤其我聽到阿佑講嗰句「嗱，而家出事啦，今次你死好命，萬一斷韌帶睇你點算」，亦都令我陷入沉思，回想起以前阿佑斷腳嘅經歷。

當時佢都係好鍾意上腳，踢嘅位置係影鋒，同我一前一後非常合拍。好多時佢會一個帶住個波扭人，佢又真係扭到喎，所以就習慣呢種踢法，而我就捕定靚位等佢俾波我。有一次練波，佢依舊帶住波慢慢推，扭過一人後繼續推，我空晒佢都唔俾，就算對方落剷佢都覺得自己扭得過然後好瀟灑咁擺脫佢。可惜邊有咁順利，對方剷中佢腳腕，然後痴住粒波咁拗落地，當刻已經見到佢腳腕L字形，抬上擔架時甚至條條fing狀態，呢個場景嚇親我，我一世都唔會忘記。


當然唔可以話因為佢扭波而整親，但明明可以避免到，之後佢克服陰影踢返波，位置亦退後一格，衝刺力爆發力冇以前咁好，但佢養傷時瘋狂睇波，足球直播嘅上帝視角亦都培養佢足球視野，於是佢變到好鍾意俾手術刀傳送，從以前一扭幾變成派牌球員。佢算係因禍得福，因為踢得仲好，經常一腳劏穿防線，而且佢要練腳肌肉，所以不斷練射門，結果造就佢一腳好罰球，完完全全顯示咩叫台下十年功。我性格向來比較衝，好似頭先咁，一路去挑釁對面，明明可以唔洗咁做，結果而家自己攞嚟衰，見到阿佑嚴肅表情，我亦發誓要作出改變！


喺香港可以自己行得走得，我返去球隊繼續養傷，一來嗰邊專業啲，二來我要俾教練團睇到就算我受傷，我都會好努力。於是我除咗腳物理治療，亦會做gym操上身肌肉。養傷大約3個月，終於可以踢返預備組賽事，喺隊內練習賽我已經踢返起，不過仲係未適應，腳頭好唔順，但係走位入攝嗰啲完全冇問題。腳唔得啫，仲有頭，結果頭幾場比賽我9成都頂頭錘入波。


之後我狀態已經返嚟，我角色變得更加似一劍封喉類型。以前我會落中圈附近搵波踢，而家我會企最前做禁區殺手。以前我會出嚟做支點停波分波，而家我直接等隊友長傳或傳中俾我去頂波，set波2傳。本來我身高拍埋去一啲都唔矮，呢次養傷我上身肌肉強化唔少，直情可以同鬼佬鬥撞都唔輸蝕。我對於入波嘅渴望好強烈，同時唔會浪射，唔會上腳喺度妹，唔會鳩做功勢，完全可以用脫胎換骨嚟形容。一隊順利升上英超，同時開出一紙合約俾我。媽！我得咗啦！

Yeah 又有文

有d期待kassie會hurt到阿健會點寫

我有講過呢個point咩

有人話睇到有呢個伏筆
可能我記錯 sorry

等睇亞佑反CUP!

大隻健篇啦

諗緊post唔post完整嘅第二回合作為 健x.25章，過程好撚熱血

小佑大戰小健

心動不如行動

文啊~~~~

Charmaine 有冇多啲