【校園】【足球】【少甜】溝到女神後我決定......

（五十四）


當日，

「咦佢post ig嘅？」放緊暑假嘅Nicole喺度碌ig，「唔知佢而家點呢，應該忙到唔得閒搵我啦。。。」
「原來佢冇follow我」
「睇嚟真係好忙，忙到夜晚都要跑步訓練，一定好辛苦。。。」
「我決定drop physics啦，浪費你一年心機。。。」
「係喎，結他可以彈佢鍾意嘅歌，唔知佢鍾意咩呢？」
以上，只係Nicole見到我ig follow佢之後嘅內心獨白，本來佢想覆我留言問我鍾意咩歌，但俾屋企人召喚去幫手之後就冇咗回事。。。


「唔？無端端follow我嘅，我本身又冇follow佢，唔通特登search我？搞咩呀。。。」
「哦。。。post自拍呃like，但點解要搵我出嚟呢？Charmaine有留言，應該搵佢先係嘛。。。」
「頂，咩英明隊長啫，4強開始係咁犯錯，決賽又唔係贏佢，哈，唔知醜」
「士但喺佢張自拍覆唔好偷懶算」
以上，只係Nicole見到我ig follow佢之後嘅內心獨白，唯一一點唔同係佢有覆返我comment。


之後每隔幾日我就有出post，內容有球場，城市，煮飯，訓練自拍，幾乎每張Nicole都會留言窒我，「冇入波唔好返香港」「煮完唔好俾其他人食」「出街係咪好多人歧視你」「影其他肌肉猛男啦，你冇嘢睇」旁人睇到可能會以為我得罪佢啲乜，咁樣狙擊我。可能呢個係我同佢溝通方式啦，其實Charmaine都有諗過留言，不過總係落唔到手，再加上佢覺得Nicole比佢更好，所以決定默默like就算。


Roberto簽約了，可以入B隊踢西丙，咁啱有個前鋒走咗，佢基本上唔傷都可以有正選踢。至於而家我喺U18已經踢緊攻中正選，就算冇入波冇助攻，關鍵傳送同攔截呢啲中場數據我都好亮眼，所以教練亦表示我繼續有好表現的話，會俾一個機會我。另一邊箱，阿健入到李城U21做後備，有機會喺英超U21出場。可惜，我地嘅賭約我輸咗，佢決定12月嚟西班牙搵我俾我包起。「Nicole都會嚟」
「哦？做咩無端端搵佢？」
「我一路仲有同佢傾偈，而佢繼續做我軍師」
「估你唔到喎？想溝人？如果係佢嘅，去得過啊，起碼好過Charmaine先」
「做咩你好憎佢咁」
「你真唔知定假唔知？」
「到底有咩瞞住我，你唔係第一次咁講」
「佢唔係有錢女囉，佢住緊地方唔係佢屋企」
「超。。。呢樣我早知啦，仲去過佢屋企添，以為有咩特別」
「咁得啦，就係咁，咁你同Nicole夾埋時間話我知啦」
「嗯」
一定唔止咁簡單，不過唔深究，始終過去咗嘅嘢再搵答案都冇意思。
「喂，你開個group add佢啦，我又想佢做我軍師」
「好啦好啦」
得到Nicole say yes後，我地就開個3人wtsapp group。

溝女係掩飾，搞基係正職

（五十五）


「11月12阿佑生日啊，不如就嗰個禮拜啦，去完佢嗰邊，就一齊嚟我呢邊，點睇」
「我ok呀」
「就咁話啦」
就係咁，我地定咗趁11月國際賽檔期比較得閒，12號個禮拜嚟西班牙，之後個禮拜去英國。


喺暑假時，我終於同Charmaine wtsapp返，不過內容大概係日常生活，大家嘅近況，同埋佢不斷呻9月開學嘅mock exam。原來佢冇耐前贏咗跳舞比賽冠軍，不過要考試同埋搭擋唔跳，嗰場應該係佢最後一場跳舞比賽。大家都好有默契咁冇提起以前嘅感情，可能因為唔想難得修補嘅裂痕又再出現。


