【校園】【足球】【少甜】溝到女神後我決定......
妖一
779
回覆
73 Like
5 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
S_Vettel_5
2020-06-19 18:47:33
龍門撲走佢呀!!!
新讀者lm
粉紅玻璃心
2020-06-19 19:01:31
冇主角光環?
扮工閒人
2020-06-19 19:08:44
亞佑一定要反cup
妖一
2020-06-19 19:11:42
今晚繼續
賜個offer俾豬
2020-06-20 00:36:32
Fosu_Mensah
2020-06-20 01:44:20
香城首富
2020-06-20 02:01:00
push
妖一
2020-06-20 02:27:34
(健六,英雄路上)
「咇!」12碼喺我眼中係心理戰,只要我唔射得差就得,我瞄準龍門右下角,射地波過去,「噗!」舒米高捉到路,單手擋返出嚟,我腦海一片空白,身體瞬間下意識咁衝前飛剷,
腳尖掂到波。
球直飛右上角。
入網。
我企起身,隊友衝前攬住我,我先如夢初醒,知道我補射入網,振臂歡呼。呢一球,除咗宣佈我打入決賽,亦宣佈阿佑死刑,對比其他隊友坐地下,佢再次企喺度唔郁,眼神空洞望住龍門方向發呆。慶祝過後去返中圈開波,阿佑踢一腳後,球證吹雞完場,我過去攬住阿佑,同佢握手,呢一幕亦都成為香港報紙頭版。
如果要形容我同佢嘅分別,我會係比較風頭躉,言行舉止都比較出位,只係我大多收指示行動,適合做一名執行者。而阿佑比較沉實穩重,頭腦冷靜,係一個相當稱職嘅司令塔。從細到大我都好聽佢枝笛,望住佢依舊屹立喺場上,我好期待可以同佢踢同一隊衝冠,亦好期待等雙方去到生涯頂峰時再戰一場。
食住呢個勢,返到聯賽對曼聯,冇錯,又又係對曼聯,只要呢場贏到就基本上鎖定英超冠軍,只係經過愛斯賓奴一戰,體力未回得到氣,只可以打和1:1。好彩車路士同熱刺打和,我地領先第2名7分,聯賽只淨兩輪,亦即係我地提早兩輪鎖定聯賽冠軍,全市瘋狂慶祝第一個頂級聯賽冠軍。不過我地依然唔可以放鬆,之後兩場聯賽已經係例行公事,目前要專注就係歐霸盃決賽。
好可惜,不愧為歐霸盃專家,我地決賽以0:1輸俾西維爾屈居亞軍,我諗阿佑揼春揼到爆,因為佢地熟悉西維爾踢法,決賽有機會贏,只可惜成王敗寇,只怪愛斯賓奴輸俾我地。其實我同佢關係冇外界講到兄弟決裂,踢場波啫,球場事球場了,球場外依然可以拍膊頭稱兄道弟。
今年我成為英超主角,拎冠軍之餘亦成為神射手,自然受到唔少球隊歡迎。雖然我感情冇阿佑咁豐富,但我喺佢身上明白到飲水思源重要性。當日係球隊揀中我,今日球隊決定續我約加我人工,我決定簽紙留低,我並唔係唔想出外闖,只係而家未係時候。
嚟緊呢年英超挑戰更大,曼城積極擴軍,其他豪門不甘示弱,我地資金唔多,更慘嘅係防中主力簡迪離隊,中場少咗一道強力屏障。不過我地唔怕,我地有嘅係拼勁,有嘅係團隊,有嘅係信念同鬥志。今季係第一次打歐聯,我地亦不敢怠慢,加緊訓練。至於阿佑好遺憾,聯賽打唔入前4,今季只有歐霸打,未能同佢再次對決。
英超列強實力增加唔少,再加上我地分心歐聯,亦都唔知點解狀態踢極都踢唔起,聯賽5連敗而且頭6場零入球。完成首循環十九場聯賽,輸咗九場,僅得20分排聯賽榜第十五位,簡直慘不忍睹。不過歐聯相當醒神,分組賽以六戰四勝一和一負嘅成績首名晉級16強。經過抽籤,歐聯16強對手再次係西維爾,喺我眼中,有仇必報!
