【校園】【足球】【少甜】溝到女神後我決定......

（九十一）

食完晚飯之後我送Nicole返屋企，睇嚟佢仲怪緊我唔同佢講聲就帶佢上我屋企見家長，「你估你見我老豆時會點？」
「緊張囉，你老豆好似幾惡咁？」
「唔係善男信女嚟架，到時你醒定啲，我保唔到你架～」
「繞命呀，你帶我上去之前講聲啊」
「哼！我唔會講，鬼叫你今日都唔講，當係俾你嘅教訓～」
唉，睇嚟受死嘅一日好快來臨。。。


呢段時間我地行遍港九新界，海洋公園，迪士尼，仲有唔同大小商場，地標，全部都去晒，因為唔知幾時可以再咁樣一齊行遍全港，期間亦見埋Nicole家長。Nic爸話有睇我踢波，覺得我好有潛力，只要保持態度良好，超越林嘉緯只係時間問題，換另一個講法，即係唔好令佢失望。。。瞬間壓力大增添。「哈哈哈～你記住唔好衰俾我老豆睇呀～」Nicole幸災樂禍嘅樣討厭得嚟帶點可愛，為咗還擊，決定喺佢屋企就地正法！「喂呀。。。呀。。。唔好。。。撩啦。。。嗯嗯，有人呀哼～～～」
「第一次喺自己屋企係咪特別興奮呢？」我用手握住巨龍，喺目標地方門口外遊走，
「嗯。。。做咩磨喎。。。呀哼～～～我想要呀～～」
「嘿嘿，我偏唔俾！」導彈頭輕輕前進，然後退出，繼續遊走，
「唔～～入嚟啦～～嗯。。。我要呀～～～」
「你自己嚟啦」
Nicole用纖纖玉手握住，慢慢放入，「呀～～～嗯～～～嗯哼」
嘩屌，今次仲刺激過喺我屋企，好快就忍唔住要噴發，「要射啦。。。」
「呀。。。射，出面呀。。。」
「咁射你嘴？」
「呀～～～呀～～～嗯。。。射嘴啦。。。呀哼～～～我幫你奶。。。」
望住Nicole被口爆嘅樣，視覺衝擊感令小佑繼續保持充血形狀，不過我驚再繼續嘅話會太high被佢屋企人發覺，所以都係算了。


終於到我最期待嘅一日，日頭我先同Nicole去中上環做文青，然後去PMQ玩吊墜工作坊。我地用木一人整一條吊墜，吊墜入面細細隻字刻上對方名，嚴格嚟講算係我地第一份定情信物，望住Nicole滿意嘅樣我心滿意足。5點半左右我地坐覽車上山頂，行到7點左右就去峰景餐廳入座。「好啦喎馬天佑，到底係咩事啫，而家講得啦？」
「你真唔知定假唔知啊？唔似你喎」冇理由Nicole唔知架喎？
「多謝你，我知道，今日係我地一齊第1000日，其實唔洗特登做啲咩啦，同到你一齊就係最開心，最滿意嘅禮物」
「嘩，幾時咁口甜舌滑架你？」
「都係跟得你多～」
「咁你幾時知架？」
「你當我傻嘅咩。。。呢啲日子我都有留意，唔係淨係得你上心囉，講到我好冇心咁！」係喎，Nicole經期緊，情緒比較波動，不過佢好易氹，美景佳餚下，佢好快就開心返。


的而且確，如果我唔喺佢身邊，就算做幾多嘢，送幾多禮物都好，都不及現賽中一個擁抱嚟得咁窩心，暖意。而家諗返起，話唔埋long d對於我地係幸運，因為雙方都有一個可以一齊堅持嘅人，擁有一顆有相同夢想同執著嘅心，擁有一份強烈到可以挑戰距離嘅愛。茫茫人海中，搵到一個無條件信賴對方嘅人，就係最大嘅幸福。呢一刻，我已經決定第2000日時要做啲乜。

