個病都斷斷續續病發,上年七八月開始係咁肚痛,一日最少屙七八次,屙到我出血,個人就好擔心究竟有咩事,無哂心機。
最慘係失眠加慢性胃炎引致既胃酸倒流,每晚都無覺好訓。
我係老闆見你返工日日去廁所,無黎精神,都想炒你啦。
而且我本身份工唔可以出錯,所以我唯有quit左佢。
肚痛未肯定腸易激個時,入埋院照埋腸鏡,都無特別問題。醫生叫我搵精神科調教下藥既劑量。
返明心樓睇醫生較藥,食左一個月左右,宜家個肚又好撚痛,唉。
如果唔係有老婆,我一早好似以前咁尋死,點解有情緒病就會連帶其他慢性疾病黎折磨我?一緊張就好肚痛,心情低落又肚痛,出一陣街又肚痛,唔出街係屋企又肚痛,胃酸又係,曾經一排晚晚凌晨兩三點要煮野食塞住個胃,因為太多胃酸。
唉 你真係好辛苦 我其實同你差唔多 我一出街就會呼吸唔到 已經試過送院送兩次 我依家成日覺得恢復翻正常身體好似一種好難既感覺咁 好辛苦好辛苦 有時訓訓下 突然又透唔到氣 唉 但係我一定唔會放棄 因為放棄我就輸曬 唔放棄我就係贏