新人報到
自兩三年前開始就一直keep住焦慮/抑鬱(?)
其實我冇睇過醫生
其實我冇同過任何人講/冇任何自傷紀錄，又好似冇身邊嘅人覺得我有問題
其實係依家呢刻比較以前，身體已經冇咁大反應
（以前會不停失眠，精神極度緊張，成個人都好攰咁）
生活一直咁去，好多事都好似好順利，算係想要嘅野都仲可以靠自己得到
但最近開始去到分水嶺，比我有個機會一直行以前嘅路落去，或者放棄
但其實我知道係呢一年入面我好似比呢樣野影響左好多，我好難信任一個人，但環境上我必須要接觸好多唔同嘅人
每次見到呢d人我就會瘋狂咁諗佢地對我有危險，佢地嘅神情同話語都可以令我有無限嘅幻想
加上身邊好多事都唔係真係好得心應手，搞到自己好難有信心行落去
最近仲要有親人過世，成日一諗起番就會瘋狂咁喊，但同時係要面對人個陣我可以極度理智，好似同平時冇分別咁
其實我唔清楚自己嘅狀況係咩
我好奇呢d只係我本來性格嘅一部分，唔知睇唔睇醫生好
網上做過焦慮/抑鬱嘅test都好高分
加上睇過d人格障礙嘅描述，我覺得好似，但又會諗自己係未諗多左
有時候好想𠝹手，咁就可以成為一個真正嘅精神病人
生活中都有好多野想逃避，但我知道我一停底就可能剩係識得困係屋企，好怕咁樣會比人標籤一世，但我真係好攰
Sorry打左千字文，如果你睇到呢度我會好多謝你
可能某啲事令你個性格變得悲觀，你唔鐘意呢個性格or個性格同常人太唔同就可以算病，相反你接受到又冇攻擊性我覺得唔係病
當然，一個開心樂觀既人生相信係比較多人嚮往
其實我係覺得我呢種性格對我依家行緊嘅路有好多阻撓，而我都好想改變
但我唔知關唔關精神病事
我發作到要入醫院