2000日求婚

push

（九十二）

放完假回歸球隊，要把握時間操練返個狀態，因為除咗聯賽同國王盃，今屆仲多咗歐霸盃要打，密集賽程對體力要求相當高。歐霸分組賽抽籤出爐，我地呢組有兩隊講唔出隊名，另外嗰隊就係布拉加，出線問題不大，至於阿健佢地情況一樣，只有羅馬比較強，出線應該都唔成問題。經過一年洗禮，除咗技術進步，最重要心態上有進步，好似上年國王盃4強我射失12碼嗰種崩潰唔會再出現。呢一季我同roberto呢對雙子星正式確認隊中主力位置，加上球隊引入謝拉特摩蘭奴，同roberto組成雙箭頭，加埋我就組成來自歐洲南美洲同亞洲嘅三劍俠。摩蘭奴捕位能力出色，而且進攻意識同埋門把握力強，我非常期待同佢合作。見到人腳咁好，教練為球隊訂立目標，就係衝擊聯賽前6名，歐霸盃其次，國王盃就順其自然。因為我同球會表忠，球會開出新合同俾我，簽約5年，稅前週薪1萬5千歐，呢個數連美斯嘅零頭都唔到。。。當然，我會證明自己值得拎更多。


聯賽頭5場對手唔算強，我地亦拎到3勝2和佳績，其實個2和係最開始兩場默契未夠先至入唔到波，夾慣夾熟後開始上力，呢3場贏晒仲要入7粒。雙箭頭組合風頭一時無兩，至於我。。。要喺呢兩個痴線佬突圍而出真係有啲難，我位置變相係輔助佢地，而唔係單天保至尊嘅10號位。隨後聯賽不過不失，成功保住上半版排名。歐霸小組賽我地小組首名出線，李城小組次名出線。睇嚟我地兩隊唔同走線，可以相約喺決賽一決雌雄。第二季進步嘅除咗我，阿健亦都係痴線佬一份子。英超開幕戰已經入波，去到9月尾對阿仙奴直情一個人入兩粒，到嗰陣已經入到第7球，勁到英國報紙都報導佢。之後11月頭再入1球，已經連續9輪英超入球，僅次於雲尼斯特萊英超連續十場比賽入球紀錄。去到11月中對曼聯，終於再入1球，成功連續11輪英超入球，打破紀錄。老實說，我驚對住佢會輸，唯有希望佢專心聯賽，咁我地就有可能歐霸盃偷到佢雞。


「阿佑，生晨快落」咦？whatsapp 3人群組無端端上水，見到講嘢咁冇厘正經已經知邊個整個group上嚟。
「嘩，我以為你已經唔記得我添」
「咪當我咁唔重情先得架，大佬我地識十幾年」
「你而家英國大紅人喎，威水啦，巴之閉啦，忙得濟唔記得我係人之常情」
「屌講呢啲，你都唔差啦，上年贏國王盃喎」
「歐霸盃對住我，記得留手啊」
「哈！到時你死撚硬！話說我老細問我關於你嘅嘢」原來條友仔有陰謀，至於點解喺個group講唔私下講，可能係想俾Nicole見到然後遊說我？
「問啲咩？叫我轉會？係嘅叫佢唔洗諗啦。。。」
「吓？你唔想踢英超咩？」
「唔係。我想踢多一兩年再睇咩環境啫。你加油啦，今季要爆個英超返嚟」
「咁好啦」
我對於秒速拒絕阿健都有啲驚訝，就連Nicole見到我地對話都私下inbox我問點解，「做咩即刻say no嘅？你一直想同佢踢架喎？」
「係。。。但唔知點解呢一刻好想留喺呢隊，話晒球隊對我咁好，而家又上咗軌道，我走咗好衰仔咁，留多兩季啦，真係冇成績咪到時再算」
「嗯，只要唔好後悔就得，你做咩決定我都支持你」聽到Nicole咁撐我， 我個心都定一定，會盡力令到自己唔後悔。到底重情重義係優點，定係缺點？對於我嚟講，可能因為重情，所以離唔開曾經，放唔低過去。因為重義，所以唔捨得交集，忘不了當初。不過，我相信可以拿捏好尺度，堅持自己嘅原則同底線去做事。

