【校園】【足球】【少甜】溝到女神後我決定......

一輪遊

屌

push

Push

（八十四）

話就話加操，不過始終歇冬期，點都要抖抖，於是我跟roberto返佢巴西家鄉。佢屋企喺里約熱內盧一個叫羅西尼亞嘅貧民窟，老實講冇佢帶住我都唔敢去呢啲地方，因為我見到有細路揸住手槍周圍走。。。Roberto平時死慳死抵份糧，然後每月寄錢返嚟，佢屋企生活已經改善好多，起碼住緊磚頭同水泥起嘅屋，有電視有wifi仲有獨立廁所，同我想像好唔同。我諗，呢個區算係貧民窟入面有錢地區？我廢時好似歧視佢，就冇向佢深究呢個問題。


後尾我同個細路打招呼，原來佢地唔會為難遊客，相反仲會好熱情，帶手槍只係保護幫派地盤，10歲就咁。。。睇到我心嗡一嗡。呢幾日roberto帶我周圍玩，然後會抽時間去海灘踢波，佢重心咁穩就係因為由細海灘踢波而訓練，技術就去爛石屎場練。不愧係足球王國，我去石屎場踢波，幾乎所有人都可以當我雪糕筒話過就過，而且的波技術比我好唔知幾多倍。只有幾日時間係冇可能學識，唯有盡量吸收重點，然後自己用返出嚟。呢幾晚我地都係出去食，最後一晚Ro媽話煮大餐當係多謝我照顧佢個仔。薯粉，巴西餃，巴西烤肉腸，肉排，都算係啱我胃口，非常好食。


返到去距離聯賽重開仲有大約一星期，可以把握時間繼續操。Nicole亦都買好機票，決定1月18-22嚟，日數咁短嘅原因係單單坐飛機來回都要超過48小時。。。邊有咁多時間，而且佢仲要準備入大學，佢考到monash嘅bachelor of psychology，應該真係好勁，因為佢開心到講好耐，仲話冇諗住考到。於是我地見面嘅行程好多嘢要慶祝，苜先要補返一周年，然後補祝返我生日，之後係慶祝佢考到心儀大學，最後預祝我升上一隊。開心得嚟帶點悲哀。。。如果成日見到就唔需要咁樣一次過補祝慶祝預祝。。。


聯賽重開後頭2輪我一共一入球一助攻，狀態fit到漏油，可以喺20號場波使出120%實力，一來Nicole會入場睇，二來會對啱啱升上榜首嘅希杭。我又出現返喺體育報紙上，因為記者訪問roberto時佢提起我，我唔理係咪占光，起碼都叫做有我名出現。媒體俾咗個朵我地，「黑白雙子星」幾型，我鍾意。


巴塞1月天氣14度左右，唔算凍，非常舒服。呢日Nicole著白色tee，襯件牛件外套出現喺我面前。化上淡妝，加上一把清新短髮，御姐味好重，越大越識打扮，睇嚟我都要認真學打扮，襯返起佢先得。對上次出現喺度仲係朋友身份，呢次已經變成女朋友，而且超過一年，不得不慨嘆時間飛逝嘅速度，唔知道如果我唔過嚟，選擇喺香港繼續讀書，生活會點呢？

今晚仲有冇啊樓主

冇，正常一日一更

巴西烤肉腸

樓主 條女有冇ig?

來自ro媽

帶假鳩

push

完全認唔到

（八十五）

一直望住電話內嘅合照，終於成為現實嘅相見。雖然分隔兩地，但大家都等緊對方，就算有幾攰，都只係想聽見對方嘅聲音。每晚碌手機期待對方傳來嘅訊息，幾多個漫長黑夜嘅等待，終於見到佢，只想呢一刻好好擁抱，永不分離。「知唔知我有幾掛住你。。。」我陰聲細氣喺Nicole耳邊講，輕輕嘅吹風令佢忽然面紅耳赤。
「你有幾掛，我就有幾掛」我就鍾意佢呢一點，往往比直接回答更有味道，亦都成為我地日常溝通獨特方式。送完佢去酒店安頓好，我就要趕返球隊訓練，犧牲lunch time實在非常值得，「咁你好好休息啦，我返嚟嗰陣搵你」
「嗯，加油～」 收到伊人奉獻香吻，我就出門而去。


作為一名職業球員，我依然喺訓練保持專業，非常落力去操，冇因為趕住返酒店而揸流灘，同埋我冇諗住留低加操，所以要訓練課程入面加倍努力，去彌補冇加操嘅練習。今晚去返Caelis餐廳，就係上次三人行第2晚食嘅5星級餐廳，今次只有我地兩個，氣氛截然不同，我地亦嗌一份情侶套餐，將所有要補祝慶祝預祝嘅事項一次過搞掂。食完後返酒店換返套casual運動打扮，然後去返Jardins de Joan Brossa公園，當初我地互相透露心跡嘅地方去散步。