時間日復日咁過，我依然喺預備組踢正選，幾乎每日練跑嘅我體能強化最多，從以前踢唔足學界全場，到而家慳住踢可以踢足全場90分鐘，至於身體素質方面，我冇以前操咁多，因為肌肉量不斷增加影響我嘅靈活性，我決定只係keep住現狀，可以接受俾大隻佬或者黑肉腸撞到飛起，只要唔好輸身位俾人搶波就得。


嚟到11月10號朝早，Nicole同阿健都已經起程嚟巴塞羅拿，話晒都叫旅行，我地決定巴塞玩三日，馬德里玩3日，然後飛去李城玩3日，倫敦玩3日。見到阿健一刻，我地相擁一齊，自從學界比賽後兩兄弟已經好耐冇見，再加上大家飄泊異鄉，見到最熟悉嘅人都分外惺惺相識。吹水差唔多一個鐘，Nicole亦拖住行李行出嚟。
「嘩，佢索咗好多喎」
「咁佢不嬲唔差嘛」
「咁你仲唔去馬？」
「痴線啦」
「你以前鍾意過人架喎，唔好唔認」
「超，咁又點」
「諗諗佢啦，喂～Nicole～」

「嗨阿健」Nicole著咗件黑色連身洋裝裙，加一件牛仔外套，電攣頭髮嘅佢顯得更有女人味，平時喺球場見佢比較sporty，今日真係第一次見佢呢種打扮，望到我個人呆晒，要阿健拍我先清醒返。
我地先去airbnb民宿放低行李，然後去我訓練場參觀，順便介紹roberto俾佢地認識，可惜佢呢排腳傷，行動唔方便，都係打個招呼見過面就走。簡單食個lunch之後就去奎爾公園玩，玩足一個下午先出返去食夜晚。


第二日我地去咗巴塞市入面啲乜乜之家，物物之家，巴塞市其中一樣出名嘅係一個建築師叫高弟，市內好多建築都出自佢手，鬼斧神工嘅佢為城市增加唔少色彩，其中出名嘅ｘｘ之家有米拉之家，巴特羅之家，好多好多。。。臨夜晚我地去巴塞版彌敦道，蘭布拉大道。蘭布拉大道兩邊有好多商店、餐廳、市場、花市，仲有街頭藝人表演，巴塞人晚餐時間都起碼8，9點先開始，所以我地買完手信後去酒店放低，然後沖個涼著得正式少少去Caelis餐廳，一間位於5星級酒店嘅餐廳，揀呢間嘅原因係因為佢地話想請我食生日飯，於是我就好唔客氣咁揀咗佢，反正佢地嘅食行都係我出，請餐貴少少嘅完全講得通啊。


Nicole依然著機場見到嘅黑色連身洋裝裙，不過外面就換成披肩，再加埋化妝，今次我睇到o咗咀。。。「今日你好靚」
「多謝」
「我都係第一次咁著喳，見係你生日俾面你」
「哈，多謝俾面～」


食完飯返民宿，阿健酒量好差，返嚟冇耐就瞓著，我唔係好眼瞓就喺廳睇戲，
「你仲未瞓嘅？」Nicole睇嚟個樣都仲好精神
「係啊，唔眼瞓，你呢？」
「我一飲酒就好醒神架」
「喂，不如去後面座山行下？」
「而家？認真？」
「係啊，我隨時行得架啦」
「哦，咁我入去換衫」

野戰

酒後亂性

男主既魔法師臨時執照無啦

夜晚仲走去行山 cls

（五十六）


Nicole換返sporty打扮，我就拎枝電筒以防萬一，帶兩枝水，同埋少少零食就起程。講係行山，但其實係Jardins de Joan Brossa公園，一座小山丘，俯瞰港口，有人造石級可以行去一個海景公園睇夜景。「望慣你運動型，都係覺得咁樣襯你多啲」
「咁我不嬲都行開運動路線架嘛」
「死啦，係咪咁行呢？」
「你識唔識架。。。唔識睇地圖我嚟啦」
「唔洗唔洗，呢邊」
「信住你先啦」
「成日都唔信我」
「次次信你之後都失望嘅」
「今次唔會，一定～」