踢西甲都未超越林嘉瑋

淨係睇第１季好難講，可能虛火，而家有埋第２季就肯定係

香港外援都係踢西乙b

都幾好睇 點解咁少人推

踢波開咗竅就ok
代表人物：藍斯
反面教材：巴神（竅開咗一半

呀健應該諗住可以係羅拔仔手上搶返男主可惜

（九十三）

呢一日，教練同我講有轉會offer，問我係咪reject，我話係，不過我都想知係唔係李城開offer，佢話唔係，而係另一枝西甲球隊畢爾包，呵呵，咁更加唔會轉啦，轉過去然後倒戈，冇撚嘢啊？雖然倒戈係好正常嘅事，不過我唔想咁反骨，啱啱養大我就走在情在理都講唔通。教練亦都問我有冇經理人，我唔想俾佢知拉奧拿搵過我，就求其鳩up話有考慮敷衍了事。唔知我再搵拉奧拿，佢會有咩反應呢？


今年歇冬我同Nicole冇得見，一方面我有小傷要抖，另一方面佢大學u life好忙咁，成日都要忙project。我對於大學life都算期待，因為我想知咩係大學5件事，可能比同齡人早出嚟賺錢，甚至有少少知名度，會令有啲人羨慕，但孤獨的心又有誰共鳴？望住ig其他中同一個又一個咁post u life，我都好羨慕佢地，我甚至連中學畢業都未有，算係人生嘅一種遺憾。講起上嚟，啲外國球星個個ig都非常精彩，而我仲係private緊，只有自己識嘅人follow，睇嚟要整返個Yau Ma Official先得，提高知名度。於是我開多個ac，post之前拎盃嘅相，拎mvp嘅相，同幾張生活照，再follow晒隊友，其他西甲球員，甚至傳媒，基本上乜都follow，然後like佢地啲post，好快啲隊友都fol返我，甚至馬體會嘅沙奧同高基都有。


歐霸32強抽籤我地對手只係尼科西亞，應該輕鬆過關。相反，李城抽中波圖，好想睇阿健對波圖係點，應該係硬仗一場。歇冬後頭幾場同第一循環一樣，都係比較輕鬆，不過依然係3勝2和冇進步，因為一來我兩場因傷缺陣，二來roberto拎紅牌停場。之後呢一週對我地係地獄賽程，因為先要歐霸32強作客去到塞浦路斯打尼科西亞，然後星期六要返嚟對巴塞，之後週中主場繼續打歐霸，再星期六又要作客對華倫西亞，一個唔小心影響全季成績。忽然慶幸自己唔係而家受傷，同埋國皇盃出咗局，唔係一定應付唔到，worst case係歐霸出局加上聯賽輸晒。歐霸首回合我地抱住唔輸當贏心態去作客，結果全場比較保守下成功守和0:0，可以返到聯賽主力打巴塞。由於巴塞同愛斯賓奴係敵隊關係，所以每次比賽都有火花，今場亦唔例外。上半場雙方加埋已經拎6面黃牌，兩邊人都比較燥底。不過roberto好沉得住氣，俾人侵犯幾次都仲冇乜嘢，只係從佢凌厲眼神知道佢而家極度認真，出盡120%力，就算贏唔到都唔可以俾巴塞贏，呢種眼神傳染埋我，都令我更加熱血沸騰。不過下半場一開始就一盤冷水兜頭淋落嚟，48分鐘美斯由中路開始，第1個扭過我，然後再1扭3到禁區頂燙遠柱入波。嘩屌，睇到我都呆喺度，終於明白咩叫最佳觀眾，真係近距離睇住佢表現。唔得，我一定要拎返個風頭，只要有一刻高光表現，報紙就會將我個名同美斯拍埋一齊嚟報導。

push

push

阿健對波圖

好想睇呀健對波圖

（九十四）

我知道靠我地技術未必攻得入對面，唔好話攻，分分鐘禁區都未必入到，於是我嘗試帶鬆個波，搵到空位就直接起腳。第1球離門25碼射到差成起碼十個波位，有少少離譜，不過我繼續試，我諗我咁嘅表現可能會被評好低分，因為太過浪射。第2球直情離門30碼照射，今次中目標，可惜太正中龍門接實。唔知係對面廢時俾我偷到雞定點，碧基都要行上前mark住我等我冇咁易起腳，結果就造到個空位，摩蘭奴一個福至心靈嘅向前起步，我即刻地波劏俾佢。「咇！」旁證舉旗，吓？！我屌啊？！越乜撚嘢位啊？！主場雞都唔洗咁掛？！我激動到走去同旁證理論，結果球證話我行為不檢吹我一張黃牌，我累積黃牌夠數，下場對華倫要停賽了。


