(再重貼,如有需要請置頂)
其實點解咁多人仲可以唔明白Avg4嘅時間旅行設定?
我想幫手解釋下。
1. 改變過去嘅事情,唔會影響到現在,只會衍生一個新嘅平行時空。
2. 所以一開頭已經畫公仔畫出腸咁同你講,佢哋唔會返去以前殺Baby Thanos,因為咁都係於事無補,死咗嘅人照舊返唔到嚟,Thanos 滅世事件照舊會發生。
3. 簡單啲講就係,你返到過去改變歷史,只會產生左平行宇宙B、C、D、E,你本身生存緊嘅平行宇宙A係唔會有咩影響,冇嘢會改變左。
4. 所以點解Nebula明明槍殺左2014年既Nebula,但係自己唔會消失。因為改變過去,冇影響到現在。
5. 古一同Hulk 個段對話非常關鍵,就係你拎咗舊石其實已經衍生左好多唔同嘅平行宇宙,咁我哋點先可以修正,將timeline 變返做一條,唔係好多條呢?
辦法就係有借有還,用完啲石之後就還返去佢嗰個專屬時空,咁就可以回歸返一個平行宇宙。
6. 所以當captain 還返晒所有石之後,timeline 就變返一條,佢就可以安心返去佢嗰個年代溝女啦。
佢只要隱姓埋名,唔暴露自己美國隊長嘅身份,就唔會影響到歷史。
另一邊廂,身處喺同一個時空,同一個世界嘅captain 就可以繼續做返佢要做嘅事,解除冰封,成為復仇者聯盟成員,跟住經歷avg1-3,然後又再出發還石頭。
咁呢個時候,溝女結埋婚老左嘅captain 趁另一個自己走咗之後,就出返嚟搵返Falcon。
7. 所以係最後,主角群身處嗰個時空應該曾經有兩個美國隊長,一個就隱姓埋名結婚個平凡人生活,一個就履行返拯救世人嘅職責,做英雄。
如果解釋錯咗麻煩咁多位巴打修正,就咁睇落應該就冇bug