終於行到去公園門口，「冇開喎頂你，話咗你信唔過」
「照入啦，有乜所謂，又冇人捉」
就係咁，我地闖入一個無人公園，好彩佢冇關燈，唔係嘅我有少少淆唔敢入。「咦原來呢度有纜車架？！」
「你係咪住呢度架。。。好似乜都唔知咁嘅」
「我又唔係住呢區，邊熟咁多地方啊」
「所以應該朝早地，好地地夜晚嚟做乜」
「咁下次同你再嚟囉」
「哦。。。」Nicole個樣若有所思，咀嚼緊我呢句到底有冇咩含義。


公園入面有條人造路好特別，有幾個髮夾彎，我地沿住呢條路一路行，兩旁有沙地有石像，如果日頭嚟嘅應該幾靚。「嘩！！」Nicole無端端尖叫然後企我另一邊，「做咩啊？」
「有嘢喺耳仔附近飛呀！妖，我真係痴咗線先同你呢個時候出嚟」
「你都成日同我癲開架啦，行啦，我企草呢邊幫你擋」
於是我同佢掉轉位，我行入面多草嘅一邊，「嗡嗡嗡」屌！乜鳩嘢喺我耳邊一直飛，但我要面子唯有死頂，偷偷地搵手一撥就算，呢個動作俾Nicole望到。。。經過唔知幾個髮夾彎，我地行到一個平台，決定坐低飲水休息陣，「嗱，行出邊冇嘢飛啦～」
「擰轉身」
「做咩？」
「叫你轉就轉啦」
「唔轉！」
Nicole起身行去我右邊，見到我塊面唔知咩嘢咬腫咗兩撻，「Sorry…」
「點解你知架？」
「頭先見到你撥」
「呃你唔到添～」
「抖完行啦，聽日仲要繼續玩架，快啲行完返去瞓」


繼續沿路行，穿過一條馬路就到海景公園，「睇吓個水池幾靚」
「俾個任務你，搵日日頭你嚟呢度影返啲相俾我睇，我諗日頭呢度好靚」
「好」
行多幾步就見到一個平台，面前就係海港，亦望到大半個巴塞城市，「呼～正啊，我地自拍一張啦」
「自咩拍啫」
「我要放ig打卡嘛」
「好啦好啦」
Nicole好cool咁企我膊頭隔離，嘴角微微一笑，海景夜景作為背景襯托。
「我地好似第一次合照？」
「唔計今日我地3個合照嘅就係囉，你真係諗住post ig架？」
「唔得架？等人羨慕我同你影」
「你唔驚邊個吃醋咩」
「Charmaine？都分咗手啦，有咩好吃喎」
Nicole唔講嘢，淨係飲水然後合埋眼感受海風，我就喺隔離偷影佢。


大約吹十幾分鐘，我地起程返去瞓。去到第一次去嘅平台，我地玩沙地上攀爬設施，玩完坐長櫈食埋啲食物，廢時拎返去。「玩緊咩呀？咁入神」
「咪post ig囉」
Nicole偷偷昅我post乜相，我post今日啲風景相，食物相，仲有我地3個合照，唯獨冇post同佢嘅合照，不過佢冇問我原因。「係呢，其實你係咪仲鍾意Charmaine？」
「可能冇，可能有啦，有又點冇又點喎，都分咗手啦」
「係咁，同你嗰位死咗嘅朋友比呢？」
「你都識講死咗啦，邊有得比喎，同埋鍾意佢嘅係阿健又唔係我」
「係咁。。。同我比呢。。。？」

唔要女 要巴西佬

文呢

（五十七）


「我個答案。。。遲咗2年算唔算遲？」
「唔算，但點解當時唔講，而家先講」一向硬朗嘅Nicole，雙眼漸漸泛紅，擰轉身背向我唔俾我見到。
「因為當時我驚失去你」
「咁而家你就唔驚啦喎？」
「驚啊，不過而家嘅我有咗答案」
「行啦，夜啦，聽日唔夠精神」Nicole冇望向我開始向前行。
一路上，我地再冇任何一句談話。。。