呢隻雞激發我怒火，我諗成世人到而家最嬲就係今次。布斯基斯開出罰球，短傳俾美斯，我即刻上前攔截，雖然美斯身材矮細，但佢下盤穩超級穩，完全撞唔跌。佢推過我一刻，我夾硬向前行多一步，食佢位食一半，不過呢吓夾硬令我重心不穩跌低，同時亦少少咁撞跌佢，「咇咇」球證輕短雞聲示意犯規，行到我面前指住我做最後警告，不次不論大小犯規都會俾多張黃牌趕我出場。Roberto見我情緒失控都走嚟拉開我，撫摸我背脊叫我calm down，過咗去就由佢。


係，時間無多，我再冇發細路仔脾氣嘅時間。90分鐘，我左路拎到波帶球上前，布斯基斯再埋嚟防我，我小碎步向前推，突然一個加速推甩佢準備大腳傳，佢唯有拉我衫，我當然順勢跌落地搏罰球。 呢個位置。。。左禁區邊外。。。真係有啲難度，難到巴塞搵美斯做人牆咁睇我唔起。好！就兜巴刮落美斯塊面到，等佢記住我！我瞄準龍門大腳掘落去，粒波超高拋物線去到小禁區頂，龍門判斷錯誤企出兩步，結果粒波突然曲墜向下笠死佢，追成1:1平手。


我地瘋狂慶祝，好似贏咗冠軍咁，始終逼和到死敵係非常令人振奮嘅一件事，尤其作客到巴塞主場魯營球場，更加有種兜巴聲嘅感覺，主場雞得咁爽？！完場時離開球場，我去搵美斯握手，佢亦好大方咁同我握，仲接受我交換球衣嘅要求，睇嚟佢應該記住我啦。返到去我將佢件衫post上ig，然後tag佢，我ig啱啱突破1萬fans，9成都香港人架啦，每次見到加油嘅留言都係其中一種源動力。冇幾耐，美斯居然嚟我個post留言話good freekick，仲要follow埋我，當然即刻接受啦，忽然有啲期待聽日嘅報紙會點報導。好可惜，只係話我罰球成功逼和，相係用我地慶祝緊而巴塞球員掩頭落寞作為對比，並冇用我大頭相，屌！


嚟緊主場對尼科西亞唔難踢，半留力情況下2:0輕取對手，成功晉級16強，半留力係指roberto同摩蘭奴唔到65分鐘，因為領先2:0就被換離場休息，並冇我份，因為我星期六要停賽，呢場踢盡都冇問題，就係咁完成一個禮拜3場踢足90分鐘嘅賽事，攰到一個點，可以趁停場爭取休息。另一邊箱，阿健艱苦踢到加時小勝1球晉級。緊接嘅16強同8強我地兩隊都成功擊敗對手躋身4強，離約定只差一步。

gay

幾時有得睇

push

（最終章）

可惜，天意弄人，4強抽籤結果揭曉，我地正正係4強對手，估唔到呢一仗會提早來臨。聯賽去到第34輪，我地近幾仗都可以保持到不敗，暫時排第8，距離第6名嘅目標近在咫尺。教練知道阿健同我都係香港人，特登問我可以點樣對佢作出針對性佈署。其實佢同中學已經唔係同一個人，我嘅意見未必有用，只係我知道佢有小習慣未改，就係往往佢扭波去邊個方向，佢眼神就會望嗰個方向，就算動作幾假，插花幾熟都係咁，習慣改唔到就係改唔到，只希望我地防線可以減低被佢硬爆嘅機會，畢竟而家佢係英超天之驕子，早幾日佢已經入到英超第20球，替球隊鎖定前4，得到來季歐聯資格。。。我地呢兩輪聯賽對下游球隊都比較留力，領先1:0後就收走主力。阿健仲誇張，之後對韋斯咸因為插水被兩黃一紅趕離場，隨後英格蘭足總話佢行為不檢停兩場，即係點？即係佢抖到對住我地先再出場，都唔知佢係咪特登咁樣做去休息，因為我相信佢真係做得出。