首回合作客到西維爾,非常難踢,而且作客始終腳頭唔順,最後輸1:2。返到主場皇權球場,我地再次搵返熟悉嘅快速跑動戰術,同埋充滿默契嘅邊路小配合。呢場波我地非常搏命,55波好多都會去盡,西維爾都被我地呢股氣勢嚇倒,我相信天道酬勤,只要付出努力就一定得到幸運女神眷顧。我地極艱難取得2:0領先優勢,總比數領先3:2,只要呢個比數完場我地就可以晉級8強。球隊士氣非常高昂,為咗保持呢個賽果,我都加入協防。全隊展現穩固防守嘅看家本領,保持住極高嘅防守注意力驗,加上舒米高神勇撲出12碼,我地眾志成城保住2-0嘅勝果,成功晉級8強。
英格蘭嘅球隊從來唔缺奇蹟,不過要令人刻骨銘心,就唔可以令人跌眼鏡,雖然聯賽成績係shit,不過呢條歐聯英雄路上,我地仍然咬緊牙關。我地創過護級奇蹟,創過英超奇蹟,而家要邁向歐聯奇蹟,就算技術唔夠皇巴拜,憑住拚勁同團結亦可以殺出一條血路,亦都係我地反cup西維爾嘅方程式。我抓住僅有嘅機會,用令人熱血上湧嘅搏殺去拚一個明天。嚟緊8強對上屆亞軍馬體會,比西維爾更強,更難打。
首回合作客僅僅輸1:0,相似嘅劇本準備再次上映。可惜今次幸運女神冇再企我地呢邊,次回合主場只係26分鐘就被沙奧尼古斯頂入,總比數落後2:0,佢地有1個作客入球,換言之我地需要連入3球先可以反勝晉級。永不放棄,61我成功執死雞起腳射入追成1:1,仲有兩球!我地一路攻一路施壓,但係馬體會亦都出名熱血防守,結果呢一仗再次由熱血防守勝出,成功保住1:1賽果到完場,不過熱血防守嘅唔係我方,而係馬體會,恭喜佢地晉級。
歐聯出局後,要專注返聯賽,如果唔係真係降班。聯賽5連勝,升返上第11位,脫離降班威脅,最終球隊以第12名結束,雖然成為史上最廢衛冕,不過今季都無憾啦。。。季尾收到曼聯offer,我決定轉會,完成小時夢想。佢地今季拎到歐霸冠軍,來季有得打歐聯,我可以再戰英雄路,呢個亦係我轉會最主要原因。而阿佑完季後亦宣佈轉會巴塞,巴塞同樣有得踢歐聯,我同阿佑默默中再次相約對方決戰英雄之巔!
妖一
2020-06-20 02:29:06
而家係阿健篇
黃洋大哥
2020-06-20 10:41:42
想睇阿佑轉會嘅來龍去脈
Fosu_Mensah
2020-06-20 17:27:02
健=vardy
妖一
2020-06-20 17:44:55
阿佑篇會有
幻彩射汪汪
2020-06-21 03:50:13
健係華dee,阿佑係邊個?
肉醬意粉絲
2020-06-21 09:51:39
Wu Lei
妖一
2020-06-21 14:10:34
(佑一,中資球隊)
「咇!咇!咇!」第二回合踢成2:2,總比數輸4:5出局,算係雖敗猶榮啦?對方係英超榜首,係一隊贏到英超列強嘅李城,只係僅僅出局,都算對得住支持我地嘅人啦。阿健走嚟同我握手,雖然頭先同佢有碰撞,不過完場後我地依然係兄弟,「恭喜晒,決賽加油」
「嗯,今場打得好好」
「大家咁話」
然後我地以一個世紀握手作為場波嘅句號。
輸咗歐霸並唔係末日,我地仲要為聯賽前6奮戰。唔只李城有英超神話,西甲都有愛斯賓奴神話,季尾連贏幾場,成功打上第5名,得到來季歐霸入場券。歐洲足協公布嘅西甲最佳陣容,我同roberto都入選呢個陣容嘅後備,得到球壇認同。下一年,我要做到正選。
轉會窗開啟,我同roberto仲有摩蘭奴都決定留隊,因為我地望到希望,上年可以入歐霸4強,而且聯賽有第5,成績已經超出預期。今季大家都更加成熟,而且默契越來越好,球隊為咗更進一步,羅致後防老將迪米捷利斯,希望用經驗穩住後防,前中後都齊腳,我地加緊訓練,蓄勢待發。
聯賽開鑼,開季我地相當順利,頭6場都以4勝2和排緊第2。雖然我人在西班牙,但對於香港大事我都好關心。兩年前雨傘運動我會喺ig出post,而今年雨傘兩週年,我亦都出post,甚至喺手臂帶黃絲帶比賽。以前我無名小子,呢啲言論冇乜人留意,但而家唔同,喺香港已經累積唔少知名度,所以我黃絲言論惹來唔少小粉紅攻擊。其實點解無端端咁惹人注意?最大原因係愛斯賓奴成為「歐洲五大聯賽首支中資控股球隊」,呢個朵係球隊自己改,同時都係事實。今年1月,陳雁升成為球隊大股東,所以愛斯賓奴喺國內有唔少人留意。當然,作為黃皮膚人嘅我,自自然然被成為中國人,被成為中國之光。
雨傘兩週年,我發表黃絲言論無疑係刺激到佢地玻璃心,嚴重到陳老闆親自接見我,希望我專心踢波,注意自己言行。西班牙媒體不嬲好鍾意八卦新聞,我呢單新聞簡單充滿話題性,於是越炒越旺,同時班小粉紅玻璃心繼續碎滿一地,又繼續煽風點火。結果第7場聯賽我被列後備,最後冇出到場。愛斯賓奴嘅背景係親國家,我呢種分裂言論喺呢種球隊出現,有違球隊本身宗旨。雖然有部分球迷撐我,覺得每個人言論都唔應該愛限制,但同時唔少愛斯賓奴死忠覺得我要離隊,覺得我唔配呢隊波。呢個時候,碧基出嚟發聲,話如果我被球隊拋棄,巴塞大門會為我面開。吓。。。做乜越搞越大件事?
