妖一
2020-06-14 02:32:42
(Charmaine1,狂舞派)
今日DSE放榜,我緊張到瞓唔著。其實最主要原因,係尋晚同阿佑講出真相,雖然只有一半,但內心紓壓咗好多。對唔住,阿佑,原諒我嘅自私,而家先講出嚟,我唔可以做啲乜贖罪,只希望你同Nicole幸福。返到學校又見到佢,有佢旁住我拎成績表,個心都冇咁慌。「yes!」我考得非常唔錯,應該入到理大物理治療。其實我本身想讀醫,同佢拍拖時,偶爾一句「我到時做物理治療師幫你醫腳傷吖~」就係呢句改變我諗法,雖然以後唔可以幫你按摩陪你睇醫生,不過只要你見到我為曾經嘅承諾作出努力,我就心滿意足。
JUPAS結果出,我入到理大物理治療,總算得償所願,屋企賣完樓後債務問題都搞掂,雖然由大屋搬細屋,環境冇以前咁好,不過我相信我冇問題的!我新人入到大學無人無物,第一時間緊係報返個 ocamp玩啦,我報大o玩,班姊姊仲話我玩ocamp可以出pool,不過現階段我冇呢個諗法。自從分手後我都沉醉喺傷痛同內疚之中,我唔可以再傷害真心鍾意我嘅人,而且我個心入面阿佑仲佔最大位置,所以報status我都報自己O1。
雖然係咁,組爸依然展開激烈攻勢,不斷chur我同男朋友之間嘅事,而另一個組仔好似想護花咁spin走個topic,其實都幾搞笑。到第2日玩屎塔,我第一次眾目睽睽之下大嗌「我係屎塔!」我而家先知原來我都幾玩得~之後玩毛毛蟲,我坐組爸後面用腳夾住佢條腰。。。到底邊個諗呢隻game架,發明者真係造福唔少男仔。其實原本對組爸冇乜嘢,後來佢喺毛毛蟲途中係咁抽我摸我小腿,掂下都算啦,由腳腕摸到上膝頭喎,仲要成日昅我。。。唔怪得聽組媽講佢一直溝唔到組女啦,咁鬼chur係人都唔鍾意啦。哈~老實說,ocamp有時係尷尷地,不過都幾青春熱血,都令我開心唔少。
後來我入咗danso,先知狗公比想像多。曾經有人話danso係姣婆遇著脂粉客,我只係著靚少少透過舞蹈表達情感啫,冇溝仔囉好冇?樂觀啲諗,班仔見到我會ff嘅,證明我都有吸引力吖,某程度上都算另類嘅讚美~雖然danso好chur,不過學業上我都冇甩,算唔上top,但比下有餘。平時要練舞,訓練體能,準備舞台道具。同時又要上堂、交功課同溫書,真係好辛苦程度。不過我唔後悔,可以喺度學識堅持,鍛鍊意志力,算係我大學入面最大得著。
我參加咗Joint U Mass Dance,簡直係燃燒GPA吧,幾個月嘅深耕細作,當成功喺舞台上閃閃發亮,聽到觀眾嘅掌聲,就係最鼓舞人心嘅激勵。練舞其間有個靚仔MK叫hinson,成日撩我,佢算係最唔狗公嘅一個,起碼冇chur我嘅行為,亦唔會話我唔受溝之後就冇再聯絡。關於佢,一切要由某個星期五開始。。。