為咗呢個4強，球隊上下一心去訓練，只要擊敗呢個強敵，就真係有希望奪得歐霸盃冠軍，雖然另一邊4強有已經2連冠嘅西維爾，不過今季聯賽對住佢都係2和，真係決賽中立場打上嚟都未知鹿死誰手。球隊由季初41212陣式改為而家433偽9，摩蘭奴轉打右翼，效果更加好，而我繼續作為3中場企前啲嗰個。除咗因為摩蘭奴射術，速度，盤扭都好好，適合打右翼之外，呢個組合令我諗起中學我，阿健，加上sky右翼嘅組合，我搵返當年踢波嘅感覺，精神面貌明顯開朗咗，決斷力同執生能力都提升唔少，亦造成1+1+1>3嘅化學反應。除咗我同摩蘭奴有化學反應，roberto作為3前場嘅中間，我地採用倒三角版433，將roberto收入嚟做偽9，因為佢身形做唔到單箭頭。。。不過仲好，因為偽9陣式令佢機動性提升，因為佢不嬲都鍾意周圍走搵機會，可以去右邊玩三角短傳，去左邊都得，喺禁區內等我手術刀傳送，甚至做策應前鋒幫我手，樣樣都有。


終於，戰歌響起，第一場先作客到李城。Nicole 嗰邊有個澳紐軍團日假期，加埋學校走一兩日堂，砌到幾日時間飛去英國睇我地比賽，順便一齊敘舊。呢場喺香港球壇係話題戰，因為咁樣兩隊各自有香港人喺歐霸4強踢都係第一次，香港記者都盡量爭取時間同我地喺球員通道外做訪問。望住球場上閃耀嘅佢，我回憶起以前踢波一點一滴。由以前一齊踢麥當勞，再踢青苗，然後我克服斷腳加入中學校隊拎冠軍，之後成為職業球員一齊為香港隊出賽。雖然情同兄弟，不過呢一刻落場無分你我，我一定會盡力踢。


咦？前面個靚女咁似Kassie？望真啲真係佢，上前同佢say hi，「嗨Kassie，好耐冇見啦，咁好嚟睇阿健踢波嘅？」好耐冇見Kassie，而家識化妝打扮嘅佢已經同中學兩個樣，富家女氣質出晒嚟，估唔到阿健咁識食。
「嗨阿佑～London過嚟咁快，緊係嚟睇啦，睇我bb點樣贏你，哈哈哈～」
「而家咁口響，一陣你bb輸咗唔好喊喎」
「你唔好喊就真～唔講啦，我要搵位坐，你地加油～」
「係嘅，拜拜」
「八婆～等埋我吖～」等陣！！呢把聲。。。？！


我順住聲音望過去，見到Charmaine拎住薯條汽水喺人群中逼緊過嚟，佢望住我方向，只係招牌瞇眼笑點頭打招呼示意，然後快步跟上Kassie，而我就呆住企喺度，估唔到呢度會見過佢。。。「喂！呆晒嘅你？搞咩呀？」Nicole突然拍我膊頭，搞到我嚇一嚇。。。
「哦。。。冇嘢啊～」我好順口咁話冇，Nicole應該唔會知掛？知咗都冇嘢啦？不過講出去嘅說話就係收唔返，我又再次為咗嗰個女人呃Nicole。。。我永遠唔會知道嘅係，其實Nicole拍我膊頭前已經企喺我後面見到Charmaine，而Charmaine嘅點頭係因為Nicole揮手打招呼，只係Charmaine一手拎汽水一手拎薯條，揮唔到手先至點頭示意，個點頭根本唔係對住我。


「冇就快啲去準備啦，唔好諗咁多」Nicole用手推走我，催我快啲準備。
唔好諗咁多呢5隻字當頭棒喝，令我清醒返回到現實，我亦都永遠唔會知道呢一句係有心同我講，因為我只會以為Nicole見我分神，而無心插柳講呢句令我專心返。比賽一觸即發，阿健無端端對住我露出邪魅笑容，而我見到亦忍唔住笑，可能係兩兄弟惺惺相惜，又或者從隊友變成隊手嘅感覺好特別，雙方腎上腺素急劇上升，預咗會有一番龍爭虎鬥。


「咇！」比賽開始，到底誰勝誰負？

加速

畢爾包好似淨係會揾巴斯克人踢

係,甚至心口都係搵巴斯克企業