妖一
2020-06-21 14:11:44
阿佑就係阿佑
金智秀老公係我
2020-06-21 14:53:03
碧基嗰度好大個伏筆講阿佑去巴塞
妖一
2020-06-21 14:55:26
不得不說愛斯賓奴呢隊波個設定太完美
背景,地理,同巴塞嘅關係,完美fit落個故
賜個offer俾豬
2020-06-21 15:50:11
碧gay永遠係出口術嗰個
肥仔跌落渠
2020-06-21 15:55:33
拼圖王沙維呢
妖一
2020-06-21 17:44:57
(佑二,餘波未了)
之後週中主場嘅歐霸盃比賽,看台上出現YAU OUT嘅標語,都係班中國人舉。至於球隊官方就發聲明話已經訓斥我,只係官方微博特登出篇文章屌鳩我,當然我當呢啲冇到,都唔痛嘅。其實球隊近年已經冇咁親西班牙,國家使命冇當年咁重,連會徽,球隊名都轉用有加泰地區色彩嘅文字,希望更加貼近加泰地區。只係部分上年紀,加上遠洋東方嘅忽然球迷先會上綱上線,對我口誅筆伐,先將件事小事化大。
加泰地區一直都想獨立於西班牙,呢方面巴塞唔少球員雖然唔會講支持,但唔會反對,碧基係當中嘅表表者。碧基不嬲言行都出位,佢算係西班牙球壇入面最直接撐加泰嘅球員,甚至話踢完2018世界盃就退出西班牙國家隊,好多人都估佢會轉踢加泰代表隊。今次佢出聲話巴塞為我打開大門唔係空穴來風,一來政治立場上雖然我唔係加泰人,但都係同屬黃絲,但更重要係美斯向球隊引薦我。自從ig事件後,每次同巴塞嘅比賽美斯都會來搵我握手,甚至我喺街上撞到幾位巴塞球員,我地都會合照。所以當碧基打開口牌,如果我向佢地送秋波,呢單轉會真係可能成事,對此Nicole叫我踢埋今季先好諗,「你踢埋今季先啦,我知道係辛苦,不過你嘅努力球迷係有眼睇。咪有得嗰班忽然球迷囉,反正件事過咗佢地就唔會搞你,如果你今季踢得好,有頭有尾咁,好嚟好去,唔會變成25仔地步。」
冇錯,所以我要用表現要班人收聲。跟住嘅聯賽,國皇盃,歐霸我都發揮高水準。半季過後,我地聯賽排第3,歐霸再次小組賽出線,國王盃亦晉級16強,只係對手係皇馬。。。本來我嘅風波已經過去,但對皇馬又燒返起。結果我地輸波無緣再進一步,但中國媒體吹到皇馬化身正義之師擊倒我呢個港獨分子。陳老闆又再搵我,希望我公開道歉,我睬佢都on99,最後同佢嘅見面不歡而散,我亦有咗初步決定。
我私下搵roberto傾,話就話同佢係好拍檔,但促膝談心咁去傾心事又好似未試過,始終佢比阿健更波牛,冇我咁多愁善感,而且傾心事我搵Nicole就得啦。當我同佢講來季有機會分開,佢表示支持我每一個決定,唔會怪我離隊,始終都明白到愛斯賓奴唔係大會,我地冇可能一世留喺度,終有一日都要分道揚鑣,只係時間問題。雖然唔可以一齊衝擊歐聯,但拎到國王盃都已經係令人滿意嘅結果。好兄弟!從第一日佢好熱情咁招呼我,熱情到我懷疑佢係gay,到而家我地一齊打天下,一齊去闖一片天,原來已經過咗幾年。將來嘅事冇人知,但我有預感,將來一定會同佢比賽。
On99_hk
2020-06-21 17:51:28
而家港隊係咪已經係亞洲一線
妖一
2020-06-21 17:58:14
得兩條友好難做到乜嘅
波黑有比真歷同迪斯高都只係入過一次2014世盃,分分鐘連日韓都打唔贏,香港隊唔計兩位主角,其他人連波黑嘅人車尾燈都見唔到,邊做到亞洲一線
可憐男小職員
2020-06-21 18:03:48
前面入埋後面都唔夠失
妖一
2020-06-21 18:17:59
詳情可參考2014,2015利記
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