而第二朝我地都好似冇發生過任何事咁，直到阿健無端端鳩叫，打破寂靜嘅局面，「阿佑生晨快樂！！！～～～」
「生日快樂」
「多謝兩位～」
我地執好行李後出發，先去廣場百貨公司寄託行李，然後我地去聖家堂，有18座塔樓，12座代表耶穌的12 信徒、4座代表4大福音作者、1座係聖母瑪麗亞同1座最高塔象徵耶穌基督。教堂非常宏偉，莊嚴嘅氣氛亦令我地3個變得嚴肅，除咗影相留念，更多時間係細心欣賞牆身雕刻，去感受建築師帶俾呢一座贖罪教堂贖罪嘅氣息。


食埋中午就坐高鐵去馬德里，我地去青年旅館放低行李，休息一陣就繼續行程。第一站先去主廣場感受市區嘅喧囂熱鬧，然後去附近嘅聖米格爾市場掃街，買手信，買小食返旅館食。同傳統市場好唔同，呢度非常乾淨，而且挑高明亮，行得非常舒服，我地買唔少生火腿即場食同做手信，市場仲有海鮮檔，即場買生蠔即場食，然後去熟食檔買幾味餸同啤酒，呢度買酒分分鐘平過買水，應該又係不醉無歸嘅一日。


正如我所料，酒量唔好嘅阿健飲冇幾啖已經面紅，本身佢對酒精有敏感所以好少飲，呢次旅程可能兩日已經飲佢一年份量。而我同Nicole就只係慢慢飲慢慢食，唔知係咪尋晚嘅事，搞到非常尷尬，唔知點樣開口好。阿健頂唔順去廁所，趁呢個時候我就開聲，「做咩尋晚唔俾我講埋落去，咁急住走」
「唔洗啦，個答案冇遲到，我亦好滿意」
「咁咪係囉，既然滿意做乜仲一副咁嬲嘅樣」
「唔知2年前你肯講嘅，我地而家會點呢」Nicole拎起酒杯輕輕搖，臉上泛紅嘅佢眼神恍惚咁望住酒杯。
「對唔住」
「放心，我冇怪你～」
「係啊，我鍾意你」
「嘩嘩嘩，我點答你好」
呢個時候阿健返嚟，「返去啦。。。」
「你好唔掂咁喎」
「係啊，啱啱嘔」
「係啦係啦，之後唔灌你飲」我發現我地三個飲得最多嘅就係佢，起碼佔一半，唔怪得佢咁辛苦啦。


「喂！到啦！醒啦」的士到旅館門口，阿健瞓到死豬咁
「我地扶佢入去啦」Nicole非常無奈
我將阿健由的士扯出嚟，然後同Nicole一人一邊搭膊頭扶佢入去。
「我沖涼先啦，你幫佢換衫又好，點都好，搞掂佢啦，冇理由要我女仔做架嘛～」
「得啦，你去啦」
話說回來，我都係第一次幫男仔寬衣解帶。。。
屌，都係唔幫佢換，又臭又熱，理得佢死


我將手信放返好，然後坐喺床度玩ig，碌咗陣Nicole行出嚟，佢頭包住毛巾，雙手喺度抹頭髮，身上只係著住一件白色浴袍，慢慢咁行去我前面張檯坐低，翹腳。此情此景，小佑慢慢抬頭。

究竟幾多人想睇剝阿健件衫

加速

屌
我聞到一陣甜味同聽到瀑布嘅聲音

第一次幫男人寬衣解帶小佑.....

