以前小學比同學帶咗返去，正正就係狗公財果cell(當時好似係大火團)，細細個諗住去玩下咁，都冇留意啲乜。返咗幾次冇返。
之後到咗中學，唔記得中二定中三，有個中學同學又叫咗我返，開始諗住返去玩下，結果之後覺得佢地好好人，個個星期都返，當時已經轉咗做翱翔軍，期間都叫咗唔少同學返，不過冇個返長。
之後到咗中四既時候，佢地見我返咁耐都未升家員，就開始係咁叫我升家員，之後我去左交表同in家員，不過就一直都過唔到。不過果時就開始諗，上帝係唔係真係咁睇一個人呢？去到中五就開始慢慢用唔同理由唔返，離開左。
之後有次佢地佈道會係咁叫我返，咁我見冇乜事做，返去望下咁，見到當時一齊返教會既人好多都走晒，有幾個就做咗助導/升咗團。
依家諗返起，就會覺得自己當時係唔係痴線，個個星期都返，平日有嘢做又會返去搞到夜返屋企。諗起都覺得自己撞邪
係咪浪費左好多光陰
浪唔浪費睇你點諗，果時入咗影音，學到唔少嘢既，好多時冇去采排，做咗專業台前
至少影音果段啲時間唔覺得浪費。不過教會制度就真係好有問題，好似逼人信咁，又逼人點點點。返得耐既有啲真係比人洗左腦咁