去到髮夾彎人造路，開始回想當天，「Nicole，記唔記得當時有嘢喺你耳邊飛，你驚到縮去我後面？」
「記得呀，我仲記得你幫我頂，俾佢咬咗幾啖，哈哈你好白痴～」
「唉，早知當時由得你俾佢咬」
「知唔知點解我會講嗰句？」
「邊句？」
「明知故問。。。」死啦，其實我真係有啲唔記得。。。
「點解？」我唯有敷衍帶過啦， 將個波拋返俾Nicole。
「因為我知道你會好為我著想，會好保護我，會好錫我，咁而家事實證明我冇睇錯呀～」
「而家會，將來都會！」我停地腳步，攬實Nicole。
慢慢行到當初表白嘅地方，我地都好有默契咁停低，「係呢Nicole，你當時expect我點答你架？」
「冇架，嗰陣忍唔住講出口，始終醉醉地，就將我內心諗法講出嚟」
「我真係嚇一嚇架，估唔到你咁直接」
「阿佑，多謝你」
「我多謝你至真，走咯，廢時返去太夜」
「嗯」


經過激情嘅一晚，翻雲覆雨過後，可能因為忍咗一年，一次過發洩出嚟嘅關係，第二日操練我居然有少少腳軟，不過對我狀態冇太大影響，而家嘅我可以話生涯以嚟巔峰，加上roberto大放異彩，有傳教練團有意將我地雙子星喺夏天提拔上一隊，可能只係教練對媒體嘅客氣說話，但對我地係非常之鼓舞。為咗百分百狀態出戰，呢晚Nicole都乖乖地冇引誘我。係，用到引誘去形容，皆因尋晚第一次過後，Nicole好似撻著制咁，非常主動，而且配合，令人回味無窮。

撻著制

（八十六）

雖然對住榜首，不過我地主場優勢，而且士氣好好，所以我地決定以攻代守，亦都得到回報。頭20分鐘都係試探式，到25分鐘左右，我地得到左邊角球，交俾右腳嘅我處理，我大腳直接斬入禁區，中堅Antonio搶點成功直接頂入，領先1:0返入更衣室。換邊後60分鐘，Roberto禁區頂被侵犯搏到罰球，我主射，粒波軌跡望落出界，「砰！」好彩。。。中內柱彈入，領先2:0，及後雖然我地輸返粒比數變2:1，不過78分鐘時，Roberto同右中場Jose策動攻勢，我走位向前跟上，Jose彈粒波俾Roberto，Roberto見到我已經到位，特登漏後，粒波嚟到我腳下，我望住前方龍門勁射，門將返唔切身鞭長莫及，我地領先3:1。而我呢個時候亦被調換離場，我望向後備席上面幾行嘅Nicole，作出一個振臂手勢，而佢亦舉起手指公回應我。賽後，我已2入1助攻，9.5分當選最有價值球員，係我職業生涯第一次，當係送俾Nicole嘅禮物啦。


「阿佑，好波呀！」我都係第一次聽到Nicole咁直接讚我
「唔可以衰俾你睇嘛～」
「今晚幫你按摩，辛苦你啦」
「嘿嘿嘿」
喺更衣室沖涼時，我居然嘔，原因唔知，可能食錯嘢？不過咁樣嘔一嘔，個人明顯虛，喺浴室行出嚟腳步浮浮，直接浴巾圍住腰去長櫈坐低低頭休息。Roberto見我面青口唇白，都走嚟問我有冇事，我話冇問題。我諗係今場chur太盡啫，的確70分鐘嗰陣已經喘緊大啖氣，但我唔理繼續衝，而家停落嚟個身體負荷唔到係正常。返到酒店Nicole亦察覺我面色唔妥，「阿佑，冇事嘛？面色咁差嘅？」
「頭先嘔一次，應該太chur，個身體唔慣啫，抖陣就得」
「有咩事一定要出聲呀，要記住你傷唔起」的確，如果我而家冧低，位置就會俾人搶走，所以我唔可以冧。
「放心，我會講，快啲幫我按摩啦～成身好酸啊」
按唔夠5分鐘，我太攰已經瞓到死豬咁。。。


之後兩日已經冇事行得走得，我諗純粹嗰陣身體頂唔住先嘔，定係因為比賽前共赴巫山，七出七入呢？睇嚟以後要注意返先得，唔係好易壞身子。好快又到機場分離一刻，其實我好好彩，因為我同Nicole互相了解對方生活所發生嘅一切，每日都會互相分享，拉近彼此心理距離。目送佢嘅離去，係時候要投入返球隊之中。只可惜，嚟緊5輪我表現浮浮沉沉，球隊表現亦一般，5場只有1勝1和3負。我發現，球隊成績已經同我狀態有掛鉤跡象，我表現唔好，就連帶中前場串連唔夠，前場唔夠供應，中場患得患失咁，只可以靠隊友個人實力硬碰硬夾硬嚟。教練見我咁，覺得係我太攰，於是26同27輪都將我放後備作輪換，而且叫我暫時唔好加操。的而且確，成效都幾顯著，成個人輕鬆咗，腳步唔再咁重，呢一年我都冇好好休息，為咗提升實力而chur盡，既然教練信任我，我係應該好好調節返自己節奏同身體機能，避免早熟早殘。

好唔好加返個85.5章作為【少甜】部分呢

加，睇撻制後Nicole
唔加，保留以前純情Nicole形象，點到即止

嘔？
有 隱 疾

咁又冇。。。美斯都會嘔啦

加 想睇Nicole有幾狂野

加 還掂Nicole打個車輪都曉高潮
今次冇潮吹唔收貨

羅拔仔仲係噤 care呀佑

push

梗係啦 有咗小羅拔仔