（五十八）


「拎酒嚟飲啦」Nicole塊面非常紅，而且眼神有啲迷幻，睇嚟沖完涼都係消唔到佢啲酒氣
「你仲飲啊？」
「飲水啦，我斟俾你飲」我起身行去茶水櫃
「唔要」佢伸手拉住我，用力一扯，我失平衡唯有即刻搵張櫈坐低
「係啦係啦，拎俾你」我行去拎酒拎薯片


「阿健咁渣就咪飲咁多啦，哈哈，瞓到豬咁」
「因為佢都知我唔飲得，幫我頂啫，佢由細到大都幫我頂架啦」
「吓？！乜你都唔飲得架？你兩個係咪男人嚟架」
「嚴格嚟講我今日先正式係男人～」
「頂你啦，最叻講呢啲」
「識我咁耐你知我份人架啦～」
「所以成日摸唔透你，唔知你邊句真邊句假」
「唔係架，你係拆穿我最多次嘅人」
「冇用啦，拆穿唔到你個心」講完Nicole飲一大啖酒
「其實你想由我親口講出嚟啫」我亦一大啖飲落去，「嘩，都唔明酒有咩好飲，你澳洲飲好多？」
「一時時啦，同roommate飲多」
「男仔嚟架？」
「有男有女，你吃醋呀？嘿嘿」
「係啊，知道自己鍾意嘅人同男仔住埋一齊邊會好受架」
「咁你可以定，其中一對係情侶，另外嗰個有女朋友」
「4個人住？」
「嗯，都係香港人，所以玩得好埋好fd」
「咁咪幾好，我喺度想搵個香港人都冇」我又飲多一大啖
「又話唔飲得，飲到咁狼死，因住飲肥呀」
「一次半次啫，嚟，飲杯」
Nicole同我敲酒杯，不過飲多一陣佢就頂唔順趴喺檯到瞓，「挑，以為你真係好飲得添，差啲俾你呃到」


我扶佢返上床，望住佢合埋眼面紅紅嘅樣，忽然覺得佢都有幾分可愛，堅強嘅背後仍然有顆少女心。我起身準備返自己床，忽然有隻手拉住我，「馬天佑」
我擰轉身坐落張床，Nicole起身，上半身烏向前，錫落我塊面度。
「你塊面咁乾架」
「我另一面都好乾」我擰轉另一邊面，佢再錫落嚟，維持5秒後頭慢慢移開，我地互相對望，頭慢慢靠近，嘴唇慢慢貼近。
Nicole有一刻想掙扎，不過濃厚嘅酒氣將我地團團包圍，呢種味道令佢頭暈腦昏。蜻蜓點水式冇耐，我放開佢，喺佢耳邊講，「你瞓低」
「嗯」
佢瞓返低，我左腳跨過佢條腰，然後跪坐形式坐佢上面，我烏低身，今次嘅吻更加兇猛、侵略，我溫柔咁輕舔著佢嘅唇瓣，然後柔軟嘅物體開始侵入佢口腔，「屌」Nicole講完呢句，直接放開僅餘嘅理智，伸出舌頭去纏住我，我雙手抱住佢頭，熱烈吸吮起佢口中嘅蜜液，兩人嘅唾液喺唇舌交纏中互相融合，房間亦傳來「啜，啜」聲音。


我翻開被，包埋自己，我地兩個身體都喺同一張被內，我望一望佢，嘴巴露出邪惡嘅笑容，然後就伸入被窩內，解開浴袍，然後輕輕錫佢白滑心口，再移向激凸嘅葡萄，用櫻桃形容應該更適合，粉紅色而又乾淨嘅乳暈，嘴巴開始啜吮佢左邊乳房，「嗯。。。」同時左手掌心柔軟處，覆蓋佢右邊乳房，作圓形按摩，感覺到乳頭已經勃起，將乳頭輕輕夾喺我兩隻手指之間，作前後緩慢摩擦，右手亦不安分咁向下移，忽然，一隻手阻止我右手行動，唔俾我摸落去，「唔好。。。我未ready…」
「sorry」
「唔洗」Nicole雙手勾我頸，將我拉落佢面前，我地繼續接吻。我地吻得難分難捨，一吻再吻，互相感受對方嘅味道，直至唇舌分離嘅一刻，藕斷絲連所牽帶出嘅銀絲直接證明我地激烈程度。

張圖嗰個女仔係邊個